مەملەكەتتىك دامۋ – رەفورما كوميتەتى: مەملەكەت مەنشىگىندەگى 981 كورىنىس رايونىندا بەلەت باعاسى ارزانداتىلادى
2018.09.30 13:34 كەلۋ قاينارى : حالىق تورابى
شينحۋا اگەنتتىگى، 29 – قىركۇيەك، بەيجيڭ (ان بەي، ما رۇي) مەملەكەتتىك دامۋ – رەفورما كوميتەتىنىڭ 29 – قىركۇيەكتە مالىمدەۋىنشە، 28 – قىركۇيەككە دەيىن، جەر – جەر مەملەكەت مەنشىگىندەگى 981 كورىنىس رايونىن تەگىن اشۋ نەمەسە بەلەت باعاسىن ارزانداتۋ تۋرالى قۇجاتتى اتقاردى نەمەسە وسى جونىندە الەۋمەتكە حابارلاندىرۋ جاريالادى، مۇنىڭ ىشىندە 5A، 4A دارەجەلى كورىنىس رايوندارى 70 پايىزدان اسادى.
مەملەكەتتىك دامۋ – رەفورما كوميتەتى جاۋاپتىسىنىڭ ايتۋىنشا، 981 كورىنىس رايونىنىڭ ىشىندە 74 كورىنىس رايونى تەگىن اشىلادى، 907 كورىنىس رايونىنىڭ بەلەت باعاسى ارزانداتىلادى. بەلەت باعاسىن ارزانداتقان كورىنىس رايوندارىنىڭ ىشىندە، 491 كورىنىس رايونىنىڭ بەلەت باعاسىن ارزانداتۋ مولشەرى %20تەن اسقان، 214 كورىنىس رايونىنىڭ بەلەت باعاسىن ارزانداتۋ مولشەرى %30تەن اسقان. بەلەت باعاسىن ارزانداتقان كورىنىس رايوندارىنىڭ ىشىندە يۇننان، شاندۇڭ، گۋاڭشي، شانشي قاتارلى جەرلەردەگى كورىنىس رايوندارىنىڭ سانى كوبىرەك بولعان. يۇنناننىڭ تاس ورمانى، داليداعى ءۇش مۇنارا، يۇيلۇڭداعى قارلى تاۋ، گۋاڭشيدىڭ گۇيلين وڭىرىندەگى ليجياڭ وزەنى، فۋجيانداعى ۋ – يشان تاۋى، حۋنانداعى جاڭجياجيە، شانشيدەگى قۋىرشاق جاساق، جياڭشيدەگى ساينچيڭشان تاۋى، شينجياڭداعى قاناس كولى سىندى جۇرتتىڭ نازارىن اۋدارىپ وتىرعان كورىنىس رايوندارىنىڭ ءبارىنىڭ بەلەت باعاسى ارزاندادى.
بيىل ماۋسىمنىڭ سوڭىندا، مەملەكەتتىك دامۋ – رەفورما كوميتەتى «مەملەكەت مەنشىگىندەگى كورىنىس رايوندارىنىڭ بەلەت باعاسىن بەلگىلەۋ مەحانيزمىن كەمەلدەندىرىپ، مەملەكەت مەنشىگىندەگى ءتۇيىندى كورىنىس رايوندارىنىڭ بەلەت باعاسىن ارزانداتۋعا جەتەكشىلىك ەتۋ جونىندەگى پىكىرىن» باسىپ تاراتىپ، بەلەت باعاسىن بەلگىلەيتىن وزىندىك قۇن قۇرىلىمىن ۇيلەسىمدى تۇراقتاندىرۋ، باعانى باسقارۋ تاسىلىندە جاڭالىق جاراتۋ، باعانى بەلگىلەۋ ءتارتىبىن قاتاڭ اتقارۋ سىندى جاقتاردا مەملەكەت مەنشىگىندەگى كورىنىس رايوندارىنىڭ بەلەت باعاسىن بەلگىلەۋ مەحانيزمىن كەمەلدەندىرىپ، قىركۇيەكتىڭ سوڭىنا دەيىن باعاسى قىمباتتاۋ بولعان مەملەكەت مەنشىگىندەگى كورىنىس رايوندارىنىڭ بەلەت باعاسىن ارزانداتۋدا كورنەكتى ونىمدىلىككە قول جەتكىزۋگە كەپىلدىك ەتۋدى تالاپ ەتتى.
مەملەكەتتىك دامۋ – رەفورما كوميتەتىنىڭ قاتىستى جاۋاپتىسى مىنانى باسا دارىپتەدى: جەر – جەردەگىلەر كورىنىس رايونىنىڭ بەلەت باعاسىن بەلگىلەۋ ءتارتىبىن جۇيەگە ءتۇسىرۋدى، كورىنىس رايوندارىنىڭ قىزمەت وتەۋ ساپاسىن جوعارىلاتۋىنا جەتەكشىلىك ەتۋدى كۇشەيتىپ، باعاسى تومەندەگەنىمەن ساپاسى تومەندەمەۋىنە كەپىلدىك ەتۋى كەرەك. ۇعىسۋعا قاراعاندا، جۋىردا اقپارات قۇرالدارى اڭىس ەتكەن ءىشىنارا كورىنىس رايوندارىنىڭ بەلەت باعاسىن ارزانداتۋ مولشەرى ماردىمسىز بولۋى نەمەسە كورىنىستە ارزانداتقان سياقتى بولعانىمەن، ءىس جۇزىندە ارزانداتپاۋى سىندى ماسەلەلەر جونىندە مەملەكەتتىك دامۋ – رەفورما كوميتەتى ارناۋلى تۇردە باقىلاۋ-تەكسەرۋ جۇرگىزىپ، جەر – جەردەگىلەردەن قاتاڭ ءبىرجاقتىلى ەتۋدى، جۇرت نازار اۋدارىپ وتىرعان ماسەلەلەر جونىندە دەر كەزىندە جاۋاپ قايتارۋدى، باعانى ارزانداتۋدى شىنايى اتقارۋدى تالاپ ەتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
