- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ماقسات مۇحانوۆ: «ءبىر بەلدەۋ، ءبىر جول» مەن «نۇرلى جول» باعدارلاماسىنىڭ توعىساتىن تۇستارى كوپ
2016.04.08 15:45 كەلۋ قاينارى : حالىق تورابى
حالىق تورابى، 8 – ءساۋىر، جياڭين. (نۇرعيسا قۇرمانجان ۇلى) «ءبىر بەلدەۋ، ءبىر جول» جۇڭگو – قازاقستان سەلبەسە دامۋ حالىقارالىق تالقى جيىنى 6 – ساۋىردەن 8 – ساۋىرگە دەيىن جياڭسۋ ولكەسىنىڭ جياڭين قالاسىندا وتكىزىلدى. وسى جولعى جيىندى ۇيىمداستىرۋعا قازاقستاننان جاۋاپتى بولعان ۇيىمداستىرۋشى جاق ــ قازاقستان ەكونوميكالىق زەرتتەۋ ورنىنىڭ مەڭگەرۋشىسى ماقسات مۇحانوۆ جيىن ارەدىگىندە حالىق تورابى قازاقشا ارناسىنىڭ سۇحباتىن ارنايى قابىلدادى.
ماقسات مۇحانوۆ بىلاي دەدى: وسى جولعى جيىندا «ءبىر بەلدەۋ، ءبىر جول» باعدارلاماسى مەن قازاقستان ەلباسى نازاربايەۆ ورتاعا قويعان «نۇرلى جول» باعدارلاماسىنىڭ جانە ەكى ەل باسشىلارى كەزدەسۋ بارىسىندا ورتاق تانىمعا كەلگەن ءتۇرلى كەلىسسوزدەردىڭ ءىس جۇزىندە ىسكە اسىرىلۋىنا قاتىستى كوپتەگەن تۇيىندەر تالقىلاندى، ەكى باعدارلامانىڭ ەكى ەلگە الا كەلەتىن ءتۇرلى ەكونوميكالىق تيىمدىلىكتەرى قاراستىرىلدى، جيىندا ساراپشىلار ءوز پىكىرلەرىن ورتاعا سالىپ، ورەلى وي قورىتتى.
ماقسات مۇحانوۆ قازاقستاننىڭ ورتا ازياداعى ەڭ ۇلكەن ەل ەكەنىن اتاي كەلىپ، قازاقستاندى ازيا مەن ەۆروپانى جالعايتىن كوپىر رەتىندە قاراستىرىپ، قازاقستاننىڭ تاسىمال تورابىندىق مۇمكىندىگىن اشۋ كەرەكتىگىن ايتتى.
ماقسات مۇحانوۆ وسى جيىندا قازاقستاننان شىعارىلاتىن اۋىل شارۋاشىلىعى ونىمدەرىن جۇڭگو نارىعىنا قالاي جەتكىزۋ تۋرالى تالقىنىڭ دا باستى كۇنتارتىپ رەتىندە قاراستىرىلعانىن باياندادى، ونىڭ ايتۋىنشا، ساراپشىلار قازاقستاننىڭ جۇڭگودا سۇرانىسقا يە بولعان اۋىل شارۋاشىلىعى ونىمدەرىن جۇڭگو نارىعىنا قالاي جەتكىزۋدىڭ تاسىمالداۋ جاعىنداعى مۇمكىندىكتەرىن سارالاپ، قۇندى ۇسىنىس – پىكىرلەر بەردى.
ماقسات مۇحانوۆ قازاقستاننىڭ ساۋدا جاعىنداعى باسىمدىلىقتارىنىڭ تەك قانا اۋىل شارۋاشىلىعى جاعىندا بولىپ قالماستان، شيكىزاتقا جاتپايتىن ونەركاسىپتىك ونىمدەردى ەكسپورتتاۋدىڭ دا بولاشاعى نۇرلى ەكەنىنە سەنىمىن ءبىلدىردى. ونىڭ ايتۋىنشا، قازاقستاندا جۇڭگولىق ساۋداگەرلەرگە جاسالعان كوپتەگەن جەڭىلدىك ساياساتتار بار، وسى جولعى جيىندا قازاقستاننان كەلگەن ماماندار جان – جاقتى تالقىلادى ءارى جۇڭگولىق ارىپتەستەرىنە ءونىمدى ۇگىتتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
