- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق 12 - كەزەكتى حالىق قۇرىلتايىنىڭ 3 - ءماجىلىسى ەكىنشى جالپى جيىنىن وتكىزدى
حالىق قۇرىلتايى تۇراقتى كوميتەتىنىڭ قىزمەت بايانداماسىن جانە اۆتونوميالى رايوندىق جوعارى حالىق سوتى مەكەمەسى مەن حالىق پروكۋراتۋراسىنىڭ قىزمەت باياندامالارىن تىڭدادى
2015.01.23 13:21 كەلۋ قاينارى : ءتاڭىرتاۋ تورابى
اۆتونوميالى رايوندىق 12 - كەزەكتى حالىق قۇرىلتايىنىڭ 3 - ءماجىلىسى 22 - قاڭتار كۇنى ءتۇستىڭ الدىندا ەكىنشى جالپى جيىنىن وتكىزىپ، اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەت بايانداماسىن جانە اۆتونوميالى رايوندىق جوعارى حالىق سوتى مەكەمەسىنىڭ قىزمەت بايانداماسىن، اۆتونوميالى رايوندىق حالىق پروكۋراتۋراسىنىڭ قىزمەت بايانداماسىن تىڭدادى.
جاڭ چۇنشيان، شوكىرات زاكىر، نۇرلان ءابىلماجىن ۇلى، اسحات كەرىمباي ۇلى، چى جۇن، حان يۇڭ، پىڭ يۇڭ، حۋاڭ ۋي، شاۋكەت يمىن، سۇڭ ايرۇڭ، جۋ حايلۇن، باي جىجيە، ەركىنجان تۇراحۇن، عانيبات سابىكەي ۇلى، لي شۋەجۇن، ەركىن تۇنياز، ليۋ شينچي، نايىم ياسىن جيىنعا قاتىناستى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ تاپسىرۋىمەن، اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى ۋاڭ يۇڭميڭ جيىندا حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى. ۋاڭ يۇڭميڭ ورتالىقتىڭ شينجياڭدى جونگە سالۋ جالپى جوباسىن ىشكەرىلەي دايەكتى تياناقتاندىرىپ، قوعام ورنىقتىلىعى مەن باياندى تىنىشتىقتى كۇش سالا ىلگەرىلەتۋ؛ شينجياڭدى زاڭمەن جونگە سالۋ قۇرىلىسى توڭىرەگىندە قىزمەت ۇقىعىن زاڭ بويىنشا اتقارۋ؛ ۋاكىلدەردىڭ رولىن اناعۇرلىم ساۋلەلەندىرىپ، ءار دارەجەلى حالىق قۇرىلتايلارىمەن قارىم - قاتىناستى اناعۇرلىم نىعايتۋ؛ ستيلدى جاقسارتۋدى ءتۇيىن ەتىپ، تۇراقتى كوميتەتتىڭ وزىندىك قۇرىلىسىن كۇشەيتۋ سىندى 4 جاقتا 2014 - جىلعى نەگىزگى قىزمەتتەرگە ايالداپ ءوتتى. ول بىلاي دەدى: بىلتىر تۇراقتى كوميتەت زاڭ - ەرەجەلەر مەن زاڭ - ەرەجەلىك قاراردان 15 ىن قاراپ ماقۇلداپ جانە بەكىتىپ، مەملەكەتتىك حالىق قۇرىلتايى تۇراقتى كوميتەتى تۇسىرگەن 8 زاڭ جوباسىنا پىكىر الۋ قىزمەتىن ورىندادى، اۆتونوميالى رايوننىڭ ءدىن ىستەرى ەرەجەسىنە وزگەرىس ەنگىزۋدى زاڭ شىعارۋ قىزمەتىنىڭ ءتۇيىنى ەتە وتىرىپ، ەرەجەنى اقىلداسىپ وزگەرىس ەنگىزىپ شىعارۋ قىزمەتىن دەن قويا ىستەدى؛ 12 ارناۋلى قىزمەت بايانداماسىن تىڭدادى جانە قارادى، 11 رەت زاڭنىڭ اتقارىلۋىن تەكسەردى جانە كوزدەن كەشىردى، 14 رەت ارناۋلى تەكسەرۋ - زەرتتەۋ قيمىلىن ورىستەتتى؛ اۆتونوميالى رايونىمىزداعى ءار دارەجەلى حالىق قۇرىلتايى ۋاكىلدەرىنەن 39 مىڭ 405 ادامدى (رەت) تاربيەلەدى. اۆتونوميالى رايوندىق 12 - كەزەكتى حالىق قۇرىلتايىنىڭ 2 - ءماجىلىسى كەزىندە ۋاكىلدەر العا قويعان 14 كەڭەس جوبا، 965 ۇسىنىس، سىن جانە پىكىردىڭ بارلىعى ءبىر جايلى ەتىلدى. تۇراقتى كوميتەت ورگانى 60 نەشە كادردان 8 قىزمەت گرۋپپاسىن ۇيىمداستىرىپ، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىنا بەلسەنە قاتىناستى؛ ورتالىقتىڭ «8 ءتۇرلى بەلگىلەمەسى» مەن اۆتونوميالى رايوندىق پارتكومنىڭ «10 تارماقتى» بەلگىلەمەسىن مۇقيات اتقارىپ، ماجىلىسكە قاتىناسۋ جاعدايىن اشىق جاريالاۋ، ۋادە بويىنشا اڭگىمەلەسۋ سياقتى تاسىلدەر ارقىلى كوميتەت قۇرامىنداعىلاردىڭ فۋنكتسيانى اتقارۋ جاۋاپكەرلىك سەزىمىن كۇشەيتىپ، تۇراقتى كوميتەت ءماجىلىسىنىڭ ىستەردى كەڭەسۋ ءونىمىن جوعارىلاتتى.
ۋاڭ يۇڭميڭ بىلاي دەدى: ءبىر جىلدان بەرگى قىزمەتتەردى ەسكە الار بولساق، تۇراقتى كوميتەت قىزمەتىندە مىناداي ماسەلەلەردىڭ ورىن تەۋىپ وتىرعانىن دا ايقىن كورە الامىز، اتاپ ايتقاندا، جەرگىلىكتى زاڭ شىعارۋ قىزمەتىنىڭ جەتەكشىلىك رولى تولىق ساۋلەلەنبەدى؛ قاداعالاي باقىلاۋ سەرپىنىن ونان ارى ارتتىرۋعا تۋرا كەلەدى؛ نەگىزگى ساتىداعى ۋاكىلدەردىڭ رولىنا ونان ارى ءمان بەرۋگە جانە ونى ساۋلەلەندىرۋگە تۋرا كەلەدى؛ تۇراقتى كوميتەتتىڭ وزىندىك قۇرىلىسى شينجياڭدى زاڭمەن جونگە سالۋدىڭ تالابىنا تولىق سايكەسە العان جوق. وسى ماسەلەلەرگە، ءسوز جوق، باسا ءمان بەرۋ ءارى الداعى قىزمەت بارىسىندا شىن مانىندە تۇزەتۋ كەرەك.
ۋاڭ يۇڭميڭ بىلاي دەپ اتاپ كورسەتتى: بيىل اۆتونوميالى رايوندىق حالىق قۇرىلتايى تۇراقتى كوميتەتى اۆتونوميالى رايوندىق پارتكومنىڭ پارمەندى باسشىلىعىندا شينجياڭدى نەگىزگى زاڭمەن جونگە سالۋ تۋىن بيىك كوتەرىپ، شينجياڭدى زاڭمەن جونگە سالۋ قۇرىلىسىن جاپپاي ىلگەرىلەتۋى؛ شينجياڭدى زاڭمەن جونگە سالۋ قۇرىلىسىن مىندەت ەتە وتىرىپ، فۋنكتسيالىق رولدى تولىق ساۋلەلەندىرۋى؛ ۋاكىلدەر قىزمەتىن ونان ارى كۇشەيتىپ، ۋاكىلدەردىڭ شينجياڭدى زاڭمەن جونگە سالۋ قۇرىلىسىنداعى ماڭىزدى رولىن تولىق ساۋلەلەندىرۋى؛ تۇراقتى كوميتەتتىڭ وزىندىك قۇرىلىسىن ونان ارى كۇشەيتىپ، شينجياڭدى زاڭمەن جونگە سالۋ قۇرىلىسىنا قىزمەت ەتۋ قابىلەتى مەن ورەسىن ونان ارى جوعارىلاتىپ، نەگىزگى زاڭ مەن زاڭداردا بەرىلگەن قىزمەت ۇقىعىن مۇقيات اتقارىپ، نەگىزگى زاڭ مەن زاڭداردىڭ بەدەلىن باتىل قورعاپ، سوتسياليستىك زاڭمەن جونگە سالۋ رۋحىن ساۋلەلەندىرىپ، اۆتونوميالى رايوننىڭ 06 جىلدىق مەرەي تويىن تاماشا ناتيجەلەرمەن قارسى الۋى كەرەك.
اۆتونوميالى رايوندىق جوعارى حالىق سوتى مەكەمەسىنىڭ باستىعى نايىم ياسىن قىزمەت بايانداماسىندا بىلاي دەدى: ءبىر جىلدان بەرى، اۆتونوميالى رايوندىق پارتكومنىڭ باسشىلىعى، حالىق قۇرىلتايى مەن ونىڭ تۇراقتى كوميتەتىنىڭ باقىلاۋى، ۇكىمەتتىڭ قولداۋى مەن ەڭ جوعارى حالىق سوتى مەكەمەسىنىڭ جەتەكشىلىگىندە، اۆتونوميالى رايوندىق جوعارى حالىق سوتى مەكەمەسى بۇكىل رايونىمىزداعى سوت مەكەمەلەرىن ىنتىماقتاستىرا باستاپ، «حالىق بۇقاراسىنا ءاربىر ءادىليالىق دەلولاردا ادىلدىك پەن ادىلەتتىلىكتى سەزىندىرۋ» نىساناسىن مىقتاپ ارقاۋ ەتىپ، زاڭ اتقارىپ، دەلو ىستەۋدەگى ءبىرىنشى ماڭىزدى مىندەتتى مىقتى يگەرىپ، ءادىلياداعى حالىققا قولايلى، حالىققا ءتيىمدى شارالاردى كەمەلدەندىرىپ، ءادىليا رەفورماسىن ورنىقتى ىلگەرىلەتىپ، قوسىن قۇرىلىسىن بارىنشا كۇشەيتىپ، ءتۇرلى قىزمەتتەردە تىڭ ىلگەرىلەۋشىلىكتەرگە قول جەتكىزدى. بۇكىل رايونىمىزداعى سوت مەكەمەلەرى 326 مىڭ 58 دەلونى قابىلداپ، مۇنىڭ 288 مىڭ 953 ىن قاراپ اتقارىپ اياقتاتتى، بۇل 2013 - جىلداعىدان جەكە - جەكە %17.45جانە %11.07ارتتى. جوعارى حالىق سوتى مەكەمەسى 5630 دەلونى قابىلداپ، مۇنىڭ 5252 سىن قاراپ اتقارىپ اياقتاتتى، بۇل 2013 - جىلداعىدان جەكە - جەكە %8.23 جانە %8.89 ارتتى. بيىل بۇكىل رايونىمىزداعى سوت مەكەمەلەرى سوتسياليستىك زاڭمەن جونگە سالۋ تۋىن بيىك كوتەرىپ، ءادىليانى حالىق ءۇشىن جۇرگىزۋگە، ءادىليانى ءادىل جۇرگىزۋگە تاباندى بولىپ، زەيىن - زەردە، كۇش - قۋاتتى شوعىرلاندىرىپ، شىنايى يگەرىپ، ناقتى ىستەپ، تىنىش شينجياڭ، شينجياڭدى زاڭمەن جونگە سالۋ قۇرىلىسىن كۇش سالا ىلگەرىلەتىپ، شينجياڭنىڭ قوعام ورنىقتىلىعى مەن باياندى تىنىشتىعىنا ءادىليالىق جاقتان پارمەندى كەپىلدىك ەتۋگە قۇلشىنىپ، تىڭ ۇلەس قوسۋى كەرەك.
اۆتونوميالى رايوندىق حالىق پروكۋراتۋراسىنىڭ باستىعى نيشان ىبىرايىم قىزمەت بايانداماسىندا بىلاي دەدى: 2014 - جىلى اۆتونوميالى رايوندىق پارتكوم مەن ەڭ جوعارى حالىق پروكۋراتۋراسىنىڭ پارمەندى باسشىلىعىندا، اۆتونوميالى رايوندىق حالىق قۇرىلتايى مەن ونىڭ تۇراقتى كوميتەتىنىڭ پارمەندى باقىلاۋىندا، بۇكىل رايونىمىزداعى پروكۋراتۋرا ورگاندارى وزگەرىس ەنگىزىلگەننەن كەيىنگى قىلمىستىق ىستەر ارىز - شاعىم زاڭىن، ازاماتتىق ىستەر ارىز - شاعىم زاڭىن دەن قويا اتقارىپ، زاڭدىق باقىلاۋ فۋنكتسياسىن جاپپاي اتقارىپ، ءار ءتۇرلى قىلمىستىق ىستەر قىلمىس كۇماندىلارىنان 27 مىڭ 164 ادامدى قولعا الۋدى بەكىتتى، 34 مىڭ 816 ادامنىڭ ۇستىنەن الەۋمەتتىك شاعىم ايتتى، بۇل 2014 - جىلداعىدان جەكە - جەكە %95.7 جانە %59.3 ارتتى؛ قياناتشىلدىق، پاراقورلىق، قىزمەتتە جازا باسۋ، ۇقىققا قول سۇعۋ سياقتى 695 مىندەتتىك قىلمىس بويىنشا 786 ادامدى تەكسەرىپ ءبىر جايلى ەتتى، بۇل 2013 - جىلداعىدان%4.8 جانە %11.2 ارتتى؛ قارسى شاعىم بەرىلگەن 130 قىلمىستىق ىستەر، ازاماتتىق ىستەر، اكىمشىلىك ىستەر دەلوسى ءبىر جايلى ەتىلدى؛ ارىز - شاعىم قيمىلدارىنداعى زاڭعا قايشى جاعدايدان 533 ى (رەت) باقىلاندى، تۇزەتىلدى؛ قىلمىس جازاسىن اتقارۋ جانە باقىلاۋ - باسقارۋ قيمىلدارىنداعى زاڭعا قايشى جاعدايدان 206 سى (رەت) باقىلاندى، تۇزەتىلدى. 2015 - جىلى بۇكىل رايونىمىزداعى پروكۋراتۋرا ورگاندارى «بىرگە قارسى تۇرىپ، ەكىنى دارىپتەۋگە» تاباندى بولىپ، «قاتاڭ سوققى بەرۋ جىلى»، «زاڭمەن جونگە سالۋ جىلى» قيمىلىن تىڭعىلىقتى ورىستەتىپ، زاڭدىق باقىلاۋدى، وزىندىك باقىلاۋدى، قوسىن قۇرىلىسىن ۇزدىكسىز كۇشەيتىپ، شينجياڭدى زاڭمەن جونگە سالۋدى جاپپاي ىلگەرىلەتىپ، زاڭمەن جونگە سالىناتىن شينجياڭ قۇرۋ بورىشى مەن جاۋاپكەرلىگىن شىن مانىندە ارقالاۋى كەرەك.
جالپى جيىن اۆتونوميالى رايوندىق 12 - كەزەكتى حالىق قۇرىلتايى 3 - ءماجىلىسىنىڭ سايلاۋ ءادىسىن داۋىسقا سالىپ ماقۇلدادى.
ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى جاپار ابەيبوللا جالپى جيىندى باسقاردى. ءماجىلىستىڭ اتقارۋشى ءتوراعالارى ما ميڭچىڭ، تىلەبالدى ابدىرەشيت ۇلى، ورگۇل جاپار، دۇڭ شينگۋاڭ، لي ۋي، حۋاڭ سانپيڭ، ابدىرەيىم ابىلەز، شۇي جىشين، بورا، تۇرعۇن ابدىرەيىم، جاڭ جينبياۋ، ابدىقايۇم مامەت ءتوراعالار مىنبەسىنىڭ الدىڭعى قاتارىنان ورىن الدى. مەملەكەتتىك حالىق قۇرىلتايىنىڭ شينجياڭداعى ۋاكىلدەرى، ساياسي كەڭەس اۆتونوميالى رايوندىق 11 - كەزەكتى كوميتەتىنىڭ 3 - ماجىلىسىنە قاتىناسىپ جاتقان ساياسي كەڭەس مۇشەلەرى، سونداي - اق ءار سالاداعى ۋاكىل قايراتكەرلەر جالپى جيىنعا سىرتتاي قاتىناستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
