«اسىعىس - ۇسىگىس العا ۇمتىلۋ» (ايبىندى 70 جىل، كۇرەسكە تولى جاڭا ءداۋىر − جاڭا جۇڭگونىڭ شۇعىلالى ساتتەرى)
2019.09.19 13:40 كەلۋ قاينارى : حالىق تورابى
1958 - جىلى 5 - ايدا ج ك پ 8 - قۇرىلتايىنىڭ 2 - ءماجىلىسى بەيجيڭدە اشىلدى، ءماجىلىس قايراتتى تاسقىنداتىپ، كۇش سالا ورگە ءجۇزىپ، كوپ، تەز، جاقسى، ۇنەمشىل بولۋ تالابىمەن سوتسياليزم قۇرۋ باس لۋشيانىن ماقۇلدادى، 15 جىل ىشىندە ۇلى بريتانيانى قۋىپ جەتۋ جانە ونى باسىپ وزۋ نىساناسىن، سونداي - اق «3 جىل قاجىرلىلىقپەن ىستەپ، بەت - بەينەنى نەگىزىنەن وزگەرتەيىك» دەگەن سياقتى ۇرانداردى ماقۇلدادى.
بۇل باس لۋشيان قالىڭ حالىق بۇقاراسىنىڭ ەلىمىزدىڭ ەكونوميكادا، مادەنيەتتە كەنجە قالۋ جاعدايىن وزگەرتۋدى شۇعىل تالاپ ەتكەن جالپىلىق تىلەگىن بەينەلەدى، ءبىراق وبيەكتيۆتىك ەكونوميكالىق زاڭدىلىققا نەمقۇرايدى قارالدى. ماجىلىستەن كەيىن ونەركاسىپ، اۋىل شارۋاشىلىق ءوندىرىسى مەن قۇرىلىسىنىڭ جوعارى قارقىنىنا سىڭار جاقتىلىقپەن بوي ۇرۋدى، جوسپار كورسەتكىشىن ۇزدىكسىز بارىنشا جوعارىلاتۋدى جانە وعان وزگەرىس ەنگىزۋدى بەلگى ەتكەن «زور سەكىرىپ ىلگەرىلەۋ» قوزعالىسى بۇكىل ەل كولەمىندە ورىستەتىلدى.
«زور سەكىرىپ ىلگەرىلەۋ» ونەركاسىپ، اۋىل شارۋاشىلىق ءوندىرىسى مەن قۇرىلىسىنىڭ جوعارى قارقىنىنا، جوعارى كورسەتكىشىنە بوي ۇردى ءارى وندىرىستىك قاتىناستىڭ اتالمىش جوعارى دارەجەلى فورماعا ءوتۋىن جەبەدى.
8 – ايدىڭ 17 - كۇنىنەن 30 - كۇنىنە دەيىن ج ك پ ورتالىق كوميتەتىنىڭ ساياسي بيۋروسى كەڭەيتىلگەن ءماجىلىس اشىپ، «اۋىل - قىستاقتا حالىق گۇڭشىسىن قۇرۋ ماسەلەسى جونىندەگى ۇيعارىمدى» شىعاردى. ماجىلىستەن كەيىن «زور سەكىرىپ ىلگەرىلەۋ» جانە گۇڭشىلاندىرۋ قوزعالىسى تەز ورلەۋگە كوتەرىلىپ، جوعارى كورسەتكىش، كوزسىزدىكپەن قولباسشىلىق ەتۋ، كوپىرمەشىلىك، «ورتاقتاستىرۋ» جەلىن باستى بەلگى ەتكەن «سولشىلدىق» قاتەلىك اۋىر دارەجەدە ءورشىدى.
بولات - تەمىر ءوندىرۋ مىندەتىن ورىنداۋ ءۇشىن، بۇكىل ەل بويىنشا قالا - اۋىلدا جالپى حالىقتىق زور كولەمدى بولات قورىتۋ قوزعالىسى باستالدى. سونىمەن بىرگە، بۇكىل ەلدەگى اۋىل - قىستاقتا گۇڭشىلاندىرۋ قوزعالىسىنىڭ ورلەۋى كوتەرىلدى. كوپتەگەن جەر ءىس جۇزىندىك جاعدايمەن ساناسپاي، حالىق گۇڭشىسىن جالپى حالىقتىق مەنشىك ءتۇزىمى دەپ جاريالادى ءارى «كوممۋنيزمگە ءوتۋدى» سىناق ەتتى.
1958 - جىلى كۇز بەن قىس ارالىعىندا ج ك پ ورتالىق كوميتەتى مەن ماۋ زىدۇڭ تەكسەرىپ - زەرتتەۋ ارقىلى قوزعالىس بارىسىندا كوپتەگەن ماسەلەنى بايقاپ، 11 - ايدان باستاپ بۇكىل پارتياعا باسشىلىق ەتىپ قاتەلىكتى تۇزەتۋگە كىرىستى. جاعداي جاقسى جاققا قاراي بۇرىلىس جاسادى، ءبىراق «سولشىلدىق» قاتەلىك تۇبەگەيلى تۇزەتىلمەدى. 1959 - جىلى 7 -، 8 - ايلاردا اشىلعان لۋشان جيىنىنىڭ سوڭعى مەزگىلىندە پىڭ دىحۋاي قاتارلىلار ورىنسىز سىن تەزىنە الىندى، ىلە - شالا «وڭشىلدىققا قارسى» كۇرەس باستالىپ، تۇتاس جاعداي كەرى شەگىندى.
پارتيا ىزگى تىلەكپە ىسكە كىرىسىپ، جۇڭگونىڭ ءوزىنىڭ سوتسياليزم قۇرۋ جولىن قاراستىرۋدا جاڭا جاعداي جاراتۋعا كۇش سالدى. الايدا، شەشىم جاساۋداعى اعاتتىقتار مەن اتقارۋ بارىسىنداعى اعاتتىقتار سالدارىنان تابىسقا جەتۋ جولىندا اسىعىس قۇلشىنىس جاسالعانىمەن، مەملەكەت ىستەرى كوزدەگەن ماقساتقا جەتكەنى بىلاي تۇرسىن، قايتا اۋىر ساتسىزدىككە ۇشىرادى.
(شينحۋا اگەنتتىگى، 9 - ايدىڭ 17 – كۇنى، بەيجيڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
