«قوس باتىس» تاس جولىنىڭ جۇڭگو - قازاقستان بولىگىندە اۆتوموبيل قاتىنادى
قورعاستان الماتىعا دەيىنگى تۇتاس ارالىقتا جوعارى قارقىندى تاس جول تۇتاستى
2018.09.28 14:00 كەلۋ قاينارى : شينجياڭ گازەتى
تىلشىلەرىمىز چىن چياڭۋي، جاۋ جىيۇن 9 - ايدىڭ 27 - كۇنى قورعاستان حابارلايدى. 9 - ايدىڭ 27 - كۇنى تۇستەن كەيىن قازاقستاننىڭ جۇك اۆتوموبيل شوفەرى ءبالىمجان جۇڭگونىڭ ىدىس - اياعى تيەلگەن جۇك اۆتوموبيلىن جۇرگىزىپ، «قوس باتىس» تاس جولىنىڭ جۇڭگو - قازاقستان بولىگىندەگى شەكارا تۇيىلىسىنەن ءوتىپ، جۇڭگونىڭ قورعاس تاس جول شەكارا وتكەلىنەن قازاقستاننىڭ نۇرلى جول تاس جولى شەكارا وتكەلىنە قاراي جولعا شىقتى. سول كۇنى «قوس باتىس» تاس جولىنىڭ جۇڭگو - قازاقستان بولىگىندە اۆتوموبيل رەسمي قاتىناپ، جۇڭگونىڭ جوعارى قارقىندى تاس جول تورىن قازاقستاننىڭ جوعارى قارقىندى تاس جول تورىمەن تۇتاستىردى ءارى ءۇشىنشى ەلگە دەيىن ۇلاستىردى.
«قوس باتىس» تاس جولىنىڭ تولىق اتى − ەۆروپانىڭ باتىسىنان جۇڭگونىڭ باتىسىنا دەيىنگى تاس جول، شىعىستا جۇڭگونىڭ ليانيۇنگاڭىنان باستالىپ، باتىستا رەسەيدىڭ سانت - پەتەربۋرگىنە دەيىن ۇلاسىپ، ەۆروپا تاس جول تورىمەن تۇتاسادى. «قوس باتىس» تاس جولىنىڭ جالپى ۇزىندىعى 8445 كيلومەتر، جۇڭگو شەكاراسى ىشىندەگى ۇزىندىعى 3425 كيلومەتر، رەسەي شەكاراسى ىشىندەگى ۇزىندىعى 2233 كيلومەتر، قازاقستان شەكاراسى ىشىندەگى ۇزىندىعى 2787 كيلومەتر، ول − «ەۆروپانىڭ باتىسىنان جۇڭگونىڭ باتىسىنا دەيىنگى» قاتىناس كاريدورى.
2017 - جىلى 11 - ايدا «قوس باتىس» تاس جولىنىڭ ەلىمىز ىشىندەگى بولىگى تۇتاستى. بيىل 9 - ايدىڭ 27 - كۇنى «قوس باتىس» تاس جولىنىڭ جۇڭگو - قازاقستان بولىگىندە اۆتوموبيل قاتىناپ، جۇڭگونىڭ قورعاس قالاسىنان قازاقستاننىڭ الماتى قالاسىنا دەيىنگى ارالىق بۇرىنعى 378 كيلومەتردەن 306 كيلومەترگە قىسقاردى، جولعا كەتەتىن ۋاقىت بۇرىنعىدان 2 ساعاتقا تاياۋ ازايدى.
اۆتوموبيل قاتىناۋ ورنىندا قورعاس جين - ي حالىقارالىق ساۋدا توبى شەكتى سەرىكتەستىگىنىڭ باس جوراسى يۇي چىڭجۇڭ قاتتى تەبىرەندى، سول كۇنى قورعاس تاس جول شەكارا وتكەلىنەن شەكارادان شىققان 3 جۇك اۆتوموبيلىنىڭ ەكەۋىنە سەرىكتەستىكتىڭ قازاقستانعا ەكسپورت ەتەتىن مايلى شاپتولى مەن الماسى تيەلگەن. «سەرىكتەستىگىمىزدىڭ نەگىزگى كاسىبى قازاقستانعا جانە رەسەيگە جەمىس مەن كوكونىس ەكسپورت ەتۋ. بۇگىن <قوس باتىس> تاس جولىنىڭ جۇڭگو - قازاقستان بولىگىندە اۆتوموبيل قاتىناپ، ءبىز سياقتى ەكسپورت - يمپورت كاسىپورىندارى جونىنەن وتە ءتيىمدى بولدى، قورعاستان الماتىعا دەيىن جوعارى قارقىندى تاس جول تولىق تۇتاسىپ، جۇك تاسىمال ونىمدىلىگىن بارىنشا جوعارىلاتتى»، - دەدى يۇي چىڭجۇڭ.
قورعاس ەكونوميكالىق اشۋ رايونىن باسقارۋ كوميتەتى شەكارا وتكەلىن باسقارۋ مەكەمەسىنىڭ باستىعى جاڭ جيڭشوۋ بىلاي دەدى: «قوس باتىس» تاس جولىنىڭ جۇڭگو - قازاقستان بولىگىندە اۆتوموبيلدىڭ رەسمي قاتىناۋى قورعاس تاس جول شەكارا وتكەلىنىڭ كەدەننەن وتكىزۋ قۋاتىن ارتتىرىپ قانا قويماي، جۇڭگو جوعارى قارقىندى تاس جول تورى مەن ەۆروپا جوعارى قارقىندى تاس جول تورىن تۇتاستىرۋداعى باستالۋ ءتۇيىنى بولدى، ول قورعاستىڭ ءوزارا بايلانىس جاساۋ جانە زات اينالىمى جيناۋ - جونەلتۋ قابىلەتىن اناعۇرلىم جوعارىلاتىپ، قورعاستىڭ تەمىر جول، تاس جول، اۆياتسيا، قۇبىر جول، وپتيكالىق كابەل «بەس ءبىر تۇلعالانعان» حالىقارالىق امبەباپ قاتىناس تورابى جۇيەسىن قۇرۋىن جەدەلدەتەدى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
