ەلىمىز الداعى 5 جىلدا 10 تريلليون يۋاندىق دارەجەدەگى ەل ءىشى ساياحات بازارىن قالىپتاستىرادى
2020.12.14 14:55 كەلۋ قاينارى : حالىق تورابى
شينحۋا اگەنتتىگىنىڭ 12 – ايدىڭ 13 – كۇنى بەيجيڭنەن بەرگەن حابارى. جۇڭگو ساياحات زەرتتەۋ مەكەمەسى (مادەنيەت جانە ساياحات مينيسترلىگىنىڭ ساندى مالىمەت ورتالىعى) 12 – ايدىڭ 13 – كۇنى بەيجيڭدە مالىمەت جاريالاپ، الداعى 5 جىلدا ەلىمىزدە جىلىنا ورتا ەسەپپەن 10 ميلليارد ادام – رەت ساياحاتشى مەن 10 تريلليون يۋاندىق تۇتىنۋ كولەمى بار ەل ىشىندەگى ساياحات ءىرى بازارىن قالىپتاستىرادى دەپ مەجەلەدى.
«مادەنيەت ارقىلى جەتەكشىلىك ەتۋدى، عىلىم ـ تەحنيكادا جاڭالىق اشۋدى» نەگىزگى تاقىرىپ ەتكەن 2020 ـ جىلعى جۇڭگو ساياحات توبىن دامىتۋ تالقى مىنبەرى 12 – ايدىڭ 12 – كۇنىنەن 12 – ايدىڭ 13 – كۇنىنە بەيجيڭدە وتكىزىلدى. مادەنيەت جانە ساياحات مينيسترلىگىنىڭ مينيسترى حۋ حىپيڭ 12 – ايدىڭ 13 - كۇنى تۇستەن بۇرىن ءسوز سويلەپ بىلاي دەدى: وسى زامانعى ساياحات كاسىبى جۇيەسىن جەدەل ورناتىپ، ونىممەن قامداۋدى مولايتۋ، بۇقارالىق ساياحاتتى دامىتۋ، زەردەلى ساياحاتتى دامىتۋ، مادەنيەت پەن ساياحاتتىڭ توعىسپالى دامۋىن جەبەۋ، بازار باسقارۋدى كۇشەيتۋ سياقتى جاقتاردان تياناقتاندىرۋدى مىقتى يگەرۋ كەرەك.
حۋ حىپيڭ مىنانى ءبىلدىردى: عىلىم - تەحنيكا ارقىلى كۇشەيتۋدى ىلگەرىلەتىپ، زەردەلى ساياحاتتىڭ ۇلگىسى بولىپ، سيفرلاندىرۋدى، زەردەلەندىرۋدى تىرەك ەتىپ ونىمدە جاڭالىق اشۋدى ىلگەرىلەتىپ، عىلىم - تەحنيكا ارقىلى كاسىپورىندى، ساياحاتتى قۇدىرەتتەندىرۋدى جۇزەگە اسىرىپ، «ساياحات +»، «عىلىم ـ تەحنيكا +» ءبىرىن ـ ءبىرى قۇدىرەتتەندىرىپ جانە توعىستىرا دامىتىپ، ساياحات كاسىبىنىڭ سەكىرمەلى دامۋىن ىلگەرىلەتۋگە مۇمكىندىك جاساۋ كەرەك.
تالقى مىنبەسىندە، جۇڭگو ساياحات زەرتتەۋ مەكەمەسى جاريالاعان وسى «جۇڭگو ساياحات توبىنىڭ دامۋ مالىمەتىندە (2020)» كورسەتىلۋىنشە، 2019 – جىلى ەلىمىزدىڭ ەل ىشىندەگى ساياحاتشىلار سانى 6 ميلليارد 6 ميلليون ادام - رەتكە جەتىپ، شەكارادان كىرىپ ساياحاتتاعان ادام سانى 145 ميلليون 310 مىڭ ادام ـ رەتكە جەتىپ، تۇتاس جىلدىق ساياحات جالپى كىرىسى 6 تريلليون 630 ميلليارد يۋان بولدى. الداعى 5 جىلدا ەل ىشىندەگى ساياحات بازارى حالىق شارۋاشىلىعى مەن قوعامدىق جۇمىسقا ورنالاسۋعا %10تەن جوعارى جان – جاقتى ۇلەس قوسۋ مولشەرىن ساقتايدى.
مالىمەتتەگى تالداۋعا قاراعاندا، ساياحاتتىڭ ادامداردىڭ كۇندەلىكتى تۇرمىسىنداعى ماڭىزدى تالعامعا اينالۋىنا بايلانىستى، ساياحات كاسىبىنىڭ مادەنيەت سيپاتى اناعۇرلىم كۇشەيگەن. جۇڭگو ساياحات زەرتتەۋ مەكەمەسىنىڭ بيىل 6 ـ ايداعى ءبىر تەكسەرۋىندە كورسەتىلۋىنشە، سۇحباتتاسقانداردىڭ %78.3نىڭ مادەنيەتتى تۇسىنگىسى كەلۋى ونىڭ سىرتقا شىعىپ ساياحاتتاۋداعى باستى نەمەسە ءىشىنارا ماقساتى بولعان. ساياحات كاسىبىنىڭ دامۋى ادامدارعا جۇڭحۋا مادەنيەتىن سەزىندىرىپ، مادەنيەت سەنىمىن كۇشەيتەدى.
G5، ءىرى ساندى مالىمەت، جاساندى زەردە، زات تورابى سياقتى جاڭا تەحنيكانىڭ قولدانىلۋى جانە سيفرلى عىلىم - تەحنيكا كاسىپورىندارىنىڭ ارت – ارتىنان ىسكە قوسىلۋى ساياحات كاسىبىنىڭ جاڭالىق اشا دامۋىن ۇزدىكسىز كۇشەيتەدى. مەجەمەن «14 – بەسجىلدىق» مەزگىلىندە اناعۇرلىم كوپ سيفرلى كەڭىستىك پەن تۇتىنۋ كورىنىستەرى ارت – ارتىنان جارىققا شىعىپ، مادەنيەت پەن ساياحاتتى توعىستىرۋدا جاڭالىق اشۋ مەن جوعارى ساپالى دامۋدى ىلگەرىلەتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
