- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق قوعام حاۋىپسىزدىگى مەڭگەرمەسىنىڭ پارتكومى مامەتجان توحتىنيازدان ۇيرەنۋ قيمىلىن ورىستەتۋدى ۇيعاردى
2015.12.15 16:46 كەلۋ قاينارى : شينجياڭ گازەتى
ءتىلشىمىز سۇي يۇنيان 14 - جەلتوقساندا ۇرىمجىدەن حابارلايدى. اۆتونوميالى رايوندىق قوعام حاۋىپسىزدىگى مەڭگەرمەسىنىڭ پارتكومى 14 جەلتوقساندا بۇكىل رايونىمىزداعى قوعام حاۋىپسىزدىگى ورگاندارىندا توڭكەرىستىك قۇربان، ءبىرىنشى دارەجەلى قاھارمان ۇلگى مامەتجان توحتىنيازدان ۇيرەنۋ قيمىلىن ورىستەتۋدى ۇيعارىپ، بۇكىل رايونىمىزداعى قوعام حاۋىپسىزدىگى حالىق ساقشىلارىن ونىڭ اتويلاپ الدا جۇرەتىن، حاۋىپتەن تايسالمايتىن، قۇربان بەرۋدەن قورىقپايتىن ەرلىك جىگەرىنەن ۇيرەنۋگە، پارتيا مەن حالىقتىڭ ادال قورعاۋشىسى، بۇقارا رازى بولاتىن حالىق ساقشىسى بولۋعا ۇندەدى.
مامەتجان توحتىنياز كوزى تىرىسىندە اقسۋ ايماقتىق قوعام حاۋىپسىزدىگى مەكەمەسىنىڭ ورىنباسار باستىعى ەدى، ساقشىلىق كاسىبىمەن شۇعىلدانعان 33 جىلدا ءبىرسىپىرا لاڭكەستىك ءىرى، كەلەلى دەلولاردى بارلاپ - انىقتاپ، ىلگەرىندى - كەيىندى «لاڭكەستىككە قارسى كۇرەستەگى مەملەكەتتىك وزات»، «شينجياڭداعى تاڭداۋلى حالىق ساقشىسى»، «اقسۋ ايماقتىق ساياسي - زاڭ سالاسىنداعى 10 ۇزدىك جەكە» سىندى داڭقتى اتاقتارعا يە بولعان، ءبىر رەت 2 - دارەجەلى ەڭبەك، 2 رەت 3 - دارەجەلى ەڭبەك سىڭىرگەن.
بيىل 13- قازاندا مامەتجان توحتىنياز حالىق ساقشىلارى مەن مالشىلاردى باستاپ، باي اۋدانىنىڭ تاۋلى رايونىنان «18- قىركۇيەك» دەلوسىنىڭ لاڭكەستەرىن ءتىنتىپ ىزدەۋگە شىعادى. جەر جاعدايى كۇردەلى بولعاندىقتان مالشىلاردىڭ كەيبىرەۋى قوسىننان قارا ءۇزىپ قالادى. ولاردىڭ اماندىعىنان الاڭداعان مامەتجان توحتىنياز اتىنا مىنە سالىپ جول بويى ىزدەپ جۇرگەندە، زورلىقتى كۇش لاڭكەستەرىنىڭ شابۋىلىنا ۇشىراپ، مەرت بولادى.
مامەتجان توحتىنياز زورلىقتى كۇش لاڭكەستەرىنىڭ قولىنا تۇسكەننەن كەيىن لاڭكەستەردىڭ قىلمىستىق ارەكەتتەرىن جازعىرىپ، ولاردى ءوزىن مالىمدەۋگە ءناسيحاتتايدى. ءومىرىنىڭ سوڭعى ساتىندە دە مامەتجان توحتىنياز تەك مالشىلاردى قورعاپ قالۋدى ويلاپ، تيتتەي دە جاسقانباي، زورلىقتى كۇش لاڭكەستەرىنە: بۇقارا جازىقسىز، سەندەر ولتىرەتىن بولساڭدار مەنى ولتىرىڭدەر، ولاردى قويا بەرىڭدەر، - دەيدى باتىلدىقپەن.
11 - جەلتوقساندا اشىلعان شينجياڭنىڭ لاڭكەستىككە قارسى تۇرۋ بويىنشا ماداقتاۋ - سيلاۋ جانە اتتانىسقا كەلتىرۋ، ورنالاستىرۋ ماجىلىسىندە مامەتجان توحتىنياز «توڭكەرىستىك قۇربان» دەپ تانىلىپ، وعان «مەملەكەتتىك قوعام حاۋىپسىزدىگى سالاسىنىڭ ءبىرىنشى دارەجەلى قاھارمان ۇلگىسى» دەگەن داڭقتى اتاق بەرىلدى.
اۆتونوميالى رايوندىق قوعام حاۋىپسىزدىگى مەڭگەرمەسىنىڭ پارتكومى بۇكىل رايونىمىزداعى قوعام حاۋىپسىزدىگى ورگاندارى مەن قوعام حاۋىپسىزدىگى حالىق ساقشىلارىن مامەتجان توحتىنيازدىڭ سەنىمى بەرىك، جاۋاپكەرلىكتى باتىلدىقپەن ارقالايتىن، بورىشىن وتەۋ ءۇشىن باسىن ءباي تىگەتىن ساياسي قاسيەتىنەن ۇيرەنىپ، پارتيا مەن حالىقتىڭ ادال جاۋىنگەرى بولۋعا؛ ونىڭ اتويلاپ الدا جۇرەتىن، حاۋىپتەن تايسالمايتىن، قۇربان بەرۋدەن قورىقپايتىن ەرلىك جىگەرىنەن ۇيرەنىپ، لاڭكەستىككە قارسى تۇرىپ، ورنىقتىلىقتى قورعاۋدىڭ قايسار باتىرى بولۋعا؛ ونىڭ ءوز قىزمەتىن شوگەلدىلىكپەن جاقسى ىستەيتىن، جاپا - ماشاقاتتان قورىقپايتىن، قالتقىسىز ءوزىن ارناۋ رۋحىنان ۇيرەنىپ، قوعام ورنىقتىلىعىن قورعاۋدىڭ باستاماشىسى بولۋعا؛ ونىڭ وزىنە قاتاڭ تالاپ قوياتىن، جالپىنىڭ مۇددەسى ءۇشىن ءوز مۇددەسىن قايىرىپ قوياتىن، تۋراشىل حالىقتىڭ كومپىس قىزمەتكەرى بولۋداي پەيىلىنەن ۇيرەنىپ، بۇقارا رازى بولاتىن حالىق ساقشىسى بولىپ، شينجياڭ قوعامىنىڭ ورنىقتىلىعى مەن باياندى تىنىشتىعىن ىسكە اسىرۋ ءۇشىن ۇلەس قوسۋعا ۇندەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
