”14 - بەسجىلدىقتىڭ“ باستاماسىن اشايىق، جاڭا ساپاردى باستايىق
− 2020 - جىلعى ورتالىقتىڭ ەكونوميكالىق قىزمەت ماجىلىسىنەن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ”14 - بەسجىلدىقتىڭ“ باستاماسىن باستاۋدى، قادام تاستاۋدى جوبالاعاندىعىنا نازار
شينحۋا اگەنتتىگىنىڭ تىلشىلەرى جاڭ شۇيدۇڭ، حان جيە
2020.12.22 15:09 كەلۋ قاينارى : شينجياڭ گازەتى
تاعى دا جىل سوڭى، جىلىنا ءبىر وتەتىن ورتالىقتىڭ ەكونوميكالىق قىزمەت ءماجىلىسى دۇنيە ءجۇزىنىڭ نازارىن اۋداردى. بيىلعى ءماجىلىس وزگەشە جاعدايدا، شەشۋشى كەزەڭدە اشىلعان كەلەلى ماڭىز العان ءماجىلىس بولدى.
12 - ايدىڭ 16 - كۇنىنەن 18 - كۇنىنە دەيىن. بەيجيڭ، جيڭشي قوناق ءۇيى.
”قوس 100 جىلدىق“ كۇرەس نىساناسىنىڭ تاريحي توعىسىندا، 2020 - جىلعى ورتالىقتىڭ ەكونوميكالىق قىزمەت ءماجىلىسى جۇڭگونىڭ ەكونوميكالىق دامۋىنىڭ ۇلى جوسپارىن جوبالادى.
باس شۋجي شي جينپيڭ ماجىلىستە ماڭىزدى ءسوز سويلەپ، ەل ءىشى - سىرتىنىڭ ەكونوميكالىق جاعدايىنا تەرەڭ تالداۋ جاساپ، 2021 - جىلعى ەكونوميكالىق قىزمەتتىڭ جالپىلىق تالابى مەن ساياساتتىق بەتالىسىن ورتاعا قويىپ، ءتۇيىندى مىندەتتەردى ورنالاستىرىپ، ”14 - بەسجىلدىقتا“ باستاما اشۋ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋ ءۇشىن باعدار بەلگىلەپ، جول نۇسقادى.تاريحتا ساقتالادى
− وزگەشە جىلداعى وزگەشە تابىس شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ميلليارد حالىقتى ىنتىماقتاستىرىپ، باستاپ، جىگەرلەنە قۇلشىنىپ، حالىق رازى بولاتىن، كۇللى دۇنيەنىڭ نازارىن اۋدارعان، تاريحتان ورىن الارلىق جاۋابى
”ايرىقشا وزگەشە“ − وسى جولعى ورتالىقتىڭ ەكونوميكالىق قىزمەت ماجىلىسىندە، باس شۋجي شي جينپيڭ وسى كىلت سوزبەن 2020 - جىلدى قورىتىندىلاپ، ”بيىلعى جىل جاڭا جۇڭگو تاريحىنداعى ايرىقشا وزگەشە ءبىر جىل بولدى“ دەپ باسا دارىپتەدى.
2 جارىم كۇندىك ماجىلىستە، ماجىلىسكە قاتىناسقان جولداستار ءوتىپ بارا جاتقان وسى جىلعا قايىرىلا قاراعاندا، ايرىقشا اسەرلەندى.”’ايرىقشا‘ دەگەن سوزگە ايبىنى اسقاق ارىن، سان قيلى حاۋىپ - قاتەر، جىرلاۋعا تاتيتىن شۇعىلالى جەتىستىكتەر سياقتى باي مازمۇن قامتىلدى“، - دەدى ءبىر جولداس.
ءماجىلىس تالداۋ جاساپ، بىلاي دەپ اتاپ كورسەتتى: بيىل الەمدىك ەكونوميكا ۇشىراعان سوققى 1929 - جىلعى ەكونوميكالىق ۇلكەن توقىراۋعا دا، 2008 - جىلى حالىقارالىق فينانس داعدارىسىنىڭ ورشۋىنەن تۋىنداعان ىقپالعا دا ۇقسامايدى، قامداۋدىڭ ءۇزىلۋى مەن قاجەتسىنۋدىڭ ازايۋى سىندى قوس قابات سوققىمەن بەتپە - بەت كەلدىك، ونىڭ قيىندىعىن بۇرىن بولماعان دەپ سيپاتتاۋعا بولادى.
جۇڭگو ەكونوميكاسى عاسىردا سيرەك كەزدەسەتىن 3 قابات اۋىر سوققىعا ۇشىرادى:
ءبىرىنشى، 100 جىلدا كەزدەسپەگەن جاڭا تيپتى ايدارشا ۆيرۋس وكپە قابىنۋ ىندەتى تۇتقيىل تۋىلدى، ەكىنشى، دۇنيە ءجۇزى ەكونوميكاسى دۇنيە جۇزىلىك 2 - سوعىس اياقتاعاننان كەيىنگى ەڭ اۋىر قۇلدىراۋعا تاپ بولدى، ءۇشىنشى، كەيبىر مەملەكەتتەردىڭ تەجەۋ، قىسىم كورسەتۋ شارالارى جالپى بەتتىك كۇشەيىپ، سىرتقى ورتا وراسان زور سىن - سايىس اكەلدى.
”ىندەتتى الدىمەن تەجەدىك“، ”جۇمىستى، ءوندىرىستى الدىمەن قالپىنا كەلتىردىك“، ”ەكونوميكالىق ارتۋدىڭ كەرى ارتۋدان وڭ ارتۋعا وزگەرۋىن الدىمەن جۇزەگە اسىردىق“، بۇل رەتكى ءماجىلىس ”ءۇش الدىمەن“ دەگەن ءسوز ارقىلى جۇڭگونىڭ ەكونوميكالىق، قوعامدىق دامۋ بەتالىسىنىڭ ايقىن ەرەكشەلىكتەرىن سيپاتتادى.
”3 اۋىر سوققى استىندا’ ءۇشتى الدىمەن‘ جۇزەگە اسىرعان جۇڭگو ءبىر مايدان تاماشا شايقاس جۇرگىزدى، سونداي - اق ’ءۇش ۇلكەن تابىستى‘ جۇزەگە اسىردى: مول ماتەريالدىق تابىسقا قول جەتكىزدى، رۋحاني بايلىققا قول جەتكىزدى؛ بارىنشا جوعارىلاعان حالىقارالىق ىقپالعا قول جەتكىزدى. ءبىزدىڭ ۇيىستىرۋ كۇشىمىز، باۋراۋ قۋاتىمىز بارىنشا جوعارىلادى“، - دەدى ماجىلىسكە قاتىناسقان ءبىر جولداس اسەرلەنىپ.
قاتاڭ دا كۇردەلى حالىقارالىق جاعداي، ەل ىشىندەگى رەفورمانىڭ، دامۋدىڭ، ورنىقتىلىقتىڭ ماشاقاتتى دا اۋىر مىندەتى، اسىرەسە، جاڭا تيپتى ايدارشا ۆيرۋس وكپە قابىنۋ ىندەتىنىڭ اۋىر سوققىسى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى ستراتەگيالىق تاباندىلىقتى ساقتاپ، جاعدايدى ءدال تۇجىرىمداپ، دەن قويا جوسپارلاپ، ورنالاستىرىپ، باتىل ارەكەت قولدانىپ، قاجىرلى قۇلشىنىس جاساپ، حالىق رازى بولاتىن، كۇللى دۇنيەنىڭ نازارىن اۋدارعان، تاريحتان ورىن الارلىق جاۋاپ بەردى.
− جۇڭگو الەمدەگى ەكونوميكانىڭ وڭ ارتۋىن جۇزەگە اسىرعان بىردەن - ءبىر نەگىزگى ەكونوميكالىق تۇلعاعا اينالدى. 1 - ماۋسىمدا ％6.8 كەمىسە، 2 - ماۋسىمدا قايتادان ％3.2 ارتتى، 3 - ماۋسىمدا ارتۋ ％4.9كە كوتەرىلدى، جۇڭگونىڭ ەكونوميكالىق اينالىمى ماۋسىم سايىن جاقسارىپ، بىرتىندەپ قالىپتى كۇيگە قايتا ورالدى، بۇكىل جىلدا ەكونوميكانىڭ جالپى مولشەرى 100 تريلليون يۋاننان استى. عىلىم - تەحنيكالىق جاڭالىق اشۋ ەلەۋلى ىلگەرىلەۋشىلىككە قول جەتكىزىپ، شەشۋشى، وزەكتى تەحنيكالاردان قامال الۋ قادامى تەزدەپ، جاڭا قوزعاۋشى قۋاتتار، جاڭا كاسىپ كۇيلەرى تولاسسىز جارىققا شىقتى. جۇڭگو ەكونوميكاسى حاۋىپ - قاتەرگە توتەپ بەرەتىن مىعىم قابىلەت، قايىسپاس سەرپىمدىلىك كورسەتتى.
− ءۇش ءىرى قامال الۋ شايقاسى شەشۋشى جەتىستىككە قول جەتكىزدى. جىل باسىندا قالعان اۋىل - قىستاقتاعى 5 ميلليون 510 مىڭ كەدەي حالىق تۇگەلدەي كەدەيلىكتەن ارىلىپ، 52 كەدەي اۋدان كەدەيلىك قالپاعىن تۇگەلدەي الىپ تاستادى. ەكولوگيالىق ورتا ساپاسى ۇزدىكسىز جاقسارىپ، جاسىل دامۋ تەبىنى جاقسى بولدى. ءبىر توپ ەلەۋلى حاۋىپ - قاتەرلەر، كومەسكى كىناراتتار دالمە - ءدال الاستالدى، فينانس حاۋىپ - قاتەرىن ءبىر جاقتى ەتۋ ماڭىزدى كەزەڭدىك جەتىستىككە قول جەتكىزدى.
− رەفورما جاساۋ، ەسىك اشۋ ەلەۋلى سەرپىلىستى جۇزەگە اسىردى. حاينان ەركىن ساۋدا پورتى قۇرىلىسى سياقتى رەفورما جاساۋدىڭ، ەسىك اشۋدىڭ كەلەلى شارالارى ۇزدىكسىز ورتاعا قويىلىپ، سىرتقى ساۋدا يمپورت - ەكسپورتى مەن شەتەل قارجىسىنان پايدالانۋ ءتيىمسىز جاعدايدا ارتۋدى ىسكە اسىردى، ”ءبىر بەلدەۋ، ءبىر جولدى“ بىرگە قۇرۋ ورنىقتى قاداممەن ىلگەرىلەدى، وڭىرلىك جان - جاقتى ەكونوميكالىق سەرىكتەستىك قارىم - قاتىناس كەلىسىمىنە ءساتتى قول قويىلىپ، رەفورما جاساۋ، ەسىك اشۋ جاڭا باستامادا قايتا ءورىس الدى.
− حالىق تۇرمىسى پارمەندى قامتاماسىز ەتىلدى. قالا - قالاشىقتا جاڭادان جۇمىستانعاندار 11 ميلليون ادامنان اسىپ، تۇرعىندار كىرىسى مەن ەكونوميكا نەگىزىنەن تەڭ قاداممەن ارتتى. مادەنيەت - ساياحات، قوعامدىق قامتاماسىزداندىرۋ، الەۋمەتتىك دەنساۋلىق ساقتاۋ، توتەنشە جاعداي بويىنشا باسقارۋ، قوعامدىق جونگە سالۋ، قامتاماسىز ەتۋ سيپاتتى تۇرعىن ءۇي سياقتى ىستەر تىڭ ىلگەرىلەۋشىلىككە قول جەتكىزىپ، قوعامدىق دامۋ سالاسىنداعى ولقىلىقتاردى تولىقتاۋ قىزمەتى جەدەل ىلگەرىلەدى. بازاردىڭ قامداۋى جەتكىلىكتى، باعا نەگىزىنەن تۇراقتى بولدى.
2020 - جىل ”13 - بەسجىلدىق“ جوبا اياقتالاتىن جىل. 5 جىل ءۇرتىس كۇرەس جۇرگىزۋ ارقىلى ەلىمىزدىڭ ەكونوميكالىق، قوعامدىق دامۋى تىڭ تاريحي جەتىستىككە قول جەتكىزدى، ەكونوميكالىق قۋاتى، عىلىم - تەحنيكالىق قۋاتى، جالپىلىق مەملەكەت قۋاتى جانە حالىق تۇرمىسى دەڭگەيى تاعى ءبىر تىڭ، ۇلكەن بەلەسكە كوتەرىلدى، جاپپاي دوڭگەلەك داۋلەتتى قوعام ورناتۋدىڭ جەڭىسىنە جەتۋگە تايادىق، جۇڭحۋا ۇلتىنىڭ ۇلى گۇلدەنۋى الدىعا قاراي جاڭا، ارشىندى قادام تاستادى.
”ەلىمىز دۇنيە ءجۇزى ەكونوميكاسىنىڭ قۇلدىراۋى بارىسىندا داۋىلعا قارسى تولقىن جاردى، ونى جۇڭحۋا ۇلتىنىڭ دامۋ تاريحىنا ماقتانىشپەن جازۋعا بولادى“، ”جوعارى ساپالى دامۋ ىندەتتەن ساقتانۋ - تىزگىندەۋدىڭ سىناعىنا جاقسى جاۋاپ بەردى، ءار ءتۇرلى شارا قولدانىلىپ ەكونوميكانىڭ نەگىزگى اۋقىمى ورنىقتىرىلىپ، ’جۇڭگونىڭ جونگە سالۋىنىڭ‘ كورنەكتى ابزالدىلىعى جالپى بەتتىك كورسەتىلدى“... گرۋپپاعا ءبولىنىپ تالقىلاۋ كەزىندە، بۇل جىلداعى ماشاقاتتى جاعداي مەن قول جەتكىزگەن ايرىقشا جەتىستىكتەر جونىندە ماجىلىسكە قاتىناسقان جولداستار قىزۋ تالقى جۇرگىزىپ، تەرەڭ اسەر الدى.
نەبىر قيىندىقتار مەن بوگەتتەردى باستان وتكەردىك، ناتيجە وڭاي - وسپاق قولعا كەلگەن جوق، بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، بۇكىل پارتيانىڭ، بۇكىل ەلدەگى ءار ۇلت حالقىنىڭ ىنتىماقتاسا ەرلىكپەن كۇرەس جۇرگىزۋىنىڭ ناتيجەسى.
كۇللى الەمگە كوز سالساق، ”جۇڭگونىڭ جونگە سالۋى“ مەن ”باتىستاعى بىلىقپالىقتىڭ“ ايىرماشىلىعى اناعۇرلىم ايقىن كورىنىس بەرەدى، حالىق بۇقاراسى پارتيانىڭ باسشىلىعىن شىن جۇرەكتەن قولداپ، سوتسياليستىك ءتۇزىمنىڭ ابزالدىلىعىن اناعۇرلىم تەرەڭ سەزىنىپ، ۇلى وتانىمىزدى ءتىپتى دە شىنايى ماقتانىش سەزىندى.قىمباتتى تولعانىس
− ەلەۋلى وتكەل، ەلەۋلى سىناق، قاتاڭ سىن - سايىس الدىندا ەكونوميكالىق قىزمەتتى ويداعىداي ىستەۋدىڭ زاڭدىلىعى جونىندەگى تانىم تەرەڭدەدى، ”5 ءتۇبىرلى“ تەرەڭ مازمۇنعا، تولعانىسقا تولى بولدى
ءماجىلىس مىنالاردى باسا دارىپتەپ، اتاپ كورسەتتى: ەل ءىشى مەن حالىقارا سىندى ەكى كەلەلى جاعدايدى ءبىر تۇتاس جوسپارلاۋ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋ امالياتىندا، ءبىز قاتاڭ سىن - سايىس الدىندا ەكونوميكالىق قىزمەتتى ويداعىداي ىستەۋدىڭ زاڭدىلىعى جونىندەگى تانىمدى تەرەڭدەتتىك:
”پارتيا ورتالىق كوميتەتىنىڭ بەدەلى − قاتەرلى، قيىن ساتتە بۇكىل پارتيانىڭ، بۇكىل ەلدەگى ءار ۇلت حالقىنىڭ قيىندىقتى ەڭسەرە ورگە ۇمتىلۋىنىڭ ءتۇبىرلى سۇيەنىشى“؛
”حالىقتى بارىنەن جوعارى قويۋ − دۇرىس تالعام جاساۋدىڭ ءتۇبىرلى العى شارتى“؛
”تۇزىمدىك ابزالدىلىق − ۋاقىتتىق قيىندىقتى بىلەك بىرىكتىرە جەڭەتىن قۋاتتى كۇش قالىپتاستىرۋدىڭ ءتۇبىرلى كەپىلى“؛
”عىلمي شەشىم جاساۋ مەن جاسامپازدىقپەن توتەپ بەرۋ − داعدارىستى ورايعا اينالدىرۋدىڭ ءتۇبىرلى ءادىسى“؛
”عىلىم - تەحنيكادا ءوز كۇشىنە سۇيەنۋ، ءوزىن - ءوزى الۋەتتەندىرۋ − دامۋدىڭ كەلەلى جاعدايىن جەبەۋدىڭ ءتۇبىرلى تىرەگى“؛
ءماجىلىس ورتاعا قويعان بۇل ”5 ءتۇبىرلى“ تاجىريبە وتكەندى قورىتىندىلاپ، بولاشاق تۋرالى وي تولعادى.
”بۇل ’5ءتۇبىرلى‘ زاڭدىلىق − تاجىريبە، ءبىزدىڭ ەكونوميكالىق، قوعامدىق دامۋدى ءبىر تۇتاس جوسپارلاپ، جەڭىستەن - جەڭىسكە جەتۋدەگى ءتۇبىرلى بويسۇنۋ ولشەمىمىز“. ماجىلىسكە قاتىناسقان جولداستار تالقى بارىسىندا جاپپاي بىلاي دەپ قارادى: بۇل شي جينپيڭنىڭ جاڭا ءداۋىر جۇڭگوشا سوتسياليستىك ەكونوميكا يدەياسىنىڭ ەڭ جاڭا جەتىستىگىنىڭ وسكەلەڭ قورىتىندىسى.
”5 تۇبىرلىدە“ ”پارتيا ورتالىق كوميتەتىنىڭ بەدەلى − قاتەرلى، قيىن ساتتە بۇكىل پارتيانىڭ، بۇكىل ەلدەگى ءار ۇلت حالقىنىڭ قيىندىقتى ەڭسەرە ورگە ۇمتىلۋىنىڭ ءتۇبىرلى سۇيەنىشى“ دەگەن تارماق ءبىر تۇتاس جەتەكشىلىك، شەشۋشى تەتىك سانالادى.
ءماجىلىس مىنانى ايقىن اتاپ كورسەتتى: ەلەۋلى تاريحي وتكەل، ەلەۋلى سىناق الدىندا، پارتيا ورتالىق كوميتەتىنىڭ تۇجىرىمداۋ قابىلەتى، شەشىم جاساۋ قابىلەتى، ارەكەت قابىلەتى شەشۋشى رول اتقاردى.
”جۇڭگونىڭ داعدارىستى ورايعا اينالدىرىپ، ءتيىمسىز جاعدايدا تولقىن جارا العا ىلگەرىلەپ كەرەمەت جەتىستىكتەرگە قول جەتكىزۋى كەزدەيسوقتىق ەمەس، تالەي دە ەمەس، تۇپتەپ كەلگەندە، ول باس شۋجي شي جينپيڭ مەن پارتيا ورتالىق كوميتەتىنىڭ باعدار كورسەتۋىنىڭ، رول ۇستاۋىنىڭ ارقاسى“، - دەدى حۇجات جازۋ گرۋپپاسىنىڭ ءبىر مۇشەسى.
ۋحاندى بەكىتۋ شەشىمىن قابىلداپ، ونى اتقارۋدان جۇمىستى، ءوندىرىستى ءتارتىپتى قالپىنا كەلتىرۋگە دەيىن، بۇكىل ەلدىڭ كۇش - قۋاتى ارقىلى ىندەتتەن ساقتانۋ - تىزگىندەۋدىڭ توسقاۋىل شايقاسىن ويداعىداي جۇرگىزۋدەن كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزۋگە دەيىن... كوپ ءتۇرلى كۇردەلى سوققىلار الدىندا، باس شۋجي شي جينپيڭ ەرەكشە شارالار ارقىلى ەرەكشە قيىنشىلىقتارعا توتەپ بەرىپ، سالماقتىلىقپەن توتەپ بەرىپ، عىلمي شەشىم جاساپ، ءبىر تۇتاس قولباسشىلىق ەتىپ، ۋادەسىن ورىنداپ، شەشۋشى رولىن جانە باسشىلىق، ۇيتقىلىق رولىن ساۋلەلەندىرىپ، ۇلكەن وي جەلىسىمەن، ۇلكەن ارنا ارقىلى ۇلكەن وزگەرىستەرگە توتەپ بەرىپ، ەل باسقارۋداعى ەرەن قابىلەتىن تاعى دا ايگىلەدى.
”بيىل قول جەتكىزگەن تاريحي جەتىستىكتەر − شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ ناقتى اماليات بارىسىنداعى سۇبەلى تابىسى، قوماقتى ناتيجەسى“، - دەدى ماجىلىسكە قاتىناسقان جولداستار گرۋپپالار تالقىسىندا شىن جۇرەكتەن.
”حالىقتى بارىنەن جوعارى قويۋ“، ”ءتۇزىم ابزالدىلىعى“، ”عىلمي شەشىم جاساۋ جانە جاسامپازدىقپەن توتەپ بەرۋ“، ”عىلىم - تەحنيكادا ءوز كۇشىنە سۇيەنۋ، ءوزىن - ءوزى الۋەتتەندىرۋ“... ءاربىر ”ءتۇبىرلىنىڭ“ ءبارى تولعانىسقا تولى. وسىناۋ اسا قۇندى باعالى تاجىريبەلەر ادامداردى باستان - اياق قايسارلىقپەن كۇرەسۋگە جىگەرلەندىرىپ، جۇڭگونىڭ ەكونوميكالىق، قوعامدىق دامۋىن نوسەرلى داۋىلدارعا بوگەلمەي العا ىلگەرىلەۋگە باستايدى.
ايعا شىعىپ ورالدى، ارمان قۋىپ العا تارتتى.
”بۇل جاڭا ۇلگىدەگى بۇكىل مەملەكەتتىك ءتۇزىلىستىڭ باسىمدىعىن ساۋلەلەندىرىپ، قيىندىقتان قامال الىپ قول جەتكىزگەن تاعى ءبىر كەلەلى جەتىستىك“، 12 - ايدىڭ 17 - كۇنى باس شۋجي شي جينپيڭ پارتيا ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان ارنايى تەلەگرامما جولداپ، ايدى بارلاۋ ينجەنەرياسى چاڭ - ى 5 - ءنومىرلىنىڭ مىندەتتى تابىسپەن ورىنداعاندىعىن قۇتتىقتادى.
ءماجىلىس اشىلعان مەزگىلدە 2 كيلوگرام اي توپىراعىن العان چاڭ - ى 5 - ءنومىرلى بارلاۋ جابدىعى ءساتتى ورالىپ، ماجىلىسكە قاتىناسقانداردىڭ نازارىن اۋداردى، قىزۋ تالقىعا ارقاۋ بولدى.
”عىلىم - تەحنيكادا ءوز كۇشىنە سۇيەنىپ، ءوزىن - ءوزى الۋەتتەندىرۋ − دامۋ كەلەلى جاعدايىن جەبەۋدىڭ ءتۇبىرلى تىرەگى، مۇنى ءبىز ەرەكشە تەرەڭ ۇعىندىق“. عىلىم - تەحنيكا تاراۋلارىنان كەلىپ ماجىلىسكە قاتىناسقان ءبىر جولداس مىنانى ءبىلدىردى: ”كۇرەسكەردىڭ“ تەڭىزدە 10 مىڭ مەتر تەرەڭدىككە سۇڭگىپ سىناق جاساۋىنان ”جيۋجاڭ“ كۆانتتىق كومپيۋتەرىن زەرتتەپ جاساۋدا كەلەلى ىلگەرىلەۋشىلىككە قول جەتكىزۋگە دەيىن، ءبىر قىدىرۋ جاڭالىق اشۋ تابىستارىنىڭ جىل اياعىنا تاياعاندا جارىققا شىعۋى جۇڭگونىڭ جوعارى ساپالى دامۋدا نىق تا پارمەندى قادام تاستاعاندىعىن ايعاقتادى“.
”ءار جولى ماجىلىسكە قاتىناسقان سايىن، ءار جولى باس شۋجي شي جينپيڭنىڭ ءسوزىن، قىزمەتتەردى ورنالاستىرعانىن تىڭداعان سايىن، سەنىمىم اناعۇرلىم بەكەمدەلە تۇسەدى!“، ”ءىرى شايقاستا، ۇلكەن سىناقتا ۇيتقىعا قارايمىز، پارمەندى تىرەك نىق سەنىمگە بولەيدى!“. ماجىلىسكە قاتىناسقان جولداستاردىڭ بارلىعى مىناداي تەرەڭ اسەرگە بولەندى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ”5 ءتۇبىرلى“ زاڭدىلىق - تاجىريبەلەرىن ىشكەرىلەي يگەرىپ، دايەكتىلەندىرسەك، جۇڭگوشا سوتسياليزم ىستەرى، ءسوز جوق، جەڭىمپاز ورىندا تۇرىپ، جاڭا دا اناعۇرلىم زور كەرەمەتتەردى ۇزدىكسىز جاراتا الادى.جاڭا جاعداي اشۋ
− جاڭا باستامادا، جاڭا كۇرەستە، جاڭا دامۋ ارناسىن قالىپتاستىرۋدا كەلەر جىلعى العاشقى قادامدى جاقسى باسىپ، جاڭا بەينە كورسەتۋ كەرەك
تولقىن جارىپ العا ىلگەرىلەدى، جۇڭگو ەكونوميكاسىنىڭ كەمەسى شىت جاڭا شالقار تەڭىز ايدىنىنا كىردى.
2021 - جىل ەلىمىزدىڭ وسىزامانداندىرۋ قۇرىلىسى ۇردىسىندە ايرىقشا ماڭىزعا يە ءبىر جىل − ”14 - بەسجىلدىق“ باستاما اشادى، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارى باستالادى.
الايدا العا باسۋ جولى ۇنەمى داڭعىل بولا بەرمەيدى، نەعۇرلىم جەڭىسكە جەتۋگە تاياعان سايىن ءدوپ كەلگەن سىن - سايىستار دا سولعۇرلىم قيىنداسادى، اساۋ اعىستاردان، قاتەرلى قايراڭداردان ساقتانۋ قيىن.
بۇكىل الەمگە كوز جىبەرگەندە، قالىپتى داعدىدان تىسقارى دەم بەرۋ ساياساتى، تومەن نەگىزدىك سان جانە ۆاكسينا اياق الىسى سياقتى فاكتورلاردىڭ بىرگە رول اتقارۋىندا كەلەر جىلى دۇنيە ءجۇزى ەكونوميكاسىندا قالپىنا كەلۋ سيپاتتى ارتۋدان ءۇمىت بار، الايدا 100 جىلدا بولماعان ۇلكەن وزگەرىس جەدەل ۇدەۋ مەزگىلىنە ءوتىپ، جاعداي قىم - قۋىت كۇردەلى بولادى، ىندەت سوققىسى سالدارىنان تۋىندايتىن ءتۇرلى حاۋىپ - قاتەرلەرگە نەمقۇرايدى قاراۋعا بولمايدى.
ەل ىشىنە شولىپ قاراساق، جۇڭگو ەكونوميكاسى ۇزدىكسىز قالپىنا كەلىپ، جاعداي جاقسارۋعا بەت الدى، الايدا ىندەت جاعدايىنداعى وزگەرىس پەن سىرتقى ورتادا كوپتەگەن تۇراقسىزدىقتار ورىن تەۋىپ وتىر، ەكونوميكانىڭ قالپىنا كەلۋ نەگىزى ءالى بەكەمدەلە قويمادى، كەلەر جىلى ەكونوميكانىڭ ارتۋ جىلدامدىعىندا الدىمەن جوعارىلاۋ، سوڭىنان تومەندەۋ جاعدايى بەلەڭ بەرۋى مۇمكىن، قايتكەندە ەكونوميكانىڭ اينالىمىن ۇيلەسىمدى ارالىقتا ساقتاۋعا بولادى، بۇل ءبىر ۇلكەن سىناق.
”كۇردەلى دە قيىن سىرتقى ورتا الدىندا، ماڭىزدىسى، ءوز ءىسىمىزدى ويداعىداي ىستەۋىمىز كەرەك“.
” ءبىز تاۋقىمەت تانىمىن كۇشەيتىپ، ءسوزسىز جەڭىسكە جەتۋ سەنىمىن بەكەمدەپ، ەكونوميكانىڭ ۇزدىكسىز قالپىنا كەلۋى مەن جوعارى ساپالى دامۋىن ىلگەرىلەتۋىمىز كەرەك“.
ورتالىقتىڭ ەكونوميكالىق قىزمەت ماجىلىسىندە باس شۋجي شي جينپيڭ سوزىندە بيىكتە تۇرىپ الىستى بولجاپ، باعدار نۇسقاپ، كەلەر جىلعى ەكونوميكالىق قىزمەت جونىندە جالپىلىق تالاپ جانە ساياساتتىق بەتالىس العا قويدى −
ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتۋدى نەگىزگى تاقىرىپ، قامداۋ جاعىنداعى قۇرىلىمدىق رەفورمانى تەرەڭدەتۋدى نەگىزگى جەلى، رەفورما جاساۋدى، جاڭالىق اشۋدى ءتۇبىرلى قوزعاۋشى كۇش، حالىقتىڭ كۇن سايىن ارتقان تاماشا تۇرمىس قاجەتىن قاناعاتتاندىرۋدى ءتۇبىرلى ماقسات ەتۋ...
ماكرولىق ساياساتتىڭ ۇلاسپالىلىعىن، ورنىقتىلىعىن، باياندىلىعىن ساقتاۋ كەرەك. بەلسەندى قازىنا ساياساتى مەن ورنىقتى، اقاۋسىز اقشا ساياساتىن ۇزدىكسىز اتقارىپ، ەكونوميكانىڭ قالپىنا كەلۋىنە قاجەتتى قولداۋ كورسەتۋ سەرپىنىن ساقتاۋ، ساياساتتى مەڭگەرۋ جاعىندا اناعۇرلىم دالمە - ءدال، ءونىمدى بولۋ، شۇعىل بۇرىلماۋ، ساياساتتىڭ ۋاقىتىن، ولشەمىن، ونىمدىلىگىن ويداعىداي يگەرۋ كەرەك...
جاڭا دامۋ ارناسىن قالىپتاستىرۋ − وسى رەتكى ورتالىقتىڭ ەكونوميكالىق قىزمەت ءماجىلىسىنىڭ قىزمەت ورنالاستىرۋداعى ايقىن باعدارى.
”كەلەر جىلعى ەكونوميكالىق قىزمەتتى جاڭا دامۋ ارناسىن قالىپتاستىرۋدى ارقاۋ ەتە ورىستەتۋ كەرەك“. باس شۋجي شي جينپيڭ ماجىلىستە ”جاڭا دامۋ ارناسىن قالىپتاستىرۋدا كەلەر جىلى العاشقى قادامدى جاقسى باسىپ، جاڭا بەينە كورسەتۋ كەرەك“ دەپ ايقىن تالاپ ەتتى.
ءماجىلىس ەل ءىشى ۇلكەن اينالىمىن نەگىزگى تۇلعا ەتكەن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن جەدەل قالىپتاستىرىپ، قامداۋ جاعىنداعى قۇرىلىمدىق رەفورما سىندى نەگىزگى ارقاۋدى مىقتاپ ۇستاپ، قاجەتسىنۋ جاعىنداعى باسقارۋعا ءمان بەرىپ، كەپتەلىس تۇيىندەرىن اشىپ، ولقىلىقتاردى تولىقتاپ، ءوندىرىستىڭ، ءبولىستىڭ، اينالىمنىڭ، تۇتىنۋدىڭ ءار بۋىنىن تۇتاستىرىپ، قاجەتسىنۋ قامداۋدى جەتەكتەيتىن، قامداۋ قاجەتسىنۋ تۋىنداتاتىن اناعۇرلىم جوعارى دەڭگەيدەگى يكەمدى تەپە - تەڭدىك قالىپتاستىرۋ كەرەكتىگىن العا قويدى.
جاڭا دامۋ ارناسىن قالىپتاستىرۋدى باسشىلىققا الا وتىرىپ، ءماجىلىس كەلەر جىلعى ەكونوميكالىق قىزمەتتىڭ 8 ءتۇرلى ءتۇيىندى مىندەتىن العا قويدى: مەملەكەتتىڭ ستراتەگيالىق عىلىم - تەحنيكا كۇشىن نىعايتۋ؛ كاسىپ سالاسى تىزبەگىنىڭ، قامداۋ تىزبەگىنىڭ ءوز كۇشىنە سۇيەنۋ، مەڭگەرۋ قابىلەتىن كۇشەيتۋ؛ ىشكى سۇرانىستى كەڭەيتۋ سىندى وسى ستراتەگيالىق نەگىزگى تۇيىنگە تاباندى بولۋ؛ رەفورما جاساۋدى، ەسىك اشۋدى جاپپاي ىلگەرىلەتۋ؛ تۇقىم جانە ەگىستىك جەر ماسەلەسىن ويداعىداي شەشۋ؛ مونوپوليالاۋعا قارسى تۇرۋدى كۇشەيتۋ جانە كاپيتالدىڭ ءتارتىپسىز داليۋىنان ساقتانۋ؛ ءىرى قالالاردىڭ تۇرعىن ءۇي جاعىنداعى كورنەكتى ماسەلەلەرىن ويداعىداي شەشۋ؛ كومىرتەگىن جوعارى شەككە جەتكىزۋ، كومىرتەگىن بەيتاراپتاندىرۋ قىزمەتىن ويداعىداي ىستەۋ.
ماجىلىسكە قاتىناسقان جولداستار بىلاي دەپ قارادى: باس شۋجي شي جينپيڭنىڭ بيىكتە تۇرىپ الىستى بولجاعان، يدەياسى تەرەڭ ماڭىزدى ءسوزى بەتالىستى دا ايقىن كورسەتۋمەن بىرگە، جولدى دا ايقىنداپ بەردى، جالپى جاعدايدى جالپىلاي مەڭگەرۋمەن بىرگە، تۇيىندەردى دە كورنەكتىلەندىردى، ءبىر قىدىرۋ بەتالىستىق، ءتۇبىرلى، جالپى جاعداي سيپاتتى ماسەلەلەردى تەرەڭ ءتۇسىندىرىپ بەردى.
”مەملەكەتتىڭ ستراتەگيالىق عىلىم - تەحنيكا كۇشىن نىعايتۋ“ 8 ءتۇيىندى مىندەتتىڭ ەڭ باسىنا قويىلدى. وسىنىڭ الدىندا ”14 - بەسجىلدىق“ جوبا ۇسىنىسىندا دا عىلىم - تەحنيكادا جاڭالىق اشۋ ءتۇرلى مىندەتتەردىڭ ەڭ باسىنا قويىلدى. كۇن سايىن قيان - كەسكى بولا تۇسكەن الەمدىك عىلىم - تەحنيكا باسەكەسىنە مەڭزەس، ءماجىلىس مەملەكەتتىڭ ەلەۋلى عىلىم - تەحنيكالىق جاڭالىق اشۋدى ۇيىمداستىرۋشى رەتىندەگى رولىن تولىق ساۋلەلەندىرىپ، ستراتەگيالىق سۇرانىستى بەتالىس ەتۋگە تاباندى بولىپ، عىلىم - تەحنيكالىق جاڭالىق اشۋدىڭ بەتالىسى مەن تۇيىندەرىن بەلگىلەپ، مەملەكەتتىڭ دامۋى مەن حاۋىپسىزدىگىنە تۇساۋ بولاتىن ەلەۋلى قيىن ماسەلەلەردى كۇش سالا شەشىپ، دارىندى جانە مەحانيزم سىندى ەكى شەشۋشى ءتۇيىندى مىقتاپ يگەرۋ كەرەكتىگىن باسا دارىپتەدى.
كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىزدىگى مەن تۇراقتىلىعى جاڭا دامۋ ارناسىن قالىپتاستىرۋدىڭ نەگىزى. ماجىلىستە مىنالار العا قويىلدى: شەشۋشى، وزەكتى تەحنيكالاردان قامال الۋ ينجەنەرياسىن ويداعىداي جۇرگىزىپ، ”كىلتەڭ“ ماسەلەلەردەن ءبىر توبىن جەدەل شەشىپ، كاسىپ باسىمدىعى بار سالالاردا جۇمىستى قۇنتتى، ۇقىپتى ىستەپ، اناعۇرلىم كوپ دارا، بىرەگەي ونەرگە قول جەتكىزۋ... ولقىلىقتاردى تولىقتاپ، ارتىقشىلىقتاردى ساۋلەلەندىرىپ، دالمە - ءدال شارا اتقارۋ كەرەك.
”تۇقىم جانە ەگىستىك جەر ماسەلەسىنە“ ايرىقشا ءمان بەرىلدى. استىق حاۋىپسىزدىگىن قامتاماسىز ەتۋ ستراتەگياسى تۇرعىسىنان ءماجىلىس مىنالاردى باسا دارىپتەدى: تۇقىم قاينارىندىق ”كىلتەڭ“ تەحنيكالاردان قامال الۋدى ورىستەتىپ، تۇقىم شارۋاشىلىعىمەن ەڭسە كوتەرۋ شايقاسىن جۇرگىزۋگە بەل بايلاۋ كەرەك. ءبىر ميلليارد 800 ميلليون مۋ ەگىستىك جەر قىزىل سىزىعىن مىقتاپ ساقتاپ، ەگىستىك جەردى ”اۋىل شارۋاشىلىعىنان باسقا ماقساتتا پايدالانۋدى“ باتىل اۋىزدىقتاپ، ”استىقتان باسقاعا پايدالانۋدان“ باتىل ساقتانىپ، ەگىستىك جەردىڭ يەلەنۋى مەن تولىقتانۋ تەپە - تەڭدىگىن ارناعا ءتۇسىرۋ كەرەك.
”مونوپوليالاۋعا قارسى تۇرۋدى كۇشەيتۋ مەن كاپيتالدىڭ ءتارتىپسىز داليۋىنان ساقتانۋ“ ۇزاق بولاشاققا قاتىستى، وعان جاپپاي نازار اۋدارىلدى. ءماجىلىس مىنالاردى ايقىن اتاپ كورسەتتى: مونوپوليالاۋعا قارسى تۇرۋ، ورىنسىز باسەكەگە قارسى تۇرۋ − سوتسياليستىك بازار شارۋاشىلىعى ءتۇزىلىسىن كەمەلدەندىرۋدىڭ، جوعارى ساپالى دامۋدى ىلگەرىلەتۋدىڭ ىشكى تالابى. مەملەكەت تۇعىرلىق كاسىپورىنداردىڭ جاڭالىق اشا دامۋىن، حالىقارالىق باسەكەلىك قۋاتىن كۇشەيتۋىن قولدايتىندىعىن ايقىندادى، سونىمەن بىرگە ەرەجە - ءتۇزىمدى كۇشەيتىپ، باقىلاۋ - باسقارۋ قابىلەتىن جوعارىلاتىپ، مونوپوليالاۋ مەن ورىنسىز باسەكەلەسۋ ارەكەتتەرىنە باتىل قارسى تۇرۋ كەرەكتىگىن باسا دارىپتەدى.
”ءىرى قالالاردىڭ تۇرعىن ءۇي جاعىنداعى كورنەكتى ماسەلەلەرىن ويداعىداي شەشۋ“ بۇقارانىڭ ىرىس - قۇتىنا سايادى. بۇل رەتكى ءماجىلىس ”تۇرعىن ءۇيدى ساۋدالاماۋ“ ساياساتىن تۇراقتاندىرۋعا تاباندى بولۋدى باسا دارىپتەدى، سونداي - اق تاياۋ مەزگىلدەگى ”دانكى ۇكىمەت ءۇيى“ سياقتى ماسەلەلەرگە دالمە - ءدال باعىتتاي وتىرىپ ”ءۇيدى ۇزاق ۋاقىت جالعا بەرۋ“ ساياساتىن جەدەل كەمەلدەندىرىپ، تۇرعىن ءۇيدى جالعا بەرۋ مەن ساتىپ الۋدا الەۋمەتتىك قىزمەت وتەۋدەن تەڭ يگىلىكتەنۋ ۇقىعىن بىرتىندەپ جۇزەگە اسىرىپ، ءۇيدى ۇزاق ۋاقىت جالعا بەرۋ بازارىن ارناعا ءتۇسىرۋ، دامىتۋ كەرەكتىگىن ايقىن العا قويدى...
ىشكى سۇرانىستى كەڭەيتۋ سىندى وسى ستراتەگيالىق نەگىزگى تۇيىنگە تاباندى بولىپ، رەفورما جاساۋدى، ەسىك اشۋدى جالپى بەتتىك ىلگەرىلەتىپ، كومىرتەگىن جوعارى شەككە جەتكىزۋ، كومىرتەگىن بەيتاراپتاندىرۋ قىزمەتىن ويداعىداي ىستەۋ...
وسى ءبىرسىپىرا ءتۇيىندى مىندەتتەر ماسەلەنى باعدار ەتۋ مەن نىسانانى باعدار ەتۋدەن جازباي، قوعامنىڭ ءجىتى قاداعالاپ وتىرعان ىستەرىنە پارمەندى جاۋاپ قاتتى.
گرۋپپالارعا ءبولىنىپ تالقىلاۋ بارىسىندا، ماجىلىسكە قاتىناسقان جولداستار باس شۋجي شي جينپيڭنىڭ ماڭىزدى ءسوزىن جانە ورنالاستىرىلعان مىندەتتەرىن توڭىرەكتەي وتىرىپ جابال ءسوز سويلەدى، اركىم ءوزىنىڭ كاسىپتىك تۇرعىسىنان كەلەر جىلعى ەكونوميكالىق قىزمەتتىڭ ءتۇيىندى مىندەتتەرىن قايتكەندە ويداعىداي تياناقتاندىرۋعا بولاتىندىعىن اقتارىلا ايتتى، ءماجىلىس الاڭى قىزۋ بەينەگە شومدى.
ماجىلىسكە قاتىناسقان جولداستار مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزى كۇردەلى جاعدايدى عىلمي يگەرگەندىگىن، دامۋ زاڭدىلىعىن تەرەڭ اڭعارعاندىعىن، دامۋ نىساناسىن دالمە - ءدال جوسپارلاعاندىعىن ايگىلەدى، جوعارى ساپالى دامۋدى جالپى بەتتىك ىلگەرىلەتۋگە ءتۇبىرلى بويسۇنۋ ولشەمىن ازىرلەدى، كەلەر جىلى جاڭا دامۋ ارناسىن قالىپتاستىرۋدىڭ ”العاشقى قادامىن جاقسى باسۋعا، جاڭا بەينەنى جارىققا شىعارۋعا“ شىنايى كەپىلدىك ەتۋگە ايقىن بەتالىس كورسەتىپ بەردى.مىزعىماس تىرەك بولۋ
− ءبىر تىلەكپەن جۇدىرىقتاي جۇمىلىپ، اياق الىستى بىرلىككە كەلتىرىپ، پارتيانىڭ ەكونوميكالىق قىزمەتكە جاپپاي باسشىلىعىن كۇشەيتىپ، شىنايى يگەرىپ، ناقتى ىستەپ، ءتۇرلى شەشىمدەردى، ورنالاستىرۋلاردى ەكونوميكالىق قىزمەتتىڭ ءتۇرلى جاقتارىندا دايەكتىلەندىرۋ كەرەك
جاڭا ساپاردى باستاۋدا نەگە سۇيەنىپ سۇراپىل تولقىنعا توتەپ بەرىپ، ۇدىرە العا باسامىز؟
پارتيانىڭ باسشىلىعى پارتيا مەن مەملەكەتتىڭ ءتۇرلى قىزمەتتەرىن ويداعىداي ىستەۋدىڭ ءتۇبىرلى كەپىلى، بارلىق قيىندىق پەن سىن - سايىستى جەڭۋدىڭ ”ورنىقتىرعىشى“.
باس شۋجي شي جينپيڭ وسى رەتكى ماجىلىستە بىلاي دەپ باسا دارىپتەدى: جاڭا دامۋ كەزەڭىنە ۇيلەسۋدە، جاڭا دامۋ ۇستانىمىن دايەكتىلەندىرۋدە، جاڭا دامۋ ارناسىن قالىپتاستىرۋدا، ءسوز جوق، پارتيانىڭ جاپپاي باسشىلىعىن كۇشەيتىپ، پارتيانىڭ ەكونوميكالىق، قوعامدىق دامۋعا باسشىلىق ەتەتىن ءتۇزىلىس - مەحانيزمىنە تاباندى بولىپ جانە ونى كەمەلدەندىرىپ، بۇكىل پارتيانىڭ اياق الىسىنىڭ بىركەلكى بولۋىن ساقتاۋ كەرەك.
ەكونوميكالىق قىزمەتتى ويداعىداي ىستەۋ پارتيامىزدىڭ ەل باسقارۋداعى كەلەلى مىندەتى.
”پارتيانىڭ باسشىلىعى سۇراپىل تولقىندا مىزعىمايدى“، ”كەرەمەت ناتيجەلەردىڭ استارىندا بۇكىل ەل حالقىنىڭ ورتاق قۇلشىنىپ، پارتيانىڭ باسشىلىعىندا قۋاتتى جاۋىنگەرلىك كۇش قالىپتاستىرعاندىعى جاتىر“، ”’جۇڭگو جونگە سالۋىنىڭ‘ كورنەكتى ابزالدىعى جالپى بەتتىك ايگىلەندى“... ءماجىلىس كەزىندە ”پارتيانىڭ ەكونوميكالىق قىزمەتكە جاپپاي باسشىلىعىن كۇشەيتۋ“ ءارقايسى گرۋپپالار تالقىسىنىڭ ورتاق تانىمىنا اينالدى.
”14 - بەسجىلدىققا“ نازار سالعاندا، ەكىنشى 100 جىلدىق كۇرەس نىساناسىنا كوز جىبەرگەندە، ءبىز ۇزدىكسىز قايراتتانا ەكپىندەي ىلگەرىلەۋدى، ءورىس اشا ۇمتىلۋدى قاجەت ەتەمىز. جاعداي كۇردەلى بولعان سايىن، مىندەت جاپالى بولعان سايىن جۇڭگو كوممۋنيستىك پارتياسى سىندى وسى بەتالىس نۇسقايتىن كومپاستان، زەيىن - زەردە مەن كۇش - قۋاتتى ۇيىستىراتىن سۇيەنىشتەن سولعۇرلىم ايرىلا المايمىز، پارتيانىڭ جاپپاي باسشىلىعىنا سولعۇرلىم تاباندى بولۋىمىز جانە ونى كۇشەيتۋىمىز كەرەك.
پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى مىنالاردى باسا دارىپتەدى: ”14 - بەسجىلدىق“ جوبا مەن 2035 - جىلعا دەيىنگى بولاشاقتىق نىسانانى جۇزەگە اسىرۋدا، ءسوز جوق، پارتيانىڭ جاپپاي باسشىلىعىنا تاباندى بولىپ، بارلىق بەلسەندى فاكتورلاردى تولىق جۇمىلدىرىپ، بارلىق ىنتىماقتاسۋعا بولاتىن كۇشتەردى كەڭ كولەمدە ىنتىماقتاستىرىپ، دامۋدى ىلگەرىلەتەتىن قۋاتتى بىرىككەن كۇش قالىپتاستىرۋ كەرەك.
پارتيانىڭ ەكونوميكالىق قىزمەتكە جاپپاي باسشىلىعىن كۇشەيتۋدە ساياسي تانىمدى كۇشەيتۋ، ساياسي دەڭگەيدى جوعارىلاتۋ كەرەك −
وسى رەتكى ورتالىقتىڭ ەكونوميكالىق قىزمەت ءماجىلىسى مىنالاردى باسا دارىپتەدى: ”ەكونوميكالىق قىزمەتتى ساياسيدى دارىپتەۋ دەڭگەيىنەن ىستەۋگە ءمان بەرۋ“، ”ساياسي كوز ايامەن ەكونوميكالىق، قوعامدىق ماسەلەلەردى بايقاۋعا جانە تالداۋ جاساۋعا شەبەر بولۋ“، ”ساياسي سەزىمتالدىق دەڭگەي مەن ساياسي پارىقتاۋ قۋاتىن جوعارىلاتىپ، ەكونوميكالىق قيمىلداردىڭ ساياسي زاردابىنا كوز جەتكىزۋگە شەبەر بولۋ كەرەك“.
ءبىر ۇلەس ورنالاستىرۋدا، توعىز ۇلەس تياناقتاندىرۋدا. پارتيا ورتالىق كوميتەتىنىڭ شەشىمدەرىنە، ورنالاستىرۋلارىنا قاراتا مىزعىماي يگەرىپ، تياناقتاندىرۋدى قاتاڭ يگەرۋ كەرەك، تەك قۇر ۇران سالىپ، تياناقتاندىرماۋعا بولمايدى، فورماشىلدىق، تورەشىلدىك ىستەۋگە تىپتەن بولمايدى. پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋ جاعدايىنا قاراتا قاجەتتى قۋزاۋ - تەكسەرۋ، قۋزاۋ - جەتەكشىلىك ەتۋ ورىستەتۋ كەرەك، الايدا قاتىستى قىزمەتتەردە ولشەمدى جۇرگىزىپ، ناقتى ونىمدىلىككە تالپىنۋ كەرەك.
پارتيانىڭ ەكونوميكالىق قىزمەتكە جاپپاي باسشىلىعىن كۇشەيتۋدە، ماماندانۋ قابىلەتىن جوعارىلاتىپ، جاڭا دامۋ ارناسىن قالىپتاستىرۋعا باسشىلىق ەتەتىن كاسىپتىك مايتالمانعا اينالۋعا قۇلشىنۋ كەرەك −
دارىندىلار توپتالسا، پارتيا كوركەيەدى. عىلىم - تەحنيكالىق وزگەرىستىڭ قارقىنى وتە تەز، ەكونوميكالىق، قوعامدىق قيمىلداردىڭ كۇردەلىلىك سيپاتى جاپپاي كوتەرىلدى، ەگەردە عىلىم - تەحنيكانىڭ وزگەرۋ اۋقىمىن يگەرمەسەك، جاڭادان گۇلدەنگەن سالالاردىڭ جاعدايىن تۇسىنبەسەك، بۇقارانىڭ ءۇمىتى مەن تالاپ - تىلەك وزگەرىسىن سەزىنبەسەك، وندا ەكونوميكالىق قىزمەتتى ويداعىداي جۇرگىزە المايمىز، وسىزامانداندىرۋ قۇرىلىسىنا دا باسشىلىق ەتە المايمىز.
پارتيانىڭ ەكونوميكالىق قىزمەتكە جاپپاي باسشىلىعىن كۇشەيتۋدە، دامۋ مەن حاۋىپسىزدىك سىندى ەكى ۇلكەن ءىستى ويداعىداي يگەرۋ كەرەك −
جاڭا ساپاردى باستاۋدا ەلىمىزدىڭ دامۋى حاۋىپ - قاتەر وڭاي تۋىلاتىن، كوپ تۋىلاتىن مەزگىلگە ءوتتى، ءتۇرلى قايشىلىق پەن ماسەلەلەر ءوزارا قاباتتاستى، حاۋىپسىزدىك پەن دامۋ سىندى وسى ارقاۋدى مىقتاپ شيراتۋ كەرەك.
العا باسۋ جولىنداعى جاڭا سىن - سايىس الدىندا ءار دارەجەلى پارتكومدار مەن ۇكىمەتتەر ۇلكەن اۋقىمدى ۇنەمى باقىلاپ، كەلەلى جاعدايدى ۇنەمى ويلاسىپ، تومەنگى شەكتە ويلاۋعا تاباندى بولىپ، تاۋقىمەت تانىمىن كۇشەيتىپ، ”قيىندىققا قاسقايا قارسى جۇرۋگە باتىل بولۋ“ يدەيالىق دايىندىعى مەن قىزمەت دايىندىعىن ويداعىداي ىستەپ، باستامانى جاقسى باستاۋ، ىرىقتىلىق شايقاسىن ويداعىداي جۇرگىزۋ كەرەك. ءىشىنارا ءتۇيىندى سالالارداعى ”سۇر ءمۇيىزتۇمسىق“، ”قاراقۋ“ ۋاقيعاسىنان قاتاڭ ساقتانىپ، ءتۇرلى حاۋىپ - قاتەرلەر مەن كومەسكى كىناراتتاردان ساقتانۋدىڭ جانە ونى جويۋدىڭ ”قۇرىش قامالىن“ مىقتاپ سالۋ كەرەك.
جىل سوڭىندا، جىل باسىندا ءتۇرلى قىزمەتتەردى مىقتى، ناقتى يگەرۋ كەرەك. ىندەتتەن ساقتانۋ - تىزگىندەۋدە ”سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ قىزمەتىن تيتتەي دە بوساڭسىماي ويداعىداي يگەرىپ، قاتاڭ ساقتانىپ، كولەمدى كىرۋ مەن قايتا بەلەڭ بەرۋدىڭ جارىققا شىقپاۋىنا شىنايى كەپىلدىك ەتۋ كەرەك؛ ”ەكى مەرەكەدە“ بازار قامداۋىن ويداعىداي ورنالاستىرىپ، نەگىزگى حالىق تۇرمىسىنا شىنايى كەپىلدىك ەتىپ، قيىنشىلىعى بار بۇقارانى تومەنگى شەكتەن تۇسىرمەي قامتاماسىز ەتۋ قىزمەتىن ويداعىداي ىستەۋ كەرەك...
جۇڭگونىڭ ءىسىن ويداعىداي ىستەۋدىڭ تەتىگى پارتيادا، تەتىگى ادامدا.
جاڭا ساپاردىڭ جورىق دابىلى قاعىلدى. كەلەر جىلعى ەكونوميكالىق قىزمەتتىڭ مىندەتتەرىن ويداعىداي ىستەۋ ەرەكشە ماشاقاتتى، بۇكىل پارتيا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، ءبىر ميلليارد 400 ميلليون جۇڭگو حالقىنىڭ ايبىندى ۇلى كۇشىن ۇيىستىرىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قارسى الىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قاجىماي - تالماي كۇرەس جۇرگىزۋ كەرەك!
(شينحۋا اگەنتتىگىنىڭ 12 - ايدىڭ 20 - كۇنى بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
