حان چاڭفۋ: بيىل بۇكىل ەلىمىز بويىنشا 30 مىڭ قىستاقتا دارەتحانالار وزگەرتىلەدى
2019.03.06 16:22 كەلۋ قاينارى : حالىق تورابى
حالىق تورابى، 2 – ايدىڭ 5 – كۇنى، بەيجيڭ. 3 – ايدىڭ 5 – كۇنى 13 – كەزەكتى مەملەكەتتىك حالىق قۇرىلتايى 2 – ءماجىلىسىنىڭ اشىلۋ ءماجىلىسى اياقتاعان سوڭ، 2019 – جىلعى مەملەكەتتىك ەكى ءماجىلىستىڭ ەكىنشى رەتكى «مينيسترلەر ءدالىزى» حالىق قۇرىلتايى سارايىندا وتكىزىلدى. اۋىل شارۋاشىلىعى جانە اۋىل – قىستاق مينيسترلىگىنىڭ مينيسترى حان چاڭفۋدىڭ تانىستىرۋىنشا، بيىل بۇكىل ەلىمىز بويىنشا 30 مىڭ قىستاقتا نەگىزگى جاقتان ون ميلليون ديحان وتباسىنىڭ دارەتحاناسى وزگەرتىلەدى، ورتالىق قازىنا 7 ميلليارد يۋان قاراجات ءبولىپ، وسى قىزمەتكە قولداۋ ءبىلدىرۋدى جوسپارلاپ وتىر. حان چاڭفۋدىڭ ايتۋىنشا، اۋىل – قىستاق ورتاسىن جونگە سالۋ جاي ءىس ەمەس، بۇل قىزمەتكە ۇزاق ۋاقىت بويى شىنايى تۇردە كۇش سالۋعا تۋرا كەلەدى.
بولاشاقتا اۋىل شارۋاشىلىعى جانە اۋىل – قىستاق مينيسترلىگى «دارەتحانا وزگەرىسىن»، وتىرىقتانۋ ورتاسىن جاقسارتۋدى قانداي شارالار ارقىلى ىلگەرىلەتەدى؟ حان چاڭفۋ مىنانى ءبىلدىردى: قازىر اۋىل – قىستاقتاردىڭ قونىستانۋ ورتاسى، شىنىندا دا، قالا مەن اۋىلدىڭ اراسىنداعى پارىقتىڭ تيپتىك ايگىلەنۋى ەسەپتەلەدى، «قوقسىقتى جەل ۇشىرىپ اكەتەتىن، لاس سۋ ءوزى بۋلانىپ كەتەتىن» جاعداي ءومىر سۇرۋدە. مۇنداي جاعداي كوپتەگەن قىستاقتاردا ءالى دە بار، لاس، بىلىققان، ناشار جاعداي ديحانداردىڭ تابىس سەزىمى مەن باقىت سەزىمىنە ىقپال ەتۋدە. سوندىقتان، اۋىل – قىستاق تۇرعىندارىنىڭ قونىستانۋ ورتاسىن جاقسارتۋدى اۋىل – قىستاقتى كوركەيتۋ ستراتەگياسىنىڭ ءتۇيىندى مىندەتى رەتىندە ىلگەرىلەتۋ كەرەك. بۇل جونىندە ورتالىق ورنالاستىرۋ جاسادى، ج ك پ ورتالىق كوميتەتى كەڭسەسى مەن مەملەكەتتىك كەڭەس كەڭسەسى «اۋىل – قىستاق تۇرعىندارىنىڭ قونىستانۋ ورتاسىن جونگە سالۋدىڭ ءۇش جىلدىق ارەكەت جوباسىن» تاراتىپ، جىجياڭ ولكەسىنىڭ «مىڭ قىستاق ۇلگى بولۋ، ون مىڭ قىستاقتى جونگە سالۋ» تاجىريبەسىن قورىتىندىلادى جانە جالپىلاستىرۋدا، اۋىل – قىستاق تۇرعىندارىنىڭ قونىستانۋ ورتاسىن جونگە سالۋ قىزمەتى بۇكىل ەل كولەمىندە باستالدى. ناقتىلاپ ايتقاندا، ءۇش ءىرى وزگەرىستى ىلگەرىلەتىپ، ءبىردى جوعارىلاتۋدى ىسكە اسىرۋ كەرەك.
حان چاڭفۋ مىنانى ءبىلدىردى: شاعىن عانا دارەتحانا حالىق تۇرمىسىنا ساياتىن زور ءىس ەسەپتەلەدى، دارەتحانا ماسەلەسى تەك ديحانداردى عانا مازاسىزداندىراتىن ماسەلە ەمەس، كوپتەگەن قالالىقتاردىڭ اۋىل – قىستاققا بارعىسى كەلمەۋىندەگى باستى سەبەپتەردىڭ ءبىرى، اۋىل – قىستاقتاعى دارەتحانالاردى وزگەرتۋ قونىستانۋ ورتاسىن جونگە سالۋدىڭ ءتۇيىنى. بيىل بۇكىل ەلىمىز بويىنشا 30 مىڭ قىستاقتا، جالپى جاقتان ايتقاندا 10 ميلليون ديحان وتباسىنىڭ دارەتحاناسى وزگەرتىلەدى، ورتالىق قازىنا وسى قىزمەتكە قولداۋ ءبىلدىرۋ ءۇشىن 7 ميلليارد يۋان قارجى ءبولۋدى جوسپارلاپ وتىر. مۇنان باسقا ەكى ءتۇرلى قىزمەت: قوقسىق پەن لاس سۋ ماسەلەسى بولىپ، بۇل ماسەلەلەر دە ارناۋلى تۇردە جونگە سالۋ ارەكەتىن ورىستەتۋدى قاجەت ەتەدى، قوقسىقتاردى جيناۋ جانە تاسىپ اكەتۋ، لاس سۋلاردى جونگە سالۋ جۇيەسىن قۇرۋ كەرەك.
حان چاڭفۋدىڭ ايتۋىنشا، «ءبىردى جوعارىلاتۋ» دەگەنىمىز اۋىل – قىستاقتىڭ كەلبەتىن كوركەيتۋ بولىپ تابىلادى. بيىل بۇكىل مەملەكەت بويىنشا اۋىل – قىستاقتاردا تازالىق جۇرگىزۋ ارەكەتى باستالادى، ناقتىلاپ ايتقاندا، «ءۇشتى تازالاپ، ءبىردى وزگەرتۋ» جۇرگىزىلەدى، بۇل ۇزاق ۋاقىتتان بەرگى قوقسىقتاردى تازالاۋ، قىستاقتاعى كولشىكتەردى تازالاۋ، ءۇي قۇستارىنىڭ دايراعى مەن مالدىڭ تەزەگى قاتارلى اۋىل شارۋاشىلىعى ءوندىرىسىنىڭ قالدىقتارىن تازالاۋدى؛ ادامداردىڭ تازالىققا جات ادەتتەرىن وزگەرتۋدى كورسەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
