- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ۇكىمەت قىزمەتىنەن بايانداما
− شينجياڭ ۇيعۇر اۆتونوميالى رايوندىق 12 - كەزەكتى حالىق قۇرىلتايىنىڭ 4 - ماجىلىسىندە 2016 - جىلى 11 - قاڭتاردا جاسالدى
اۆتونوميالى رايوننىڭ ءتوراعاسى شوكىرات زاكىر
2016.01.21 14:02 كەلۋ قاينارى : ءتاڭىرتاۋ تورابى
ۋاكىلدەر:
قازىر مەن اۆتونوميالى رايوندىق حالىق ۇكىمەتى اتىنان ماجىلىسكە قىزمەتتەن بايانداما جاسايمىن. ۋاكىلدەردىڭ قاراپ شىعۋىن ءارى اۆتونوميالى رايوندىق ساياسي كەڭەس مۇشەلەرى مەن ماجىلىسكە سىرتتاي قاتىناسقانداردىڭ پىكىر بەرۋىن سۇرايمىن.
ءبىرىنشى، «12 - بەسجىلدىق» جوبا مەزگىلى جانە 2015 - جىلعى قىزمەتتەرگە شولۋ
«12 - بەسجىلدىق» جوبا مەزگىلى شينجياڭنىڭ دامۋ تاريحىندا بەلەستىك مانگە يە 5 جىل. پارتيا ورتالىق كوميتەتى شينجياڭ قىزمەتىنە ەرەكشە ءمان بەرىپ جانە ونى قولداپ، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىن اشىپ، «ج ك پ ورتالىق كوميتەتىنىڭ شينجياڭنىڭ قوعام ورنىقتىلىعىن اناعۇرلىم قورعاۋ جانە باياندى تىنىشتىعىن ىسكە اسىرۋ جونىندەگى پىكىرىن» شىعاردى؛ باس شۋجي شي جينپيڭ شينجياڭعا كەلىپ قىزمەت تەكسەرىپ، قىزمەتكە جەتەكشىلىك ەتىپ، شينجياڭ قىزمەتى جونىندە تالاي رەت ماڭىزدى بەكىتۋ جازىپ، نۇسقاۋ بەردى، پارتيانىڭ شينجياڭدى جونگە سالۋ جالپى جوباسىن بايىتىپ، دامىتىپ، ءوسىرىپ، شينجياڭ قىزمەتىنە باعىت - باعدار كورسەتتى. ءبىز ورتالىقتىڭ شينجياڭ قىزمەتى جونىندەگى ءىرى ساياسات - باعىتتارىن باتىل دايەكتىلەندىرىپ، ورتالىقتىڭ شينجياڭ قىزمەتى جونىندەگى 2 رەتكى اڭگىمە ءماجىلىسىنىڭ رۋحىن، سونداي - اق اۆتونوميالى رايوندىق پارتكومنىڭ ءتۇرلى شەشىمدەرى مەن ورنالاستىرۋلارىن جاپپاي تياناقتاندىرىپ، قوعام ورنىقتىلىعى مەن باياندى تىنىشتىق سىندى باس نىسانا توڭىرەگىندە، «ءتورتتى جاپپاي ورىنداۋ» ستراتەگيالىق ورنالاستىرۋىنا تاباندى بولىپ، قوعام ورنىقتىلىعى مەن باياندى تىنىشتىق باس نىساناسى توڭىرەگىندە، ەكونوميكالىق، قوعامدىق دامۋداعى تاريحي قارىشتاۋدى جەبەدىك، «12 - بەسجىلدىق» جوباداعى نىسانا، مىندەتتەر جاپپاي ورىندالدى، باستى كورسەتكىش مىندەتتەر اسىرا ورىندالدى.
− 5 جىلدا ەكونوميكا تەز ارتىپ، جالپىلىق قۋات كورنەكتى تۇردە كۇشەيدى. ءبىز ورنىقتىلىق بارىسىندا ىلگەرىلەۋگە، رەفورما، جاڭالىق اشۋ سىندى جالپى جەلىگە تاباندى بولىپ، ەكونوميكانىڭ قارقىندى ارتۋىن ساقتادىق. رايوندىق ءوندىرىس جالپى قۇنىنىڭ 543 ميلليارد 700 ميلليون يۋاننان 940 ميلليارد يۋانعا ارتاتىندىعى، جىلىنا ورتا ەسەپپەن %10.7 ءوسىپ، ارتۋ جىلدامدىعى بۇكىل ەل بويىنشا 29 - ورىننان الدىڭعى قاتارعا وتەتىندىگى؛ جان باسىندىق ورتاشا ءوندىرىس جالپى ءونىم قۇنىنىڭ 25 مىڭ 34 يۋاننان 41 مىڭ 63 يۋانعا ارتاتىندىعى؛ ادەتتەگى الەۋمەتتىك مەجە ەسەپ كىرىسىنىڭ 50 ميلليارد يۋاننان 313 ميلليارد 100 ميلليون يۋانعا جەتىپ، جىلىنا ورتا ەسەپپەن %21.6 ارتاتىندىعى مەجەلەندى.
− 5 جىلدا دامۋ تاسىلىنە جەدەل بۇرىلىس جاسالىپ، كاسىپ سالاسى قۇرىلىمى ۇزدىكسىز ساپالاندى. ءبىز ەكونوميكانىڭ دامۋ تيپىنە بۇرىلىس جاساپ، دارەجەسىن وسىردىك، وسى زامانعى اۋىل شارۋاشىلىعىنىڭ ءوندىرىس، تيجارات، كاسىپ جۇيەسى نەگىزىنەن قالىپتاستى؛ جاڭاشا ونەركاسىپتەنۋ بىرتىندەپ ورتاشا جوعارى دەڭگەيگە قادام تاستادى. ينفورماتسيا، فينانس، ەلەكتروندىق ساۋدا باستاعان وسى زامانعى قىزمەت كورسەتۋ كاسىپتەرى شاپشاڭ ءوستى. مۇنايعا جاتپايتىن ونەركاسىپتىڭ ۇلەس سالماعى %60تەن اسىپ، مۇناي ونەركاسىبىنىڭ «ءبىر ءوزى جالعىز يەلەۋ» جاعدايى تۇبەگەيلى وزگەرتىلدى. 3 - كاسىپ سالاسىنىڭ ۇلەس سالماعى 10 نەشە جىلدان بەرى تۇڭعىش رەت 2 - كاسىپ سالاسىنان اسىپ، ەكونوميكالىق ارتۋعا ۇلەس قوسۋ سالىستىرماسى %55تەن استى.
− 5 جىلدا نەگىزدىك قۇرىلعى كۇن سايىن كەمەلدەنىپ، تىرەكتىك قابىلەتى كورنەكتى ارتتى. تۇتاس قوعامدىق تۇراقتى مۇلىككە جالپى 3 تريلليون 960 ميلليارد يۋان قارجى قوستىق، بۇل «11 - بەسجىلدىق» جوبا كەزىندەگىنىڭ 3.3 ەسەسىندەي، قاتىناس، سۋ يگىلىگى، ەنەرگيا، حابارلاسۋ سياقتى ءبىر توپ نىساندار سالىنا باستادى نەمەسە سالىنىپ بولىپ ىسكە قوسىلدى، نەگىزدىك قۇرىلعى، قالا، اۋىل بەينەسىندە، حالىق بۇقاراسىنىڭ ءوندىرىس، تۇرمىس شارت - جاعدايىندا تاريحي زور وزگەرىستەر جارىققا شىقتى.
− 5 جىلدا حالىق تۇرمىسى زور دارەجەدە جاقسارىپ، بۇقارا ءتىپتى كوپ يگىلىككە كەنەلدى. حالىق تۇرمىسى قۇرىلىسى جىلى قيمىلىن جاسامپازدىقپەن ورىستەتتىك، اۆتونوميالى رايون قازىناسىنان حالىق تۇرمىسىنا بولىنگەن قارجى ادەتتەگى الەۋمەتتىك قازىنالىق جالپى شىعىستىڭ %70تەن استامىن ۇستادى؛ قالا - قالاشىقتاردا جاڭادان 2 ميلليون 440 مىڭ ادام كاسىپتەندى، قالا - قالاشىقتاردا تىركەلگەن جۇمىسسىزدىق سالىستىرماسى باستان - اياق %4تىك كوزەۋلى نىسانا ىشىندە مەڭگەرىلدى؛ قالا - قالاشىق تۇرعىندارىنىڭ قولداعى ورتاشا تابىسى جىلىنا ورتا ەسەپپەن %12.7،شارۋالاردىڭ جان باسىندىق ورتاشا كىرىسى جىلىنا ورتا ەسەپپەن %13.6 ارتىپ، ارتۋ جىلدامدىعى ءۇرتىس 5 جىل بويى بۇكىل ەل بويىنشا الدىڭعى قاتاردى يەلەدى. ءار جىلى قوعامعا ۋادە ەتىلگەن حالىق تۇرمىسىنداعى ءتۇيىندى نىسانداردىڭ بارلىعى دەر كەزىندە ورىندالىپ، ءار ۇلت بۇقاراسىنىڭ شىنايى القاۋىنا بولەندىك.
− 5 جىلدا قوعامدىق ىستەر قارىشتاپ دامىدى، الەۋمەتتىك قىزمەت كورسەتۋ ورەسى جاپپاي ءوسىرىلدى. وقۋ - اعارتۋ، عىلىم - تەحنيكا، مادەنيەت، دەنساۋلىق ساقتاۋ، دەنە تاربيە سياقتى قوعامدىق ىستەردى كۇش سالا دامىتىپ، قالا مەن اۋىل ءبىر تۇتاس جوسپارعا الىنعان، جالپى حالىقتى قامتىعان نەگىزدىك زەينەتتى قامسىزداندىرۋ جانە نەگىزدىك ەمدەۋدى قامسىزداندىرۋ ءتۇزىمىن ورناتتىق، قوعامدىق قامسىزداندىرۋمەن قامتۋ بۇكىل ەلدىكىنەن ءبىر جىل بۇرىن ىسكە اسىرىلدى، ءار ءتۇرلى قامسىزداندىرۋعا قاتىناسقانداردىڭ سانى 22 ميلليون 360 مىڭ ادامعا (رەت) جەتىپ، قالا، اۋىلداردا تۇرمىسىندا قيىنشىلىعى بار 2 ميلليون 160 مىڭ بۇقارا ەڭ تومەنگى تۇرمىستى قامتاماسىز ەتۋ ساياساتىنان يگىلىكتەندى، كومەك قاراجات دەڭگەيى ءۇرتىس بىرنەشە جىل جوعارىلاپ، ۋاقىتشا قۇتقارۋ ءتۇزىمى جاپپاي ورناتىلدى. ءبىز حالىق تۇرمىسىن قامتاماسىز ەتۋ تورىن ۇزدىكسىز بەكەمدەپ، قوعامنىڭ جاراسىمدىلىعى مەن ورنىقتىلىعىن پارمەندى تۇردە جەبەدىك.
5 جىلدان بەرى، حالىقارالىق فينانس داعدارىسىنىڭ كۇردەلى ىقپالىنا، ەكونوميكا مەن ورنىقتىلىق جاعدايىنىڭ «ءۇش مەزگىل قاباتتاسقان» اۋىر جاعدايعا ءدوپ كەلۋىنە سايكەس، ءبىز جاۋاپكەرشىلىكتى باتىل ارقالاپ، قايسارلىقپەن ورگە باسىپ، رەفورما، دامۋ، ورنىقتىلىق ىستەرىندەگى ءبىر قىدىرۋ قيىن ماسەلەلەردى شەشىپ، ءتۇرلى قىزمەتتەردە زور ىلگەرىلەۋشىلىكتەرگە قول جەتكىزدىك.
1. قوعام ورنىقتىلىعىن قورعاۋ قابىلەتى تىڭنان ءوستى
ءبىز شينجياڭدى زاڭمەن جونگە سالۋعا، زورلىقتى كۇشكە قارسى تۇرۋعا، زاڭمەن جونگە سالۋعا، ءتارتىپتى دارىپتەۋگە باستان - اياق تاباندى بولىپ، قوعامدىق جونگە سالۋ جانە ورنىقتىلىقتى قورعاۋ قابىلەتىن ۇزدىكسىز جوعارىلاتىپ، «جالپى نىسانانى ارقاۋ ەتۋ، ءالسىز تۇيىندەردى تابۋ، دەلولاردان ساباق الۋ، قىزمەتتە تياناقتاندىرۋدى يگەرۋ» تالابىنا ساي، قوعامدىق فاكتورلاردى باسقارۋ - مەڭگەرۋ مەحانيزمىن كەمەلدەندىرىپ، ورنىقتىلىقتى قورعاۋ قىزمەتىنىڭ ۇدايىلانۋىن ىسكە اسىردىق. زورلىقتى كۇش لاڭكەستىك ارەكەتتەرگە قاتاڭ سوققى بەرۋ ارناۋلى ارەكەتىن زاڭ بويىنشا ورىستەتىپ، بۇكىل شينجياڭنىڭ قوعامدىق جالپى جاعدايىنىڭ ورنىقتىلىعىن ساقتادىق. «6 - بەسجىلدىق» زاڭ جالپىلاستىرۋ قىزمەتىندە كورنەكتى ناتيجەگە قول جەتكىزىپ، ءار ۇلت بۇقاراسىنىڭ زاڭدىق ساناسى مەن زاڭمەن باسقارۋ كوزقاراسىن كۇشەيتتىك. 2014 - جىلدان باستاپ «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلى تۇتاس شينجياڭدا ورىستەتىلىپ، ءار جىلى 70 مىڭنان استام ورگان كادرى 10 مىڭنان استام قىستاق پەن الەۋمەتتىك اۋماققا بارىپ، «التى مىندەت» توڭىرەگىندە، «ءۇش ءتۇيىندى» كورنەكتىلەندىرە وتىرىپ قىزمەتتەر ىستەدى، ءار ۇلت بۇقاراسى يگىلىككە كەنەلىپ، ءار دارەجەلى كادرلار شىنىقتىرىلىپ، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلى حالىق بۇقاراسىنىڭ قولداپ - قۋاتتاۋىنا يە بولدى. 5 جىلدىق اماليات پارتيانىڭ باسشىلىعىنا تاباندى بولىپ، ءار ۇلت حالىق بۇقاراسىنا بۇكىل ىنتا - پەيىلمەن سۇيەنگەندە، شينجياڭنىڭ قوعام ورنىقتىلىعى مەن باياندى تىنىشتىعىنىڭ نەگىزى، ءسوز جوق، ۇزدىكسىز بەكەمدەلەتىندىگىن دالەلدەدى.
2. ۇلتتار ىنتىماعى، العاباسارلىعى ىستەرىندە تىڭ قادام تاستالدى
ءبىز ۇلتتار ىنتىماعى ۇلى تۋىن باستان - اياق بيىك كوتەرىپ، ءار ۇلت حالقىنىڭ ىنتىماقتاسا كۇرەس جۇرگىزۋ، بىرگە گۇلدەنىپ - دامۋى نەگىزگى تاقىرىبىن مىقتاپ يگەرىپ، تەرەزەسى تەڭ، بەرەكەلى، قارايلاسىمدى، جاراسىمدى جاڭاشا سوتسياليستىك ۇلت قاتىناسىن ۇزدىكسىز بەكەمدەدىك جانە دامىتتىق. جاڭا جاعدايدا ۇلت قىزمەتىن كۇشەيتۋ مەن جاقسارتۋ جونىندەگى پىكىر مەن «شينجياڭ ۇيعۇر اۆتونوميالى رايونىنىڭ ۇلتتار ىنتىماعى، العاباسارلىعى قىزمەت ەرەجەسى» شىعارىلدى. «ۇلى وتاندى ءسۇيۋ، مەكەندى گۇلدەندىرۋ» تاقىرىبىنداعى تاربيە قيمىلى، ماركستىك «بەس كوزقاراس» جانە شينجياڭنىڭ «ءۇش تاريحى» تاربيەسى ىشكەرىلەي ورىستەتىلىپ، «ءۇشتىڭ ءبىر - بىرىنەن ايرىلا الماۋى» مەن «بەس تانىم» تاربيەسى كۇشەيتىلىپ، ۇلتتار ىنتىماعىنىڭ يدەيالىق نەگىزى بەكەمدەلدى. ۇلتتاردىڭ كىرىگە ارالاسۋىنىڭ قوعامدىق قۇرىلىمى مەن الەۋمەتتىك اۋماق ورتاسىن قۇرۋعا دەم بەرىلىپ، ءار ۇلت كادرلارى مەن بۇقاراسىنىڭ ءوزارا ىقپالداستىعى، ارالاسۋى، ىشتەسۋى جەبەلدى. ۇلتتار ىنتىماعى، العاباسارلىعى بويىنشا وزات ورىن قۇرۋ قيمىلى ۇزدىكسىز تەرەڭدەتىلدى، ۇلتتار ىنتىماعىندا ءبىر توپ وزات ۇلگىلى تيپتەر جارىققا شىقتى، 4 ايماق، وبلىس ۇلتتار ىنتىماعى، العاباسارلىعى بويىنشا وزات ورىن قۇرۋ قيمىلىنداعى مەملەكەتتىك ۇلگىلى وبلىس (ايماق) بولىپ باعالاندى.
پارتيانىڭ ءدىن قىزمەتىنىڭ نەگىزگى باعىتى مۇقيات دايەكتىلەندىرىلىپ، ءدىن جاراسىمدىلىعى زاڭ بويىنشا جەبەلدى. ءدىن قىزمەتىن ءدىن زاڭدىلىعى بويىنشا ىستەۋگە تاباندى بولىپ، ازاماتتاردىڭ ءدىني سەنىم ەركىندىگى مەن ۇقىعىنا قۇرمەت ەتىلدى. دىنگە سەنەتىن بۇقارامەن ساياسي جاقتا ىنتىماقتاسىپ، سەنىمىنە قۇرمەت ەتىلىپ، عۇرىپ - ادەتىنە تۇسىنىستىكپەن قارالدى، ءدىندى سوتسياليستىك قوعاممەن سايكەستىرۋگە بەلسەنە جەتەكشىلىك ەتىلدى. «ۇشقارىلىقتى الاستاۋ» ءدىن قىزمەتىندەگى بارىنەن ماڭىزدى جانە ەڭ كورنەكتى، ەڭ كوكەي تەستى مىندەت ەتىلىپ، «بەس كىلتتەن» پايدالانۋعا تاباندى بولىپ، دۇرىس سەنىم ارقىلى ءدىني ۇشقارىلىقتىڭ ءورىسىن تارىلتۋعا، زاڭ ارقىلى ءدىني ۇشقارىلىقتى تەجەۋگە، وسى زامانعى مادەنيەت ارقىلى ءدىني ۇشقارىلىققا توسقاۋىل قويۋعا تاباندى بولىپ، «ءۇش زاڭسىزدىقتى» وڭاۋ تەرەڭدەتىلىپ، «ءتورتتى باسقارۋ» كۇشەيتىلىپ، «ۇشقارىلىقتى الاستاۋ» جونىندەگى ۇگىت - تاربيە ىشكەرىلەي ورىستەتىلىپ، ءدىني ۇشقارى يدەيانىڭ كەۋلەپ كىرۋ، ءورشۋ اۋقىمى باتىل اۋىزدىقتالدى.
3. جالپىلىق ەكونوميكالىق قۋات تىڭ ساتىعا كوتەرىلدى
ءبىز دامۋ − بارلىق ماسەلەنى شەشۋدىڭ نەگىزى جانە باس كىلتى دەگەن ۇستانىمعا باستان - اياق تاباندى بولىپ، «بەستەندىرۋ» اياق الىسىن جوعارى باستامادا، بيىك دەڭگەيدە، جوعارى ونىممەن ىلگەرىلەتىپ، شينجياڭدىق ەرەكشەلىككە يە وسى زامانعى كاسىپ جۇيەسىن العاشقى قادامدا قالىپتاستىردىق. جاڭاشا ونەركاسىپتەندىرۋدى كۇش سالا دامىتتىق، ونەركاسىپتىڭ ارتقان قۇنى مەجەمەن 280 ميلليارد 400 ميلليون يۋانعا جەتىپ، جىلىنا ورتا ەسەپپەن %10.3 ارتاتىندىعى مەجەلەندى، ءداستۇرلى باسىمدىققا يە كاسىپتەردىڭ دامۋ اياق الىسى جەدەلدەتىلدى؛ وسىزاماندانعان كومىر كەن قۇرىلىسىندا ونىمدىلىككە قول جەتىپ، ەلەكتر گەنەراتور اگراگاتتارىنىڭ سيىمدىلىعى مەن ەلەكتر مولشەرى جەكە - جەكە 3.5 ەسە جانە 3.1 ەسە ارتتى. جاڭا ەنەرگيا، جاڭا ماتەريال سياقتى ستراتەگيالىق جاڭا كاسىپتەر شاپشاڭ تۇلەپ جەتىلدى؛ بۇلت ەسەپ كاسىبى، سونداي - اق «سيفرلى قالا» جانە ينفورماتسيالاندىرۋ مەن ونەركاسىپتەندىرۋدىڭ توعىسپالى سىناق رايونى، جۇمساق بولشەك باقشاسى جەدەل دامىتىلدى. اۋىل شارۋاشىلىعىن وسىزامانداندىرۋ قۇرىلىسىندا تىڭ ىلگەرىلەۋشىلىك بولدى. استىق ءونىمى 15 ميلليون 600 مىڭ تونناعا مولايىپ، ءۇرتىس 8 جىل ارتىپ، استىق حاۋىپسىزدىگى ءونىمدى تۇردە قامتاماسىز ەتىلدى؛ ماقتا كاسىبىنىڭ باسىمدىلىعى ۇزدىكسىز بەكەمدەلدى؛ ەرەكشە جەمىس ورمان شارۋاشىلىعى شارۋالار كىرىسىنىڭ ارتۋىنداعى ماڭىزدى كاسىپكە اينالدى؛ وسى زامانعى مال شارۋاشىلىعى كاسىبى جەدەل دامىتىلدى. جوعارى ءونىمدى سۋ ۇنەمدەپ سۋارىلاتىن ەگىستىك جەر اۋدانى جاڭادان 16 ميلليون 700 مىڭ مۋ ارتتى. اۋىل شارۋاشىلىعىنىڭ كاسىپ سالالاندىرىلعان تيجاراتىندا، اۋىل شارۋاشىلىعى ونىمدەرى بازارىن اشۋدا جاڭا ونىمدىلىككە قول جەتتى. وسى زامانعى قىزمەت وتەۋ كاسىبى جىلدام ىلگەرىلەتىلدى، ساۋدا، زات اينالىمى كاسىبى قاۋىرت دامىدى، قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى مەجەمەن 260 ميلليارد 200 ميلليون يۋانعا ارتادى. بۇكىل شينجياڭدا A 5دارەجەلى كورىنىستىك وڭىرلەردىڭ سانى 9عا جەتىپ، بۇكىل ەل بويىنشا الدىڭعى قاتارعا ءوتتى؛ ەل ءىشى - سىرتىنان 250 ميلليون ساياحاتشى (رەت) قابىلداندى، بۇل «11 - بەسجىلدىق» جوبا كەزىندەگىنىڭ 2. 2 ەسەسىنە بارابار كەلەدى، شينجياڭ حالىقارالىق ساياحاتتا ماڭىزدى نىسانالى جەرگە اينالدى. ەكونوميكانىڭ جىلدام ارتۋى رايونىمىزدىڭ بۇكىل ەلمەن بىرگە جاپپاي دوڭگەلەك داۋلەتتى قوعام قۇرۋ نىساناسىن ىسكە اسىرۋىنا مىعىم نەگىز قالادى.
4. رەفورما مەن ەسىك اشۋدى تەرەڭدەتۋدە تىڭنان تۇرەن سالىندى
ءبىز رەفورمانى دامۋدى جەبەۋدىڭ قۇدىرەتتى قوزعاۋشى كۇشى ەتۋگە تاباندى بولىپ، شەشۋشى، جەتەكشى رەفورما شارالارىنان ءبىر توبىن العا قويىپ، شەشۋشى جەتىستىكتەرگە قول جەتكىزدىك. «تەكسەرۋ - بەكىتۋ ىستەرى ەڭ از، ءونىمى ەڭ جوعارى بولۋ، ەڭ ساپالى قىزمەت وتەۋدى» نىسانا ەتىپ، اۆتونوميالى رايون دارەجەلى تەكسەرۋ - بەكىتۋ ىستەرىنەن 791ىن كۇشىنەن قالدىرىپ، رەتتەدىك. جاڭالىق اشۋ بايلىعىن اقىلى پايدالانۋدىڭ جاڭا جولىن قاراستىرىپ، سانتاڭحۋ كومىر الابى سياقتى وڭىرلەردە كەن بارلاۋ ۇقىعىن اتىن اتاپ وتكەرمەلەدىك. ساۋدا ىستەرى ءتۇزىمى رەفورماسىن ىلگەرىلەتىپ، «ءۇش كۋالىكتى بىرىكتىرۋدى، ءبىر كۋالىك، ءبىر كودتى» جاپپاي جولعا قويىپ، بازار سۋبيەكتتەرىنەن جاڭادان 241 مىڭىن تىركەدىك. قوعامدىق سەنىم جۇيەسى قۇرىلىسىن جەدەل ىلگەرىلەتىلىپ، بازار سۋبيەكتتەرىنىڭ سەنىمدىلىگىن باقىلاۋ - باسقارۋ جاعدايى العاشقى قادامدا قالىپتاستى. اۆتونوميالى رايونعا قاراستى مەملەكەت مەنشىگىندەگى كاسىپورىندار مەن ولارعا قاراستى سەرىكتەستىكتەردىڭ %60تەن استامى ارالاس مەنشىكتەگى شارۋاشىلىقتى ىسكە اسىردى. ماقتانىڭ نىسانالى باعاسى رەفورماسىنىڭ سىناق ءتۇيىن جۇمىسى ءساتتى ىلگەرىلەتىلدى، قامداۋ - ساۋدا كووپەراتيۆتەرىنىڭ كەشەندى رەفورماسى ۇزدىكسىز ىلگەرىلەتىلدى. جالپىلىق مەنشىككە جاتپايتىن شارۋاشىلىق جەدەل دامىپ، ەكونوميكانىڭ گۇلدەنۋىنە، حالىق تۇرمىسىنىڭ جاقسارۋىنا، كاسىپتەنۋدىڭ كەڭەيۋىنە، قوعام ورنىقتىلىعىنا ماڭىزدى ۇلەس قوستى.
مەملەكەتتىڭ «ءبىر بەلدەۋ، ءبىر جول» ماڭىزدى ستراتەگيالىق ورنالاستىرۋى توڭىرەگىندە وزىق جوبالار جاسالىپ، ەرتە ورنالاستىرىلىپ، جىبەك جولى ەكونوميكالىق بەلدەۋىنىڭ وزەكتى رايون قۇرىلىسىن اتقارۋ پىكىرى مەن ارەكەت جوسپارى بەلگىلەندى، ءبىر توپ سيمۆولدىق ينجەنەريالاردىڭ قۇرىلىسى باستالدى. 4 - كەزەكتى جۇڭگو − ازيا - ەۆروپا كورمەسى مەن تۇڭعىش كەزەكتى ازيا - ەۆروپا تاۋار ساۋدا كورمەسى ءساتتى وتكىزىلدى، قاشقار جانە قورعاس ەكونوميكالىق اشۋ رايوندارىنىڭ قۇرىلىسىندا العاشقى كولەم قالىپتاستى، الاتاۋ ساعاسى، قاشقار كەشەندى قورعامالى باجى رايونى كەدەندىك جابىق تيجارات جۇرگىزدى، جۇڭگو - قازاقستان قورعاس حالىقارالىق شەكارالىق سەلبەستىك ورتالىعىنىڭ سايكەستى رايونى رەسمي تەكسەرۋدەن ءوتتى. ۇتىمدى شارالار قولدانىلىپ، حالىقارالىق ساۋداداعى جاڭا وزگەرىستەرگە بەلسەنە توتەپ بەرىلدى، يمپورت - ەكسپورت جالپى سوماسى 123 ميلليارد 700 ميلليون دوللاردى قۇراپ، «11 - بەسجىلدىق» كەزىندەگىنىڭ 1.6 ەسەسىندەي بولدى؛ سىرتقا قوسىلعان قارجى سوماسى جىلىنا ورتا ەسەپپەن %21.2 ارتتى، باتىسقا 135 كەزەك پويەز جۇرگىزىلىپ، كوپ تۇيىندە، كوپ جەلىدە ۇدايىلانعان شارۋاشىلىق ىسكە اسىرىلدى. شەكارا اتتاپ تىكەلەي قارجى قوسۋدا حالىق اقشاسىمەن ەسەپ جابۋدىڭ سىناق تۇيىندەرى بۇكىل ەل كولەمىندە ەڭ الدىمەن ىسكە اسىرىلدى. توڭىرەكتەگى ەلدەرمەن عىلىم - تەحنيكا، وقۋ - اعارتۋ، مادەنيەت، دەنساۋلىق ساقتاۋ، ەكونوميكا - ساۋدا سەلبەستىگى جانە گۋمانيتارلىق بارىس - كەلىس تەرەڭدەتىلدى. شينجياڭ جىبەك جولى ەكونوميكالىق بەلدەۋىندەگى كۇللى دۇنيە كوز تىككەن، كومەسكى كۇشى ەڭ مول رايونعا اينالدى.
5. حالىق تۇرمىسىن قامتاماسىز ەتۋدە، جاقسارتۋدا تىڭ ىلگەرىلەۋشىلىككە قول جەتتى
ءبىز «حالىق تۇرمىسىن الدىمەن ەسكەرۋ، بۇقارانى ءبىرىنشى ورىنعا قويۋ، نەگىزگى ساتىنى ماڭىزدى ساناۋ» يدەياسىن امالياتتا ايگىلەپ، حالىق تۇرمىسىن قامتاماسىز ەتۋ مەن جاقسارتۋدى قىزمەتتىڭ ارقاۋى مەن تابان تىرەر تياناعى ەتىپ، ءار ۇلت بۇقاراسى نازار اۋدارعان قىرۋار كورنەكتى ماسەلەلەردى شەشتىك. بەيقۇت ءۇي سالىپ حالىقتى اۋقاتتاندىرۋ، مالشىلاردى وتىرىقتاندىرىپ مال شارۋاشىلىعىن كوركەيتۋ، قالا - قالاشىقتارداعى قامتاماسىزداندىرۋ سيپاتتى تۇرعىن ءۇي بويىنشا جالپى 3 ميلليوننان استام تۇرعىن ءۇي سالىنىپ، بۇكىل شينجياڭ بويىنشا 10 ميلليوننان استام ادام قاتەرلى، كونە ۇيلەرگە جانە لاشىقتى وڭىرلەرگە قوش ايتىپ، تىنىستى دا جارىق جاڭا ۇيلەرگە كوشىپ كىردى؛ كەريا، گۇما سياقتى جەرلەردە تۋىلعان كۇشتى جەر سىلكىنىسىندە بەيقۇت ۇيلەردىڭ بىرەۋى دە قۇلامادى، بۇقارانىڭ ءومىرى مەن مال - مۇلكىنىڭ حاۋىپسىزدىگى ۇتىمدى قورعالدى. وڭتۇستىك شينجياڭداعى تابيعي گاز نەگىزگى قۇبىر تورى قۇرىلىپ ىسكە قوسىلىپ، 44 اۋدان، قالادا 4 ميلليوننان استام ءار ۇلت بۇقاراسى تابيعي گازدان پايدالاندى. اۋىل - قىستاقتا اۋىز سۋ حاۋىپسىزدىگى ينجەنەرياسى اتقارىلىپ، 3 ميلليون 600 مىڭ ەگىنشى - مالشى قاۋىمىنىڭ اۋىز سۋ حاۋىپسىزدىگى ماسەلەسى شەشىلدى. قوعامدىق قۇتقارۋ جۇيەسى كۇن سايىن كەمەلدەنە ءتۇستى. اپاتتان ساقتانۋ، اپات زيانىن ازايتۋ، اپاتتان قۇتقارۋ جالپىلىق قابىلەتى كۇشەيتىلىپ، شۇعىل جاعدايعا توتەپ بەرۋ قامتاماسىز ەتۋ ورەسى جوعارىلاتىلدى، ءار ءتۇرلى تابيعي اپاتتارعا ءونىمدى تۇردە توتەپ بەرىلىپ، اپاتقا ۇشىراعان 14 ميلليون 350 مىڭ ادامنىڭ (رەت) نەگىزگى تۇرمىسى قامتاماسىز ەتىلدى. ءار ۇلت بۇقاراسى پارتيانىڭ قامقورلىعى مەن مەملەكەتتىڭ قولداۋىنا شىن جۇرەكتەن العىس ايتتى.
كەدەيلەردى سۇيەمەلدەۋ مەحانيزمىنە جاڭالىق ەنگىزۋ ءىسى بەلسەنە ىلگەرىلەتىلىپ، كەدەيلەردى سۇيەمەلدەۋگە قازىنادان قارجى ءبولۋ سەرپىنى ارتتىرىلدى، كەدەيلەردى دالمە - ءدال سۇيەمەلدەۋ شاراسى كۇشەيتىلىپ، كەدەي وڭىرلەردىڭ كاسىپ سالاسىن دامىتۋىنا جانە نەگىزدىك شارت - جاعدايدى جاقسارتۋىنا ءتۇيىندى تۇردە قولداۋ كورسەتىلىپ، كەدەيلەردىڭ دامۋ جانە كەدەيلىكتەن قۇتىلۋ قابىلەتىن كۇشەيتۋىنە كومەك بەرىلدى. كەدەيلەردى سۇيەمەلدەۋگە قازىنادان ارناۋلى 12 ميلليارد 200 ميلليون يۋان قارجى ءبولىنىپ، كەدەيلەردى سۇيەمەلدەۋ، وركەندەتۋ قارجى نىسانىنان 16 مىڭى اتقارىلىپ، ءبىر ميلليون 740 مىڭ ادام كەدەيلىكتەن قۇتىلدى، كەدەيلىكتىڭ تۋىلۋ سالىستىرماسى %32تەن %15كە ازايدى. ەلدى كوشىرۋگە جالپى 3 ميلليارد 850 ميلليون يۋان قارجى ءبولىنىپ، سۋ قويما قۇرىلىسىنا بايلانىستى كوشىرىلگەن 148 مىڭ ادام سۇيەمەلدەنىپ، 350 مىڭ ەگىنشى - مالشىعا يگىلىك جەتكىزىلدى.
كوپتەگەن شارا اتقارىلىپ، كاسىپتەنۋگە دەم بەرىلدى جانە كاسىپتەنۋ اياسى كەڭەيتىلدى، قالا - قالاشىقتاردا بىردە - ءبىر مۇشەسى كاسىپتەنبەگەن وتباسىلاردان كەم دەگەندە ءبىر مۇشەسى 24 ساعات ىشىندە كاسىپتەندىرىلدى، قالا - قالاشىقتاردا كاسىپتەندىرىلۋشىلەر سانىن ارتتىرۋ، اۋىل - قىستاقتاعى ارتىق ەڭبەككۇشتەردى باسقا كاسىپ سالالارىنا ويىستىرىپ كاسىپتەندىرۋ، سول جىلى وقۋ تاۋىسقان جوعارى مەكتەپ وقۋشىلارىن كاسىپتەندىرۋ جاعىنداعى كوزەۋلى نىسانا اسىرىلا ورىندالىپ، كاسىپتەنۋ جاعىندا ۇزاق ۋاقىت قوردالانىپ قالعان كوپتەگەن قيىن ماسەلەلەر شەشىلدى. ەڭبەك شوعىرلانعان كاسىپتەر مەن ورتا، شاعىن، ۇساق كاسىپورىندار جانە تەز ءونىم بەرەتىن نىساندار كۇش سالا دامىتىلدى؛ توقىماشىلىق، كيىم - كەشەك كاسىپتەرىن دامىتۋ ارقىلى ءبىر ميلليون ادامنىڭ كاسىپتەنۋىن جەبەۋ جوبا پروگرامماسى جاسالدى جانە اتقارىلدى، تاسىمال اقىسى جاپسىرماسى، تومەن ەلەكتر باعاسى، قوعامدىق قامسىزداندىرۋ جاپسىرما قاراجاتى سياقتى كاسىپورىنداردىڭ دامۋىن قولداۋ ساياساتتارى بەلگىلەندى، ماقتا توقىماشىلىعىنىڭ ءوندىرىس قۋاتى 10 ميلليوننان استام ۇرشىققا جەتتى، جاڭادان كاسىپتەندىرىلگەندەردىڭ سانى 150 مىڭ ادامعا تايادى. مەملەكەتتىڭ كۇش سالا قولداۋىندا، رايونىمىزدىڭ توقىماشىلىق، كيىم - كەشەك كاسىبى ءتيىمسىز جاعدايدا العا ۇمتىلىپ، كاسىپتەنۋ اياسىن كەڭەيتۋ جاعىندا ماڭىزدى رولىن ساۋلەلەندىرىپ، ەكونوميكالىق ارتۋدىڭ جاڭا جارقىن تۇيىنىنە اينالدى.
وقۋ - اعارتۋدى ماڭداي الدى ورىنعا قويۋعا باستان - اياق تاباندى بولىپ، قازىنالىق وقۋ - اعارتۋ قاراجات شىعىسىنىڭ ءوندىرىس جالپى قۇنىندا ۇستاعان سالىستىرماسى ءۇرتىس تالاي جىل مەملەكەت بەلگىلەگەن %4تىك نىسانادان جوعارى بولدى. وقۋعا ءتۇسۋ الدىنداعى 2 جىلدىق «قوس ءتىلدى» تاربيەنىڭ جالپىلاسۋ سالىستىرماسى %76.7كە جەتتى؛ ورتا مەكتەپ ساتىسىنداعى جالپى وقۋعا ءتۇسۋ سالىستىرماسى مەن جالپى جوعارى مەكتەپكە ءتۇسۋ سالىستىرماسى جەكە - جەكە %88.6كە جانە %33.6كە جوعارىلادى؛ ىشكى ولكەلەردەگى شينجياڭ ورتا مەكتەپ كلاستارىنداعى، شينجياڭداعى ورتالاۋ مەكتەپ كلاستارىنداعى وقۋشىلاردىڭ سانى جەكە - جەكە 34 مىڭعا جانە 27 مىڭعا جەتتى. وقىتۋشىلاردىڭ كىرىسىن ارتتىرۋ، وقىتۋشىلارعا جاسالاتىن يگىلىكتى جوعارىلاتۋ ماقساتىنداعى كوپ ءتۇرلى ساياساتتار اتقارىلدى. قاشقار ۋنيۆەرسيتەتى، جۇڭگو مۇناي ۋنيۆەرسيتەتىنىڭ (بەيجيڭ) قارامايلى مەكتەپ رايونى قۇرىلدى. وقۋعا ءتۇسۋ الدىنداعى تاربيەدەن جوعارى مەكتەپ تاربيەسىنە دەيىن ءبىرشاما كەمەلدى قارجىلاي كومەك بەرۋ جۇيەسى قۇرىلدى. وڭتۇستىك شينجياڭداعى 4 ايماق، وبلىستا 14 جىلدىق اقىسىز ءبىلىم بەرۋ بۇكىل ەل بويىنشا الدىمەن ىسكە اسىرىلدى.
جاڭالىق اشۋ ارقىلى دامۋعا دەم بەرۋ جالعاستىرىلىپ، جاڭاشا شينجياڭ قۇرىلىسى جاپپاي ىلگەرىلەتىلدى، شينجياڭدى عىلىم - تەحنيكا، وقۋ - اعارتۋ ارقىلى گۇلدەندىرۋ جانە ءبىلىم مەنشىك ۇقىعى ستراتەگياسىن اتقارۋ كۇشەيتىلدى، مەملەكەتتىك ءتۇيىندى تاجىريبەحانا جوقتان بار بولدى، تاڭداۋلى جوعارى دەڭگەيلى جاسامپاز دارىندىلاردان، جاسامپاز ۇجىمنان، از ۇلت عىلىم - تەحنيكا تىرەكتىلەرىنەن ءبىر توبى جەتىلدىرىلدى؛ ازاماتتاردىڭ ءىلىم ساپاسى كورنەكتى تۇردە جوعارىلاتىلدى. ءوتىنىش بەرىلگەن پاتەنت ۇقىعىنىڭ مولشەرى 10 مىڭدىق وتكەلدەن ءوتىپ، ۇقىق بەرۋ مولشەرى 2 قاتتالدى. جوعارى جاڭا تەحنيكالىق كاسىپورىندار سانى 424كە، مەملەكەتتىك جانە اۆتونوميالى رايوندىق ساناتتاعى ينجەنەريا تەحنيكالارىن زەرتتەۋ ورتالىقتارىنىڭ سانى 129عا جەتتى. ەرەكشە باسىمدىققا يە كاسىپتەردىڭ تەحنيكالىق ورەسى مەن باسەكەلىك قابىلەتى زور دارەجەدە جوعارىلادى، كۇن ەنەرگياسى، جەل ەنەرگياسى، ەرەكشە جوعارى كەرنەۋلى ەلەكتر جەتكىزۋ، كەرنەۋ وزگەرتۋ سياقتى ءتۇيىندى سالالارداعى وزەكتى شەشۋشى تەحنيكالاردا تىڭ جەتىستىكتەرگە قول جەتىپ، ەل ىشىندەگى الدىڭعى ورەگە كوتەرىلدى.
ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن ىلگەرىلەتۋدە كەزەڭدىك تابىسقا قول جەتتى، اۋدان دارەجەلى ۇكىمەت شيپاحانالارىنىڭ جالپىلىق رەفورماسى بارلىق اۋدان، قالالارعا كەڭەيدى، مەملەكەتتىڭ نەگىزگى ءدارى - دارمەك ءتۇزىمى جاپپاي ىسكە اسىرىلدى. شيپاگەرگە كورىنۋدىڭ قىمباتقا، قيىنعا توقتاۋ ماسەلەسى العاشقى قادامدا شەشىلدى. وسى زامانعى الەۋمەتتىك مادەنيەت بويىنشا قىزمەت وتەۋ جۇيەسى كۇن سايىن كەمەلدەندى، «4 ساراي، ءبىر ءۇي» اقىسىز اشىلدى جانە مادەنيەت ارقىلى حالىققا يگىلىك جەتكىزۋ ويىن ساۋىقتارى ءار ۇلت حالقىنىڭ جاقسى باعاسىنا يە بولدى. 3 - كەزەكتى جۇڭگو شينجياڭ حالىقارالىق ۇلتتىق ءبي فەستيۆالى جانە 5 - كەزەكتى تيانشان كىتاپ وقۋ فەستيۆالى ءساتتى وتكىزىلدى. شىعىس جەلى ينجەنەرياسى، شارۋالار كىتاپ ءۇيى، راديو، تەلەۆيزور باعدارلامالارىن بارلىق وتباسىنا جەتكىزۋ، اۋىل - قىستاقتا كينو قويۋ، «10 مىڭ قىستاق، 1000 اۋىلدا مادەنيەت ونىمدەرى ارقىلى حالىققا يگىلىك جەتكىزۋ قيمىلى» سياقتى ينجەنەريالارى ءساتتى جۇرگىزىلىپ، ءار ۇلت بۇقاراسىنىڭ رۋحاني مادەنيەت قاجەتى ءونىمدى تۇردە قامتاماسىز ەتىلدى. شينجياڭنىڭ تيانشان تاۋى الەمدىك مۇرالار تىزىمىنە ەنگىزىلدى. سپورت الاڭدارى مەن سارايلارى، دەنە شىنىقتىرۋ الاڭدارى سياقتى الەۋمەتتىك دەنە تاربيە قۇرىلعىلارى قالا مەن اۋىلدى قامتىدى. شينجياڭ دەنە تاربيەسى قۇراماسى مەملەكەتتىك 12 - كەزەكتى سپورت جارىسىندا 6 التىن مەدال، 8 كۇمىس مەدال الىپ، تاريحتان بەرگى ەڭ تاماشا ناتيجەگە قول جەتكىزدى. مەملەكەتتىك 13 - كەزەكتى قىسقى سپورت جارىسىنىڭ دايىندىق جۇمىستارى دەن قويا ۇيىمداستىرىلىپ، حالىقارادا وزىق دەڭگەيدەگى مۇز ءۇستى سپورت ورتالىعى، سونداي - اق قىسقى سپورت جارىسىنا قاجەتتى ءبىر توپ قۇرىلعىلار سالىندى. شينجياڭنىڭ قار - مۇز بايلىعى ەكونوميكالىق بايلىققا اينالۋدا.
6. نەگىزدىك قۇرىلعى قۇرىلىسىندا جاڭا جەتىستىكتەرگە قول جەتتى
نەگىزدىك قۇرىلعى جانە كەلەلى نىساندار قۇرىلىسىن كۇش سالا ىلگەرىلەتتىك. تۇرپان - كۇشار 2 - جەلىسى سياقتى ءبىر توپ تەمىر جول نىساندارى ىسكە قوسىلدى، پويەز قاتىنايتىن تەمىر جول ۇزىندىعى 4393 كيلومەتردەن 6152 كيلومەترگە جەتتى؛ لانجوۋ - شينجياڭ تەمىر جولىنىڭ ەكىنشى قوس جەلىسىندە پويەز قاتىناپ، شينجياڭ جوعارى جىلدامدىقتى تەمىر جول داۋىرىنە قادام تاستادى. كورلا - اقسۋ - قاشقار سياقتى مەملەكەتتىك جانە جەرگىلىكتى 18 جوعارى قارقىندى تاس جول سالىنىپ، جوعارى قارقىندى تاس جولدىڭ ۇزىندىعى 4316 كيلومەترگە جەتتى، بۇل 2010 - جىلداعىنىڭ 5 ەسەسىنەن كوپ. «جولدى ىركىلىسسىزدەندىرىپ حالىقتى اۋقاتتاندىرۋ» بويىنشا 38 مىڭ كيلومەتر اۋىل - قىستاق تاس جولى جاڭادان سالىنىپ، وزگەرتىلىپ سالىنىپ نەمەسە جالعاستىرىلىپ سالىنىپ، 175 اۋىل - قالاشىقتا 2920 قىستاقتىڭ جول - قاتىناس شارت - جاعدايى جاقسارتىلدى. قاشقار اۋەجايىن كەڭەيتىپ سالۋ، كوكتوعاي اۋەجايىن كوشىرىپ سالۋ سياقتى ينجەنەريالار ورىندالدى، حالىقتىق اۋەجايلاردىڭ سانى 18گە جەتتى. قىزىلجار سياقتى ءبىر توپ ءتۇيىندى سۋ يگىلىگى تورابى ينجەنەريالارى ىركەس - تىركەس سالىنىپ بولدى؛ باتىستىڭ گازىن شىعىسقا جەتكىزۋدىڭ 2 - ، 3 - قۇبىر جەلىسى ىسكە قوسىلدى. باتىس سولتۇستىكپەن بىرلەستىرىلگەن 750 كيلوۆولتتىق قوس جەلىلى ارنا ينجەنەرياسى، قۇمىلدان جىڭجوۋعا دەيىنگى 800 ± كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسى، شىعىس جۇڭعار - شىعىس جۇڭگو 1100 ± كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسى، سونداي - اق ونىڭ سايكەستى توك كوزى نىسانىنىڭ قۇرىلىسى جاپپاي باستالدى؛ شينجياڭدا 750 كيلوۆولتتىق ەلەكتر تورى نەگىزگى ەكونوميكالىق وڭىرلەردى قامتىدى. گەولوگيالىق كەن بارلاۋدا مول تابىسقا قول جەتتى. كولەمدى نەگىزدىك قۇرىلعى قۇرىلىستارى شينجياڭنىڭ دامۋىنا ۇزاق ۋاقىت تۇساۋ بولعان كەدەرگىلەردى اسا زور دارەجەدە تالقانداپ، ەكونوميكانىڭ دامۋىنا، قوعامنىڭ العا باسۋىنا ۇتىمدى سۇيەۋ بولدى.
7. ەكولوگيالىق وركەنيەت قۇرىلىسىندا جاڭا جاعداي جاسالدى
جوبانى الدىمەن ورىنداۋعا، جوعارى دەڭگەيدە جوبالاۋعا تاباندى بولىپ، نەگىزگى فۋنكتسيالىق ءوڭىر ستراتەگياسىن جاپپاي اتقارىپ، بايلىقتى ۇنەمدەۋ، قورشاعان ورتانى قورعاۋ، ەكولوگيالىق ونىمدىلىك كورسەتكىشىنىڭ ەكونوميكالىق، قوعامدىق باعالاۋداعى سالماعىن ارتتىرىپ، اشۋدى شەكتەۋ جانە ەكولوگيانى قالپىنا كەلتىرۋ سىندى كەشەندى شارالاردى تياناقتاندىردىق. تابيعي ورمان، تارىم ويپاتى مەن جۇڭعار ويپاتىنىڭ توڭىرەگىندە قۇمايتتانۋدى تىزگىندەۋ جۇمىسى ىلگەرىلەتىلىپ، باعراش كولىنىڭ، ۇلىڭگىر كولىنىڭ ەكولوگيالىق ورتاسىن وڭاۋ ينجەنەرياسى اتقارىلدى. قارامايلى تابيعي قورىعىنىڭ ەكولوگياسىن قالپىنا كەلتىرۋ جۇمىسى شىن مانىندە يگەرىلدى. جايلىم ەكولوگياسىن قورعاۋ بويىنشا كومەك قاراجات سيلىق مەحانيزمى تياناقتاندىرىلىپ، 150 ميلليون مۋ جايلىم تىنىقتىرىلدى، جايلىم مەن مال سايكەستىرىلگەن جايلىم اۋماعى 540 ميلليون مۋعا جەتتى. تابيعي ورماننىڭ اۋدانى 100 ميلليون مۋ ارتىپ، 11 ميلليون 820 مىڭ مۋ جەرگە ورمان وتىرعىزىلدى، ءسويتىپ، ورمانمەن كومكەرىلۋ سالىستىرماسى %04. 4تەن %4.7كە جوعارىلادى. تارىم وزەنى الابىن تاياۋ مەزگىلدە جان - جاقتى وڭاۋ نىسانى نەگىزىنەن ورىندالىپ، وزەننىڭ تومەنگى اعارىنا ەكولوگيالىق ماقساتتا 16 رەت سۋ جىبەرىلدى.
ەنەرگيا قۇرىلىمى بەلسەندى تۇردە رەتتەلىپ، ساپالىلاندىرىلىپ، قايتا تۋىندايتىن ەنەرگيا سالاسى جەدەل دامىتىلىپ، جەل ەلەكترى، جارىق ەلەكترىنىڭ ءوندىرىس كولەمى جەكە - جەكە 13 ميلليون كيلوۆاتقا جانە 5 ميلليون 500 مىڭ كيلوۆاتقا جەتىپ، مەملەكەت بويىنشا 3 - ورىندى جانە 2 - ورىندى يەلەدى. قورشاعان ورتانى قورعاۋدى باقىلاۋ جانە ول جونىندەگى زاڭ اتقارۋ سەرپىنى ارتتىرىلىپ، ەنەرگيا ۇنەمدەۋ، لاستاۋشى زاتتاردىڭ شىعارىلۋىن ازايتۋ بويىنشا نىسانالىق جاۋاپكەرشىلىك ءتۇزىمى تياناقتاندىرىلدى. زاڭعا قايشى تۇردە لاستاۋشى زاتتار شىعارعان كاسىپورىندار باتىل جونگە سالىنىپ، لاستاۋشى زاتتاردى شىعارۋ ۇقىعىن اقىلى پايدالانۋ جانە ساۋداعا سالۋ قىزمەتى ىلگەرىلەتىلدى. پارمەندى شارالار قولدانىلىپ، ەنەرگيا قۇراۋى جوعارى، اۋىر دارەجەدە لاستايتىن تەمىر قورىتۋ، بولات قورىتۋ وندىرىسىنەن ءبىر توبى قىسقارتىلدى. قۇرىلىستاردى ەنەرگيا ۇنەمدەۋ بويىنشا وزگەرتۋ جەدەل ىلگەرىلەتىلىپ، بارلىق اۋدان، قالالاردا جاڭادان سالىنعان ۇيلەرگە ەنەرگيا ۇنەمدەۋ بويىنشا زورلىقتى ولشەم اتقارىلدى. 9 كومىر الابىن وڭاۋ مىندەتى ورىندالىپ، 7 ميلليون توننادان استام كومىرتەگى قوس توتىعى از شىعارىلدى. ءۇرىمجى ءوڭىرى، كۇيتۇن - مايتاۋ - شيحۋ ءوڭىرى، قارامايلى، شىحىزى، كورلا سياقتى قالالاردا اتموسفەرانىڭ لاستانۋىنان بىرلەسىپ ساقتانۋ جانە ونى بىرلەسىپ تىزگىندەۋ، سونداي - اق حوتان، قاشقار سياقتى قالالاردا قۇمدى بوراننىڭ لاستاۋىن جان - جاقتى وڭاۋ جۇمىسى ۇزدىكسىز ىلگەرىلەتىلدى. ءۇرىمجىنىڭ اتموسفەراسىنىڭ لاستانۋىن تىزگىندەۋدە تاريحي تىڭ جەتىستىككە قول جەتتى.
8. شينجياڭعا باعىتتامالى كومەكتەسۋ قىزمەتىندە جاڭا تابىستارعا قول جەتتى
پارتيا ورتالىق كوميتەتى شينجياڭعا ۇزاق ۋاقىت باعىتتامالى كومەكتەسۋدى كەلەلى ستراتەگيا ەتىپ، بۇكىل ەلدىڭ اقىل - پاراساتىن، كۇش - قۋاتىن شوعىرلاندىرىپ، شينجياڭنىڭ دامۋىن قولدادى، شينجياڭعا باعىتتامالى كومەكتەسۋ قىزمەتىنە ءبىر تۇتاس قولباسشىلىقتى جانە ونى باسقارۋ مەن وعان قىزمەت وتەۋدى كۇشەيتىپ، حالىق تۇرمىسىنا، نەگىزگى ساتىعا بەيىمدەلۋگە تاباندى بولىپ، شينجياڭعا باعىتتامالى كومەك نىسانىنان 5150ىن اتقارىپ، 58 ميلليارد يۋان قارجىنى تياناقتاندىردىق، بەيقۇت ءۇي سالىپ حالىقتى اۋقاتتاندىرۋ، مالشىلاردى وتىرىقتاندىرىپ مال شارۋاشىلىعىن كوركەيتۋ، وقۋ - اعارتۋ، دەنساۋلىق ساقتاۋ، كاسىپتەنۋ سياقتى ءتۇيىندى حالىق تۇرمىسى نىساندارىنان ءبىر توبىن اتقاردىق. شينجياڭعا كاسىپ سالاسى بويىنشا كومەكتەسۋدى جانە ەڭبەك شوعىرلانعان كاسىپتەرگە ويىسۋدى ماڭىزدى مىندەت ەتىپ، 6003 ەكونوميكالىق سەلبەستىك توقتامىن اتقارىپ، 880 ميلليارد 900 ميلليون يۋان قارجىنى تياناقتاندىردىق، قوماقتى قارجى سالىنعان، جەتەكتەۋ قابىلەتى كۇشتى ءبىر توپ نىسان قۇرىلىسى شوعىرلى تۇردە جۇمىس باستاپ، ءار ۇلت بۇقاراسىنىڭ ورنىقتى تۇردە كاسىپتەنۋىن ءونىمدى جەبەدى. شينجياڭعا كومەكتەسۋشى كادرلار شينجياڭ توپىراعىنا اششى تەرى مەن اقىل - پاراساتىن ارنادى، ولاردىڭ ۇلەسى مەن ەڭبەگىن ءبىز ماڭگى ۇمىتپايمىز.
9. ۇكىمەت ىسىندە شوگەل، پاك بولۋ قۇرىلىسىندا جاڭا بەينە جارىققا شىقتى
زاڭ بويىنشا اكىمشىلىك جۇرگىزۋدى ىلگەرىلەتىپ، زاڭمەن جونگە سالىناتىن ۇكىمەت قۇرۋدى تەزدەتىپ، باسقارۋ ءتاسىلىن جاڭالاپ، اكىمشىلىك زاڭ اتقارۋ بويىنشا جاۋاپكەرشىلىك ءتۇزىمىن جاپپاي تياناقتاندىردىق. ۇكىمەت ءىسىن جاريا ۇستاۋ بەلسەنە ىلگەرىلەتىلىپ، جاريا ۇستاۋ مازمۇنى ۇزدىكسىز بايىتىلىپ، جاريا ۇستاۋ فورماسى كەمەلدەندىرىلىپ، ۇكىمەتتىڭ الەۋمەتتىك سەنىمدىلىگى جوعارىلاتىلدى. 5 جىلدان بەرى 29 جەرگىلىكتى زاڭ - ەرەجە جوباسى اۆتونوميالى رايوندىق حالىق قۇرىلتايى تۇراقتى كوميتەتىنىڭ قاراۋىنا ۇسىنىلدى، 33 ۇكىمەت ەرەجەسى جاريالاندى؛ مەملەكەتتىك حالىق قۇرىلتايىنىڭ ۇسىنىسىنان 60 نۇسقاسى، ساياسي كەڭەستىڭ ۇسىنىس جوباسىنان 102 نۇسقاسى، اۆتونوميالى رايوندىق حالىق قۇرىلتايىنىڭ كەڭەس جوباسىنان، ۇسىنىسىنان 4607 نۇسقاسى، ساياسي كەڭەستىڭ ۇسىنىس جوباسىنان 5172 نۇسقاسى ءبىر جايلى ەتىلدى. قازىنالىق كىرىستى ورنىقتى ارتتىرۋ مەحانيزمى ۇزدىكسىز كەمەلدەندىرىلىپ، قازىنالىق شىعىس قۇرىلىمى ساپالىلاندىرىلىپ، ماڭىزدى شىعىستاردى باعالاۋ، دالەلدەۋ مەحانيزمى مەن ماڭىزدى ينجەنەريالىق نىسانداردى قازىنالىق باقىلاۋ ءتۇزىمى ورناتىلىپ، كەمەلدەندىرىلىپ، قازىنالىق قارجىنىڭ پايدالانۋ ونىمدىلىگى جوعارىلاتىلدى. جۇمىسشى ۇيىمى، جاستار وداعى، ايەلدەر بىرلەستىگى سياقتى حالىقتىق ۇيىمداردىڭ، سونداي - اق ونەركاسىپ - ساۋدا بىرلەستىگى، ساۋدا قوعامى سياقتى ۇيىمداردىڭ كوپىرلىك، دانەكەرلىك رولىن ساۋلەلەندىرۋگە باسا ءمان بەرىلدى. شۇعىل جاعدايعا توتەپ بەرۋ تۇعىرى قۇرىلىسى بەلسەنە ىلگەرىلەتىلىپ، توسىن وقيعالارعا توتەپ بەرۋ قابىلەتى جاپپاي ءوسىرىلدى. ءوندىرىس حاۋىپسىزدىگىن كەڭ كولەمدە تەكسەرۋ ۇزدىكسىز ورىستەتىلىپ، حاۋىپسىزدىك كىناراتتارىن تەكسەرۋ، وڭاۋ تەرەڭدەتىلىپ، ءوندىرىس حاۋىپسىزدىگى جاعدايىنىڭ ۇزدىكسىز جاقسارا ءتۇسۋى شىنايى قامتاماسىز ەتىلدى. ازىق - تۇلىك، ءدارى - دارمەك حاۋىپسىزدىگىن باسقارۋ - باقىلاۋ ونان ارى كۇشەيتىلدى. ورتالىقتىڭ «8 ءتۇرلى بەلگىلەمەسى» مەن اۆتونوميالى رايوندىق پارتكومنىڭ «10 تارماقتى بەلگىلەمەسى» باتىل، دايەكتى تياناقتاندىرىلىپ، «ءتورت ءتۇرلى بۇرىس ستيلدىڭ» ءورشۋ جاعدايىنا تيداۋ سالىندى. جەمقورلار استە كەشىرمەۋ پوزيتسياسىمەن باتىل جازالاندى.
بيڭتۋان قىزمەتىنە باسا ءمان بەرىپ، بيڭتۋان مەن جەرگىلىكتى ورىننىڭ توعىسپالى دامۋىن بەلسەنە جەبەدىك. بيڭتۋاننىڭ تىڭ يگەرۋ، شەكارانى قورعاۋ، ورنىقتىلىقتى قورعاۋ سىندى ەرەكشە تاريحي مىندەتتى وتەۋىنە قولداۋ كورسەتىلىپ، شەكارانى تىنىشتاندىرىپ، شينجياڭنىڭ ورنىقتىلىعىن بەكەمدەۋدەگى ورنىقتىرعىشتىق، ءار ۇلت بۇقاراسىن جۇمىلدىراتىن دومنا پەشتىك، وزىق وندىرگىش كۇش پەن وزىق مادەنيەتتەن ۇلگى كورسەتۋ رايونىندىق رولى تولىق ساۋلەلەندىرىلدى. بيڭتۋاننىڭ جاڭاشا ونەركاسىپتەندىرۋ، قالا - قالاشىقتاندىرۋ، اۋىل شارۋاشىلىعىن وسىزامانداندىرۋ بارىسىن تەزدەتۋىنە قولداۋ كورسەتىلىپ، سۋ يگىلىگى، قاتىناس، ەنەرگيا سياقتى نەگىزدىك قۇرىلعىلارى قۇرىلىسى كۇشەيتىلىپ، جالپىلىق قۋاتى كورنەكتى تۇردە ارتتىرىلدى، ءوندىرىس جالپى ءونىم قۇنى 196 ميلليارد يۋانعا جەتىپ، جىلىنا ورتا ەسەپپەن %16.1 ارتتى. مەملەكەت قورعانىسى جانە شينجياڭدا تۇراتىن اسكەري بولىمدەر قۇرىلىسىنا باستان - اياق كوڭىل ءبولىنىپ، قولداۋ كورسەتىلىپ، ارميا مەن حالىقتىڭ توعىسپالى تەرەڭ دامۋى جەبەلىپ، جاڭا داۋىردەگى ارميا مەن ۇكىمەت، ارميا مەن حالىق ىنتىماعىنىڭ جاڭا داستانى جازىلدى!
اشىق دامۋعا تاباندى بولۋ. مەملەكەتتىڭ «ءبىر بەلدەۋ، ءبىر جول» ستراتەگياسىمەن ىشكەرىلەي توعىسىپ، جاڭا ازيا - ەۆروپا قۇرلىق كوپىرى ەكونوميكا ءدالىزىن، جۇڭگو − ورتا ازيا ەكونوميكا ءدالىزىن، جۇڭگو - پاكيستان ەكونوميكا ءدالىزىن، جۇڭگو - موڭعۇليا - رەسەي ەكونوميكا ءدالىزىن قۇرۋ ورايىن مىقتى ۇستاپ، جىبەك جولى ەكونوميكالىق بەلدەۋىنىڭ وزەكتى رايونىنداعى «ءۇش ارنا»، «ءۇش بازا»، «5 ورتالىق»، «10 يمپورت - ەكسپورت كاسىبى شوعىرلانعان رايون» قۇرىلىسىن جەدەلدەتۋ، توڭىرەكتەگى ەلدەرمەن كوپ سالادا ءوزارا پايدا جەتكىزىپ تەڭ ۇتاتىن ناقتى سەلبەستىك جاساۋدى ىلگەرىلەتۋ كەرەك. سىرتقا باعىتتالعان كاسىپ شوعىرىن بارىنشا دامىتىپ، مەملەكەتتىڭ باتىسقا ەسىك اشقان جاساۋ كاسىبىنىڭ تىڭ بيىگىن جارىققا شىعارۋ كەرەك. حالىقارالىق ءوندىرىس قابىلەتى مەن جابدىق جاساۋ سەلبەستىگىن جەدەلدەتىپ، قارجى قوسۋدى، ءوندىرىستى، ساتۋدى، سايكەستى قىزمەتتى قامتىعان ءبىر جەلىلى سەلبەستىك ۇلگىسىن قاراستىرۋ كەرەك. ورتا ازياعا، ورتا ەۆروپاعا جۇك تاسىمالدايتىن حالىقارالىق كەزەكشى پويەزدەردىڭ بازارلانعان، ۇدايىلانعان ءوندىرىسىن ىلگەرىلەتۋ كەرەك. ورتا ازياعا بەت العان ەركىن ساۋدا باقشا رايونىن قۇرۋدى جەبەۋ كەرەك. سىرتقى قارىم - قاتىناستاعى جوعارى دەڭگەيلى تەكشە قۇرىلىسىن كۇشەيتىپ، ادام، زات، قارجى، ينفورماتسيا اينالىمىن ىركىلىسسىزدەندىرۋ كەرەك. توڭىرەكتەگى ەلدەرمەن وقۋ - اعارتۋ، عىلىم - تەحنيكا، مادەنيەت، ساياحات، دەنساۋلىق ساقتاۋ، دەنە تاربيە، اقپارات - باسپا ءسوز - راديو - كينو - تەلەۆيزيا، قورشاعان ورتانى قورعاۋ سياقتى سالالارداعى سەلبەستىكتى جاپپاي ورىستەتىپ، 5 جىل قۇلشىنۋ ارقىلى جىبەك جولى ەكونوميكالىق بەلدەۋى وزەكتى رايون قۇرىلىسىنا مىعىم نەگىز قالاۋعا ۇمتىلۋ كەرەك.
بىرگە يگىلىككە كەنەلەتىن دامۋعا تاباندى بولۋ. حالىقتىڭ جارقىن ومىرگە دەگەن ۇمتىلىسىن كۇرەس نىساناسى ەتۋ، بارلىق ادام ات سالىسۋ، بارلىق ادام كۇش سالۋ، بارلىق ادام يگىلىكتەنۋ تالابىنا ساي، جالپى حالىقتىڭ جاپپاي دوڭگەلەك داۋلەتتى قوعامعا بىرگە قادام تاستاۋىن قۇلشىنا ىسكە اسىرۋ كەرەك. كەدەيلىكتەن قۇتىلۋدان قامال الۋدى «13 - بەسجىلدىق» جوبا مەزگىلىندەگى ماڭداي الدى كەلەلى ءىس جانە ءبىرىنشى حالىق تۇرمىسى ينجەنەرياسى رەتىندە يگەرىپ، ءتىپتى، بەرىك بەكىم، ەرەك سەرپىن ارقىلى كەدەيلىكتەن قۇتىلۋدان قامال الۋ نىساناسىن ىسكە اسىرىپ، 3029 كەدەي قىستاقتىڭ بارلىعىنىڭ كەدەيلىك قىسپاعىنان شىعۋىن، 35 كەدەي اۋداننىڭ بارلىعىنىڭ كەدەيلىكتەن ارىلۋىن قامتاماسىز ەتۋ، جاپپاي دوڭگەلەك داۋلەتتى قوعام قۇرۋدا ءبىر اۋىل، ءبىر قىستاقتى، ءبىر ادامدى دا قاتاردان قالدىرۋعا استە جول بەرمەۋ كەرەك. تۇرعىندار كىرىسى مەن ەكونوميكانىڭ تەڭ ارتۋىنا، ەڭبەكاقى مەن ەڭبەك ءوندىرىس ونىمدىلىگىنىڭ تەڭ وسۋىنە تاباندى بولىپ، قالا، اۋىل تۇرعىندارىنىڭ كىرىسىن باياندى ارتتىرۋ كەرەك. كاسىپتەنۋدى ءبىرىنشى نىسانا، كاسىپتەنۋشىلەر سانىن ارتتىرۋدى وزەكتى مىندەت ەتىپ، ءار ۇلتتىڭ كاسىپتەنۋ اياسىن كەڭەيتۋگە ءتيىمدى ەكونوميكالىق قۇرىلىم مەن دامۋ ءتاسىلىن قالىپتاستىرۋ كەرەك. وقۋ - اعارتۋدى الدىڭعى ورىنعا قويۋعا تاباندى بولىپ، وقۋ - اعارتۋدىڭ نەگىزدىك رولى مەن حالىق تۇرمىسىنا جاسايتىن اسەرىن كورنەكتىلەندىرىپ، 15 جىلدىق وقۋ - اعارتۋدى نەگىزىنەن جالپىلاستىرۋ، وقۋ - اعارتۋدىڭ وسىزاماندانۋىن نەگىزىنەن ىسكە اسىرۋ كەرەك. مادەنيەت كاسىبىن حالىق شارۋاشىلىعىنىڭ تىرەكتى كاسىپ سالاسى ەتىپ قۇرىپ، جاڭاشا مادەنيەت قالىبىن تەز جەتىلدىرۋ كەرەك. حالىقتى دامىتۋ ستراتەگياسىن كەمەلدەندىرىپ، اقاۋسىز شينجياڭ قۇرىلىسىن ىلگەرىلەتۋ كەرەك. قوعامدىق قامتاماسىز ەتۋدىڭ قوعامدى ورنىقتىرعىشتىق رولىن، ءتىپتى، جاقسى ساۋلەلەندىرىپ، ءتۇيىندى سوڭعى شەككە اۋدارىپ، بۇقارانىڭ نەگىزگى تۇرمىسىن قامتاماسىز ەتۋ كەرەك، نەگىزگى الەۋمەتتىك قىزمەتتى قامتاماسىز ەتۋ كەرەك. قوعام ورنىقتىلىعى مەن باياندى تىنىشتىق سىندى باس نىسانا توڭىرەگىندە، «ءۇش ءتۇرلى كۇشتىڭ» بۇلىگى مەن لاڭىنان قاشاندا ساق بولىپ، لاڭكەستىككە قارسى تۇرىپ، ورنىقتىلىقتى قورعاۋدىڭ جان اياماس شايقاسىن باتىل تۇردە جەڭىسپەن جۇرگىزىپ، ەكونوميكالىق، قوعامدىق دامۋعا جاراسىمدى دا ورنىقتى ورتا ازىرلەۋ كەرەك.
ۋاكىلدەر، «شينجياڭ ۇيعۇر اۆتونوميالى رايونىنىڭ ەكونوميكالىق جانە قوعامدىق دامۋدىڭ <13 - بەسجىلدىق> جوبا پروگرامماسى (جوبا)» −− شينجياڭنىڭ الداعى 5 جىلداعى دامۋىنا جەتەكشىلىك ەتەتىن ارەكەت پروگرامماسى، ونى قاراپ شىعىپ، پىكىر بەرۋلەرىڭىزدى سۇرايمىن. پارتيا ورتالىق كوميتەتىنىڭ، مەملەكەتتىك كەڭەستىڭ جانە اۆتونوميالى رايوندىق پارتكومنىڭ پارمەندى باسشىلىعىندا، بۇكىل رايونىمىزداعى ءار ۇلت حالقىنىڭ قۇلشىنا كۇرەسۋىندە، «13 - بەسجىلدىق» ايبىندى جوبانىڭ، ءسوز جوق، ۋاعىندا ورىندالاتىندىعىنا كامىل سەنەمىز!
ءۇشىنشى، 2016 - جىلعى قىزمەتتەر جونىندە ورنالاستىرۋ
بيىل «13 - بەسجىلدىق» جوبانى اتقارۋدىڭ باستاما جىلى. ج ك پ اۆتونوميالى رايوندىق 8 - كەزەكتى كوميتەتى ونىنشى جالپى (كەڭەيتىلگەن) ءماجىلىسىنىڭ جانە ەكونوميكالىق قىزمەت ءماجىلىسىنىڭ رۋحىنا سايكەس، 2016 - جىلعى ەكونوميكالىق، قوعامدىق دامۋدىڭ باستى كوزەۋلى نىساناسى مىناداي: رايوندىق ءوندىرىس جالپى ءونىم قۇنىن %7 شاماسىندا ارتتىرۋ، تۇتاس قوعامدىق تۇراقتى مۇلىككە سالىناتىن قارجىنى %12 ارتتىرۋ، قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسىن %10 ارتتىرۋ، يمپورت - ەكسپورت جالپى سوماسىن %6 ارتتىرۋ، ادەتتەگى الەۋمەتتىك مەجە ەسەپ كىرىسىن %5 شاماسىندا ارتتىرۋ، تۇرعىنداردىڭ تۇتىنۋ باعاسىنىڭ جالپى دەڭگەيىنىڭ كوتەرىلۋ مولشەرىن %3 شاماسىندا ساقتاۋ، قالا - قالاشىقتاردا جاڭادان 440 مىڭ ادامدى كاسىپتەندىرۋ، قالا - قالاشىقتاردا تىركەلگەن جۇمىسسىزدىق سالىستىرماسىن %4.5 ىشىندە مەڭگەرۋ، حالىقتىڭ تابيعي ءوسىمىن ‰11.6 ىشىندە مەڭگەرۋ، قالا، اۋىل تۇرعىندارىنىڭ جان باسىندىق ورتاشا كىرىسىنىڭ ارتۋ مولشەرىن ءوندىرىس جالپى قۇنىنىڭ ارتۋ مولشەرىنەن تومەندەتپەۋ، ەنەرگيا، سۋ، قۇرىلىسقا پايدالانىلاتىن جەر سياقتى بايلىقتى سارىپ ەتۋدى، كومىرتەگى قوس توتىعى سياقتى جىلىجاي گازىن ىعىستىرۋدى تەجەلەتىن كورسەتكىش كولەمىندە تىزگىندەۋ. ەل ىشىندەگى ەكونوميكالىق جاعدايعا جان - جاقتى تالداۋ جاساپ كورسەك، بيىلعى جاعداي، ءتىپتى، اۋىر بولادى، بەلگىلەنگەن كوزەۋلى نىسانالارىمىزعا جەتۋ ءۇشىن جاپالى قۇلشىنىستار جاساۋىمىزعا تۋرا كەلەدى.
سوندىقتان، ءسوز جوق، باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي دايەكتىلەندىرىپ، پارتيا 18 - كەزەكتى ورتالىق كوميتەتى بەسىنشى جالپى ءماجىلىسىنىڭ، ورتالىقتىڭ ەكونوميكالىق قىزمەت ءماجىلىسىنىڭ جانە ج ك پ اۆتونوميالى رايوندىق 8 - كەزەكتى كوميتەتى ونىنشى جالپى (كەڭەيتىلگەن) ءماجىلىسىنىڭ ورنالاستىرۋلارىن جاپپاي تياناقتاندىرىپ، «بەستى ءبىر تۇلعالاندىرۋ» جالپىلىق ورنالاستىرۋى مەن «ءتورتتى جاپپاي ورىنداۋ» ستراتەگيالىق ورنالاستىرۋى بويىنشا، قوعام ورنىقتىلىعى مەن باياندى تىنىشتىق سىندى باس نىسانانى ارقاۋ ەتىپ، جىبەك جولى ەكونوميكالىق بەلدەۋىنىڭ وزەكتى رايونىن قۇرۋ ورايىن ۇستاپ، ورنىقتىلىق بارىسىندا ىلگەرىلەۋ، رەفورمادا جاڭالىق اشۋ سىندى جالپى قىزمەت جەلىسىنەن جازباي، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ يدەياسىنا تاباندى بولىپ، يدەيانى جەتەكشى ەتۋگە، ماسەلەنى جەتەكشى ەتۋگە، امالياتتى جەتەكشى ەتۋگە تاباندى بولىپ، ەكونوميكالىق دامۋدىڭ جاڭا قالىبىنا ۇيلەسىپ، قامداۋ جاعىنداعى قۇرىلىمدىق رەفورمانى كۇشەيتۋدى قىزمەتتىڭ سالماعى، تاسىلگە بۇرىلىس جاساۋدى، ولقىلىقتاردى تولتىرۋدى، حاۋىپ - قاتەردەن ساقتانۋدى، رەفورمانى يگەرۋدى كۇش سالا شەشۋگە ءتيىستى ماڭىزدى، قيىن تۇيىندەر، قاجەتتەن اسىپ قالعان ءوندىرىس قۋاتىن، قامبادا باسىلىپ قالۋدى الاستاۋدى، وزىندىك قۇندى تومەندەتۋدى كورنەكتى مىندەت ەتىپ، قامداۋ جۇيەسىنىڭ ساپاسى مەن ونىمدىلىگىن ءوسىرىپ، قارجى قوسۋدىڭ ونىمدىلىگىن جوعارىلاتىپ، ەكونوميكانىڭ باياندى، اقاۋسىز دامۋىن جانە قوعامنىڭ جاراسىمدىلىعى مەن ورنىقتىلىعىن جەبەپ، «13 - بەسجىلدىق» كەزىندەگى ەكونوميكالىق، قوعامدىق دامۋدىڭ يگى باستاماسىن قۇلشىنا ىسكە اسىرۋىمىز كەرەك.
1. قوعامدىق جالپى جاعدايدىڭ ورنىقتىلىعىن باتىل قورعاۋ
شينجياڭدى زاڭمەن جونگە سالۋعا، ىنتىماقتاسىپ شينجياڭدى ورنىقتىرۋعا، شينجياڭدى ۇزاق ۋاقىت گۇلدەندىرۋگە تاباندى بولىپ، قوعام ورنىقتىلىعى مەن باياندى تىنىشتىقتىڭ كوزدەۋ ءتۇيىنى مەن كۇش سالۋ ءتۇيىنىن مىقتى يگەرىپ، ورنىقتىلىقتى قورعاۋداعى ءتۇرلى قىزمەتتەردى تىڭعىلىقتى ىستەپ، لاڭكەستىككە قارسى تۇرۋ، ورنىقتىلىقتى قورعاۋ قابىلەتىن ۇزدىكسىز ءوسىرۋ. زورلىقتى كۇش لاڭكەستىك ارەكەتتەرگە قاتاڭ سوققى بەرۋ ارناۋلى ارەكەتىن ۇزدىكسىز تەرەڭدەتىپ، زورلىقتى كۇش لاڭكەستەردىڭ ءبۇلدىرۋ ارەكەتتەرىن مۇمكىندىكتىڭ بارىنشا جورگەگىندە اۋىزدىقتاپ، قوعام مەن حالىققا زيان جەتكىزۋىنەن باتىل ساقتانۋ. يدەولوگيا سالاسىنداعى بولشەكتەۋگە قارسى كۇرەستىڭ ىرىقتىلىعىن مىقتى يگەرىپ، كەلەلى يدەيالىق، نازاريالىق ماسەلەلەردى سارالاپ، وعان جەتەكشىلىك ەتىپ، عالامتورداعى ۇگىت جانە باسقارۋ - مەڭگەرۋ قابىلەتىن جوعارىلاتۋ. «7 - بەسجىلدىق» زاڭ جالپىلاستىرۋ قىزمەتىن اتقارىپ، زاڭمەن جونگە سالۋ جونىندەگى ۇگىت، تاربيەنىڭ ونىمدىلىگىن بارىنشا جوعارىلاتۋ. نەگىزگى ساتىنىڭ نەگىزدىك قۇرىلىسىن كورنەكتى تۇردە يگەرىپ، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قىزمەتىن تەرەڭدەتىپ، ورتالىق پەن اۆتونوميالى رايوننىڭ تالاپتارىنىڭ تەگىس دايەكتىلەنىپ، تولىق تياناقتانۋىن باستان - اياق قامتاماسىز ەتۋ. قىستاق دارەجەلى ۇيىمداردىڭ قيمىل ورىندارى مەن قىستاق تۇرعىندارىنا قىزمەت وتەۋ ورتالىقتارىنىڭ قۇرىلعى قۇرىلىستارىن كۇشەيتۋ. بۇقارانىڭ مۇددەسىن بەينەلەۋ، مۇددەنى سايكەستىرۋ، مۇددەنى قورعاۋ مەحانيزمىن كەمەلدەندىرۋ. ارىز - تالاپ قىزمەتى ءتۇزىمىنىڭ رەفورماسىن جەبەپ، قايشىلىق پەن داۋ - شاردان ءونىمدى تۇردە ساقتانۋ جانە ونى شەشۋ. حاۋىپسىز دامۋ كوزقاراسىن مىقتاپ ورناتىپ، ءوندىرىس حاۋىپسىزدىگى جونىندەگى جاۋاپكەرشىلىك ءتۇزىمىن قاتاڭ تياناقتاندىرىپ، الەۋمەتتىك حاۋىپسىزدىك جۇيەسىن اقاۋسىزداندىرىپ، حالىقتىڭ ءومىرىنىڭ حاۋىپسىزدىگىن قورعاۋ جاۋاپكەرشىلىگىن باتىل وتەۋ.
2. ۇلتتار ىنتىماعىنىڭ جاڭا جاعدايىن قۇلشىنا جاراتۋ
ۇلت ماسەلەسىن شەشۋدىڭ جۇڭگولىق ەرەكشەلىككە يە دۇرىس جولىمەن بۇلجىماي ءجۇرىپ، جاڭا جاعدايداعى ۇلت قىزمەتىنىڭ ەرەكشەلىگى مەن زاڭدىلىعىن دۇرىس يگەرىپ، ۇلتتار ىنتىماعى، العاباسارلىعى ىستەرىن تەرەڭدەتىپ، ۇلت ىستەرىن باسقارۋ قابىلەتىن كۇش سالا جوعارىلاتۋ. وسى زامانعى مادەنيەت ارقىلى جەتەكشىلىك ەتۋگە تاباندى بولىپ، سوتسياليستىك وزەكتى قۇن كوزقاراسىن كۇش سالا جەتىلدىرىپ جانە امالياتتا ايگىلەپ، ءار ۇلتقا ورتاق رۋحاني مەكەن قۇرىپ، مەملەكەتتىك سانانى، ازاماتتىق سانانى، جۇڭحۋا ۇلتىنىڭ ورتاق تۇلعاسى ساناسىن مىقتاپ ورناتۋ. ۇلتتار كىرىگە ارالاسقان قوعامدىق قۇرىلىم مەن الەۋمەتتىك اۋماق ورتاسىن قۇرۋدى جەبەۋ، ۇلتتاردىڭ ارالاسۋىن، ىشتەسۋىن، توعىسۋىن جەبەۋ. 34 - رەتكى ۇلتتار ىنتىماعى تاربيە ايى قيمىلىن ىشكەرىلەي ورىستەتىپ، ۇلتتار ىنتىماعىنداعى وزات تيپتەردىڭ ىزگى ىستەرىن كۇش سالا ۇگىتتەۋ، ءار ۇلت بۇقاراسىنىڭ ورتاق ءوندىرىس، تۇرمىس، قىزمەت، ۇيرەنۋ بارىسىندا تۇسىنىكتى تەرەڭدەتۋىن، سۇيىسپەنشىلىكتى ارتتىرۋىن جەبەۋ. «ۇساق ارەكەتتەر» ارقىلى ۇلتتار ىنتىماعىنىڭ وڭ ەنەرگياسىن توپتاپ، ءار ۇلتتىڭ ورتاق ىنتىماقتاسا العا باسۋىنىڭ، ورتاق كوركەيىپ - گۇلدەنۋىنىڭ تىڭ ورلەۋىن باستايىق!
پارتيانىڭ ءدىن قىزمەتىنىڭ نەگىزگى باعىتىن مۇقيات دايەكتىلەندىرىپ، «زاڭدىلارىن قورعاۋ، زاڭسىزدارىن تەجەۋ، ۇشقارىلىقتى اۋىزدىقتاۋ، كەۋلەپ كىرۋگە قارسى تۇرۋ، قىلمىسقا سوققى بەرۋ» نەگىزگى پرينسيبىنە تاباندى بولىپ، ءدىندى سوتسياليستىك قوعاممەن سايكەسۋگە بەلسەنە جەتەكتەۋ. ءدىن ىستەرىن باسقارۋدى زاڭ بويىنشا كۇشەيتىپ، ءدىن قىزمەتىن زاڭمەن جونگە سالۋ ورەسىن جوعارىلاتۋ. وتانشىل ءدىني قايراتكەرلەر مەن دىنگە سەنەتىن بۇقارانىڭ ەكونوميكالىق، قوعامدىق دامۋدى جەبەۋدەگى، قوعام ورنىقتىلىعىن قورعاۋداعى بەلسەندى رولىن ساۋلەلەندىرۋ. زاڭ بويىنشا جونگە سالۋعا تاباندى بولىپ، «بەس كىلتتەن» جاندى پايدالانىپ، «ۇشقارىلىقتى الاستاۋدى» كورنەكتى مىندەت ەتىپ، ءدىن تونىن جامىلعان زاڭعا قايشى قىلمىستىق ارەكەتتەرگە زاڭ بويىنشا سوققى بەرىپ، ءدىني ۇشقارى يدەيانىڭ كەۋلەپ كىرۋى مەن ءورشۋىن باتىل اۋىزدىقتاۋ.
3. ەكونوميكالىق دامۋدىڭ ساپاسى مەن تيىمدىلىگىن جوعارىلاتۋ
جاڭاشا ونەركاسىپتەنۋدى جەدەل ىلگەرىلەتىپ، ونەركاسىپ ەكونوميكاسىنىڭ ورنىقتى ارتۋىن جەبەيتىن ساياسات - شارالار مەن قىزمەت جوباسىن ونان ارى كەمەلدەندىرىپ، مەملەكەتتىڭ جالپىلىق ەنەرگيا بازاسى قۇرىلىسىن جوعارى باستامامەن، جوعارى ولشەممەن، جوعارى دەڭگەيدە ىلگەرىلەتىپ، باسەكەلىك قابىلەتى ەڭ كۇشتى ەنەرگيا، حيميا ونەركاسىبى ماتەريالدارى كاسىپ بازاسىن قۇرۋ. مۇناي، مۇناي حيميا، كومىر سياقتى كاسىپ سالالارىنىڭ نەگىزدىك رولىن ساۋلەلەندىرىپ، كاسىپ تىزبەگىنىڭ ورتا، سوڭعى بۋىندارعا جالعاسۋىن ىلگەرىلەتۋ. «جۇڭگودا جاسالعان 2025 شينجياڭ ارەكەت جوباسىن» كۇش سالا اتقارۋ. بولات - تەمىر، ءتۇستى مەتال، حيميا ونەركاسىبى، قۇرىلىس ماتەريالدارى، جەڭىل ونەركاسىپ سياقتى ءداستۇرلى كاسىپ سالالارىنىڭ شارۋاشىلىق تيپىن وزگەرتۋ مەن دارەجەسىن جوعارىلاتۋدى ىلگەرىلەتىپ، جاڭا ەنەرگيا، جاڭا ماتەريال، وزىق جابدىق جاساۋ، بيولوگيالىق دارىلەر سياقتى ستراتەگيالىق جاڭا كاسىپتەردى دامىتۋ، توقىماشىلىق، كيىم - كەشەك، اۋىل شارۋاشىلىق قوسىمشا ونىمدەرىن وڭدەۋ سياقتى كاسىپتەردى ماڭىزدى تىرەكتى كاسىپ سالاسىنا اينالدىرۋ؛ ينفورماتسيا تەحنيكاسى مەن جاساۋ كاسىپتەرىنىڭ ىشكەرىلەي توعىسۋىن جەبەپ، ماشينا - ەلەكتر جابدىعى، ەگىن، مال شارۋاشىلىعى جابدىعى، ەلەكتروندىق ينفورماتسيا سياقتى كاسىپتەردىڭ جاساۋ ورەسىن جوعارىلاتۋ. بازار بولاشاعى جارقىن، باسەكەدە كورنەكتى باسىمدىلىققا يە جوعارى دەڭگەيدەگى كاسىپ نىساندارىن بەلسەنە ەنگىزىپ، جاڭاشىل كاسىپورىندار مەن جوعارى جاڭا تەحنيكا كاسىپورىندارىنان ءبىر توبىن جەتىلدىرۋ، «ارناۋلى، سارالانعان، ەرەكشە، جاڭا» ورتا، شاعىن، ۇساق كاسىپورىنداردان ءبىر توبىن جەتىلدىرۋ. ەنەرگيا ۇنەمدەۋدەن، قورشاعان ورتانى قورعاۋدان، ەنەرگيانى جان - جاقتى پايدالانۋدان، قايتا جاساۋدى كاسىپ سالالاندىرۋدان ۇلگى كورسەتەتىن ماڭىزدى ينجەنەريالىق نىساندار قۇرىلىسىن كۇشەيتۋ، بارلاۋدا تىڭنان شەشۋشى ستراتەگيالىق ارەكەتىن اتقارىپ، ماڭىزدى كەن ونىمدەرىن اشۋ جانە ودان پايدالانۋ ءىسىن بايلىق جاعىنان قامتاماسىز ەتۋ.
اۋىل شارۋاشىلىعىنىڭ دامۋ تاسىلىنە كۇش سالا بۇرىلىس جاساۋ، ەگىن، مال، ورمان شارۋاشىلىقتارىن ۇشتاستىرۋدى تياناق ەتە وتىرىپ، وسى زامانعى اۋىل شارۋاشىلىعى ءوندىرىس جۇيەسىن، تيجارات جۇيەسىن، كاسىپ جۇيەسىن قۇرىپ، اۋىل شارۋاشىلىعىنىڭ ساپاسىن، تيىمدىلىگىن، باسەكەلىك قابىلەتىن جوعارىلاتۋ. بازار سۇرانىسىن جەتەكشى باعىت ەتىپ، «استىق ءوندىرىسىن ورنىقتىرۋ، ماقتا ءوندىرىسىن رەتتەۋ، جەمىس ورمان شارۋاشىلىعىن ساپالىلاندىرۋ، مال شارۋاشىلىعىن گۇلدەندىرۋ» تالابىنا ساي، اۋىل شارۋاشىلىعىنىڭ قۇرىلىمىن رەتتەۋدى ويداعىداي يگەرۋ. استىق ءوندىرىسىن ورنىقتىرىپ، جوعارى ءتۇسىمدى، تۇراقتى ءونىمدى ساپالى اتىز قۇرىلىسىن كورنەكتىلەندىرۋ؛ ماقتا ەگىمشىلىگىن باسىمدىلىققا يە ماقتالى القاپتارعا شوعىرلانۋعا باستاۋ؛ ءشوپ ەگۋگە، جەم - شوپتىك داقىلدار ەگۋگە قولداۋ كورسەتىپ، استىق، ەكونوميكالىق داقىلدار، ءشوپ سىندى 3 نەگىزدى ەگىمشىلىك قۇرىلىمىن جەدەل قالىپتاستىرۋ. مال شارۋاشىلىعىنىڭ دامۋ تاسىلىنە بۇرىلىس جاساپ، ولشەمدەنگەن، كولەمدەنگەن باعىمشىلىقتى ىلگەرىلەتۋ. جەمىس ورمان ءوندىرىسىن ولشەمدەندىرىپ باسقارۋدى كورنەكتىلەندىرىپ، ءوندىرۋ، وڭدەۋ، ساتۋ ءبىر تۇلعالاندىرىلعان شارۋاشىلىقتى ىلگەرىلەتۋ. جوعارى ءونىمدى قۇرىلعىلى اۋىل شارۋاشىلىعىن جەرگىلىكتى جاعدايعا قاراي دامىتىپ، وڭىرلىك ەرەكشە اۋىل شارۋاشىلىعى ءوندىرىس بازاسىن جوبالاپ قۇرۋ. اۋىل شارۋاشىلىعىنىڭ ماشينالاسۋىن، اۋىل شارۋاشىلىعىنىڭ كاسىپ سالالانۋىن جەدەل ىلگەرىلەتۋ، اۋىل شارۋاشىلىق ونىمدەرىنىڭ وڭدەلگەننەن كەيىن قۇنىنىڭ ارتۋ سالىستىرماسىن جوعارىلاتۋ. سىرتقا باعىتتالعان ساپالى، جوعارى ءتۇسىمدى، جوعارى ءونىمدى اۋىل شارۋاشىلىعىن بەلسەنە دامىتۋ. تيجارات تاسىلىنە جاڭالىق ەنگىزۋدى ءتاسىل ەتە وتىرىپ، اۋىل شارۋاشىلىعى ونىمدەرى بازارىن ىشكەرىلەي اشۋ، شينجياڭنىڭ اۋىل شارۋاشىلىق ونىمدەرىنىڭ ىشكى ولكە بازارىن قامتۋ اياسىن كەڭەيتۋ. اۋىل - قىستاقتا ەلەكتروندىق ساۋدانى جەدەل دامىتۋ. وڭتۇستىك شينجياڭدى ءتۇيىن ەتىپ، شارۋالاردى ساۋدامەن شۇعىلدانۋعا جانە شارۋاشىلىق قۇرىپ كاسىپتەنۋگە كۇش سالا جەتەكتەۋ. كوپ ءتۇرلى فورماداعى ۇيلەسىمدى كولەمدەگى شارۋاشىلىقتىڭ وسى زامانعى اۋىل شارۋاشىلىعى قۇرىلىسىنداعى جەتەكشىلىك ەتۋ رولىن ساۋلەلەندىرۋ. اۋىل شارۋاشىلىعىنداعى جوعارى ءونىمدى سۋ ۇنەمدەۋ قۇرىلعىلارىن جانە جوعارى ولشەمدى نەگىزگى اتىز - ارىق قۇرىلىسىن ۇزدىكسىز كۇشەيتۋ. اۋىل شارۋاشىلىعىندا اپاتتان ساقتانۋ، اپات زيانىن جەڭىلدەتۋ جۇيەسىن كەمەلدەندىرۋ. مەملەكەت بويىنشا اۋىل شارۋاشىلىعىن 3 - رەت جاپپاي تەكسەرۋ قىزمەتىن جاقسى ىستەۋ. اۋىل شارۋاشىلىعىن الۋەتتەندىرۋ، اۋىل - قىستاققا تيىمدىلىك جاساۋ، شارۋالاردى اۋقاتتاندىرۋ سەرپىنىن ونان ارى ارتتىرىپ، سوتسياليستىك جاڭاشا اۋىل - قىستاق قۇرىلىسىنىڭ ورەسىن جوعارىلاتىپ، اۋىل شارۋاشىلىعىنىڭ، اۋىل - قىستاقتىڭ ۇلكەن ناتيجەلەر جاساۋدىڭ كەڭ ورىسىنە اينالۋىنا قۇلشىنا مۇمكىندىك جاساۋ.
جاڭاشا قالا - قالاشىقتاندىرۋ ارەكەت جوسپارىن تياناقتاندىرۋ، وڭىردەگى ورتالىق قالا قۇرىلىسىن جەدەلدەتۋ، تيانشاننىڭ سولتۇستىك بوكتەرىندەگى ەكونوميكالىق بەلدەۋدەگى، تيانشاننىڭ وڭتۇستىك بوكتەرىندەگى مۇناي، مۇناي حيميا كاسىپ بەلدەۋىندەگى، سونداي - اق قاتىناس جەلىلەرىنىڭ بويىنداعى ەكونوميكالىق بەلدەۋلەردەگى، شەكارا بويىنداعى اشىق ەكونوميكالىق بەلدەۋلەردەگى قالا - قالاشىقتاردىڭ دامۋىن ىلگەرىلەتۋ. قالانىڭ دامۋ زاڭدىلىعىنا قۇرمەت ەتىپ، كەڭىستىك، كولەم، كاسىپ سىندى 3 قۇرىلىمدى، جوبالاۋ، قۇرىلىس جۇرگىزۋ، باسقارۋ سىندى 3 بۋىندى، رەفورما، عىلىم - تەحنيكا، مادەنيەت سىندى 3 قوزعاۋشى كۇشتى، ءوندىرىس، تۇرمىس، ەكولوگيا سىندى 3 ورنالاستىرۋدى ءبىر تۇتاس جوسپارلاپ، قالا قورشاعان ورتاسىنىڭ ساپاسىن، حالىقتىڭ تۇرمىس ساپاسىن، قالانىڭ باسەكەلىك قابىلەتىن ۇزدىكسىز جوعارىلاتۋ. كاسىپتەردىڭ شوعىرلانۋىن جانە كاسىپ سالاسى مەن قالانىڭ توعىسپالى دامۋىن جەبەپ، كاسىپتەندىرۋ قابىلەتىن ارتتىرۋ. نوپوس ءتۇزىمى رەفورماسىن تەرەڭدەتىپ، نوپوستاعى حالىقتىڭ قالا - قالاشىقتانۋ سالىستىرماسىن جوعارىلاتۋ.
جىبەك جولى ەكونوميكالىق بەلدەۋىندەگى وزەكتى رايوننىڭ بۇلت ەسەپ ساندى مالىمەتى ورتالىعىن قۇرىپ، نەگىزدىك ساندى مالىمەت بايلىعىن بىرگە ساقتاۋدى، ودان بىرگە يگىلىكتەنۋدى ىسكە اسىرۋ. بۇلت ەسەپتىڭ، ۇلكەن ساندى مالىمەتتىڭ ەلەكتروندىق ۇكىمەت، ەلەكتروندىق ساۋدا، الەۋمەتتىك حاۋىپسىزدىك، ەمدەۋ سالالارىندا قولدانىلۋىن ىلگەرىلەتۋ، ينفورماتسيا تەحنيكاسىنىڭ بازار، جوبالاۋ، وندىرىستىك قىزمەت سياقتى بۋىندارعا كىرۋىن جەبەۋ. «ينتەرنەت +» ارەكەت جوسپارىن اتقارىپ، ينتەرنەتتى تياناق ەتكەن ءار ءتۇرلى جاڭالىقتارعا قولداۋ كورسەتىپ، ينتەرنەتتىڭ، ەكونوميكانىڭ، قوعامنىڭ توعىسپالى دامۋىن ىلگەرىلەتۋ، ءتىپتى، كوپ حالىق بۇقاراسىنىڭ ينفورماتسيا ءداۋىرىنىڭ جىلدام ارناسىنا تۇسۋىنە مۇمكىندىك جاساۋ.
اينالىم تورى، زات اينالىمى جونەلتۋ قۇرىلعىلارى جانە قالا، اۋىلدارداعى حالىققا قولايلى ەت، كوكونىس توتە ساتۋ دۇكەندەرى، اۋىل - قالاشىقتارداعى قامداۋ - ساۋدا ەرەن بازارلارى، وڭتۇستىك شينجياڭداعى شوعىرلى بازار قۇرىلىسىن كۇشەيتۋ. تولايىم ساتۋ، بولشەك ساتۋ سياقتى ءداستۇرلى شارۋاشىلىق قالىبىنىڭ تيپىن وزگەرتىپ، دارەجەسىن جوعارىلاتۋعا جەتەكتەۋ، اينالىم ۇلگىسىنە جاڭالىق ەنگىزۋدى جەبەۋ، جەلى ىشىندەگى جانە سىرتىنداعى بارلىق ارناداعى شارۋاشىلىق تورىن قالىپتاستىرۋ. ماڭىزدى ساياحات نىساندارى قۇرىلىسىن مىقتى يگەرىپ، ۇگىتتەۋ، تانىستىرۋ سەرپىنىن ارتتىرىپ، جاڭا ونىمدەر شىعارىپ، جاڭا جەلىلەردى تانىستىرىپ، جاڭا شارۋاشىلىق قالىبىن جەتىلدىرىپ، ساياحات قىزمەتىنىڭ ساپاسىن اناعۇرلىم ءوسىرۋ. ەكولوگيالىق اۋىل شارۋاشىلىعى، ەمدەۋ، دەنساۋلىق كۇتۋ، سپورتتىق شىنىعۋ، سەيىل - سەرۋەن، ساياحات، قارتتاردى كۇتۋ قىزمەتى ءبىر تۇلعالاندىرىلعان دەنساۋلىق كاسىبىن دامىتۋ. فينانستى ءبىرىنشى تىرەك ەتىپ، فينانستىڭ قۇرىلىمدى رەتتەۋدەگى تىرەكتىك رولىن، ءتىپتى، جاقسى ساۋلەلەندىرۋ، ناقتى ەكونوميكانى قولداۋداعى ونىمدىلىگىن ارتتىرۋ. ورتا، شاعىن، ۇساق كاسىپورىندار مەن اۋىل شارۋاشىلىعىنىڭ، اۋىل - قىستاقتىڭ، شارۋالاردىڭ قارجى قۇراۋىنىڭ قيىنعا سوعۋى ماسەلەسى توڭىرەگىندە، جاڭا فينانستىق ونىمدەرى مەن فينانستىق قۇرالداردى جارىققا شىعارىپ، فينانستىق قىزمەت ورەسىن جوعارىلاتۋ. حالىق باسقارۋىنداعى كاپيتال مەن شەتەل قارجىسىن شينجياڭدا ءار ءتۇرلى فينانس قۇرىلىمدارىن قۇرۋعا تارتۋ. كوپ جىكتى كاپيتال بازارىنان بەلسەنە پايدالانىپ، تىكەلەي قارجى قۇراۋدىڭ ۇلەس سالماعىن زور دارەجەدە جوعارىلاتۋ.
4. نەگىزدىك قۇرىلعى قۇرىلىسىن جەدەلدەتۋ
ءونىمدى قارجىنىڭ ورنىقتى ارتۋ مەن قۇرىلىمدى رەتتەۋدەگى شەشۋشى رولىن تولىق ساۋلەلەندىرۋ، قارجىنىڭ ونىمدىلىگى مەن دالدىگىن جوعارىلاتۋ، بازارلانعان، باياندى قارجى سالۋ مەحانيزمى مەن جۇمىس مەحانيزمىن قالىپتاستىرۋ ۇستىندە ىزدەنىس جاساۋ. قاتىناس، سۋ يگىلىگى، ەنەرگيا سياقتى نەگىزدىك قۇرىلعىلار مەن كاسىپتىك نىساندار قۇرىلىسىن كۇشەيتۋ، اۆتونوميالى رايوننىڭ ءتۇيىندى نىساندارىنان 440 نىساندى ورنالاستىرۋ، مۇنىڭ ىشىندە 60 نىسان قۇرىلىسى جاڭادان باستالادى، بۇعان 300 ميلليارد يۋان قارجى قوسىلادى. سولتۇستىك شينجياڭنىڭ سۋ جۇيەسىنىڭ 2 - مەرزىمدىك ينجەنەرياسى، وڭتۇستىك شينجياڭداعى يۇرۇڭقاش وزەنى سۋ يگىلىگى تورابى سياقتى ينجەنەريالاردىڭ قۇرىلىسىن باستاۋ؛ اراتاش، قارابەل، داشىمىن سياقتى ءبىر توپ كەلەلى سۋ يگىلىگى ينجەنەريالار قۇرىلىسىنىڭ اياق الىسىن تەزدەتۋ، سارتوعاي، اقسور سياقتى ءىرى، ورتا سۋ قويمالارى نىساندارىن باستاۋ. كورلا - حولمۇتى تەمىر جولى، التاي - كوكتوعاي - شىعىس جوڭعار تەمىر جولى، قاراقاش - حوتان جوعارى قارقىندى تاس جولى سياقتى نىسان قۇرىلىستارىن جەدەلدەتۋ؛ جياڭجۇنمياۋ - قۇمىل - ليۋگوۋ تەمىر جولى، شياۋساۋحۋ - ءۇرىمجى جوعارى قارقىندى تاس جولىن وزگەرتىپ، كەڭەيتىپ سالۋ سياقتى نىسان قۇرىلىستارىن باستاۋ. حوتان - چارقىلىق - لوپنۇر تەمىر جولىنىڭ العاشقى مەرزىمدىك جۇمىستارىن ىلگەرىلەتۋ. اۋدان، اۋىل - قىستاق تاس جولدارىن باسقارۋ، قورعاۋدىڭ باياندى مەحانيزمىن ورناتۋ. قۇمىلدان جىڭجوۋعا دەيىنگى 800± كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسىنىڭ سايكەستى ەلەكتر كوزى نىسانىن سالۋ، شىعىس جوڭعاردان شىعىس جۇڭگوعا دەيىنگى1100 ± كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسىنىڭ اياق الىسىن تەزدەتۋ، «جەل ەلەكترى مەن وت ەلەكترىن بىرلەستىرىپ» سىرتقا جونەلتۋدەن ۇلگى كورسەتۋدىڭ ءساتتى بولۋىن قامتاماسىز ەتۋ. ءىرى ەلەكتر تورىنىڭ ەلەكتر تاپشى رايوندارعا قانات جايۋىن ىلگەرىلەتۋ، جاڭا كەزەكتەگى اۋىل - قىستاق ەلەكتر تورىن وزگەرتۋ، دارەجەسىن جوعارىلاتۋ ينجەنەرياسىن اتقارۋ.
5. رەفورمانى ونان ارى تەرەڭدەتىپ، ەسىكتى ايقارا اشۋ
جىبەك جولى ەكونوميكالىق بەلدەۋىنىڭ وزەكتى رايونىن قۇرۋ ارەكەت جوسپارىن تياناقتاندىرۋ، كەلەلى سيمۆولدىق ينجەنەريالاردىڭ تياناقتاندىرىلۋىن قاۋىرت ىلگەرىلەتۋ. سولتۇستىك، ورتا، وڭتۇستىك -- 3 ۇلكەن ارنا جانە وڭتۇستىك، سولتۇستىك شينجياڭدارداعى ۇلكەن ارنا قۇرىلىسىن تەزدەتىپ، سىرتقا باعىتتالعان ارنا مەن شەكارا ىشىندەگى جول تورىنىڭ بىرلەسۋىن، ءوزارا تۇتاسۋىن تەزىرەك ىسكە اسىرۋ. جۇڭگو - پاكيستان، جۇڭگو - قىرعىزستان - وزبەكستان تەمىر جولىنىڭ الدىڭعى مەرزىمدىك قىزمەتىن بەلسەنە جاقسى ىستەۋ. قاشقار، قورعاس ەكونوميكالىق اشۋ رايوندارىنىڭ، سونداي - اق كەشەندى قورعامالى باجى رايوندارىنىڭ، ونەركاسىپ باقشا رايوندارىنىڭ نەگىزدىك قۇرىلعى قۇرىلىسىنىڭ سەرپىنىن ارتتىرۋ. شەكارا وتكەلدەرىنىڭ نەگىزدىك قۇرىلعىلارىن كەمەلدەندىرىپ، كەدەننەن وتكىزۋ جۇمىس ءتارتىبىن ساپالىلاندىرۋ، جالپىلىق كەدەننەن وتكىزۋ قابىلەتىن جوعارىلاتۋ. سىرتقى ساۋدانىڭ تيپىن وزگەرتىپ، دارەجەسىن جوعارىلاتۋدى ىلگەرىلەتۋ، ساپالى ءونىم يمپورت ەتىپ، ساپالى ءونىم ەكسپورت ەتۋ، قىزمەت وتەۋ ساۋداسىن جەدەل دامىتۋ. كاسىپورىنداردىڭ سىرتقا قوسىلاتىن قارجىنى مولايتۋىن قولداۋ، جابدىقتى، تەحنيكانى، ولشەمدى، قىزمەت وتەۋدى سىرتقا شىعارۋدى جەبەۋ. حالىق اقشاسىن شەكارا اتتاتىپ اينالىمعا سالۋ كاسىبىن جاڭالاۋدى ىلگەرىلەتىپ، حالىق اقشاسى مەن توڭىرەكتەگى ەلدەردىڭ اقشاسى اراسىنداعى ساۋدانى كەڭەيتۋ. وڭتۇستىك شينجياڭ رايونىن، ءتۇيىندى كاسىپ سالالارىن جانە حالىق تۇرمىسىن جاقسارتۋدى كورنەكتىلەندىرىپ، ساۋداگەر شاقىرىپ، قارجى ەنگىزۋدىڭ ساپاسى مەن تيىمدىلىگىن جوعارىلاتۋ. شەتەلدەرمەن بارىس - كەلىس، سەلبەستىكتىڭ اياق الىسىن تەزدەتىپ، شينجياڭنىڭ حالىقاراداعى ىقپالىن جاپپاي ءوسىرۋ. 5 - كەزەكتى جۇڭگو − ازيا - ەۆروپا كورمەسى، 2 - كەزەكتى ورتا ازيا عىلىم - تەحنيكالىق جاڭالىق اشۋ سەلبەستىك تالقى مىنبەرى، 2 - كەزەكتى ازيا - ەۆروپا باسپا كورمەسى، 3 - كەزەكتى ازيا - ەۆروپا كينو كورمەسى سياقتى قيمىلداردى وتكىزۋ.
سوتسياليستىك بازار شارۋاشىلىعىنىڭ رەفورما بەتالىسىنا تاباندى بولىپ، قامداۋ جاعىنداعى قۇرىلىمدىق رەفورمانى ىلگەرىلەتۋ سانالىلىعىن، ىرىقتىلىعىن ارتتىرۋ، شەشۋشى ءتۇيىندەردى يگەرىپ، جويىمپاز شايقاستى ويداعىداي جۇرگىزىپ، تيىمدىلىكتى جاپپاي جوعارىلاتىپ، تۇزىلىستىك قوزعاۋشى كۇش پەن ىشكى قوزعاۋشى كۇشتى كۇشەيتۋ. ءتۇزىم، ساياسات جاعىندا كەڭ بازار تيجاراتى مەن قارجى قوسۋ ورتاسىن قالىپتاستىرۋ، ءار ءتۇرلى مەنشىكتەگى كاسىپورىنداردىڭ تىڭنان دامۋىنا شابىت بەرۋ جانە قولداۋ، كاسىپورىنداردىڭ قارجى قوسۋ سەنىمىن جوعارىلاتىپ، كاسىپورىنداردىڭ بازار مەجەسىن جاقسارتۋ. مەملەكەت مەنشىگىندەگى كاسىپورىندار، قازىنا - باجى، فينانس، قوعامدىق قامتاماسىزداندىرۋ، ەمدەۋ سياقتى ماڭىزدى سالالار مەن شەشۋشى بۋىندارداعى رەفورما سەرپىنىن ارتتىرىپ، ەلەۋلى سۇيرەۋ رولى بار ءبىر توپ رەفورما شارالارىن العا قويۋ. ەلەكتر سياقتى مونوپول كاسىپتەر رەفورماسىن ىلگەرىلەتىپ، حالىق باسقارۋىنداعى كاسىپورىنداردى، ءتىپتى، كوپ سالالارعا زاڭ بويىنشا كىرۋگە شابىتتاندىرۋ. مەملەكەت مەنشىگىندەگى مال - مۇلىكتى باقىلاۋ - باسقارۋ ءتۇزىلىسى رەفورماسىن جەدەلدەتۋ، مەملەكەت مەنشىگىندەگى مال - مۇلىكتى باقىلاۋ - باسقارۋدى كۇشەيتۋ. ورتالىق كاسىپورىندارىن قاراستى جەردە زاڭدىق يە ساناتىندا تىركەۋىن، بىرلەسىپ قارجى قوسۋ سەلبەستىگىن ۇزدىكسىز جەبەۋ. مۇناي، تابيعي گاز بارلاۋ، اشۋ ءتۇزىلىسى رەفورماسىن جەدەلدەتۋ. قىزمەت جاۋاپكەرشىلىگى زاڭدا بەلگىلەنگەن، سەنىم ارقىلى تەجەيتىن، سەلبەسىپ باقىلاپ باسقاراتىن، قوعام بىرلەسىپ جونگە سالاتىن بازاردى باقىلاۋ - باسقارۋ ۇلگىسىن قۇرۋ. كاسىپورىنداردىڭ دامۋ ورتاسىن ساپالىلاندىرىپ، ناقتى شارۋاشىلىق جۇرگىزەتىن كاسىپورىنداردىڭ وزىندىك قۇنىن تومەندەتىپ، كاسىپورىننىڭ جۇگىن جەڭىلدەتۋ. ءار ءتۇرلى ۇيلەسىمسىز اقىلاردى اناعۇرلىم اداقتاۋ. ورتا، شاعىن، ۇساق كاسىپورىنداردىڭ شارۋاشىلىق قۇرۋىن سۇيەمەلدەۋ ساياساتىن كەمەلدەندىرۋ. الەۋمەتتىك نەگىزدىك قۇرىلعىلارعا قارجى قوسۋ، قارجى قۇراۋ تۇزىلىسىنە جاڭالىق ەنگىزىپ، ۇكىمەت پەن قوعامدىق كاپيتالدىڭ سەلبەسۋ ۇلگىسىن جالپىلاستىرۋ. PPP نىسان قۇرىلىسىن شىنايى جاقسى يگەرۋ. قازىنا - باجى ءتۇزىلىسى رەفورماسىن تەرەڭدەتىپ، مەجە ەسەپ باسقارۋدىڭ جان - جاقتى جۇيەگە تۇسىرىلگەن، اشىق، جاريا ءتۇزىمىن ورناتۋ. كاسىپ قوعامدارىنىڭ، ساۋدا قوعامدارىنىڭ اكىمشىلىك ورگاندارمەن بايلانىسىن ءۇزۋدى بەلسەنە ورنىقتى تۇردە ىلگەرىلەتۋ. اۋىل - قىستاق جەرىن كوتەرمەگە الۋ قاتىناسىن ورنىقتىرۋ، اۋىل - قىستاقتا جەردى كوتەرمەگە الىپ شارۋاشىلىق جۇرگىزۋ ۇقىعىن ايقىنداۋ، تىركەۋ، كۋالىك بەرۋ قىزمەتىن مىقتى يگەرۋ، جەردىڭ شارۋاشىلىق ۇقىعىن اينالىمعا سالۋدى زاڭ بويىنشا ءتارتىپتى تۇردە ىلگەرىلەتۋ. مەملەكەت مەنشىگىندەگى ەگىس الاڭدارى مەن مال فەرمالارىنىڭ رەفورماسىن، دامۋىن جەدەل ىلگەرىلەتۋ. ءار ءتۇرلى رەفورما شارالارىنىڭ تياناقتانۋىن، ءسوز جوق، مىقتى يگەرىپ، رەفورمانىڭ، ءتىپتى، كوپ پايداسىن جەتكىزىپ، ءار ۇلت بۇقاراسىنىڭ، ءتىپتى، كوپ تابىس سەزىمىنە كەنەلۋىنە مۇمكىندىك جاساۋ كەرەك.
جاڭاشىل شينجياڭ قۇرىلىسىن جەدەلدەتۋ، عىلىم - تەحنيكادا جاڭالىق اشۋدىڭ جاپپاي جاڭالىق اشۋداعى جەتەكتەۋ رولىن ساۋلەلەندىرۋ. جىبەك جولى ەكونوميكالىق بەلدەۋىنىڭ جاڭالىق اشۋ ارقىلى دامۋعا دەم بەرۋ سىناق رايون قۇرىلىسىن جەدەلدەتۋ، مەملەكەتتىك ءتۇيىندى تاجىريبەحانا، ينجەنەريا تەحنيكاسىن زەرتتەۋ ورتالىعى سياقتى كەلەلى تەكشەلەر مەن بازالار قۇرىلىسىن ىلگەرىلەتۋ، ءىرى مۇناي، تابيعي گاز، سونداي - اق كومىر قاباتىنداعى گاز، ءىرى راديو تەلەسكوپ سياقتى سالالاردا ءبىر توپ مەملەكەتتىك كەلەلى عىلىم - تەحنيكا نىساندارىن ۇستىنە الۋ جانە وعان ات سالىسۋدى ىلگەرىلەتۋ، كەلەلى عىلىم - تەحنيكالىق جەتىستىكتەر جانە باسىمدىققا يە جاڭالىق اشۋ ۇجىمىنان ءبىر توبىن جەتىلدىرۋ. جاڭالىق اشۋ، شارۋاشىلىق قۇرۋ، شارۋاشىلىق قۇرۋشى، شارۋاشىلىق قۇرۋعا قارجى قوسۋشى اراسىندا ءوزارا ىقپالداستىق مەحانيزمىن ورناتۋ، كوپ بولىپ جاڭالىق اشۋدىڭ، كوپ بولىپ ۇستىنە الۋدىڭ، كوپ بولىپ سۇيەمەلدەۋدىڭ، كوپ بولىپ دايىندالۋدىڭ ءورىسىن كەڭەيتۋ. كاسىپورىنداردىڭ جاڭالىق اشۋداعى سۋبيەكتتىك مارتەبەسىن جانە جەتەكشى رولىن كۇشەيتۋ، عىلىم - تەحنيكا جەتىستىكتەرىنىڭ كاپيتالدانۋىن، كاسىپ سالالانۋىن ىلگەرىلەتۋ. عىلىم - تەحنيكالىق فينانستىڭ دامۋ ۇلگىسىنە جاڭالىق ەنگىزۋ، عىلىم - تەحنيكاعا ۇسىنىلىم سەرپىنىن ارتتىرۋ، فينانستىق كاپيتال، قوعامدىق كاپيتال سياقتى كوپ جاقتى قارجىنى عىلىم - تەحنيكادا جاڭالىق اشۋ ىسىنە سالۋعا قوزعاۋ. ايگىلى ماركا ستراتەگياسى مەن ولشەمدەندىرۋ ستراتەگياسىن كۇش سالا اتقارۋ، ايگىلى ماركا قۇرىلىسىن بەلسەنە ىلگەرىلەتۋ، شينجياڭنىڭ ەرەكشە ونىمدەرىنىڭ بۇكىل ەل مەن حالىقارا بازارىنا بەتتەۋىنە دەم بەرۋ. «شينجياڭدى ساپامەن گۇلدەندىرۋ» ستراتەگياسىن اتقارىپ، ءونىم ساپاسىن، ينجەنەريا ساپاسىن، قىزمەت وتەۋ ساپاسىن، قورشاعان ورتا ساپاسىن جاپپاي ءوسىرۋ. جوعارى ساپالى دارىندىلار قوسىنىن كۇش سالا جەتىلدىرىپ جانە قۇرىپ، قازىرگى بار دارىندىلاردان ويداعىداي پايدالانىپ، شۇعىل قاجەتتى دارىندىلاردى ەنگىزۋ، ۇلەسى بار دارىندىلاردى الىپ قالۋ، دارىندىلاردىڭ قارا ءۇزىپ شىعۋىنا ءتيىمدى قوعامدىق ورتا ازىرلەپ، ءاربىر دارىندىنىڭ ءوز دارىنىن تولىق ايگىلەپ، اقىل - پاراساتىن ارناۋىنا مۇمكىندىك جاساۋ.
6. حالىق تۇرمىسىن جەدەل جاقسارتىپ، كەدەيلىكتەن قۇتىلدىرۋدان قامال الۋدىڭ نەگىزىن بەكەمدەۋ
كەدەيلىكتەن قۇتىلدىرۋدان قامال الۋ شايقاسىن جەڭىسپەن جۇرگىزۋ، كەدەيلىكتەن قۇتىلدىرۋدان قامال الۋدىڭ جول كارتاسى مەن ۋاقىت كەستەسىن جاساۋ، جان - جاقتى جۇيەلى جاۋاپكەرشىلىكتى تياناقتاندىرۋ مەحانيزمىن ورناتۋ. كەدەيلەردى سۇيەمەلدەۋ وبيەكتىسى ءدال بولۋ، نىساندى ءدال ورنالاستىرۋ، قارجىنى ءدال پايدالانۋ، شارالاردى وتباسىنا ءدال جەتكىزۋ، قىزمەتكەرلەردى قىستاقتارعا ءدال جىبەرۋ، كەدەيلىكتەن قۇتىلدىرۋدىڭ ءونىمى ءدال بولۋ تالابى بويىنشا، كەدەي قىستاقتار مەن كەدەي وتباسىلارىن ءدال تابۋعا تاباندى بولۋ. كەدەيلىكتەن قۇتىلدىرۋدان قامال الۋ جوباسىن، كاسىپتەر جوباسىن، شينجياڭعا كومەكتەسۋ جوباسىن ءونىمدى تۇردە توعىستىرۋ، كەدەي وڭىرلەردىڭ نەگىزدىك قۇرىلعى قۇرىلىسى مەن كاسىپ سالالارىنىڭ دامۋىن جەدەلدەتۋ، الەۋمەتتىك قىزمەت وتەۋدىڭ بىركەلكىلەنۋىن ىلگەرىلەتۋ. كەدەيلىكتەن قۇتىلدىرۋدان قامال الۋدىڭ «10 ءىرى ارناۋلى ارەكەتى» ينجەنەرياسىن جاپپاي اتقارۋ. تاراۋلاردىڭ تۇيىندە تۇرىپ كەدەيلەردى سۇيەمەلدەۋىن تەرەڭدەتۋ، «مىڭ كاسىپورىن مىڭ قىستاققا كومەكتەسۋ» قيمىلىن ورىستەتىپ، قوعامنىڭ كەدەيلەردى سۇيەمەلدەۋ بايلىعىن توپتاپ، شار تاراپتان كەدەيلەردى سۇيەمەلدەۋ جاعدايىن قالىپتاستىرۋ. 7 كەدەي اۋداننىڭ كەدەيلىكتەن الدىمەن ارىلۋىنا، 810 قىستاقتىڭ كەدەيلىك قىسپاعىنان الدىمەن شىعۋىنا، 600 مىڭنان استام كەدەيدىڭ كەدەيلىكتەن قۇتىلۋىنا قول جەتكىزۋ.
كاسىپتەنۋ − ەڭ ۇلكەن حالىق تۇرمىسى. كاسىپتەنۋدى جەتەكشى باعىت ەتۋگە تاباندى بولۋ، ەكونوميكالىق دامۋ مەن كاسىپتەنۋ اياسىن كەڭەيتۋدى تەرەڭ توعىستىرىپ، ۇتىمدى ىقپالداستىعىن جەبەپ، ەڭبەك شوعىرلانعان كاسىپتەردى، وسى زامانعى قىزمەت وتەۋ كاسىبىن، ورتا، شاعىن، ۇساق كاسىپورىنداردى، جالپىلىق مەنشىككە جاتپايتىن شارۋاشىلىقتى، اۋلا شارۋاشىلىعىن كۇش سالا دامىتىپ، شينجياڭ ەكونوميكاسىنىڭ كاسىپتەندىرۋ سيىمدىلىعى مەن كاسىپتەندىرۋ ورەسىن جوعارىلاتۋ. ادەتتەگى جوعارى مەكتەپتەردەن وقۋ تاۋىسقان وقۋشىلاردىڭ، كاسىپتەنۋى قيىنعا سوققان ادامداردىڭ كاسىپتەنۋ ماسەلەسىن كۇش سالا شەشۋ، اۋىل - قىستاقتاعى ارتىق ەڭبەككۇشتەردى قالالارعا بارىپ كاسىپتەنۋگە، سول جەردىڭ وزىندە، جاقىن ماڭدا كاسىپتەنۋگە، اۋىلدارىنا قايتىپ دەربەس شارۋاشىلىق قۇرۋعا تاربيەلەۋ جانە جەتەكتەۋ. توقىماشىلىق، كيىم - كەشەك كاسىپتەرىن دامىتىپ كاسىپتەنۋدى جەتەكتەۋ ينجەنەرياسىن اتقارىپ، تەز ءونىم بەرەتىن نىسانداردىڭ كاسىپتەنۋ اسەرىن ونان ارى ۇلعايتۋ. كاسىپتەنۋ ارناسى مەن كاسىپتەنۋ كەڭىستىگىن كەڭەيتىپ، شارتى تومەن، ءتىپتى، كوپ كاسىپتەنۋ ورىندارىن قۇلشىنا ازىرلەۋ. كاسىپ سالاسى ارقىلى جەبەۋگە، شارۋاشىلىق قۇرۋ ارقىلى دەم بەرۋگە، سول جەردىڭ وزىندە، جاقىن ماڭدا بولۋعا، شينجياڭعا كومەكتەسۋ ارقىلى ىلگەرىلەتۋگە تاباندى بولىپ، وڭتۇستىك شينجياڭنىڭ اۋىل - قىستاقتارىنداعى ارتىق ەڭبەككۇشتەردى باسقا كاسىپ سالالارىنا ويىستىرۋدى كورنەكتى مىندەت ەتىپ، ورنىقتى كاسىپتەنۋ سالىستىرماسىن بارىنشا جوعارىلاتۋ. «جالپى قاۋىم شارۋاشىلىق قۇرۋ، كوپ بولىپ جاڭالىق اشۋدى» كۇش سالا جەبەپ، شارۋاشىلىق قۇرۋعا دەم بەرۋ ساياساتىن كەمەلدەندىرىپ، ەڭبەكشىلەردىڭ شارۋاشىلىق قۇرۋىنا، كاسىپتەنۋىنە شارت - جاعداي ازىرلەۋ.
شينجياڭ ەرەكشەلىگىنە يە وقۋ - اعارتۋدى ويداعىداي جۇرگىزىپ، وقۋ - اعارتۋ ساپاسىن كوتەرۋدەگى «5 ينجەنەريانى» اتقارۋ. ءالسىز مەكتەپتەردى وزگەرتۋدى، جاتاقتى مەكتەپ قۇرىلىسىن ىلگەرىلەتىپ، مىندەتتى وقۋ - اعارتۋدىڭ بىركەلكى دامۋىن جانە ورتا مەكتەپتەردىڭ ءار الۋان ەرەكشەلىكپەن دامۋىن جەبەۋ. «قوس ءتىل» تاربيەسىنىڭ جەتىستىكتەرىن بەكەمدەۋ جانە جوعارىلاتۋ. وسى زامانعى كاسىپتىك تاربيەنى كۇشەيتىپ، ەڭبەكشىلەردىڭ شەبەرلىك ورەسىن قۇلشىنا جوعارىلاتۋ. جوعارى مەكتەپتەردىڭ دامۋ ءورىسىن كەڭەيتۋىنە قولداۋ كورسەتۋ، دەربەس وقىتۋ جۇرگىزۋ ۇقىعىن كەڭەيتۋ، پاندەر مەن ماماندىقتاردىڭ جانە عىلمي اتاق تۇيىندەرىنىڭ ورنالاسۋىن ساپالىلاندىرۋ، جاڭالىق اشۋ، شارۋاشىلىق قۇرۋ وقۋ - اعارتۋى رەفورماسىن تەرەڭدەتۋ. شينجياڭ ەرەكشەلىگىنە يە «تورتتە جاقسى وقىتۋشى» بولۋعا ۇمتىلۋ قيمىلىن جاپپاي ورىستەتۋ. وقۋ - اعارتۋدى ينفورماتسيالاندىرۋدى جەدەل ىلگەرىلەتۋ. وقۋشىلارعا قارجىلاي كومەك بەرۋ ءتاسىلىن كەمەلدەندىرىپ، وتباسىندا ەكونوميكالىق قيىنشىلىعى بار وقۋشىلارعا قارجىلاي كومەك بەرۋدىڭ تولىق قامتۋىن ىسكە اسىرۋ. ءبىز وقۋ - اعارتۋعا ۇسىنىلىم سەرپىنىن ونان ارى ارتتىرىپ، وقۋ - اعارتۋدىڭ ساپاسىن قۇلشىنا جوعارىلاتىپ، وتانىمىزدىڭ كەلەسى ۇرپاقتارىنىڭ اقاۋسىز ءوسىپ - جەتىلۋىنە تاماشا ورتا ازىرلەيمىز!
قوعامدىق قامتاماسىزداندىرۋ جۇيەسىن كەمەلدەندىرىپ، جالپى حالىقتىڭ قامسىزداندىرۋعا قاتىناسۋ جوسپارىن اتقارۋ. ورگانداردىڭ، ءىسورىندارىنىڭ زەينەتكەرلىك قامسىزداندىرۋ ءتۇزىمى رەفورماسىن ىلگەرىلەتۋ، جەرى الىنعان شارۋالاردى قارتتاردى كۇتۋ بويىنشا قامسىزداندىرۋ ساياساتىن ونان ارى كەمەلدەندىرۋ. قالا، اۋىل تۇرعىندارىنىڭ ەمدەلۋىن قامسىزداندىرۋ ساياساتىن جانە ورىنداۋدى، باسقارۋدى، بىرىكتىرۋدى جەبەپ، قالا، اۋىل تۇرعىندارىنىڭ سالماقتى ناۋقاستى ەمدەتۋىن قامسىزداندىرۋ ءتۇزىمىن جاپپاي اتقارۋ. حالىقتىڭ قارتتانۋىنا بەلسەنە توتەپ بەرىپ، وتباسىندا قاراۋدى نەگىز، الەۋمەتتىك اۋماقتى سۇيەنىش، قۇرىلىمدى تولىقتاما، ەمدەۋ قامسىزداندىرۋى مەن زەينەتكەرلىك قامسىزداندىرۋدى ءتاسىل ەتكەن زەينەتكەرلىككە قىزمەت وتەۋدىڭ كوپ جىكتى جۇيەسىن قۇرۋ. بالالار يگىلىگىن قامتاماسىز ەتۋ ءتۇزىمىن جانە قىزمەت وتەۋ قۇرىلعىلارى قۇرىلىسىن جەدەلدەتۋ. ەڭ تومەنگى تۇرمىستى قامتاماسىز ەتۋ ورەسىن ءوسىرۋ ينجەنەرياسىن، ەمدەۋدەگى سوڭعى شەك ينجەنەرياسىن، شۇعىل قۇتقارۋ ينجەنەرياسىن، قىس ماۋسىمىنداعى جىلىنۋ ينجەنەرياسىن ويداعىداي اتقارۋ. اپاتتان ساقتانۋ، اپات زيانىن جەڭىلدەتۋ جانە اپاتقا قارسى تۇرۋعا جان - جاقتى دايىندىقتى قامتاماسىز ەتۋ قابىلەتىن ءوسىرۋ. ۋاقىتشا قۇتقارۋ ءتۇزىمىن كەمەلدەندىرىپ، قۇتقارۋ جۇيەسى مەن ساياساتتىڭ توعىسۋىن ءبىر تۇتاس جوسپارلاپ، قيىنشىلىعى بار قاۋىمنىڭ نەگىزگى تۇرمىسىن قامتاماسىز ەتۋ؛ قايىر - ساحابات ىستەرىنىڭ دامۋىن قولداپ، مۇگەدەكتەردى سۇيەمەلدەۋ، مۇگەدەكتەرگە كومەكتەسۋ قىزمەت جۇيەسىن اقاۋسىزداندىرۋ، قيىنشىلىعى بار مۇگەدەكتەرگە تۇرمىستىق قوسىمشا قاراجات بەرۋ جانە اۋىر مۇگەدەكتەرگە كۇتىمدەۋ قوسىمشا قاراجاتىن بەرۋ ءتۇزىمىن ورناتۋ. تاباندىلىقپەن قۇلشىنۋ ارقىلى، قالىڭ حالىق بۇقاراسىنىڭ رەفورما مەن دامۋدىڭ جەتىستىكتەرىنەن، ءتىپتى، كوپ يگىلىكتەنۋىنە مۇمكىندىك جاساۋىمىز كەرەك.
وسى زامانعى مادەنيەتتى جەتەكشى ەتۋگە تاباندى بولۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى، سوتسياليستىك وزەكتى قۇن كوزقاراسى جانە شينجياڭ رۋحى ارقىلى ورتاق تانىمعا جۇمىلۋ، كۇش توپتاۋ. تاڭداۋلى مادەنيەت تۋىندىلارى شىعارماشىلىعىن سۇيەمەلدەپ، شىنايى ىقپالى بار، بۇكىل ەل كولەمىندە ءدۇمپۋ تۋدىرعان وكىلدىك مادەنيەت سارا تۋىندىلارىن جارىققا شىعارۋ. الەۋمەتتىك مادەنيەت بويىنشا قىزمەت وتەۋدىڭ نەگىزدىك قۇرىلعىلار قۇرىلىسىن جاپپاي ىلگەرىلەتىپ، نەگىزگى ساتىنىڭ بۇقارالىق مادەنيەت قيمىلىن ورىستەتۋىن قولداۋ. 2 - كەزەكتى جۇڭگو شينجياڭ حالىقارالىق كوركەمونەر قوس جىلدىق كورمەسىن وتكىزۋ، از ۇلتتاردىڭ مەملەكەتتىك 5 - كەزەكتى ادەبيەت - كوركەمونەر بايقاۋىنا قاتىناسۋعا دايىندالۋ. شىعىس جەلى ينجەنەرياسى، شارۋالار كىتاپ ءۇيى ينجەنەرياسى، كوكتەم جاڭبىرى ينجەنەرياسى، راديو - تەلەۆيزور باعدارلامالارىن ءتۇيىندى تۇردە جەتكىزۋ ينجەنەرياسى، اۋىل - قىستاقتا كينو قويۋ ينجەنەرياسى سياقتىلاردى ۇزدىكسىز اتقارۋ. مادەنيەت كاسىپتەرىن جاسامپازدىقپەن دامىتۋ، جاڭاشا مادەنيەت قالىبىن جەتىلدىرۋ، تىرەكتى مادەنيەت كاسىپورىندارىن جەتىلدىرۋ. مەملەكەتتە ءبىر تۇتاس قولدانىلاتىن ءتىل - جازۋدى ونان ارى جالپىلاستىرۋ، از ۇلتتاردىڭ ءتىل - جازۋىنىڭ ارناعا ءتۇسۋ، ولشەمدەنۋ، ينفورماتسيالانۋ بارىسىن جەدەلدەتۋ. شينجياڭنىڭ ەكونوميكالىق، قوعامدىق دامۋىنىڭ تابيعي سۇرانىسىمەن ۇشتاستىرا وتىرىپ، «قوس ءتىل» ۇيرەنۋدىڭ، «قوس ءتىل» يگەرۋدىڭ، «قوس ءتىل» قولدانۋدىڭ ءار ۇلت حالىق بۇقاراسىنىڭ سانالى تاڭداۋىنا، ءار ۇلت بۇقاراسىنىڭ ارالاسۋىنىڭ، ىشتەسۋىنىڭ، توعىسۋىنىڭ، ۇلتتار ىنتىماعىن جەبەۋدىڭ، قوعام ورنىقتىلىعىن قورعاۋدىڭ، گۇلدەنۋ مەن دامۋدى جەبەۋدىڭ ءونىمدى دانەكەرىنە اينالۋىنا مۇمكىندىك جاساۋ. ءار ءتۇرلى جالپى حالىقتىق دەنە شىنىقتىرۋ قيمىلىن بەلسەنە ورىستەتىپ، جاس وسپىرىمدەر فۋتبولى سياقتى سپورت تۇرلەرىنىڭ جالپىلاسۋى مەن دامۋىن جەدەلدەتۋ، دەنە تاربيە كاسىبىنىڭ اقاۋسىز دامۋىن ىلگەرىلەتۋ. وليمپيادا سپورت جارىسى مەن مەملەكەتتىك سپورت جارىسىنا كۇش سالا دايىندالۋ. مەملەكەتتىك 13 - كەزەكتى قىسقى سپورت جارىسى سالتاناتپەن باستالۋ الدىندا تۇر، ءبىز دايىندالىپ بولدىق، ءبىز، ءسوز جوق، «ەل ىشىندە بىرەگەي، حالىقارالىق دەڭگەيدەگى، جاراسىمدى دا حاۋىپسىز، تارتىمدى، دۇنيە جۇزىنە ىقپال ەتەتىن» سپورت سالتاناتى ەتىپ وتكىزەمىز.
ەمدەۋ بايلىعىنىڭ نەگىزگى ساتىعا، اۋىل - قىستاققا ويىسۋىن جەبەپ، قالا مەن اۋىلدى قامتىعان نەگىزدىك ەمدەلۋ، دەنساۋلىق ساقتاۋ ءتۇزىمى مەن وسى زامانعى شيپاحانا باسقارۋ ءتۇزىمىن بىرتىندەپ ورناتۋ. ۇكىمەت شيپاحانالارىنىڭ امبەباپ رەفورماسىن جاپپاي ىلگەرىلەتۋ، الەۋمەتتىك يگىلىك سيپاتىنا تاباندى بولىپ، پايدا قۋۋ مەحانيزمىن تالقانداۋ. جۇڭگوشا شيپاگەرلىك پەن دارىگەرلىكتىڭ، ۇلتتىق شيپاگەرلىك پەن دارىگەرلىكتىڭ دامۋىن بارىنشا سۇيەمەلدەۋ. الدىن الۋدى ءتۇيىن ەتىپ، جۇقپالى اۋرۋ، سوزىلمالى اۋرۋ، جەرگىلىكتى اۋرۋ، ادام مەن مالعا بىردەي جۇعاتىن اۋرۋ سياقتى سالماقتى ناۋقاستار مەن كاسىپتىك اۋرۋلاردان ساقتانۋدى جانە ونى ەمدەۋدى ويداعىداي ىستەۋ. ازىق - تۇلىك، ءدارى - دارمەك حاۋىپسىزدىگىن باقىلاۋدى كۇشەيتۋ. جوسپارلى تۋۋ سىندى نەگىزگى مەملەكەت ساياساتىنا زاڭ بويىنشا تاباندى بولۋ. نەگىزگى ساتىداعى ايەلدەر مەن بالالار دەنساۋلىعىن ساقتاۋ، جوسپارلى تۋۋ بويىنشا تەحنيكالىق قىزمەت وتەۋ قۇرىلىمدارى قۇرىلىسىن كۇشەيتۋ. اۋىل - قىستاقتىڭ نەگىزدىك قۇرىلعىلارىن جانە ەگىنشى - مالشىلاردىڭ ءوندىرىس، تۇرمىس شارت - جاعدايىن بارىنشا جاقسارتۋ، «سوڭعى ءبىر شاقىرىم»، «سوڭعى ءبىر وتباسى» ماسەلەلەرىن كۇش سالا شەشۋ. بەيقۇت ءۇي سالىپ، حالىقتى اۋقاتتاندىرۋ، مالشىلاردى وتىرىقتاندىرىپ، مال شارۋاشىلىعىن كوركەيتۋ، قالا - قالاشىقتارداعى قامتاماسىزداندىرۋ سيپاتتى تۇرعىن ءۇي ينجەنەريالارىن جەدەل ىلگەرىلەتىپ، سايكەستى قۇرىلعىلار ماسەلەسىن شەشۋگە باسا ءمان بەرىپ، بۇقارانىڭ جايلى تۇرعىن ۇيلەردەن پايدالانۋىنا مۇمكىندىك جاساۋ. سۋ يگىلىگى، سۋ ەلەكتر ينجەنەرياسىن سالۋعا بايلانىستى الىنعان جەرلەرگە تولەم بەرۋ جانە ەلدى كوشىرىپ ورنالاستىرۋ قىزمەتىن ۇزدىكسىز جاقسى ىستەۋ. «جولدى ىركىلىسسىزدەندىرىپ، حالىقتى اۋقاتتاندىرۋ» ماقساتىنداعى اۋىل - قىستاق تاس جولى، تابيعي گاز ارقىلى حالىققا يگىلىك جەتكىزۋ، اۋىل - قىستاقتا اۋىز سۋدى جاقسارتۋ سياقتى حالىق تۇرمىسى ينجەنەريالىق قۇرىلىستارىن جەدەلدەتۋ.
7. تازا، كوركەم شينجياڭ قۇرۋعا قۇلشىنۋ
ءوندىرىسى دامىعان، تۇرمىسى باياشات، ەكولوگياسى تاماشا وركەنيەتتى دامۋ جولىمەن بۇلجىماي ءجۇرىپ، ادام مەن تابيعاتتىڭ جاراسىمدىلىعىن جەبەۋ. تابيعي ورماندى، جازىقتاعى ەكپە ورماندى، شولدەگى جامىلعى وسىمدىكتەردى قورعاۋ ينجەنەرياسىن ۇزدىكسىز اتقارۋ، ىلە وزەنى، ەرتىس وزەنى، ۇلىڭگىر كولى، باعراش كولى سياقتىلاردىڭ ەكولوگيالىق ورتاسىن جان - جاقتى وڭاۋدى كۇشەيتۋ؛ جاڭادان ءبىر ميلليون 50 مىڭ مۋ جەرگە ورمان وتىرعىزىپ، 950 مىڭ مۋ جەردى قورشاپ ورمان ءوسىرىپ، تابيعي جايلىمداردىڭ مال باعۋعا تيىم سالىناتىن اۋماعىن قۇلشىنا كەڭەيتۋ. دۇنيە جۇزىلىك جاراتىلىستىق مۇرا جەرلەردى، ايگىلى كورىنىستىك وڭىرلەردى، تابيعي قورىقتاردى، قورشالىپ قورعاۋعا الىنعان قۇمايتتانعان جەرلەردى، ورمان باقشالارىن، ماڭىزدى سۋ قاينارلارىن، ماڭىزدى سۋلى جەردى، شۇراتتى قورعاۋ قۇرىلىسىن كۇشەيتۋ. سۋ بايلىعىن باسقارۋدىڭ ەڭ قاتاڭ تەكسەرۋ قىزمەتىن اتقارىپ، سۋ پايدالانۋدىڭ جالپى مولشەرىن شىن مانىندە مەڭگەرۋ. تومەن كومىرتەكتى اينالمالى دامۋ تالابىنا ساي، جاسىل تازا ءوندىرىستى قولداپ، كاسىپورىنداردىڭ اينالمالى ءوندىرىسىن، كاسىپ سالالارىنىڭ اينالمالى بىرىگۋىن، باقشا رايوندارىن اينالمالى وزگەرتۋدى جولعا قويۋ. ەنەرگيا قۇراۋى جوعارى كاسىپ سالالارىندا ەنەرگيا قۇراۋىن تىزگىندەۋدى كۇشەيتىپ، ءتۇيىندى كاسىپ سالالارىنىڭ كومىر قوسىلىستارىن شىعارۋىن ءونىمدى تۇردە مەڭگەرۋ. ءوندىرىس قۋاتىنىڭ شەكتەن تىس اسىپ قالۋ ماسەلەسىن بەلسەندى، ۇيلەسىمدى تۇردە شەشىپ، جان - جاقتى، سايكەستى ساياسات جۇيەسىن بەلگىلەۋ، جەرگىلىكتى جاعدايعا قاراي، تۇرلەر بويىنشا تارتىپپەن ءبىر جايلى ەتۋ. كومىر قاباتىنداعى گاز سياقتى كادىمگى ەمەس ەنەرگيا، كەندەردى بارلاۋ، اشۋ سەرپىنىن ارتتىرۋ. ونەركاسىپتىك جاراقسىز گازدان، جاراقسىز سۋدان، تۇرمىستىق لاس سۋدان تۋ باستان ساقتانۋدى جانە ونى تىزگىندەۋدى كۇشەيتۋ. اۋىل شارۋاشىلىعىنداعى جەر بەتىنىڭ لاستانۋىن تىزگىندەۋدى ويداعىداي يگەرىپ، اۋىز سۋدى جاقسارتۋ، دارەتحانالاردى وزگەرتۋ، قوقسىقتاردى ءبىر جايلى ەتۋ قۇرىلعىلارىن جەدەل قۇرۋ. ءبىز قورشاعان ورتانى قورعاۋ جاعىندا زاڭدى قاتاڭ اتقارىپ، قۋزاۋ - تەكسەرۋ مەن شارلاۋدى كۇشەيتىپ، لاستانۋدان ساقتانۋدى جانە ونى تىزگىندەۋدى جان - جاقتى باسقارىپ، قورشاعان ورتانىڭ ساپاسىن قۇلشىنا جاقسارتىپ، كورىكتى مەكەنىمىزدى باتىل قورعايمىز!
8. شينجياڭعا باعىتتامالى كومەكتەسۋ قىزمەتىن تىڭعىلىقتى ىستەۋ
قوعام ورنىقتىلىعى مەن باياندى تىنىشتىققا ءتيىمدى بولۋدى شينجياڭعا باعىتتامالى كومەكتەسۋ قىزمەتىنىڭ ءتۇبىرلى نىساناسى ەتىپ، جۇرت تىلەگىن جۇمىلدىرۋعا، ۇلتتار ىنتىماعىنا، نەگىزگى ساتىنى بەكەمدەۋگە، ۇزاق ۋاقىت جالعاستىرۋعا، بارلىعىندا شينجياڭنىڭ ءىس جۇزىندىك جاعدايىن ارقاۋ ەتۋگە تاباندى بولۋ؛ كاسىپتەنۋ اياسىن كەڭەيتۋگە، وقۋ - اعارتۋدى يگەرۋگە، دارىندىلار ارقىلى شينجياڭعا كومەكتەسۋگە، نەگىزگى ساتىعا، وتە - موتە، ەگىن، مال شارۋاشىلىق وڭىرلەرىنە بەيىمدەلۋگە، ۇلتتاردىڭ ارالاسۋىن، ىشتەسۋىن، توعىسۋىن جەبەۋگە باسا ءمان بەرۋ. لاڭكەستىككە قارسى تۇرۋ، ورنىقتىلىقتى قورعاۋ قابىلەتى قۇرىلىسىن قولداۋعا باسا ءمان بەرۋ، كاسىپ سالاسى ارقىلى شينجياڭعا كومەكتەسۋدى عىلمي ىلگەرىلەتۋدى ءبىر تۇتاس جوسپارلاۋ، قان بەرۋ مەن قان جاساۋدىڭ قاتىناسىن ويداعىداي ءبىر جايلى ەتۋ، وزىندىك دامۋ قابىلەتىن كۇشەيتۋ. كومەك الۋشى جەردەگى بۇقارانىڭ كاسىپتەنۋىن جەبەۋدى ءتۇيىن ەتىپ، جەرگىلىكتى ورىننىڭ ءىس جۇزىندىك جاعدايىنا ۇيلەسەتىن، ەكونوميكالىق، قوعامدىق دامۋدى جەبەۋگە، ەڭبەك - كاسىپتەنۋدى جەبەۋگە، جەرگىلىكتى ورىننىڭ بايلىعىن ءونىمدى تۇردە اشۋعا ءتيىمدى ەڭبەك شوعىرلانعان كاسىپتەردى باعىتتامالى تۇردە ەنگىزۋ. از ۇلت بۇقاراسىن جانە جوعارى مەكتەپتەر مەن ورتا تەحنيكۋمداردان وقۋ تاۋىسقان وقۋشىلاردى شينجياڭعا باعىتتامالى كومەكتەسەتىن ولكە، قالالارعا بارىپ كاسىپتەنۋگە ۇيىمداستىرۋ.
9. بيڭتۋان ىستەرىنىڭ دامۋىن جانە شينجياڭدا تۇراتىن اسكەري بولىمدەردىڭ قۇرىلىسىن قولداۋ
بيڭتۋان مەن جەرگىلىكتى ورىن «ءبىر تۇلعا» يدەياسىن مىقتاپ ورناتىپ، بيڭتۋاننىڭ ورنىقتىلىقتى، شەكارانى قورعاۋ قابىلەتى قۇرىلىسىن، بيڭتۋاننىڭ جاڭاشا ونەركاسىپتەنۋدى، قالا - قالاشىقتانۋدى، اۋىل شارۋاشىلىعىنىڭ وسىزاماندانۋىن جەدەل ىلگەرىلەتۋىن بارىنشا قولداۋ، جىبەك جولى ەكونوميكالىق بەلدەۋىنىڭ وزەكتى رايون قۇرىلىسىنا ات سالىسۋىن قولداۋ، ەكونوميكاسىنىڭ ورنىقتى، اقاۋسىز دامۋىنا جانە تيىمدىلىگىنىڭ نىق قاداممەن ارتۋىنا كەپىلدىك ەتۋ. بيڭتۋان مەن جەرگىلىكتى ورىننىڭ توعىسپالى دامۋىن سايكەستىرۋ مەحانيزمىن جانە ستراتەگيالىق جوبانى اتقارۋدى سايكەستىرۋ مەحانيزمىن كەمەلدەندىرۋ، بيڭتۋان مەن جەرگىلىكتى ورىن وندىرگىش كۇشىنىڭ جايعاسۋىنىڭ ءبىر تۇتاس جوباسىن جاساۋ. قورعانىس جانە اسكەري ءبولىم قۇرىلىسى مەن رەفورماسىن قولداپ، ارميا مەن حالىقتىڭ تەرەڭ توعىسىپ دامۋىن ىلگەرىلەتىپ، اسكەري ءبولىم قۇرىلىسىنداعى ناقتى قيىنشىلىقتاردى شەشىپ، قوس قورعاۋ، بىرگە قۇرۋ قىزمەتىنىڭ ورەسىن جوعارىلاتۋ. ءبىز بيڭتۋان مەن جەرگىلىكتى ورىننىڭ، ارميا مەن جەرگىلىكتى ورىننىڭ سەلبەستىگىن اناعۇرلىم كۇشەيتىپ، ەكونوميكانىڭ، قوعامنىڭ عىلمي اقاۋسىز دامۋىن جەبەپ، شينجياڭنىڭ قوعام ورنىقتىلىعىن قورعاۋدىڭ قۇرىش قورعانىن بىرگە سوعامىز!
10. ۇكىمەتتىڭ ءوز قۇرىلىسىن ۇزدىكسىز كۇشەيتۋ
پارتيانىڭ باسشىلىعىنا تاباندى بولۋ − ۇكىمەت قىزمەتىن جاقسى ىستەۋدىڭ ءتۇبىرلى كەپىلى. ورتالىق پەن اۆتونوميالى رايوندىق پارتكومنىڭ شەشىمدەرى مەن ورنالاستىرۋلارىن باتىل دايەكتىلەندىرىپ، «جاڭا قالىپقا ۇيلەسۋدى، جاڭا ناتيجەنى ايگىلەۋدى» باس جەتەكشى ەتىپ، ورنىقتىلىقتى قورعاۋ قابىلەتى مەن قوعامدى جونگە سالۋ قابىلەتىن جاپپاي جوعارىلاتۋ، ەكونوميكالىق، قوعامدىق دامۋ قىزمەتىنە باسشىلىق ەتۋ قابىلەتىن جوعارىلاتۋ، جاڭا قالىپقا ۇيلەسۋ، جاڭا قالىپتى يگەرۋ، جاڭا قالىپقا جەتەكشىلىك ەتۋ قابىلەتىن جوعارىلاتۋ، بازار شارۋاشىلىعى جانە زاڭمەن جونگە سالۋ ءتاسىلىن قولدانىپ، دامۋدى جەبەۋ قابىلەتىن جوعارىلاتۋ، ۇكىمەت قىزمەتكەرلەرىنىڭ ءتۇسىنۋ قابىلەتىن، اتقارۋ قابىلەتىن، تياناقتاندىرۋ قابىلەتىن جوعارىلاتۋ. زاڭ بويىنشا اكىمشىلىك جۇرگىزۋگە تاباندى بولىپ، زاڭمەن جونگە سالىناتىن ۇكىمەت قۇرىلىسىن ىلگەرىلەتىپ، اكىمشىلىك باسقارۋ ءتۇزىلىسى رەفورماسىن تەرەڭدەتىپ، ۇكىمەت فۋنكتسياسىنا شىن مانىندە بۇرىلىس جاساۋ. اكىمشىلىكتى قاراپايىمداستىرىپ، ۇقىقتى تومەنگە بەرۋدى، ىرقىنا جىبەرۋ مەن باسقارۋدى ۇشتاستىرۋدى، قىزمەت وتەۋدى ساپالىلاندىرۋدى ۇزدىكسىز ىلگەرىلەتىپ، ۇكىمەتتىڭ رولىن ارتتىرىپ، بازاردىڭ ومىرشەڭدىك كۇشى مەن قوعامنىڭ جاسامپازدىق قۋاتىن قوزداتۋ. حالىق قۇرىلتايى مەن ونىڭ تۇراقتى كوميتەتىنىڭ زاڭدىق باقىلاۋىن قابىلداپ، حالىق ساياسي كەڭەسىنىڭ ساياسي كەڭەسۋ، دەموكراتيالىق باقىلاۋ، ۇكىمەت ىسىنە ارلاسۋ، ۇكىمەت ءىسىن كەڭەسۋ فۋنكتسياسىن اتقارۋىن قولداپ، دەموكراتيالىق پارتيا - توپتاردىڭ، ونەركاسىپشىلەر مەن ساۋداگەرلەر بىرلەستىگىنىڭ، پارتيادا، توپتا جوق قايراتكەرلەردىڭ، سونداي - اق بۇقارالىق ۇيىمداردىڭ، قوعامدىق ۇيىمداردىڭ ۇسىنىسىن تولىق تىڭداپ، ناتيجەنى تەكسەرۋ، باعالاۋ جۇيەسىن كەمەلدەندىرىپ، قازىنالىق باقىلاۋ رولىن تولىق ساۋلەلەندىرۋ. قۋزاۋ - تەكسەرۋ، شابىتتاندىرۋ، جاۋاپكەرشىلىكتى قۋزاستىرۋ مەحانيزمىن كەمەلدەندىرىپ، ۇكىمەتتىڭ قۋزاۋ - تەكسەرۋ قىزمەتىنىڭ سەرپىنىن ارتتىرىپ، ءتۇرلى قىزمەت ورنالاستىرۋلارىنىڭ تياناقتاندىرىلۋىنا، ناقتى ءونىم بەرۋىنە كەپىلدىك ەتۋ. ۇكىمەتتىڭ ءار دارەجەلى كادرلار قوسىنى قۇرىلىسىن كۇشەيتىپ، ساياسي ءتارتىپ پەن ساياسي قاعيدانى قاتايتىپ، ساياسيدا تاباندى، ستيلى جاقسى، قابىلەتى كۇشتى، كوڭىل كۇيى ورنىقتى بولۋ تالابىن سانالى تۇردە امالياتتا ايگىلەپ، شينجياڭ ەرەكشەلىگىنە يە جاقسى كادرلاردىڭ ۇلگىلەرىنەن بولۋ. پارتيا ستيلى، پاكتىك قۇرىلىسىنىڭ سۋبيەكتتىك جاۋاپكەرشىلىگى مەن باقىلاۋ جاۋاپكەرشىلىگىن جاپپاي تياناقتاندىرىپ، «تومەنگى شەكتەن»، «قىزىل شەكتەن» وتۋدەي تارتىپكە، زاڭعا قايشى ارەكەتتەردى قاتاڭ تەكسەرىپ ءبىر جايلى ەتۋ، بۇقارانىڭ مۇددەسىنە زيان جەتكىزەتىن ماسەلەلەردى قاتاڭ تەكسەرىپ ءبىر جايلى ەتىپ، «تۇرپايىلىق، بويكۇيەزدىك، بىتىراڭقىلىق، سىلبىرلىق، ءسان - سالتاناتقا بەرىلۋ» سياقتى بۇرىس ستيل ماسەلەلەرىن قاتاڭ وڭاپ، كادرلاردىڭ پاك، ادىلدىگىن، ۇكىمەتتىڭ پاك، ىسكەرلىگىن، ساياسيدىڭ ءادىل جاريالىلىعىن ىسكە اسىرۋ. ءبىز جەمقورلىققا قارسى الماس قىلىش ءۇيىرىپ، جەمقورلىققا جىبەرمەيتىن، جەمقورلىق ىستەتكىزبەيتىن، جەمقورلىقتى ويعا الدىرتپايتىن ءونىمدى مەحانيزمدى قۇلشىنا قۇرىپ، ۇقىقتىڭ جاريا جۇرگىزىلۋىنە مۇمكىندىك جاسايمىز!
ۋاكىلدەر!
ءبىز تاعى ءبىر 5 جىلدىق جوبانىڭ جالعاسۋ، اۋىسۋ تۇيىنىندە تۇرمىز. «13 - بەسجىلدىق» جوبا نىساناسىن ىسكە اسىرۋ، جاپپاي دوڭگەلەك داۋلەتتى قوعام قۇرۋ − ءبىزدىڭ بۇكىل شينجياڭداعى ءار ۇلت حالقىنا بەرگەن ايبىندى ۋادەمىز. شي جينپيڭ جولداس باس شۋجي بولعان پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، اۆتونوميالى رايوندىق پارتكومنىڭ پارمەندى باسشىلىعىندا، بۇكىل رايونىمىزداعى ءار ۇلت حالقىنىڭ اقىل - پاراساتى مەن كۇش - قۋاتىن ۇيىستىرىپ، سەنىمدى بەكەمدەپ، ءورىس اشا العا ۇمتىلىپ، شينجياڭداعى ءار ۇلت حالقىنىڭ ارمانىن ءىس - ارەكەتىمىزگە اينالدىرىپ، جۇڭگو ارمانىنىڭ شينجياڭ تاراۋىن جارقىن بولمىسقا قۇلشىنا اينالدىرىپ، «13 - بەسجىلدىق» جوبا مەزگىلىندە تاعى دا جاڭا شۇعىلالى ناتيجەلەرگە قول جەتكىزۋىمىز كەرەك! «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
