كوزقاراس 1 + 1
ينتەرنەتتە قارىز بەرۋ الدامكوستىگىمەن شۇعىلدانعاندار ءۇشىن قىزمەت وتەپ، ينتەرنەتتە زاڭسىز جارنامالار جاريالاۋشى توپتاردىڭ تالقاندالۋى نەنى ايگىلەيدى؟
جياڭ مىڭ
2020.07.10 15:16 كەلۋ قاينارى : حالىق تورابى
7 – ايدىڭ 8 – كۇنى تۇستەن بۇرىن، قوعام حاۋىپسىزدىگى مينيسترلىگىنىڭ ءبىرتۇتاس جەتەكشىلىك ەتۋىندە، بەيجيڭ، حىبەي، شاڭحاي، جياڭسۋ قاتارلى 15 ولكە، اۆتونوميالى رايون، قالالارداعى قوعام حاۋىپسىزدىگى ورگاندارى شوعىرلى تۇردە تور جيناۋ ارەكەتىن ورىستەتىپ، قارىز بەرۋ تۇرىنە جاتاتىن تەلەگراف – ينتەرنەتتە الدامكوستىك ىستەيتىن قىلمىستىلارعا قىزمەت وتەۋ ءۇشىن ينتەرنەتتە زاڭسىز جارنامالار جاريالايتىن توپتارعا زاڭ بويىنشا قاتاڭ سوققى بەردى. 7 – ايدىڭ 8 - كۇنى ساعات 16عا دەيىن، ينتەرنەتتە زاڭسىز جارنامالاۋ توبىنان 57 توپ تالقاندالىپ، قىلمىس كۇماندىلارىنان 460 نەشە ادام تۇتقىندالعان.
ينتەرنەتتە زاڭسىز جارنامالاۋ جانە قارىز بەرۋ تەكتەس تەلەگراف – ينتەرنەت الدامكوستىگى «استاسىپ ارامزالىق ىستەۋشىلەر» ەسەپتەلەدى، الدىڭعىسى «شىرعالاۋعا» جاۋاپتى، سوڭعىسى الدامكوستىكتى اتقارۋعا جاۋاپتى بولىپ، ازاماتتاردىڭ جەكە قۇپيالىقتارىنا اۋىر دارەجەدە سۇعاناقتىق جاساپ، زيانعا ۇشىراۋشىلاردى «قارىز الا الماي، شىعىندالۋعا» ۇرىندىرادى.
ناقتىلاپ ايتقاندا، ينتەرنەتتە زاڭعا قايشى جارنامالاۋ ۇيىمدارى قارىز بەرۋگە قاتىستى كوپ مولشەردەگى جالعان جارنامالاردى جاريالاپ، «الداۋ وبيەكتىلەرىن» ىزدەيدى ءارى قارىز الۋ ويى بار ادامداردى الداپ، اتى – ءجونى، ازاماتتىق كۋالىگى، قولفون ءنومىرى قاتارلى جەكەلىك ينفورماتسيالارىن جازۋعا شىرعالايدى، زاڭعا قايشى تۇردە جيناعان بۇل ينفورماتسيالاردى تەلەگراف – ينتەرنەت الدامكوستىك توپتارىنا ساتىپ بەرەدى؛ سوڭعىسى وسىعان نەگىزدەلە وتىرىپ، «الداۋ وبيەكتىلەرىن ءدال تاۋىپ» الدامكوستىك ىستەيدى، رەسميەت اقى الۋ، كەپىلدىك قاراجات الۋ دەگەن اتپەن، «الداۋ وبيەكتىلەرىنە» زيان سالادى. تەك سۋجوۋ قوعام حاۋىپسىزدىگى ورگاندارىنىڭ جۋىردا انىقتاعان دەلولارىنا نەگىزدەلگەندە، ينتەرنەتتە زاڭعا قايشى جارنامالاۋ توپتارى قارىز الماقشى بولعان ادامداردان جيىنى 400 مىڭنان استام ادامنىڭ جەكەلىك ينفورماتسياسىنا يە بولىپ، تەلەگراف – ينتەرنەت الدامكوستىگىمەن شۇعىلداناتىن ەلەمەنتتەرگە ساتىپ بەرگەن، زيانعا ۇشىراعانداردىڭ سانى 4700 ادامعا جەتىپ، دەلوعا قاتىستى قاراجات سوماسى 110 ميلليون يۋان بولعان.
زاڭ تورىنان ەشكىم دە قاشىپ قۇتىلا المايدى. ينتەرنەتتە الدامكوستىك ىستەۋ قىلمىستىلارى توپتىق سيپات الاتىندىعى، بىتىراندى كورىنەتىندىگى، تىپتەن سەلبەسكىش بولاتىندىعى سەبەپتى، قوعام حاۋىپسىزدىگى ورگاندارى قاتاڭ «شەپ» قۇرىپ، جوعارى مەن تومەن بىرلەسە ارەكەتتەنىپ، وڭىرلەر ءوزارا سەلبەسىپ، بىرگە سوققى بەرگەندىكتەن، «شايقاس ناتيجەسى» كورنەكتى بولدى. وسى جولىندا ساقشى جاق، ءسوزسىز، كوپ مولشەردە باستاپقى مەرزىمدىك بارلاۋ قىزمەتتەرىن ورىستەتىپ، تەر توكتى، جۇرتشىلىق ءۇشىن زيانكەستەردى الاستادى، جۇرتشىلىقتىڭ ماداقتانۋىنا تاتيدى. تاعى ءبىر جاعىنان، بۇل ءىس ينتەرنەتتىڭ، مۇلدە، ويىنا كەلگەنىن ىستەيتىن جەر ەمەس ەكەنىن، ينتەرنەتتەگى زاڭعا قايشى قىلمىستىق ارەكەتتەردىڭ «ينتەرنەت ساقشىلارىنىڭ» قىراعى جانارىنان قاشىپ قۇتىلمايتىنىن كورسەتەدى. 57 قىلمىستىق توپتى، 460 نەشە قىلمىس كۇماندىسىن زاڭ تورىنا ءتۇسىرىپ، قاتىستى قىلمىستىق ارەكەتتەرگە پارمەندى سوققى بەردى، «توبىمەن الاستاۋدىڭ» سەسكەندىرۋ رولى كورنەكتى بولدى.
كوڭىل بولۋگە تاتيتىنى، قارىز بەرۋ تەكتەس ينتەرنەتتىك الدامكوستىكپەن شۇعىلداناتىنداردىڭ الداۋ ماقساتىنا جەتۋىنىڭ سەبەبى قىلمىستى ەلەمەنتتەردىڭ «ءدىلمارلىق، الدامپازدىق» ارەكەتتەرىنەن سىرت، زيانعا ۇشىراۋشىلاردىڭ قارىز الۋعا دۇرىس جولمەن ءوتىنىش بەرمەۋى، جالعان ۇگىتتەرگە وڭاي سەنۋى دە باستى فاكتور بولىپ تابىلادى. قارىز الۋعا دۇرىس جولدارمەن ءوتىنىش بەرمەۋدەگى سەبەپ: كەيبىرەۋلەر «اۋرەشىلىكتەن قاشادى»، كەيبىرەۋلەردىڭ ءوتىنىشىنىڭ «تەكسەرۋدەن» ءوتۋى قيىن. «اۋرەشىلىكتەن قاشامىن» دەپ باسقالاردىڭ قۇرعان تۇزاعىنا ءتۇسىپ قالۋدى «ءوز باسىنا ءوزى اۋرە تابۋ» دەپ اتاعان ءدال بولار؛ ەگەر جەكەلىك تولىمدىلىعى تەكسەرۋدەن وتپەي قالسا، «سوقپاق جولمەن ءجۇرۋ» ارقىلى قارجىلىق ماسەلەلەردى شەشۋگە بولمايدى، بۇل «پالە ۇستىنە پالە جاماۋ» بولىپ قالۋى مۇمكىن. مەيلى قالاي بولماسىن، مىنا ءبىر ءتۇيىن وتە ايقىن: «اسپاننان تەگىن شەلپەك جاۋمايدى». «شارت قويىلمايدى، كەپىلگە زات قويۋدىڭ قاجەتى جوق، رەسميەت اقى الىنبايدى، ءوسىمى تومەن، دەرەۋ ەسەپ نومىرىنە كىرەدى» دەپ جارنامالاعانداي بولسا، قارىز بەرۋشى جاقتىڭ كوزدەيتىنى نە؟ قالىپسىز ءىستىڭ قاجەتسىز زالالى بولۋى مۇمكىن، شەلپەك دەگەنىڭىز شىرعا بولىپ شىعۋى عاجاپ ەمەس. ساقتانۋ مەن ءوزىن – ءوزى قورعاۋ تانىمىن كۇشەيتكەندە، ءبارى دە وڭىنا باسادى.
الدامكوستەردىڭ ايلاسى مول. وسى تەكتەس قىلمىستىق ارەكەتتەرگە قاتاڭ سوققى بەرىپ، قىسىم كورسەتۋ كۇيىن ساقتاپ، قاتىستى تاراۋلارمەن بىرگە باقىلاۋ – باسقارۋدى جانە جونگە سالۋدى كۇشەيتىپ، تەلەگراف – ينتەرنەت الدامكوستىگىن ءتۇرلى زاڭعا قايشى قىزمەت وتەۋلەرمەن قامداعان توپتاردى باتىل الاستاۋ كەرەك دەپ قوعام حاۋىپسىزدىگى مينيسترلىگى ءدال ايتقان. بۇل — قوعامعا بەرگەن ايبىندى سەرت ءارى ادىلەتتى قورعاۋ سىندى مىندەتى.
ينتەرنەتتى زاڭ بويىنشا باسقارۋ، ينتەرنەت كەڭىستىگىن پاكتەندىرۋ، ينتەرنەت حاۋىپسىزدىگىن قورعاۋ — بارشا ينتەرنەت قولدانۋشىلاردىڭ باقىتى، سونىمەن بىرگە، ينتەرنەت سالاسى قۋاتتى ەل قۇرۋدىڭ كەپىلى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
