شينجياڭ ۇيعۇر اۆتونوميالى رايوندىق پارتكوم مەن حالىق ۇكىمەتىنىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى اۆتونوميالى رايوندىق وزات جەكەلەر مەن وزات كوللەكتيۆتەردى ماداقتاۋ - سيلاۋ جونىندەگى قارارى
(2021 - جىلى 1 - ايدىڭ 20 - كۇنى)
2021.01.22 15:19 كەلۋ قاينارى : شينجياڭ گازەتى
جاڭا تيپتى ايدارشا ۆيرۋس وكپە قابىنۋ ىندەتى − جاڭا جۇڭگو قۇرىلعاننان بەرى ەلىمىز ۇشىراعان تارالۋ جىلدامدىعى ەڭ تەز، جۇعىمدالۋ كولەمى ەڭ كەڭ، ساقتانۋ - تىزگىندەۋ قيىندىعى ەڭ ۇلكەن ءبىر رەتكى ەلەۋلى توسىن تۋىلعان الەۋمەتتىك دەنساۋلىق ساقتاۋ وقيعاسى. توسىن تۋىلعان اۋىر ىندەت الدىندا، باس شۋجي شي جينپيڭ ءوزى قولباسشىلىق ەتتى، ءوزى ورنالاستىرۋ جاسادى، شي جينپيڭ جولداستى ۇيتقى ەتكەن پارتيا ورتالىق كوميتەتى جالپى جاعدايدى جاپپاي مەڭگەرىپ، كەسكىن شەشىم جاساپ، ىندەتتەن ساقتانۋ - تىزگىندەۋدىڭ حالىقتىق شايقاسىن، جالپى تۇلعالىق شايقاسىن، توسقاۋىل شايقاسىن دەرەۋ باستاپ، حالىقتىڭ ءومىرىنىڭ حاۋىپسىزدىگى مەن دەنساۋلىق اقاۋسىزدىعىن مۇمكىندىگىنشە قورعاپ، ىندەتتەن ساقتانۋ - تىزگىندەۋدە كەلەلى ستراتەگيالىق تابىستارعا قول جەتكىزدى. اۆتونوميالى رايوندىق پارتكوم، اۆتونوميالى رايوندىق حالىق ۇكىمەتى باس شۋجي شي جينپيڭنىڭ ىندەتتەن ساقتانۋ - تىزگىندەۋ قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن باتىل دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ ءبىر تۇتاس قولباسشىلىعىنا، ءبىر تۇتاس سايكەستىرۋىنە، ءبىر تۇتاس ورنالاستىرۋىنا باتىل بويسۇنىپ، پارتيا، ۇكىمەت، ارميا، ساقشى، بيڭتۋان، حالىق سايكەسىپ، بىرلەسىپ ارەكەتتەنۋىنە تاباندى بولدى، سىرتتان كىرۋدەن ساقتانۋعا، ىشتە قايتا بەلەڭ بەرۋدەن ساقتانۋعا تاباندى بولدى، الدىمەن باقىلاۋ - ولشەۋگە، الدىن الا ساقتاندىرۋعا تاباندى بولدى، سەنىمدى بەكەمدەپ، قيىندىقتى بىلەك بىرىكتىرە جەڭىپ، عىلمي ساقتانىپ - تىزگىندەپ، دالمە - ءدال شارا قولدانىپ، ”ءتورت ەرتە بولۋ“ شاراسى مەن ”ءتورتتى شوعىرلاندىرۋ“ تالابىن قاتاڭ تياناقتاندىرىپ، دەر كەزىندە بايقاپ، دەرەۋ ءبىر جاقتى ەتىپ، زاڭ بويىنشا ساقتانىپ - تىزگىندەپ، عىلمي ساقتانىپ - تىزگىندەپ، ۋاقىتپەن جارىسىپ، اۋرۋمەن ايقاسىپ، ىندەتتىڭ تارالۋ، ەتەك الۋ جاعدايىن باتىل تەجەپ، ۆيرۋستىڭ تارالۋ قاتەرلى بەتالىسىن پارمەندى وزگەرتىپ، ءوندىرىس، تۇرمىس ءتارتىبىن دەرەۋ قالپىنا كەلتىرىپ، ىندەتتەن ساقتانۋ - تىزگىندەۋدى شۇعىل سيپاتتى قالىپتان تىس ساقتانۋ - تىزگىندەۋدەن ۇدايىلاندىرۋعا قاراي ويىستىرۋدى ىلگەرىلەتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ قىزمەتىن ءبىر تۇتاس جوسپارلاۋدا ەلەۋلى تابىسقا قول جەتكىزدى.
وسى جولعى قيان - كەسكى شايقاستا، تۇتاس رايونداعى پارتيا، ۇكىمەت، ارميا، ساقشى، بيڭتۋان، حالىق ىندەتكە قارسى اتتانۋ قيان - كەسكى شايقاسىندا توزىمدىلىك كورسەتىپ، توتەنشە ماشاقاتتى تاريحي ۇلكەن سىناۋدان ءوتىپ، ۇلت رۋحى مەن ءداۋىر رۋحىن ءىس جۇزىندىك ارەكەتتەرى ارقىلى اسقاقتاتىپ، توراڭعى رۋحى مەن بيڭتۋان رۋحىن امالياتتا ايگىلەدى. وسى جولعى قيان - كەسكى شايقاستا ءار سالا، ءار كاسىپ جاۋاپكەرشىلىك ارقالاپ، اۋىر مىندەتتى باتىلدىقپەن ۇستىنە الدى، قالىڭ پارتيا مۇشەلەرى، كادرلار كەلەلى تاپسىرمانى ەستە بەرىك ساقتاپ، اتويلاپ الدا ءجۇردى، قالىڭ ەمدەۋ قىزمەتكەرلەرى اق حالاتتان ساۋىت كيىپ، قاسقايا قارسى اتتانىپ، اجالعا اراشاشى، اۋرۋعا مەدەت بولدى، قوعام حاۋىپسىزدىگى كادر - ساقشىلارى مىندەتتەرىن ادالدىقپەن وتەپ، قىزمەت ورىندارىنان تاپجىلمادى، قىستاق، الەۋمەتتىك اۋماق قىزمەتكەرلەرى كۇندىز - ءتۇن دەمەي كۇزەتتە تۇرىپ، ارىپ - شارشاۋدان باس تارتپادى، اقپارات قىزمەتكەرلەرى قاتەردەن تايسالماي، ءبىرىنشى شەپكە ىشكەرىلەي بويلادى، ەرىكتىلەر شىنايى ۇلەس قوسىپ، پايدا - زيانمەن ەسەپتەسپەدى، ءار ۇلت بۇقاراسى جالپى جاعدايعا ءمان بەرىپ، ءوزارا قارايلاستى، 25 ميلليوننان استام تيانشان پەرزەنتى تىنىستاس، تاعدىرلاس، بىلەكتەس، تىلەكتەس بولىپ، ىنتىماق − كۇش دەيتىن ۇلى ءداۋىر كارتيناسىن سالدى.
ىندەتكە قارسى اتتانۋ ۇلى رۋحىن بارىنشا اسقاقتاتىپ، تۇتاس رايونداعى پارتيا، ۇكىمەت، ارميا، ساقشى، بيڭتۋان، حالىق سەنىمدى، ماقتانىش سەزىمىن جانە ۇيىسۋ قۋاتىن، سەنترگە تارتۋ كۇشىن كۇشەيتىپ، جاڭا ءداۋىردىڭ تىڭ جورىعىندا توسقاۋىلداردى تالقانداپ، ەرلىكپەن العا ۇمتىلۋعا جىگەرلەندىرۋ ءۇشىن، اۆتونوميالى رايوندىق پارتكوم، اۆتونوميالى رايوندىق حالىق ۇكىمەتى تۇڭ چاۋ قاتارلى 900 جولداسقا ”جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى شينجياڭ ۇيعۇر اۆتونوميالى رايوندىق وزات جەكە“ اتاعىن بەرۋدى؛ اۆتونوميالى رايوندىق نۋكلەين قىشقىلىن تەكسەرۋ ورتالىعى سياقتى 299 كوللەكتيۆكە ”جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى شينجياڭ ۇيعۇر اۆتونوميالى رايوندىق وزات كوللەكتيۆ“ اتاعىن بەرۋدى ۇيعاردى. ماداقتالىپ - سيلانعان وزات جەكەلەر مەن وزات كوللەكتيۆتەردىڭ داڭقتى اتاقتارىن قاستەرلەپ، كۇش ۇستىنە كۇش قوسىپ، ونەگەلىك، باستاماشىلدىق رولدارىن تولىق ساۋلەلەندىرىپ، تاعى دا تاماشا ناتيجەلەر جاراتىپ، تىڭ ۇلەس قوسۋىن ءۇمىت ەتەمىز.
كەزەكتە، ىندەت جاعدايى بۇكىل جەر شارىن شارپىپ وتىر، ىندەتتىڭ سيرەك تۋىلۋى مەن ءىشىنارالىق بۇرق ەتە ءتۇسۋ حاۋپى ءالى دە ورىن تەبۋدە، ىندەتكە قارسى اتتانۋ كۇرەسىنىڭ جالپى بەتتىك جەڭىسىنە قول جەتكىزۋ ءۇشىن تىنباي قۇلشىنۋ كەرەك. تۇتاس رايونداعى پارتيا، ۇكىمەت، ارميا، ساقشى، بيڭتۋان، حالىق شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ ىندەتتەن ساقتانۋ - تىزگىندەۋدى ۇدايىلاندىرۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋ جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن جان - جاقتى دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باستان - اياق تىڭعىلىقتى جۇرگىزىپ، تيتتەي دە بوساڭسىماي، بىرلەسىپ ساقتانىپ، بىرلەسىپ تىزگىندەپ، بۇقارالىق ساقتانىپ بۇقارالىق تىزگىندەپ، ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن مىقتى، ناقتى يگەرىپ، ساقتاندىرۋ، باقىلاۋ - ولشەۋ مەحانيزمىن ەگجەي - تەگجەيلى تياناقتاندىرىپ، ىندەتتەن ساقتانۋ - تىزگىندەۋدىڭ ىرىقتىلىق ۇقىعىن مىقتاپ يگەرىپ، ىندەتتەن ساقتانۋ - تىزگىندەۋدى ۇدايىلاندىرۋ مەن ەكونوميكالىق، قوعامدىق دامۋ قىزمەتىن شىن مانىندە ءبىر تۇتاس ويداعىداي جوسپارلاپ، قوعام ورنىقتىلىعى مەن باياندى تىنىشتىقتى قۇلشىنا ىلگەرىلەتىپ، جاڭا داۋىردەگى جۇڭگوشا سوتسياليستىك شينجياڭدى قۇلشىنا قۇرىپ، جاڭا داۋىردە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازۋ كەرەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
