- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
دامۋ جانە رەفورما كوميتەتى جىبەرگەن كادرلار شارۋالاردى دامۋعا جەتەلەدى
2015.12.14 16:41 كەلۋ قاينارى : شينجياڭ گازەتى
ۇسىنىس ەتىلگەن ءتىلشى قالينۇر بەلدەنبەك ۇلى حابارلايدى. كۇنەس اۋداندىق دامۋ جانە رەفورما كوميتەتىنەن كۇنەس اۋدانى سوربۇلاق قالاشىعى سوربۇلاق قىستاعىنا بارعان قىزمەت گرۋپپاسى جۇرتتىڭ باسىنداعى ناقتى قيىنشىلىقتى شەشۋ ءۇشىن، قاتىستى ورىندارمەن بايلانىس جاساپ ءبىر ميلليون 800مىڭ يۋان قارجى توپتاپ، 4.2كيلومەترلىك قىستاق جولىنا سەمەنت جاتقىزدى ءارى 1.7 كيلومەترلىك سۋ سىڭبەيتىن توعان جاسادى. ەگىن شارۋاشىلىق مەكەمەسىمەن بىرلەسىپ كەدەي وتباسىلارىنا 6000 ءتۇپ كوكونىس مايساسىن، سونىمەن بىرگە قىستاقتىڭ كوللەكتيۆ ەكونوميكاسىنان 2000يۋان جۇمساپ 200شوجە تاراتىپ، ولاردىڭ اۋلا شارۋاشىلىعىمەن شۇعىلدانىپ، كىرىستەرىن ارتتىرۋىنا باستاماشى بولدى.
قىستاق تۇرعىنى كۇمىسقان: جول جوندەلىپ، توعان بەكەمدەلگەن سوڭ جاعدايىمىز جاقسارا باستادى. قىزمەت گرۋپپاسى قيىنشىلىعى بارلاردىڭ جاعدايىن ۇنەمى ۇعىسىپ، قارجىلاي، زاتتاي كومەكتەسۋدە، حالىق تۇرمىسىن جاقسارتۋعا شىنايى كوڭىل بولۋدە، - دەدى.
ۇعىسۋعا قاراعاندا، قىزمەت گرۋپپاسى ىلگەرىندى - كەيىندى 10مىڭ يۋان قارجى شىعارىپ، «ونەگەلى وتباسى» بولۋعا باسەكەلەسۋ، ەڭ كورىكتى اۋلا قۇرۋعا باسەكەلەسۋ سياقتى قيمىلدار وتكىزىپ قىستاق تۇرعىندارىنىڭ بەرەكە - بىرلىگىن نىعايتىپ، ىنتىماعىن بەكەمدەدى.
سوربۇلاق قالاشىعى سوربۇلاق قىستاعىنىڭ پارتكوم شۋجيى ساۋلەتبەك: قىزمەت گرۋپپاسىنىڭ ارقاسىندا بيىل جولعا سەمەنت جاتقىزدىق، سۋ سىڭبەيتىن توعان جاسادىق، 50قانشا وتباسىنا ەلەكتر جەتكىزدىك. اۋلا ەكونوميكاسىن وركەندەتۋدى ەرتە ويلاستىرعانىمىزبەن سۋ جەتكىزە الماعان ەدىك، بۇل قيىنشىلىق تا قىزمەت گرۋپپاسىنىڭ ارقاسىندا شەشىلدى. بۇقارا اۋلاسىنا كوكونىس ەگىپ اۋلا شارۋاشىلىعىنا ويىستى، بۇرىن اۋىز سۋ كۇنىنە ءبىر ساعات عانا قويا بەرىلەتىن، بۇل ماسەلە دە تۇبەگەيلى شەشىم تاپتى، دامۋ جانە رەفورما كوميتەتى جىبەرگەن كادرلار ءبىزدى دامۋعا باستادى، - دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved