حالىققا تىعىز ارقا سۇيەيىك
− حالىقتى وزەك ەتكەن دامۋ يدەياسىندا تاباندى بولۋ جونىندە ②
«حالىق گازەتىنىڭ» شولۋشىسى
2020.06.03 16:19 كەلۋ قاينارى : حالىق تورابى
شانشيدىڭ داتۇڭ قالاسى يۇنجوۋ رايونىندا «قىزىل گۇلدى اۋىلداستاردىڭ بايۋ گۇلىنە اينالدىرۋعا» شابىت بەردى؛ شانشيدىڭ جاشۇي اۋدانى شياۋليڭ قالاشىعى جينمي قىستاعىندا «اعاش ساڭىراۋقۇلاعىمەن زور يگىلىك جاراتۋدى» القادى؛ جىجياڭنىڭ نيڭبو قالاسىنداعى جوۋشان كەمەجايىندا «ىندەتتىڭ ىقپالىن كۇش سالا جويىپ، ۇزدىك ناتيجەلەرگە قول جەتكىزۋدى» ءۇمىت ەتتى... باس شۋجي شي جينپيڭ تاياۋدا جەر - جەردە قىزمەت تەكسەرۋ بارىسىندا حالىقتىڭ كۇش - قۋاتىنا القاۋ ءبىلدىرىپ، كۇرەس جىگەرىن تاسقىنداتىپ، بوگەتسىز العا باسۋ سەنىمى مەن بەكىمىن ۇيىستىردى.
حالىق − تاريحتى جاراتۋشى، پارتيا مەن مەملەكەتتىڭ بولاشاعى مەن تاعدىرىن بەلگىلەيتىن ءتۇبىرلى كۇش. «حالىق − پارتيامىزدىڭ بيلىك جۇرگىزۋىنىڭ ەڭ زور تىرەگى» دەگەندى دارىپتەپ، بىلاي دەپ اتاپ كورسەتتى: «ىندەتتەن ساقتانۋ – تىزگىندەۋ جانە ەكونوميكانى، قوعامدى دامىتۋ قىزمەتىن ءبىر تۇتاس جوسپارلاپ ويداعىداي ىستەۋدە حالىققا تىعىز ارقا سۇيەۋ كەرەك»... 13 - كەزەكتى مەملەكەتتىك حالىق قۇرىلتايىنىڭ 3 - ماجىلىسىندە ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقان كەزدە باس شۋجي شي جينپيڭ حالىقتىڭ ۇلى كۇشىن تەرەڭ سۇيىسپەنشىلىكپەن القاپ، جۇڭگو حالقىن قىزۋ ىنتامەن جىرلادى. اسقاق ءسوز ايقىن حالىقتىق مايداندى ايگىلەدى، حالىق پارتياسىنىڭ وزگەرمەس اۋەلگى ماقساتى مەن بورىشىن، عاسىرلىق ۇلى پارتيانىڭ ساياسي قاسيەتىن ايگىلەدى.
تەڭىز سانسىز ۇساق وزەندەردىڭ ءبىر - بىرلەپ توعىسۋىنان قۇرالادى؛ ەپوس حالىقتىڭ ولەڭدى ءبىر اۋىز، ءبىر اۋىزدان قۇراستىرۋىنان قۇرالادى. وتكەن ىستەرگە قايرىلا قاراساق، جۇڭگو كوممۋنيستىك پارتياسى حالىقتى ءوز كۇشىنە سۇيەنىپ ءومىر سۇرۋگە، قاجىرلىلىقپەن كۇرەس جۇرگىزۋگە شابىتتاندىرىپ، كۇللى الەمدى جالت قاراتقان جۇڭگو كەرەمەتىن جاراتتى. تار جول، تايعاق كەشۋلەردەن ءوتىپ، جەڭىستەرگە قول جەتكىزدى. مۇنداعى كىلت پارتيامىز بۇقارامەن تىعىز بايلانىس جاساپ، حالىققا بەرىك ارقا سۇيەپ، قالىڭ حالىقتىڭ بەلسەندىلىگىن، ىرىقتىلىعىن، جاسامپازدىعىن تولىق ساۋلەلەندىرە الۋىندا. جۇڭگو كوممۋنيستىك پارتياسىنىڭ دامىپ زورايۋىنىڭ، جۇڭگوشا سوتسياليزمنىڭ ۇزدىكسىز العا ىلگەرىلەۋىنىڭ سەبەبى بارلىق ىستە حالىق ءۇشىن ىستەۋدە، بارلىعىندا حالىققا سۇيەنۋدە باستان - اياق تاباندى بولعانىندا. تاريح پەن رەالدىق حالىقتىڭ پارتيامىزدىڭ كۇش قاينارى ەكەنىن، رەسپۋبليكامىزدىڭ بەرىك نەگىزى، پارتيامىزدىڭ بيلىك جۇرگىزىپ، ەلدى كوركەيتۋىنىڭ ءتۇبىرلى تياناعى ەكەنىن تاعى ءبىر رەت دالەلدەدى..
حالىق − ناعىز قاھارمان. باس شۋجي شي جينپيڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جاعدايىن ەسكە العاندا: «وسى رەتكى ىندەتتى جەڭۋدە بىزگە كۇش - قۋات جانە سەنىم باعىشتاعانى − جۇڭگو حالقى» دەپ اتاپ كورسەتتى. اق حالاتتى پەرىشتەلەر تاۋلىك بويى ەرلىكپەن كۇرەس جۇرگىزدى، ازاتتىق ارميا كوماندير - جاۋىنگەرلەرى ماڭىزدى جاۋاپكەرشىلىكتى باتىل ارقالادى، الەۋمەتتىك اۋماق قىزمەتكەرلەرى ءبىرىنشى شەپتەن تاپجىلمادى، قوعام حاۋىپسىزدىگى كادر - ساقشىلارى قىزمەت ورىندارىن باتىل ساقتادى، ورتا تازالىق جۇمىسشىلارى حاۋىپ - قاتەردەن تايساقتامادى، تاسىمال قىزمەتكەرلەرى كۇندىز - ءتۇنى تىنىم المادى، سىرتتان تاماق جەتكىزۋشىلەر ارى - بەرى شاپقىلادى، ەرىكتىلەر ءوز شاماسىنىڭ جەتىسىنشە قۇلشىندى، ميلليارد حالىق قورعانۋ ىسىنە سانالىلىقپەن قاتىناستى... بۇكىل ەل اتتانىسقا كەلىپ، جالپى حالىق ات سالىستى، بىرلەسىپ قورعانۋ، بىرلەسىپ مەڭگەرۋ، بۇقارالىق ساقتانۋ، بۇقارالىق جونگە سالۋ ەڭ قاتاڭ قورعانۋ – مەڭگەرۋ جۇيەسىن قالىپتاستىردى، مىزعىماس قۇدىرەتتى كۇش ۇيىستىردى. قالىڭ حالىق بۇقاراسى جالپى جاعدايدى تانىپ، جالپى جاعدايمەن ساناسىپ، ىندەتتەن ساقتانۋ - تىزگىندەۋ كۇرەسىنىڭ جالپى جاعدايىنا سانالىلىقپەن سايكەسىپ، ىندەتتەن ساقتانۋ - تىزگىندەۋدىڭ نەگىزدىك كۇشىن قالىپتاستىردى. ىندەتكە قارسى كۇرەستىڭ ۇلى امالياتى بۇقارانى تولىق اتتانىسقا كەلتىرىپ، بۇقاراعا تىعىز سۇيەنىپ، ءبىر نيەت، ءبىر تىلەكتە بولىپ، تار جول، تايعاق كەشۋلەردەن بىرگە ءوتىپ، جۇدىرىقتاي جۇمىلىپ، ىنتىماقتاسا كۇرەس جۇرگىزسەك، جەڭىس تۇبىندە قاھارمان جۇڭگو حالقىنا ءتان بولاتىنىن تاعى ءبىر رەت دالەلدەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
