- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«ءتورت ءتۇرلى بۇرىس ستيلدى» تۇزەتۋگە تاباندى بولايىق
2015.12.14 16:43 كەلۋ قاينارى : شينجياڭ گازەتى
ستيل ماسەلەسى سىرتتاي قاراعاندا ەلەۋسىز سياقتى كورىنگەنىمەن ءىس جۇزىندە بارىنەن ماڭىزدى، ءىرى ءىس ەسەپتەلەدى. بولشەكتەۋگە قارسى كۇرەستىڭ ءبىرىنشى شەبىندە تۇرعان، «ءۇش كەزەڭ قاباتتاسقان» توتەنشە كۇردەلى جاعداي الدىنداعى شينجياڭ قىزمەتتەردى تىڭعىلىقتى مىقتى يگەرۋدە جاقسى ستيلمەن قامتاماسىز ەتۋگە ءتىپتى دە مۇقتاج، ايتپەگەندە، پارتيامىز ءار ۇلت حالقىنا باسشىلىق ەتىپ، قوعامنىڭ ورنىقتىلىعى مەن باياندى تىنىشتىعىن جۇزەگە اسىرۋ سىندى كۇرەس نىساناسىن جۇزەگە اسىرا المايدى.
اۆتونوميالى رايوندىق پارتكوم ستيل قۇرىلىسىنا باستان - اياق بارىنشا ءمان بەرىپ كەلەدى. ورتالىقتىڭ «8 ءتۇرلى بەلگىلەمەسى» اتقارىلعاننان بەرى، اۆتونوميالى رايوندىق پارتكوم باستاماشىلدىقپەن ۇلگى كورسەتىپ، جوعارى ارقىلى تومەنگە ۇلگى بولىپ، بەلگىلەمەنى قاتاڭ شارا، قاتاڭ پوزيتسيا جانە «شەگەلىك» رۋحپەن دايەكتى تياناقتاندىردى. ءتارتىپتىڭ اتقارىلۋىن قاتاڭ باقىلاپ، «اس - سۋ ىسىراپشىلدىعى»، «ۇكىمەتتىك اۆتوكولىكتەن پايدالانۋداعى ىسىراپشىلدىق»، «سالت - سانا، جول - جوسىنعا بايلانىستى جەمقورلىق» سياقتىلارعا قاداعالاي نازار اۋدارىپ، ءبىر - بىردەن مىقتى يگەرۋگە تاباندى بولىپ، تايازدان تەرەڭدەپ، ءتارتىپتى، بىرتىندەپ ىلگەرىلەتىپ، «ءتورت ءتۇرلى بۇرىس ستيلدى» تاباندىلىقپەن تۇزەتىپ، بوي بەرمەيدى، اۋىزدىقتالمايدى دەپ ەسەپتەلگەن كوپتەگەن بۇرىس ستيلدەر تيىلىپ، پارتيالى كادرلاردىڭ مەملەكەت پەن جەكە كوزقاراسى، دۇرىس پەن بۇرىس كوزقاراسى، مۇددە جانە بورىش كوزقاراسى بارىنشا دۇرىستالىپ، پارتيا ستيلى، ۇكىمەت ستيلى ونان ارى جاقساردى.
ناتيجەلەردى تۇراقتاندىرۋمەن بىرگە، قازىر ستيل قۇرىلىسىن مىقتى يگەرۋدە تەك «جەمقورلىق ىستەۋگە باتىلى بارماۋ» اۋقىمىنىڭ العاشقى ادىمدا قالىپتاسقانىن، بۇرىس جايتتەردىڭ تۇبەگەيلى الاستالماعانىن، «جەمقورلىق ىستەمەۋ»، «جەمقورلىق ىستەگىسى كەلمەۋ» نىساناسىنان ءالى دە الشاق جاتقانىمىزدى سەرگەكتىكپەن كورە ءبىلۋىمىز كەرەك. قاتاڭ سوققى بەرۋدىڭ تەگەۋرىندى جاعدايىندا «ءتورت ءتۇرلى بۇرىس ستيل» ماسەلەسى ءتىپتى دە كومەسكىلەنىپ، كوزدى كولەگەيلەيتىن الۋان ءتۇرلى تون جامىلىپ، بۇقپانتايلاۋدىڭ سان ءتۇرىن تاپتى. كەي باسشى كادرلار تىنىعاتىن ورىندارعا، تاربيەلەۋ ورتالىقتارىنا تىعىلىپ الىپ ءىشىپ - جەدى، كەيبىرەۋلەرى قاراستى ورىندارىنا نەمەسە جەكەلەر باسقارۋىنداعى كاسىپورىنداردىڭ قوجايىندارىنا استا - توك تۇتىنۋ، كوڭىل اشۋ قارجىسىن تولەتتى، كەيبىرەۋلەرى سىرتتاي قاراعاندا توي - تومالاق، ءولىم - ءجىتىم ىستەرىندەگى بۇرىس ستيلدى كىلت تيعانىمەن، تاسادا تارتۋ - تارالعىنى قالت جىبەرمەي قاعىپ الدى، قاسارىسىپ تارتىپكە قايشىلىق جاساۋ جايتتەرى ءالى دە اۋىق - اۋىق تۋىلىپ وتىر.
«ءتورت ءتۇرلى بۇرىس ستيل» ماسەلەسى سۇيەككە سىڭگەن ءسىڭىستى ماسەلە، بەلگىلى ەكپىنگە يە، مىقتى يگەرگەن زاماتتا ءونىمى بايقالادى، بوساڭسي سالىسىمەن قايتا باس كوتەرەدى، كەي كەزدەرى ءتىپتى، ۋشىعا تۇسەدى. جاڭ چۇنشيان شۋجي ج ك پ اۆتونوميالى رايوندىق 8 - كەزەكتى ءتارتىپ تەكسەرۋ كوميتەتىنىڭ بەسىنشى جالپى ماجىلىسىندە «بۇكىل رايونىمىزداعى ءار دارەجەلى پارتيا ۇيىمى مەن قالىڭ پارتيالى كادرلاردى <ءتورت ءتۇرلى بۇرىس ستيلدى> تۇزەتۋدە شەگىنشەكتەۋگە بولمايدى، شەگىنشەكتەي المايمىز، ءسوز جوق، باستاق - اياق باياندى مىقتى يگەرىپ، بايسالدى دا سابىرلى بولىپ، تاباندىلىق بارىسىندا داعدىلى كۇي قالىپتاستىرىپ، ءتۇزىم قۇرىلىسىندا ستيلدى جاقسارتۋ شەشۋشى كەزەڭگە قادام تاستادى، كادر - جۇرتشىلىق، ەڭ باستىسى، ماسەلەنىڭ قايتا باس كوتەرۋىنەن الاڭدايدى، ۇزاق ۋاقىت ءونىمدى بولۋىن ءۇمىت ەتەدى. سوندىقتان، ءسوز جوق، ۇنەمى مىقتى يگەرۋگە، ەگجەي - تەگجەيلى مىقتى ۇستاۋعا، ۇزاق ۋاقىت مىقتى ۇستاۋعا تاباندى بولۋ كەرەك، بىرەسە قاتايتىپ، بىرەسە بوساڭسىتۋعا، بىرەسە ىلگەرىلەپ، بىرەسە شەگىنشەكتەۋگە استە بولمايدى.
ستيلدى تۇزەتۋ ءۇشىن، ءسوز جوق، ءتارتىپتى قاتايتۋ، ءتارتىپتى، ءسوز جوق، قاتاڭ اتقارۋ كەرەك. ورتالىقتىڭ «8 ءتۇرلى بەلگىلەمەسىنىڭ» رۋحىن بيىلعى ءتارتىپ تەكسەرۋدىڭ ءتۇيىنى، ءتارتىپ جازاسىنىڭ ماڭىزدى مازمۇنى ەتۋ كەرەك. ءتارتىپتىڭ اتقارىلۋىن قاتاڭ باقىلاپ، 18 - قۇرىلتايدان كەيىن، ورتالىقتىڭ «8 ءتۇرلى بەلگىلەمەسى» العا قويىلعاننان كەيىن، بۇقارالىق لۋشيان تاربيەسى جانە امالياتتىق قيمىلى ورىستەتىلگەننەن كەيىن دە قاسارىسىپ تارتىپكە قايشىلىق جاساۋ ارەكەتتەرىن ءتۇيىندى تۇردە تەكسەرىپ ءبىر جايلى ەتۋ كەرەك. جاۋاپكەرشىلىكتى قاتاڭ قۋزاستىرىپ، «ءتورت ءتۇرلى بۇرىس ستيل» ماسەلەسىندە تيىم سالسا دا تيىلماعان، الدەنەشە رەت قايشىلىق جاساعان وڭىرلەردىڭ، تاراۋلار مەن ورىنداردىڭ پارتكومىنىڭ، ءتارتىپ تەكسەرۋ كوميتەتىنىڭ جاۋاپكەرشىلىگىن قاتاڭ قۋزاستىرۋ كەرەك.
ورتالىقتىڭ «8 ءتۇرلى بەلگىلەمەسىنىڭ» رۋحىن ىشكەرىلەي تياناقتاندىرىپ، «ءتورت ءتۇرلى بۇرىس ستيلدى» تۇزەتۋگە تاباندى بولۋ كەرەك. تاباندى بولۋ بارىسىندا تەرەڭدەتۋ، تەرەڭدەتۋ بارىسىندا تاباندى بولۋ، ءساتتى باستاپ، ءساتتى اياقتاتۋ، يكەمدىلىكپەن ىستەپ، جاقسى جۇزەگە اسىرۋ كەرەك. «ءتورت ءتۇرلى بۇرىس ستيلدىڭ» جاڭا فورماسىنا، تىڭ بەتالىسىنا قاداعالاي نازار اۋدارىپ، ۇكىمەت اقشاسىمەن ءىشىپ - جەۋ، ساياحاتقا شىعۋ جانە تارتۋ - تارالعى ۇسىنۋ ماسەلەلەرىن باتىل تەكسەرىپ ءبىر جايلى ەتۋ كەرەك. ورتالىقتىڭ ۇنەمشىلدىك ىستەۋ، ۇقىپتى بولۋ، ۇكىمەتتىك كۇتىپ الۋ، ۇكىمەتتىك كولىكتەردى دايىنداۋ، ءماجىلىس اشۋ، تاربيەلەۋ سياقتىلارعا قاتىستى بەلگىلەمەلەرىنىڭ اتقارىلۋ جاعدايىن قاتاڭ باقىلاپ، «ءتورت ءتۇرلى بۇرىس ستيلدىڭ» قۇبىلىپ، قايتا ورشۋىنە استە جول بەرمەۋ كەرەك.
پارتيا ستيلى پاك بولسا، حالىقتىق سالت دۇرىس بولادى. تاڭداۋلى پارتيا ستيلىمەن، ۇكىمەت ستيلىمەن قوعامدىق سالتتىڭ، حالىقتىق جوسىننىڭ وڭالۋىنا ىقپال جاساپ جانە جەتەكشىلىك ەتىپ، ستيلى جاقسى، سالتى دۇرىس، ومىرشەڭ ساياسي ەكولوگيانى قالىپتاستىرىپ، بەرەكەلى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، الاڭسىز تىرشىلىك ەتەتىن سوتسياليستىك شينجياڭ قۇرۋ جولىندا قۇلشىنا كۇرەس جۇرگىزۋ كەرەك. ۇزاق ۋاقىت ءونىم جاراتۋ كەرەك» دەپ ايقىن ەسكەرتكەن ەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
