حالىق تورابى شولۋى: ءوز مۇراتىمىز بەن ىزدەنىسىمىزدى پارتيا، مەملەكەت ىستەرىمەن توعىستىرايىق
تيان يۇي
2020.07.09 14:28 كەلۋ قاينارى : حالىق تورابى
«تالاپتى ەرگە نۇر جاۋار».
7 – ايدىڭ 7 – كۇنى باس شۋجي شي جينپيڭ جۇڭگو مۇناي داشۋەسى (بەيجيڭ) قارامايلى مەكتەبىنەن وقۋ تاۋىساتىن وقۋشىلارعا قايتارعان حاتىندا، ولاردىڭ شەكارا وڭىردەگى نەگىزگى ساتىعا قايتىپ قىزمەت ىستەۋ تالعامىن قۇپتاپ، جوعارى مەكتەپتەن وقۋ تاۋىساتىن بارشا ستۋدەنتتەردەن شىنايى ءۇمىت كۇتەتىنىن ءبىلدىردى. ىندەتتەن ساقتانۋ جانە ونى تىزگىندەۋ ۇدايىلانعان شارت – جاعدايداعى العاش رەتكى وقۋ تاۋىسۋ ماۋسىمىندا، شىنايى قامقورلىق، شىن ىقىلاستى تىلەك ءبىلدىرىپ، جوعارى مەكتەپ تاۋىساتىن بارشا ستۋدەنتتەردىڭ كاسىپتەنۋدى ىسكە اسىرۋىنا قۋاتتى سەنىم باعىشتادى.
جاسىرىپ – جابارى جوق، جەلكەن جايىپ، ساپارعا اتتانعالى وتىرعان وقۋ تاۋىساتىن ستۋدەنتتەر جونىنەن ايتقاندا، بيىلعى كاسىپتەنۋ ماۋسىمى ماڭگى ۇمىتىلماس كەزەڭ بولارى داۋسىز. توساتتان تۋىلعان ىندەت ستۋدەنتتەردىڭ تۇرمىس، ۇيرەنۋ ريتىمىن ءبۇلدىرىپ قانا قويماي، ولاردىڭ كاسىپتەنۋ جوسپارىنا دا ىقپال جاسادى. ءىشىنارا كاسىپورىندار قىزمەتكەر قابىلداۋ سانىن ازايتتى، كەيبىر جوعارى مەكتەپتەر وقۋ ءبىتىرۋ رەسميەتتەرىن كەشەۋىلدەتتى، ىندەتتەن ساقتانۋ جانە ونى تىزگىندەۋ جاعىنداعى ءىشىنارا شارالار قىزمەتكەر قابىلداۋ ۇردىسىنە كەدەرگى بولدى ... سونىمەن بىرگە، ساناققا قاراعاندا، 2020 – جىلى جوعارى مەكتەپ تاۋىساتىن ستۋدەنتتەردىڭ سانى 8 ميلليون 740 مىڭ وقۋشى بولىپ، تاريحتاعى ەڭ جوعارى دەڭگەيگە جەتتى. بۇعان دۇنيە جۇزىلىك سيپات العان حاۋىپ – قاتەرلەر مەن سىناقتاردىڭ كوبەيۋى، ەكونوميكانىڭ قۇلدىراۋ قىسىمىنىڭ ارتۋى قاتارلى فاكتورلاردى قوسقاندا، كاسىپتەنۋ جاعدايى كۇرت قيىنداستى، وقۋ تاۋىساتىن ستۋدەنتتەردىڭ ۋايىمدايتىن ءجونى بار.
كاسىپتەندىرۋ — حالىق تۇرمىسىنا ساياتىن ەڭ ءىرى ءىس، ورنىقتى كاسىپتەندىرۋ — «التىنى ورنىقتىرۋداعى» ەڭ باستى مىندەت. وقۋ تاۋىساتىن ستۋدەنتتەر ءدوپ كەلگەن رەال قيىنشىلىقتار، ەكونوميكا مەن قوعام دامۋى بارىسىندا، ءسوزسىز، شەشۋگە ءتيىستى دامۋعا قاتىستى تاقىرىپتار ەسەپتەلەدى. پارتيا 18 – قۇرىلتايىنان بەرى، باس شۋجي شي جينپيڭ ەكونوميكا مەن قوعام دامۋىنىڭ جالپى جاعدايى سىندى بيىك تۇرعىدان، ورنىقتى كاسىپتەندىرۋدىڭ كەلەلى ءمانىن كوپ رەت ىشكەرىلەي اتاپ كورسەتكەن. وتە – موتە، ىندەتتەن ساقتانۋ جانە ونى تىزگىندەۋ مەزگىلىندە، قازىرگى كاسىپتەندىرۋ جاعدايى جونىندە كوپ رەت عىلىمي تۇجىرىم جاساپ، «جوعارى مەكتەپتەن وقۋ تاۋىسقان ستۋدەنتتەردى كاسىپتەندىرۋ قىزمەتىنە ءمان بەرىپ، وقۋشىلاردىڭ وقۋ تاۋىسۋى، قىزمەتكەر قابىلداۋ، ەمتيحان ارقىلى قابىلداۋ قاتارلى قاتىستى قىزمەتتەردى ويداعىداي ءبىرتۇتاس ورنالاستىرىپ، وقۋشىلاردىڭ ءساتتى وقۋ تاۋىسۋىنا، ەرتەرەك كاسىپتەنۋىنە وراي جاراتۋ كەرەك» دەپ ايقىن تالاپ قويدى. جوعارى مەكتەپتەردەن وقۋ تاۋىسقان ىستۋدەنتتەردىڭ كاسىپتەنۋىن جانە كاسىپ كوزىن اشۋىن ىلگەرىلەتۋ حالىق تۇرمىسىنا ساياتىن ءىس بولىپ قالماستان، مەملەكەت جوسپارىنا دا ساياتىن، بارشا جۇرتشىلىقتىڭ ءتول مۇددەسىنە ساياتىن، قوعامنىڭ جاراسىمدىلىعى مەن ورنىقتىلىعىنا ساياتىن ءىس دەپ ايتۋعا بولادى.
جاقسى حابارلار تۇس – تۇستان كەلىپ جاتىر. ورتالىق كوميتەتتەن تارتىپ، جەرگىلىكتى ورىندارعا دەيىن، جوعارى مەكتەپتەردەن وقۋ تاۋىسقان ستۋدەنتتەردى كاسىپتەندىرۋ قىزمەتىن ويداعىداي ىستەۋدە قولدانعان شارالار دەرەۋ ونىمدىلىك كورسەتۋدە. ينتەرنەتتەن تىس قىزمەتكەر قابىلداۋ قولايسىز با؟ ءىشىنارا جەرلەر ينتەرنەت ارقىلى قىزمەتكەر قابىلداۋدى ۇيىمداستىرىپ، كاسىپكە قاراي، ەرەكشەلىككە قاراي قىزمەتكەر قابىلداۋدى ارتتىرىپ، ءبىر توپ باعىتتامالى سيپاتتاعى جۇمىس ورىندارىن دايىندادى؛ كاسىپتەنۋ جاعىنداعى ينفورماتسيالار تۇيىقتالىپ تۇر ما؟ كەيبىر جوعارى مەكتەپتەر كاسىپتەنۋگە جەتەكشىلىك ەتەتىن ينتەرنەتتىك ساباقتاردى دايىنداپ، مامانداردى ۇيىمداستىرىپ، وقۋ تاۋىساتىن ستۋدەنتتەردىڭ كاسىپتەنۋ جاعىنداعى سۇراۋلارىنا جاۋاپ قايتارىپ، ولاردىڭ كاسىپتەنۋىنە جەتەكشىلىك ەتتى جانە ولارعا پسيحولوگيالىق جاقتان كەڭەس بەردى؛ كاسىپتەنۋ ورىندارى جەتكىلىكسىز بە؟ قاتىستى تاراۋلار ءتيىمدى ساياساتتاردى ورتاعا قويىپ، باجى كىرىمى جاعىندا تيىمدىلىك جەتكىزۋ، دارىندىلار قوسىمشا قاراجاتىن تاراتۋ، الەۋمەتتىك يگىلىك سيپاتىندىق جۇمىس ورىندارىن كوبەيتۋ قاتارلى جاقتاردا تەبىندى ارتتىردى. كاسىپتەندىرۋ قاجەتىن ۇزدىكسىز ارتتىرىپ، كاسىپتەندىرۋ جالپى مولشەرىن ۇلعايتىپ، ءتۇرلى شارالاردى بىردەي قولدانا وتىرىپ، كاسىپتەندىرۋدى ورنىقتىرۋدىڭ زور داستانىن جازعاندا عانا، جاڭا تيپتى ايدارشا ۆيروس وكپە قابىنۋ ىندەتى جەتكىزگەن ءتيىمسىز ىقپالداردى جەڭۋگە بولادى.
بىرەۋلەر بىلاي دەيدى: بيىل وقۋ تاۋىسقان ستۋدەنتتەرگە وڭاي ەمەس، الايدا، ولاردىڭ دا ەلدەن ەرەك بولارى داۋسىز. باسقاشا تۇرعىدان قاراعاندا، بۇل جوعارى مەكتەپ تاۋىسقان ستۋدەنتتەردىڭ كاسىپتەنۋ قابىلەتى مەن ساپاسىنا دا سايكەستى تالاپتاردى قويادى. جاڭا تيپتى ايدارشا ۆيروس وكپە قابىنۋ ىندەتىنە توتەپ بەرۋ سىندى قاتال كۇرەستە، جوعارى مەكتەپ تاۋىسقان ستۋدەنتتەر جاپا – ماشاقاتتى باستان كەشىرىپ، ەسەيۋ جولىندا تاجىريبەلەر توپتادى، بولاشاقتا مۇنان دا كۇردەلى جاعدايلارعا ءدوپ كەلگەندە، نىق سەنىممەن، جۇرەكتىلىكپەن توتەپ بەرىپ، مۇنان دا جاپالى مىندەتتەردى ورىنداي الاتىن بولادى. باتىس بولەككە اتتانىپ، ءار ۇلت جۇرتشىلىعىمەن بىرگە كۇرەس جۇرگىزەتىن بولادى؛ نەگىزگى ساتىعا تامىر تارتىپ، قالىڭ حالىقپەن بىرگە بەل شەشە ىسكە كىرىسەدى؛ عىلىمي زەرتتەۋگە اتسالىسىپ، مەملەكەتپەن بىرگە بيىك شىڭدارعا قۇلاش سەرمەيدى ... وتاننىڭ ۇلى توپىراعىندا، قاراپايىم قىزمەت ورنىندا، ءاربىر ادام ءوز ءومىرىنىڭ كۇرەسكە تولى داستانىن جازىپ، ءداۋىردىڭ شۇعىلاسىنا شومادى. العا باسۋداعى جولىمىز ماڭگى ءساتتى بولا بەرمەيدى، جۇڭحۋا ۇلتىنىڭ ۇلى گۇلدەنۋىن ىسكە اسىرۋ سىندى جۇڭگو ارمانى جاستاردىڭ ۇرپاقتان – ۇرپاققا قۇلشىنا كۇرەس جاساۋىن قاجەت ەتەدى. كۇرەسكەرلىكتىڭ ۇرىعىن سەۋىپ، ارماننىڭ قادامىنا ىلەسۋ ارقىلى جوعارى مەكتەپ تاۋىسقان ستۋدەنتتەردىڭ بولاشاعى نۇرلى بولارىنا كامىل سەنەمىز.
جاستىقتىڭ جالىنىمەن، تالىقپاي تالپىنۋدىڭ ارقاسىندا وتانىمىزدىڭ اناعۇرلىم تاماشا بولاشاعىن قارسى الاتىن بولىڭىزدار. قوعامنىڭ ءار سالاسىنداعىلار بارلىق شارالاردى قولدانىپ، جوعارى مەكتەپتەردەن وقۋ تاۋىسقان ستۋدەنتتەردىڭ كاسىپتەنۋىنە كومەكتەسەدى، جوعارى مەكتەپتەردەن وقۋ تاۋىسقان ستۋدەنتتەر پارتيا ءۇشىن، مەملەكەت ءۇشىن، حالىق ءۇشىن تاباندىلىقپەن كوپتەپ ۇلەس قوسقاندا عانا، ءاربىر ادام ءوزىنىڭ شىنايى باقىتىنا قول جەتكىزىپ، ەڭ سوڭىندا مەملەكەت پەن ۇلتتىڭ ايبىندى تۇردە العا ىلگەرىلەۋىندەگى ۇلى كۇش بولىپ توعىساتىن بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
