- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇدىرىقتاي جۇمىلىپ، كەدەيلىكتى جويۋدان قامال الايىق
2015.12.14 16:39 كەلۋ قاينارى : شينجياڭ گازەتى
جاپپاي دوڭگەلەك داۋلەتتى قوعام قۇرۋدىڭ شەشۋشى كەزەڭىندەگى «ەڭ جاپالى» مىندەت − اۋىل - قىستاقتارداعى كەدەيلەردى كەدەيلىكتەن قۇتىلدىرۋ. بۇل مىندەتتىڭ كوزەۋلى مەزەتتە ورىندالۋ - ورىندالماۋى جاپپاي دوڭگەلەك داۋلەتتىلىكتىڭ شىنايى جۇزەگە اسۋ - اسپاۋىن بەلگىلەيدى. ج ك پ اۆتونوميالى رايوندىق 8 - كەزەكتى كوميتەتىنىڭ ونىنشى جالپى (كەڭەيتىلگەن) ماجىلىسىندە دارىپتەلگەندەي، «13- بەسجىلدىق» مەزگىلىندە، ءسوز جوق، كەدەيلەردى كەدەيلىكتەن قۇتىلدىرۋ سىندى وسى كورنەكتى ولقىلىقتى تولىقتىرىپ، كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە، ءسوزسىز، قول جەتكىزۋ كەرەك.
ورتالىقتىڭ كەدەيلەردى سۇيەمەلدەۋ، وركەندەتۋ قىزمەتى ءماجىلىسىنىڭ رۋحىن، ءسوزسىز، دايەكتى تياناقتاندىرۋ كەرەك. ورتالىقتىڭ كەدەيلەردى سۇيەمەلدەۋ، وركەندەتۋ قىزمەتى ءماجىلىسى قاراپ ماقۇلداعان «كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە قول جەتكىزۋ جونىندەگى قاراردا» ورتاعا قويىلعان ناقتى شارالار، قاتاڭ ساياساتتار − ءبىزدىڭ كەزەكتەگى جانە بۇدان بىلايعى ءبىر مەزگىلدەگى كەدەيلىكتەن قۇتىلدىرۋدان قامال الۋىمىزعا جەتەكشىلىك ەتەتىن باعدارلامالىق حۇجات. جاپپاي دوڭگەلەك داۋلەتتى قوعام قۇرۋدىڭ شەشۋشى كەزەڭىندە، پارتيا 18- كەزەكتى ورتالىق كوميتەتىنىڭ بەسىنشى جالپى ءماجىلىسى «كەدەيلەردى سۇيەمەلدەۋدەن قامال الۋ» دەگەندى «كەدەيلىكتەن قۇتىلدىرۋدان قامال الۋعا» وزگەرتىپ، كەدەيلىكتەن قۇتىلدىرۋدان قامال الۋدىڭ جاڭا كەزەڭدەگى نىساناسىن ايقىندادى، ول 2020- جىلى «ەكىگە شىنايى كەپىلدىك ەتۋ»، ياعني اۋىل - قىستاقتارداعى كەدەيلەردىڭ كەدەيلىكتەن قۇتىلۋىنا شىنايى كەپىلدىك ەتۋ، كەدەي اۋدانداردىڭ تۇگەلدەي كەدەيلىك قالپاعىن الىپ تاستاۋىنا شىنايى كەپىلدىك ەتۋ. اتاپ ايتار بولساق، جاپپاي دوڭگەلەك داۋلەتتى قوعام قۇرۋدىڭ العاشقى «100 جىلدىق» كۇرەس نىساناسىن جۇزەگە اسىرۋدا، اۋىل-قىستاقتارداعى كەدەيلەردى تۇگەلدەي كەدەيلىكتەن قۇتىلدىرۋ بەلگى سيپاتتى كورسەتكىش ەسەپتەلەدى. شينجياڭ ءۇشىن ايتقاندا، كەدەيلىكتەن قۇتىلدىرۋدان قامال الۋداي جاپالى دا ماشاقاتتى شايقاستىڭ جەڭىسىنە قول جەتكىزۋ ءۇشىن، «قاراردى» ولشەم ەتىپ، 2020- جىلى كەدەيلەردى تۇگەلدەي كەدەيلىكتەن قۇتىلدىرۋعا، كەدەي اۋدانداردىڭ كەدەيلىك قالپاعىن تۇگەلدەي الىپ تاستاۋعا شىنايى كەپىلدىك ەتۋگە تۋرا كەلەدى.
وڭتۇستىك شينجياڭداعى 3 ايماق، ءبىر وبلىستى، شەكارا وڭىرلەردى، قيىنشىلىعى اۋىر تاۋلى رايونداردى كەدەيلىكتەن قۇتىلدىرۋدان قامال الۋدىڭ نەگىزگى شايقاس الاڭى ەتۋ كەرەك. كەدەيلەردى سۇيەمەلدەۋ، وركەندەتۋ بايلانىسىمەن جۇرگىزىلگەن تالاي جىلعى قىزمەتتەردىڭ ارقاسىندا، شارت - جاعدايى ءبىرشاما جاقسى وڭىرلەر كەدەيلىكتەن قۇتىلدىرۋ نىساناسىن نەگىزىنەن ورىندادى، قالعان وڭىرلەردىڭ كوپشىلىگىن جاپالى دا ماشاقاتتى مىندەت كۇتىپ تۇر. اۆتونوميالى رايون وڭتۇستىك شينجياڭ قىزمەتى ءماجىلىسىن ارناۋلى اشتى، ءماجىلستىڭ ورنالاستىرۋى بويىنشا، كاسىپتەندىرۋدى ماڭداي الدى ورىنعا قويۋعا، كاسىپ جاعىنان جەتەكشىلىك ەتۋگە، نەگىزدىك قۇرىلعى قۇرىلىستارىن الدىمەن جۇرگىزۋگە، ەسىك اشۋدى جەتەكشىلىك ەتۋگە تاباندى بولىپ، وڭتۇستىك شينجياڭنىڭ 2020- جىلى جاپپاي دوڭگەلەك داۋلەتتى قوعام قۇرۋ نىساناسىن نەگىزىنەن ورىنداۋىنا شىنايى كەپىلدىك ەتۋ كەرەك.
كەدەيلەردى دالمە - ءدال سۇيەمەلدەۋدەن، كەدەيلىكتەن دالمە - ءدال قۇتىلدىرۋدان جازباۋ كەرەك. مۇنداعى كىلت − «كەدەي وتباسىلارىن» دالمە - ءدال ايىرۋ، «كەدەيلەسۋ سەبەبىن» دالمە - ءدال تابۋ، ساياساتتى دالمە - ءدال اتقارۋ، جاعدايعا قاراي ىستەۋ، نىسانانى كوزدەۋ، كەدەيلىكتەن شىنايى ارىلتۋ. ناقتىراق ايتار بولساق، «كىمدى سۇيەمەلدەۋ»، «كىم سۇيەمەلدەۋ»، «قالاي سۇيەمەلدەۋ»، «قالاي شەگەرۋ» ماسەلەسىن ءتۇيىندى تۇردە ويداعىداي شەشىپ، «ءبىر قىستاققا ءبىر ءادىس، ءبىر وتباسىنا ءبىر شارا» ءتۇزىمىن اتقارۋ ارقىلى ناقتى ونىمدىلىككە ۇمتىلىس جاساپ، كەدەي وتباسىلارىن كەدەيلىكتەن بىرتىندەپ قۇتىلدىرىپ، كەدەيلىكتەن قۇتىلدىرۋدى ادام باسىنا تياناقتاندىرىپ، كەدەي اۋدانداردىڭ قالپاعىن الىپ تاستاعاننان كەيىنگى بەلگىلى ۋاقىت ىشىندە ساياساتتى ۇزدىكسىز اتقارىپ، كەدەي وڭىرلەردىڭ كەدەيلىكتەن بىرتىندەپ قۇتىلۋىنا كەپىلدىك ەتىپ، قايتا كەدەيلەسۋدەن ساقتانۋ كەرەك.
ءبىر تۇتاس جوبالاۋدى كۇشەيتىپ، كەدەيلىكتەن قۇتىلدىرۋدان قامال الۋدىڭ بىرىككەن كۇشىن قالىپتاستىرۋ كەرەك. شينجياڭنىڭ كەدەيلىكتەن قۇتىلدىرۋ، كەدەيلەردى وركەندەتۋ قىزمەتى ەلىمىز بويىنشا ماڭىزدى ورىندا تۇرادى، مىندەت اۋىر، ۋاقىت تىعىز، مەملەكەت ساياسات جاعىنان بارىنشا قولداۋ كورسەتىپ جانە ءمان بەرىپ وتىرعان جاعدايدا ءبىز مەملەكەتتىڭ كەدەيلەردى سۇيەمەلدەۋ قاراجاتى، كەدەيلەردى سۇيەمەلدەۋ نىسانى جونىندەگى يگى ساياساتتارىن ءبىر تۇتاس جوبالاپ، ۇتىمدى سايكەستىرىپ، ناقتى تياناقتاندىرىپ، باس- باسىنا تارتۋ جايتتەرىنەن باتىل ساقتانۋىمىز كەرەك. سونىمەن بىرگە، جاۋاپكەرلىكتى ساتىلار بويىنشا تياناقتاندىرىپ، قىزمەت مەحانيزمىن كەمەلدەندىرىپ، نەگىزگى ساتى ۇيىمدارىنىڭ جانە بۇقارانىڭ كەدەيلىكتەن قۇتىلىپ، اۋقاتتانۋعا بەت الۋ بەلسەندىلىگىن، ىرىقتىلىعىن جانە جاسامپازدىعىن تولىق جۇمىلدىرىپ، ەڭبەكشىلدىك − داڭق، بويكۇيەزدىك − نامىس دەيتىن تانىم قالىپتاستىرىپ، ادال ەڭبەكتەرىمەن كەدەيلىكتەن قۇتىلىپ، اۋقاتتانۋ جولىنا تۇسەتىن، تۇرمىس دەڭگەيىن جوعارىلاتاتىن قوعامدىق ورتا جاراتۋىمىز كەرەك.
«13-بەسجىلدىق» مەزگىل−كەدەيلەردى سۇيەمەلدەۋ، وركەندەتۋدىڭ قيىنشىلىقتان تايسالماي، قامال الىپ، شەپ بۇزاتىن شەشۋشى كەزەڭى، جەر - جەر، تاراۋلار جالپى ءماجىلىستىڭ ورنالاستىرۋى مەن تالاپتارى بويىنشا، جۇمىستىڭ كوزەۋلى ۋاقىتىن بەلگىلەپ، جاۋاپكەرلىكتى تياناقتاندىرىپ، ىلگەرىلەتۋگە كۇش سالىپ، يدەيادا، ادىستە جاڭالىق اشىپ، قوعامدىق كۇشتەردى تەگىس جۇمىلدىرىپ، كەدەيلىككە قارسى تىزە قوسا شابۋىل جاساۋى كەرەك!
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
