شياۋگاڭ قىستاعى اۋىل – قىستاقتى گۇلدەندىرۋدىڭ داڭعىل جولىنا ءتۇستى (شىعىستان تۋلاعان تولقىن، ەكپىندى جاڭا ءداۋىر ــ رەفورما جاساپ، ەسىك اشۋدىڭ 40 جىلدىعىن قۇتتىقتايمىز)
«حالىق گازەتىنىڭ» تىلشىلەرى جۋ سىشيۇڭ، شۇي جيڭ، حان جۇنجيە، حاۋ يىنسان
2018.10.16 16:35 كەلۋ قاينارى : حالىق تورابى
40 جىل وتە شىقتى، جۇڭگنىڭ اۋىل – قىستاق رەفورماسىنداعى ءبىرىنشى قىستاق سانالاتىن انحۇي ولكەسى فىڭياڭ اۋدانىنىڭ شياۋگاڭ قىستاعىندا بۇل كۇندە قانداي وزگەرىستەر جارىققا شىقتى؟
كۇرىش اتىزى جەلمەن تولقىعان التىن كۇزدە شياۋگاڭ قىستاعىنا بارىپ، مىنالاردى بايقادىق:
وسى زامانعى ەكولوگيالىق اۋىل شارۋاشىلىعىن زەرتتەۋ ورنىندا انحۇي عىلىم – تەحنيكا ينستيتۋتى عىلمي زەرتتەۋ باسقارماسىنىڭ ورىنباسار باستىعى جاڭ سۇڭيۇي قىزمەتتەستەرىمەن بىرگە ەگىس داقىلدارىنىڭ ءوسۋى جونىندەگى ساندى مالىمەتكە تالداۋ جاساپ جاتىر، «كولەمدەندىرۋ، ولشەمدەندىرۋ، ينفورماتسيالاندىرۋ ــ وسى زامانعى اۋىل شارۋاشىلىعىنىڭ دامۋ بەتالىسى، شياۋگاڭ قىستاعىنىڭ ماركاسىنا سۇيەنىپ، وسى زامانعى اۋىل شارۋاشىلىق عىلىم – تەحنيكاسىنان پايدالانىپ، اۋىل شارۋاشىلىعىنىڭ شىت جاڭا ەكپەشىلىك ۇلگىسىن جالپىلاستىرۋدى ءۇمىت ەتىپ وتىرمىز».
اۋىل شارۋاشىلىق ونىمدەرىن جىنتىكتەي مانەرلەۋ باقشاسىنىڭ قۇرىلىس الاڭى قىزۋ دۋمانعا بولەنىپتى، انحۇي ولكەسى شياۋگاڭ پانپان ازىق – تۇلىك سەرىكتەستىگىنىڭ باس ديرەكتورى بۋ شيانيۇڭ جۇمىس بارىسىنا قاداعالاي نازار اۋدارۋدا: «مەجەمەن قاراشانىڭ سوڭىندا ءبىر ءبولىم زاۆود ۇيلەرى سالىنىپ بولىپ پايدالانۋعا بەرىلەدى، بۇل شياۋگاڭ قىستاعىنىڭ اۋىل شارۋاشىلىعىنىڭ تيپىندە بۇرىلىس جاساپ، دارەجەسىن جوعارىلاتۋىنداعى ماڭىزدى بۋىن سانالادى، ءۇمىتتى اقتاۋعا قۇلشىنۋىمىز كەرەك».
شياۋشيحى قالاشىعى ورتالىق ەمحاناسىنىڭ شياۋگاڭ قىستاعى ەمدەۋ ۇيىندە كاسىپتىك كومەكشى شيپاگەر جاڭ چاڭيۇڭ اۋرۋ تاريحىن كورىپ وتىر، «بۇرىن ەمحانانىڭ ەمدەۋ جابدىقتارى وتە قاراپايىم بولاتىن، قان قىسىمىن ولشەۋىش، تىڭداۋىش، تەرمومەتر عانا بار ەدى. قازىر 10 ناۋقاس توسەگى جانە ارناۋلى وپەراتسيا بولمەسى بار، ادەتتەگى تەكسەرۋدىڭ كوبىن ءوزىمىز ىستەي الامىز».
رەفورمانىڭ ارقاسىندا كوركەيۋ جولىنا قادام تاستاعان وسى مەكەندە جاڭالىق ۇزدىكسىز جارىققا شىعىپ، قىستاقتىڭ بەت – بەينەسىندە زور وزگەرىس تۋىلعان.
ءداستۇرلى اۋىل شارۋاشىلىعىنا بۇرىلىس جاساۋ
«مەنىڭشە، 6 – ءنومىرلى كۇرىشتىڭ ءدامى ءبىرشاما جاقسى»، «مەنىڭشە، 1 – ءنومىرلى كۇرىش تە جامان ەمەس»...
21 – قىركۇيەكتە شياۋگاڭ قىستاعىنىڭ وسى زامانعى اۋىل شارۋاشىلىعىنان ۇلگى كورسەتۋ رايونىندا كۇرىش بىقتىراتىن 10 ەلەكتر مەسكەي قاتارىنان قويىلىپ، ءارقايسىسىندا ءار سورتتاعى كۇرىش بىقتىرىلىپ جاتتى، قوش ءيىسى مۇرىن جارادى. مىنە، بۇل كۇرىش سورتىن ساراپتاۋ جينالىسى ەدى، قىستاق تۇرعىندارى ءبىر جاعىنان ءدام تاتىپ، ءبىر جاعىنان باعاسىن بەرىپ جاتىر.
بۇل بەيداحۋاڭ توبىنىڭ جەتىجۇلدىز ەگىس الاڭى مەن شياۋگاڭ قىستاعى سەلبەسىپ وندىرگەن ساپالى كۇرىشتەر بولاتىن. بيىل جىل باسىندا بەيداحۋاڭ توبى شياۋگاڭ قىستاعىندا 500 مۋدان استام جەردى اينالىمعا سالىپ، 30 تۇردەن استام ساپالى كۇرىش سورتىن سىناق رەتىندە ەگەدى. «وسى رەتكى ساراپتاۋ جينالىسىندا ءبىز ەرتە پىساتىن 10 كۇرىش سورتىن كوپشىلىككە كورسەتتىك» دەدى بەيداحۋاڭ توبى جەتىجۇلدىز ەگىس الاڭىنىڭ شياۋگاڭ قىستاعىندا تۇراتىن تەحنيكا جاۋاپتىسى جاۋ ميڭ – ۋ.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
