69 مەملەكەت پەن حالىقارالىق ۇيىم «ءبىر بەلدەۋ، ءبىر جول» دارىپتەمەسى اياسىندا جۇڭگومەن سەلبەستىك كەلىسىمىنە قول قويدى
2017.08.18 15:38 كەلۋ قاينارى : حالىق تورابى
حالىق تورابى، 18 – تامىز، بەيجيڭ. مەملەكەتتىك دامىتۋ جانە رەفورمالاۋ كوميتەتىنىڭ 17 – تامىزداعى حابارىنا قاراعاندا، قازىرگە دەيىن ەلىمىزبەن «ءبىر بەلدەۋ، ءبىر جول» دارىپتەمەسى اياسىندا سەلبەستىك كەلىسىمىنە كەلگەن مەملەكەت پەن حالىقارالىق ۇيىم 69عا جەتكەن، جەلىلەس بولىمدەر اراسىنداعى سەلبەستىك «بەس جاق جالعاسقان» ٵر سالانى قامتىعان.
مەملەكەتتىك دامىتۋ جانە رەفورمالاۋ كوميتەتى جاۋاپتى قىزمەتكەرىنىڭ ايتۋىنا قاراعاندا، «ءبىر بەلدەۋ، ءبىر جول» دارىپتەمەسى مەن رەسەيدىڭ ەۆرازيا ەكونوميكالىق وداقتاستىعى، قازاقستاننىڭ «نۇرلى جول» باعدارلاماسى، ساۋد ارابياسىنىڭ 2030 - جىلعى جوسپارى قاتارلى ستراتەگيالار ءبىر - بىرىمەن ۇندەستىك تاۋىپ، «جۇڭگو – موڭعۇليا – رەسەي ەكونوميكالىق كاريدورىن سالۋ جوسپار- جوباسى» باستاپ جۇرگىزىلگەن.
اتالعان جاۋاپتى ادامنىڭ ايتۋىنشا، ەلىمىز كاسىپورىندارى «ءبىر بەلدەۋ، ءبىر جول» ەكونوميكاسىن دامىتۋعا بەلسەندىلىكپەن قاتىناسقان. جاكارتا - باندۇڭ جوعارى قارقىندى تەمىر جولى، جۇڭگو - لاوس جوعارى قارقىندى تەمىر جولى، گۋادار قاتارلى ولشەمدەندىرىلگەن نىساندار تەز قارقىنمەن سالىنىپ، دايجيبوت – اديسابانا تەمىر جولى، مومباسا تەمىر جولى قاتارلى نىساندار ءساتتى پايدالانۋعا بەرىلگەن، جۇڭگو – بيرما شيكى مۇناي تاسۋ تۇنەلى رەسمي پايدالانۋعا بەرىلگەن. جۇڭگو – ەۆروپا كەزەكتى پويەزى جيىنى 4000عا جەتىپ، ەۆروپانىڭ 12 مەملەكەتى پەن 31 قالاسىنا قاتىناعان. ەنەرگيا ٶندىرىس سەلبەستىگى بارعان سايىن تەرەڭدەپ، قازىرگە دەيىن قازاقستان، ەفيوپيا قاتارلى 30دان استام مەملەكەتپەن مەحانيزمدەندىرىلگەن وندىرىستىك سەلبەستىگىن دامىتقان. ساۋدالىق قارجى قوسۋ توقتاۋسىز جوعارىلاپ، بيىل العاشقى جارىم جىلدا ەلىمىز كاسىپورىندارى «ءبىر بەلدەۋ، ءبىر جول» بويىنداعى 47 مەملەكەتكە 6 ميلليارد 610 ميلليون ا ق ش دوللارىندىق قارجى قوسقان، بۇل ۇقساس مەزگىلدەگىمەن سالىستىرعاندا 6 پايىز ارتقان.
ەلىمىز فينانس قۇرىلىمدارى فينانس سەلبەستىگى كەڭىستىگىن اشۋعا بەلسەنە قاتىناسقان. مەملەكەتتىك اشۋ بانكەسى، جۇڭگو يمپورت – ەكسپورت بانكەسى «ءبىر بەلدەۋ، ءبىر جول» بويىنداعى مەملەكەتتەرگە جيىنى 320 ميلليارد ا ق ش دوللارىندىق قارىز تاراتقان، جىبەك جولى قورىنىڭ شەتەلگە قوسقان قارجىسى 6 ميلليارد دوللاردان اسقان. ەلىمىزبەن «ءبىر بەلدەۋ، ءبىر جول» بويىنداعى 22 مەملەكەت پەن رايون اقشا سىندىرىلىمى كەلىسىمىنە قول قويعان، جالپى اقشا حالىق اقشاسىمەن ءبىر تريلليوننان اسقان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
