- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جەر جانە قورا - جاي تىزىمگە الدىرۋ اقىسى سياقتىلار تۇگەل كۇشىنەن قالدىرىلدى
تۇراقتى مۇلىكتى تىزىمگە الدىرۋ اقىسى جونىندەگى جاعداي ايقىندالدى
2016.08.03 13:10
قازىنا مينيسترلىگى مەن مەملەكەتتىك دامۋ – رەفورما كوميتەتى جۋىقتا «تۇراقتى مۇلىكتى تىزىمگە الدىرۋدا اقى الۋعا قاتىستى ساياساتتىق ماسەلەلەر جونىندەگى حابارلاندىرۋىن» جاريالاپ، تۇراقتى مۇلىكتى تىزىمگە الدىرۋدا اقى الۋ، الماۋ جانە از الۋ سياقتىلارعا قاتىستى ناقتى جاعدايلاردى ايقىندادى. حابارلاندىرۋدا تۇراقتى مۇلىكتى تىزىمگە الۋ قۇرىلىمدارى بەلگىلەمە بويىنشا تۇراقتى مۇلىكتى تىزىمگە الۋ اقىسىن العاننان كەيىن، بۇرىنعى قاتىستى تاراۋ جاعىنان الىنعان جەر تىزىمگە الدىرۋ اقىسى، ءۇي تىزىمگە الدىرۋ اقىسى، ورمان ۇقىعى كۋالىگى اقىسى، سونداي – اق تۇراقتى مۇلىكتى تىزىمگە الدىرۋ، كەڭەس سۇراۋ، كوبەيتىپ باستىرۋ، سپات سياقتىلارعا قاتىستى باسقا اقى الۋ تۇرلەرىنىڭ تۇگەل كۇشىنەن قالدىرىلاتىندىعى بەلگىلەندى.
حابارلاندىرۋدا بىلاي دەپ اتاپ كورسەتىلدى: تومەندەگى 8 ءتۇرلى جاعدايدا تۇراقتى مۇلىكتى تىزىمگە الدىرۋ اقىسى كەشىرىم ەتىلەدى: وتباسى كوتەرمەگە الۋ نەمەسە باسقا فورمالارمەن كوتەرمەگە الۋ ارقىلى اۋىل شارۋاشىلىعىنا پايدالانىلاتىن جەرگە يە بولعان اۋىل – قىستاق كوللەكتيۆ ۇيىمىنىڭ مۇشەلەرى جەر كوتەرمەگە الىپ تيجارات جۇرگىزۋ ۇقىعىن تىزىمگە الدىرۋعا ءوتىنىش ەتسە؛ وتباسى كوتەرمەگە الۋ نەمەسە باسقا فورمالارمەن كوتەرمەگە الۋ ارقىلى ورمانعا، ورمان مەنشىك ۇقىعىنا، سونداي – اق ورماندى يەمدەنۋگە قول جەتكىزگەن اۋىل – قىستاق كوللەكتيۆ ۇيىمىنىڭ مۇشەلەرى ورماندى جەردى كوتەرمەگە الىپ تيجارات جۇرگىزۋ ۇقىعىن تىزىمگە الدىرۋعا ءوتىنىش ەتسە؛ اۋىل – قىستاق كوللەكتيۆ ۇيىمى جاعىنان پايدالانىلعان مەملەكەت مەنشىگىندەگى اۋىل شارۋاشىلىعىنا پايدالانىلاتىن جەرلەردە ەگىمشىلىك، ورمانشىلىق، مال شارۋاشىلىق، بالىقشىلىق سياقتى اۋىل شارۋاشىلىق وندىرىسىمەن زاڭ بويىنشا شۇعىلدانىپ، جەر كوتەرمەگە الىپ تيجارات جۇرگىزۋ ۇقىعىن تىزىمگە الدىرۋعا نەمەسە مەملەكەت مەنشىگىندەگى اۋىل شارۋاشىلىعىنا پايدالانىلاتىن جەردىڭ پايدالانۋ ۇقىعىن تىزىمگە الدىرۋعا ءوتىنىش ەتسە؛ اۋىل – قىستاق كوللەكتيۆ مال – مۇلىك ۇقىعى ءتۇزىمى رەفورماسى سەبەبىنەن جەر، ءۇي سياقتى ناقتى ۇقىقتىڭ وزگەرۋىنەن تۋىنداعان وزگەرىستى تىزىمگە الدىرۋعا ءوتىنىش ەتسە؛ قورا – جايمەن ءبىر تۇلعالانعان اۆتوكولىك ءۇيى، اۆتوكولىك تۇراعى، قامبا ءۇيى سياقتىلاردى تىزىمگە الدىرعاندا، تۇراقتى مال – مۇلىك تاۋەلدىلىك كۋالىگىن نەمەسە تىزىمگە الدىرۋ سپاتىن ءوز الدىنا بەكىتىپ تاراتۋعا بولماسا؛ اكىمشىلىك رايونىنىڭ وزگەرۋى سەبەپتى تۇراقتى مۇلىك ورنالاسقان كوشەنىڭ، قاقپا ءنومىرىنىڭ نەمەسە قوراي – جاي اتىنىڭ وزگەرۋىنەن وزگەرىستى تىزىمگە الدىرۋعا ءوتىنىش ەتسە؛ ۇساق، شاعىن كاسىپورىندار (جەكە تيجاراتشىلاردى قامتيدى) تۇراقتى مال – مۇلىكتى تىزىمگە الدىرۋعا ءوتىنىش ەتسە؛ مەملەكەتتىڭ زاڭ جانە زاڭ – ەرەجەلەرىندە كەشىرىم ەتىلەدى دەپ بەلگىلەنگەن باسقا جاعدايلار.
تۇراقتى مۇلىكتى تىزىمگە الۋ اقىسى الىنۋعا ءتيىستى جاعدايلار مىنالاردى قامتيدى: قورا – جاي سياقتى قۇرىلىستاردىڭ، قۇرىلمالاردىڭ مەنشىك ۇقىعى مەن ونىڭ قۇرىلىسقا پايدالانىلاتىن جەرىن پايدالانۋ ۇقىعى، قورا – جاي پايدالانۋ ۇقىعى نەمەسە تەڭىز الابىن پايدالانۋ ۇقىعى؛ قۇرىلىستار، قۇرىلمالار سالىنباعان قۇرىلىسقا پايدالانىلاتىن جەرلەردىڭ پايدالانۋ ۇقىعى نەمەسە قورا – جاي پايدالانۋ ۇقىعى؛ ورمان، ورمان مەنشىك ۇقىعى جانە ول يەلەگەن ورماندى جەردى كوتەرمەگە الىپ تيجارات جۇرگىزۋ ۇقىعى نەمەسە مەملەكەت مەنشىگىندەگى ورماندى جەردى پايدالانۋ ۇقىعى؛ ەگىستىك جەر، كوگالدى جەر، سۋ الابى، قايراڭ سياقتىلاردىڭ جەردى كوتەرمەگە الىپ تيجارات جۇرگىزۋ ۇقىعى؛ جەر پايدالانۋ ۇقىعى؛ كەپىلگە قويۋ ۇقىعى. وسى 6 ءتۇرلى جاعدايدا مەملەكەت جەر بايلىعى مينيسترلىگى مەن اۋدان دارەجەلىدەن جوعارى تۇراقتى مۇلىكتى تىزىمگە الۋ جەرگىلىكتى قۇرىلىمدارى تۇڭعىش رەتكى تىزىمگە الدىرۋ، وزگەرىستى تىزىمگە الدىرۋ، جوتكەۋدى تىزىمگە الدىرۋ، تۇزەتۋدى تىزىمگە الدىرۋ رەسمياتىن بىتىرەدى، باسقا ماقساتتا تىزىمگە الدىرعاندا تۇراقتى مۇلىكتى تىزىمگە الۋ اقىسىن الۋ ءتيىس.
ۇعىسۋعا قاراعاندا، مەملەكەت جەر بايلىعى مينيسترلىگى مەن اۋدان دارەجەلىدەن جوعارى جەرگىلىكتى ورىنداردىڭ تۇراقتى مۇلىكتى تىزىمگە الۋ كىرىسى ورتالىق مەملەكەت قازىناسى مەن جەرگىلىكتى مەملەكەت قازىناسىنا جەكە – جەكە تولىق سومادا تاپسىرىلىپ، قازىنا مەجە ەسەبىن باسقارۋ كولەمىنە ەنگىزىلەدى. ەرەجەگە قايشى بىرنەشە كۋالىك بىتىرگەندەردىڭ، الىناتىن اقىنى ازايتقانداردىڭ، كەشىرىم ەتكەندەردىڭ نەمەسە كەشەۋىلدەتكەندەردىڭ «قازىناعا قايشى ارەكەتتەرگە قاتىستى ايىپ سالۋ، جازالاۋ ەرەجەسى» مەن «اكىمشىلىك سيپاتتى اقى الۋ مەن كىرىسىن، كىرىس - شىعىسىن تاركىلەۋ ەكى جەلى بويىنشا باسقارۋ ەرەجەسىنە قايشىلىق جاساۋ جونىندەگى اكىمشىلىك جازانى ۋاقىتتىق اتقارۋ بەلگىلەمەسى» سياقتى مەملەكەتتىڭ قاتىستى بەلگىلەمەلەرى بويىنشا، زاڭدىق جاۋاپكەرشىلىگى قۋزاستىرىلادى. (شينحۋا اگەنتتىگى)
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
