ورتالىق كوميتەت كەڭسەسى، مەملەكەتتىك كەڭەس كەڭسەسى حابارلاندىرۋ باسىپ تاراتتى
حالىق بۇقاراسىنىڭ سول جەردىڭ وزىندە كوكتەم مەرەكەسىن وتكىزۋىنە قىزمەت وتەۋ، قامتاماسىز ەتۋ قىزمەتىن ويداعىداي ىستەۋ كەرەك
2021.01.27 16:20 كەلۋ قاينارى : شينجياڭ گازەتى
شينحۋا اگەنتتىگىنىڭ 1 - ايدىڭ 25 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «حالىق بۇقاراسىنىڭ سول جەردىڭ وزىندە كوكتەم مەرەكەسىن وتكىزۋىنە قىزمەت وتەۋ، قامتاماسىز ەتۋ قىزمەتىن ويداعىداي ىستەۋ جونىندەگى حابارلاندىرۋدى» باسىپ تاراتتى.
«حابارلاندىرۋدا» مىنالار اتاپ كورسەتىلدى: كەزەكتە، شەكارا سىرتىندا جاڭا تيپتى ايدارشا ۆيرۋس وكپە قابىنۋ ىندەتى ۇزدىكسىز ءورشىپ، ەلىمىزدىڭ ءىشىنارا وڭىرلەرىندە توپتاسۋ سيپاتتى ىندەت جانە بىتىراندى تارالعان ناۋقاس ۇزدىكسىز بايقالۋدا. كوكتەم مەرەكەسى دەمالىسىندا قاجەت بولماسا ارى - بەرى جۇرمەۋدى دارىپتەۋ ىندەتتىڭ تارالۋ حاۋپىن ازايتىپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن شىنايى قامتاماسىز ەتۋگە پايدالى. جەر - جەر، تاراۋلار «جۇڭگو كوممۋنيستىك پارتياسى ورتالىق كوميتەتى كەڭسەسىنىڭ، مەملەكەتتىك كەڭەس كەڭسەسىنىڭ 2021 - جىلعى جاڭا جىل، كوكتەم مەرەكەسى مەزگىلىندەگى قاتىستى قىزمەتتەردى ويداعىداي ىستەۋ جونىندەگى حابارلاندىرۋى» مەن مەملەكەتتىك كەڭەس بىرلەسىپ ساقتانۋ، بىرلەسىپ تىزگىندەۋ مەحانيزمى باسىپ تاراتقان «كەزەكتەگى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىن اناعۇرلىم ويداعىداي ىستەۋ جونىندەگى حابارلاندىرۋىنىڭ» رۋحىن مۇقيات دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋ قاجەتىمەن سول جەردىڭ وزىندە كوكتەم مەرەكەسىن وتكىزەتىن بۇقارانىڭ ارتۋى سىندى جاڭا جاعدايعا مەڭزەس، قىزمەت وتەۋ، قامتاماسىز ەتۋ قىزمەتتەرىن ويداعىداي ىستەۋدى مىقتى يگەرىپ، حالىق بۇقاراسىنىڭ كوڭىلدى، بەرەكەلى، اقاۋسىز، حاۋىپسىز كوكتەم مەرەكەسىن وتكىزۋىنە مۇمكىندىك جاساۋ كەرەك.
«حابارلاندىرۋدا» مىنالار تالاپ ەتىلدى: بۇقارانى سول جەردىڭ وزىندە كوكتەم مەرەكەسىن وتكىزۋگە ۇيلەسىمدى، ءتارتىپتى تۇردە جەتەكتەۋ كەرەك. ىندەتتىڭ حاۋپى جوعارى وڭىرلەردەگى بۇقارا تۇگەلدەي سول جەردىڭ وزىندە كوكتەم مەرەكەسىن وتكىزىپ، ادامداردىڭ ءجۇرىس - تۇرىسىن بارىنشا ازايتىپ، ادامداردىڭ ارى - بەرى جۇرۋىنەن ىندەتتىڭ تارالۋىنان، ورشۋىنەن ساقتانۋ كەرەك. ىندەتتىڭ حاۋپى ورتاشا وڭىرلەردەگى بۇقارا پرينسيپتىك جاقتان سول جەردىڭ وزىندە كوكتەم مەرەكەسىن وتكىزۋ، ەرەكشە جاعدايمەن جولاۋشى ءجۇرۋى قاجەت بولعاندار قاراستى ءوڭىردىڭ ىندەتتەن ساقتانۋ - تىزگىندەۋ قۇرىلىمدارىنىڭ بەكىتۋىنەن ءوتۋى كەرەك. حاۋىپ - قاتەرى تومەن وڭىرلەر بۇقارانىڭ سول جەردىڭ وزىندە كوكتەم مەرەكەسىن وتكىزۋىن، قاجەتتى بولماسا جولاۋشىلاپ شىقپاۋىن دارىپتەۋى كەرەك. ورگان، ءىسورىندار جانە مەملەكەت مەنشىگىندەگى كاسىپورىن قىزمەتكەرلەرى باستاماشىلدىقپەن سول جەردىڭ وزىندە كوكتەم مەرەكەسىن وتكىزىپ، سىرت جەرلەردىڭ شارۋا جۇمىسكەرلەرىن، مەكتەپتەن كەتپەگەن وقىتۋشى - وقۋشىلاردى سول جەردىڭ وزىندە كوكتەم مەرەكەسىن وتكىزۋگە جەتەكتەۋ كەرەك. شىنىمەن دە جولاۋشى ءجۇرۋى قاجەت ادامدار پرينسيپتىك جاقتان حاۋىپ - قاتەرى ورتاشا، جوعارى وڭىرلەرگە بارماۋى كەرەك.
«حابارلاندىرۋدا» مىنالار تالاپ ەتىلدى: سول جەردىڭ وزىندە كوكتەم مەرەكەسىن وتكىزەتىن بۇقارانىڭ تۇرمىستىق قامتاماسىزدىعىن كۇشەيتۋ كەرەك. تۇرمىستىق زاتتىق ماتەريالدارى قامتاماسىزدىعى جانە ەنەرگيامەن قامداۋعا كەپىلدىك ەتۋدى شىن مانىندە كۇشەيتۋ، اسىرەسە، ءىرى، ورتاشا قالالار الدىن الا ورنالاستىرۋى، تولىق دايىندالۋى كەرەك. اۋىل شارۋاشىلىعى قوسىمشا ونىمدەرىن تولايىم ساتۋ بازارىن، اۋىل شارۋاشىلىعى جانە قوسىمشا كاسىپ ونىمدەرى بازارىن، ەرەن بازار - ساتۋ الاڭدارىن، شيكى، جاس ونىمدەردى ەلەكتروندى ساۋدا تۇعىرىندا ساتۋشىلاردى، زات اينالىمى بويىنشا جەتكىزۋ كاسىپورىندارىن قالىپتى جۇمىس جۇرگىزۋگە جەتەكتەپ جانە قولداپ، تۇرمىستىق قاجەتتى بۇيىمداردىڭ بوگەلىپ قالماۋىنا، ساتىلماي قالماۋىنا شىنايى كەپىلدىك ەتىپ، الەۋمەتتىك اۋماق، اۋىل - قىستاق بولشەك ساتۋ تۇيىندەرىنىڭ كوكتەم مەرەكەسى دەمالسىندا ءار كۇنگى تيجارات ۋاقىتىنىڭ 8 ساعاتتان كەم بولماۋىن باستاماشىلدىقپەن دارىپتەۋ كەرەك. باعاداعى زاڭعا قايشىلىق جاساۋ ارەكەتتەرىنە قاتاڭ سوققى بەرىپ، ماڭىزدى تاۋار بازارىنىڭ قامداۋى جانە باعانىڭ تۇراقتى بولۋىنا شىنايى كەپىلدىك ەتۋ كەرەك. ينتەرنەت، تەلەۆيزور، راديولاردا مادەنيەت، دەنە تاربيە باعدارلامالاىن تاراتۋدى كوبەيتىپ، تەگىن ينتەرنەت اعىسى، ينتەرنەت بەينەجازبا APPلارىندا شەكتى ۋاقىتتا تەگىن كينو قويۋ سياقتى جەلىلىك قىزمەت وتەۋلەردى، حاۋىپ - قاتەرى تومەن وڭىرلەردە كىتاپحانا، مۇراجاي، كينو - تەاترحانا، باقشا، دەنە تاربيە الاڭى سياقتى الەۋمەتتىك قيمىل كەڭىستىگىن ازىرلەۋگە شابىتتاندىرىپ، ىندەتتەن ساقتانۋ - تىزگىندەۋ تالاپتارىن قاتاڭ تياناقتاندىرۋ العى شارتىندا، اشىلۋ ۋاقىتىن قامتاماسىز ەتىپ، بۇقاراعا باي مازمۇندى، الۋان ءتۇرلى مادەنيەت، دەنە تاربيە قيمىلدارىن ازىرلەۋ كەرەك. مولشەرىن شەكتەۋ، الدىن الا كەلىسۋ، شوعىرلى ۋاقىتتان اۋلاقتانۋ سياقتى تالاپتار بويىنشا، ساياحات ونىمدەرمەن قامداۋدى قامتاماسىزداندىرىپ، مەرەكە، دەمالىس كەزدەرىندەگى ساياحات قيمىلدارىن مولايتىپ، بۇقارانىڭ ساياحاتتاۋ، سەيىل - سەرۋەن قۇرۋ قاجەتىن اناعۇرلىم ويداعىداي قاناعاتتاندىرۋ كەرەك. جەر - جەردى بۇقارانىڭ كوكتەم مەرەكەسى قاجەتىمەن ۇشتاستىرىپ، جۋىسپايتىن، از توپتاساتىن ءتۇرلى تۇتىنۋ تۇرلەرى مەن قوعامدىق قىزمەت وتەۋلەردى بەلسەنە ازىرلەۋگە شابىتتاندىرۋ كەرەك.
«حابارلاندىرۋدا» مىنالار تالاپ ەتىلدى: سول جەردىڭ وزىندە كوكتەم مەرەكەسىن وتكىزەتىن بۇقارانى باسقارۋ، قىزمەت وتەۋدى ويداعىداي ىستەۋ كەرەك. قالا، اۋىل، الەۋمەتتىك اۋماقتار امبەباپ قىزمەت وتەۋدى كۇشەيتىپ، الەۋمەتتىك اۋماق ”ەكى كوميتەتى“ سياقتى نەگىزگى ساتى ۇيىمدارىنىڭ نەگىزدىك رولىن تولىق ساۋلەلەندىرىپ، توركوزدەندىرىپ، ەگجەي - تەگجەيلىلەندىرىپ باسقارۋدى كەمەلدەندىرىپ، سول جەردىڭ وزىندە كوكتەم مەرەكەسىن وتكىزەتىن بۇقارانىڭ قاجەتىنە دەر كەزىندە جاۋاپ قايتارۋ جانە ونى قاناعاتتاندىرۋ كەرەك. جەرگىلىكتى ءار دارەجەلى ۇكىمەتتەر مەن ادام ىستەتۋشى ورىندار سول جەردىڭ وزىندە كوكتەم مەرەكەسىن وتكىزەتىن قىزمەتكەرلەردىڭ، اسىرەسە، سىرت جەرلەردەن كەلگەن شارۋا جۇمىسكەرلەرىنىڭ دەمالىس كەزىندەگى اس - سۋ، جاتاق، ەمدەلۋ سياقتى قىزمەت وتەۋ، قامتاماسىزداندىرۋلارىن بەلسەنە ويداعىداي ىستەۋى كەرەك. مەكتەپتەر وقۋشىلار اسحاناسىنىڭ قامداۋعا كەپىلدىك ەتىپ، باعانى ورنىقتىرۋ جانە جاتاق قامتاماسىزدىعى سياقتى قىزمەتتەردى كۇشەيتىپ، مەكتەپتە قالعان وقىتۋشى - وقۋشىلارعا كوڭىل ءبولۋ، قامقورلىق جاساۋدى جانە حاۋىپسىزدىكتى باسقارۋدى ويداعىداي ىستەۋى كەرەك. قوعامدىق قۇتقارۋ - كومەك بەرۋ جانە قامتاماسىزداندىرۋ ولشەمى مەن زات باعاسىنىڭ جوعارىلاۋىن بايلانىستىرۋ، سايكەستىرۋ مەحانيزمىن جاعدايعا قاراي ىسكە قوسىپ، شارت - جاعدايى بار جەرلەردىڭ ءىس جۇزىندىكپەن ۇشتاستىرىپ، قيىنشىلىعى بار بۇقاراعا مەرەكەلىك جاردەماقى نەمەسە ۋاقىتشا تۇرمىستىق كومەك قاراجات بەرۋىنە بولادى. سول جەردىڭ وزىندە كوكتەم مەرەكەسىن وتكىزۋ سەبەپتى امانداسا بارۋعا امالسىز قالعان قارتتار، بالالار سياقتىلاردى قامتىعان قيىنشىلىعى بار قارتتار، جەتىمدەر، ۇيدە قالعان ايەلدەر مەن بالالار، تۇرمىسى تياناقسىز سەرگەلدەڭدەر، قايىر تىلەگەندەر، مۇگەدەكتەر، رۋحاني اۋرۋى بارلار سياقتى ەرەكشە قاۋىمنىڭ جاعدايىن ۇعىسىپ، ءبىر - بىرلەي تەكسەرىپ، ارالاپ امانداسىپ، باعىتتامالى تۇردە كومەكتەسىپ - سۇيەمەلدەپ، قامقورلىق جاساپ، لايىقتى قارايلاسۋ، تىڭعىلىقتى قىزمەت وتەۋ كەرەك.
«حابارلاندىرۋدا» تاعى بۇقارانىڭ جولاۋشى ءجۇرۋىنىڭ قولايلى، ءتارتىپتى بولۋىنا جانە زات تاسىمالىنىڭ، زات اينالىمىنىڭ ىركىلىسسىزدىگىنە شىنايى كەپىلدىك ەتۋ، سول جەردىڭ وزىندە كوكتەم مەرەكەسىن وتكىزەتىن بۇقارانىڭ ەڭبەكاقى، دەمالىس سياقتى زاڭدى ۇقىق - مۇددەسىن قامتاماسىز ەتۋ، سول جەردىڭ وزىندە كوكتەم مەرەكەسىن وتكىزۋدىڭ تاماشا رايىن قالىپتاستىرۋ، ءتۇرلى قىزمەت وتەۋ، قامتاماسىز ەتۋ شارالارىن ەگجەي - تەگجەيلى، ناقتى تياناقتاندىرۋ سياقتىلار جونىندە تالاپ قويىلدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
