شي جينپيڭ كورەيانىڭ زۇڭتۇڭى ۋىن زاييىنمەن تەلەفوندا سويلەستى
2021.01.27 14:58 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 26 - كۇنى، بەيجيڭ. مەملەكەت ءتوراعاسى شي جينپيڭ 1 - ايدىڭ 26 - كۇنى كەشتە كورەيانىڭ زۇڭتۇڭى ۋىن زاييىنمەن تەلەفوندا سويلەستى.
ەكى ەل باسشىلارى ءبىر - بىرىنە مەرەكەلىك سالەم جولداپ، جۇڭگو مەن كورەيا حالىقتارىنا كوكتەم مەرەكەسىنە وراي باقىت تىلەدى.
شي جينپيڭ بىلاي دەپ اتاپ كورسەتتى: 2020 - جىلدان بەرى جاڭا تيپتى ايدارشا ۆيرۋس وكپە قابىنۋ ىندەتىنىڭ بۇكىل دۇنيە جۇزىندە كەڭ تارالۋى مەن دۇنيە جۇزىندە 100 جىلدا بولماعان زور وزگەرىس جاعدايى توعىسىپ، حالىقارالىق جانە وڭىرلىك جاعدايدا تەرەڭ وزگەرىستەر تۋىلدى. جۇڭگو مەن كورەيا تار جول، تايعاق كەشۋلەردەن بىرگە ءوتىپ، تىزە قوسا قۇلشىنىپ، ءار سالاداعى اۋىس - كۇيىس پەن سەلبەستىكتە سۇبەلى تابىستارعا قول جەتكىزۋدى ىلگەرىلەتتى، اسىرەسە، ەكى جاق ءونىمدى تۇزىمدىك ورنالاستىرۋ جاساپ، ىندەتكە سەلبەسىپ قارسى اتتانۋدىڭ ۇلگىسىن ورناتىپ، جۇڭگو مەن كورەيانىڭ ستراتەگيالىق سەلبەستىك سەرىكتەستىك قاتىناسىنىڭ جوعارى دەڭگەيىن تولىق ايگىلەدى. ەكى جاق بىرلەسىپ ساقتانۋ، بىرلەسىپ تىزگىندەۋ سەلبەستىك مەحانيزمىنەن جانە «ىركىلىسسىز ارنادان» ۇزدىكسىز ويداعىداي پايدالانىپ، ەكى ەلدىڭ ىندەتتەن ساقتانۋ - تىزگىندەۋىنە جانە ەكونوميكالىق دامۋىنا قىزمەت وتەپ، وڭىرلىك جانە حالىقارالىق ىندەتكە قارسى اتتانۋ سەلبەستىگىنە دەم بەرۋى كەرەك. كەلەر جىل − جۇڭگو مەن كورەيانىڭ ديپلوماتيالىق قاتىناس ورناتقانىنىڭ 30 جىلدىعى، ەكى ەل قاتىناسى ىشكەرىلەي دامۋدىڭ جاڭا ورايىنا ءدوپ كەلدى. مەن سىزبەن بىرگە جۇڭگو مەن كورەيانىڭ مادەنيەت اۋىس - كۇيىس جىلىنىڭ رەسمي باستالۋىن جاريالاۋعا پەيىلمىن. ەكى جاقتىڭ جۇڭگو مەن كورەيا قاتىناسىنىڭ بولاشاق دامۋ كوميتەتى تەكشەسىنەن ويداعىداي پايدالانىپ، ەكى جاقتى قاتىناستىڭ 30 جىلدىق دامۋ تابىسىن ەسكە الىپ جانە قورىتىندىلاپ، بولاشاق دامۋدى جوسپارلاپ، حالىقتار دوستىعىن كۇشەيتىپ، جۇڭگو مەن كورەيانىڭ ستراتەگيالىق سەلبەستىك سەرىكتەستىك قاتىناسىنىڭ تىڭ ساتىعا كوتەرىلۋىن ىلگەرىلەتۋىن ءۇمىت ەتەمىن.
شي جينپيڭ بىلاي دەپ دارىپتەدى: جۇڭگو مەن كورەيا ءبىر - ءبىرىنىڭ ماڭىزدى سەلبەستىك سەرىگى. وتكەن جىلى ەكى ەل ساۋداسىنىڭ قيىن - قىستاۋ جاعدايدا ارتۋى جۇڭگو مەن كورەيا سەلبەستىگىنىڭ ءوزارا تولىقتاۋ سيپاتى مەن وراسان زور كومەسكى كۇشىن دالەلدەدى. ەكى جاقتىڭ دامۋ ستراتەگياسىن ۇشتاستىرۋدى جەدەلدەتۋ، ءتۇيىندى سالالارداعى سەلبەستىكتى تەرەڭدەتۋ جونىندە كەلىسكەن ورتاق تانىمدى مۇقيات تياناقتاندىرىپ، ءوزارا ءتيىمدى سەلبەستىكتى ۇزدىكسىز كەڭەيتىپ، ساپالى توعىسپالى دامۋدى ىلگەرىلەتۋىن ءۇمىت ەتەمىن. جۇڭگو - كورەيا ەركىن ساۋدا كەلىسىمىنىڭ 2 - كەزەڭدىك كەلىسسوزىن جەدەل ورىنداپ، «وڭىرلىك جالپى بەتتىك ەكونوميكالىق سەرىكتەستىك قاتىناس كەلىسىمىنىڭ» ەرتەرەك كۇشكە يە بولۋىن جانە جۇڭگو - جاپونيا - كورەيا ەركىن ساۋدا رايونى قۇرىلىسىنىڭ جەدەل جۇرگىزىلۋىن ىلگەرىلەتۋ كەرەك. جۇڭگو كورەيامەن حالىقارالىق ىستەر جونىندە سايكەسۋدى كۇشەيتىپ، كوپ جاقتىلىقتى جانە ەركىن ساۋدانى قورعاۋعا بىرگە كۇش سالۋدى قالايدى.
ۋىن زاييىن مىنانى ءبىلدىردى: جۇڭگو كوممۋنيستىك پارتياسى قۇرىلعانىنىڭ 100 جىلدىعىن شىن جۇرەكتەن قۇتتىقتايمىن. ءتوراعا شي جينپيڭنىڭ پارمەندى باسشىلىعىندا، جۇڭگو ىندەتكە قارسى اتتانۋدا تابىسقا جەتىپ، دۇنيە جۇزىندەگى نەگىزگى ەكونوميكالىق تۇلعالاردىڭ ىشىندەگى ەكونوميكالىق ارتۋدى جۇزەگە اسىرعان بىردەن - ءبىر ەلگە اينالدى، حالىقاراداعى ورنى مەن ىقپالى كۇن سايىن كۇشەيگەن جۇڭگو ەكىنشى 100 جىلدىق كۇرەس نىساناسىن جۇزەگە اسىرۋعا قاراي ماڭىزدى قادام تاستادى. مەن كورەيا مەن جۇڭگونىڭ ديپلوماتيالىق قاتىناس ورناتقانىنىڭ 30 جىلدىعىن قارسى الۋ قارساڭىندا، سىزبەن بىرگە كورەيا مەن جۇڭگونىڭ مادەنيەت اۋىس - كۇيىس جىلىنىڭ باستالۋىن جاريالايتىنىما توتەنشە قۋانىشتامىن. كورەيا مەن جۇڭگو ىندەتكە بىرگە قارسى اتتانۋ ارقىلى دوستىق پەن ءوزارا سەنىمدىلىكتى كۇشەيتتى. كورەيا جۇڭگومەن ءجيى اۋىس - كۇيىس جاساپ، حالىقتار دوستىعىن تەرەڭدەتىپ، ىندەتكە قارسى اتتانۋ، ەكونوميكا - ساۋدا، مادەنيەت، وقۋ - اعارتۋ سياقتى سالالارداعى سەلبەستىكتى ۇزدىكسىز ىلگەرىلەتۋدى قالايدى. كورەيا جۇڭگونىڭ جەر شارىنىڭ كليمات وزگەرىسىنە توتەپ بەرۋ ماسەلەسىندە ساۋلەلەندىرگەن باسشىلىق قۋاتىن القايدى، جۇڭگومەن كليمات وزگەرىسى، باياندى دامۋ سياقتى ماسەلەلەر جونىندە پىكىرلەسۋدى، سايكەسۋدى قالايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
