قاشقار ايماعى پارتيا گازەت - جۋرنالدارىن تاراتۋ قىزمەتىن بەلسەندىلىكپەن جاقسى ىستەدى
2020.12.22 15:22 كەلۋ قاينارى : شينجياڭ گازەتى
شينجياڭ گازەتىنىڭ جالپىلىق اقپارات قۇرالدارى ءتىلشىسى حان چينيان 12 - ايدىڭ 20 - كۇنى قاشقاردان حابارلايدى. ”پارتيا گازەت - جۋرنالدارى پارتيانىڭ اقپارات قوعامدىق پىكىر شەبى، سونداي - اق ءبىلىم تاراتۋداعى، امالياتقا جەتەكشىلىك ەتۋدەگى، بۇقارانى اتتانىسقا كەلتىرۋدەگى يدەيالىق قارۋى“. 12 - ايدىڭ 20 - كۇنى قاشقار ايماقتىق پارتكومنىڭ مۇشەسى، ۇگىت ءبولىمىنىڭ باستىعى چياۋ شياڭحۋا تاراۋلاردىڭ، ورىنداردىڭ پارتيا گازەت - جۋرنالدارىن تاراتۋ قىزمەتىن مىقتاپ يگەرۋى، شىنايى يگەرۋى، ويداعىداي يگەرۋى كەرەكتىگىن قايتالاي دارىپتەدى.
11 - ايدىڭ 19 - كۇنى قاشقار ايماعى 2021 - جىلعى پارتيا گازەت - جۋرنالدارىن تاراتۋ قىزمەتى بەينە ەكران ءماجىلىسىن اشقاننان كەيىن، ءار دارەجەلى پارتيا ۇيىمدارى بەلسەندىلىكپەن، ىرىقتىلىقپەن ىسكەرلىك كورسەتىپ، ورتالىقتىڭ، اۆتونوميالى رايوننىڭ ءتۇيىندى پارتيا گازەت - جۋرنالدارىنا جازىلۋ قىزمەتىن مۇقيات جاقسى ىستەپ، 2021 - جىلعى ءتۇيىندى پارتيا گازەت - جۋرنالدارىن تاراتۋ سانىنىڭ ورنىقتى ارتۋىنا شىنايى كەپىلدىك ەتتى.
”12 - ايدىڭ 20 - كۇنىنە دەيىن قاشقار ايماعى «شينجياڭ گازەتىنە» 24 مىڭ 514 نۇسقا جازىلىپ، بىلتىرعى سايكەس مەزگىلدەگىدەن 980 نۇسقا ارتتىردى؛ «بۇگىنگى شينجياڭ» جۋرنالىنا 16 مىڭ 117 نۇسقا جازىلىپ، بىلتىرعى سايكەس مەزگىلدەگىدەن 229 نۇسقا ارتتىردى“. جۇڭگو پوچتا توبى شەكتى سەرىكتەستىگى قاشقار ايماقتىق بولىمشە سەرىكتەستىگىنىڭ ورىنباسار باس ديرەكتورى شيا فەيجۇن بىلاي دەدى: «حالىق گازەتى» قاتارلىلارعا جازىلۋ سالىستىرماسى بىلتىرعى سايكەس مەزگىلدەن تۇگەلدەي تۇرلىشە دارەجەدە جوعارىلادى.
پارتيا گازەت - جۋرنالدارىن تاراتۋ قىزمەتىن جاقسى ىستەپ، پارتيا گازەت - جۋرنالدارىن كاسىپورىندارعا، الەۋمەتتىك اۋماقتارعا، ساۋدا ورىندارىنا، ت. ب جەتكىزىپ، پارتيانىڭ ءۇنىن دەر كەزىندە بارلىق جەرگە تاراتۋ ءۇشىن، قاشقار ايماعىنىڭ ءارقايسى اۋدان، قالالارىنداعى پوچتا كاسىپورىنداردىڭ ”ءبىرىنشى باسشىلارى“ پارتيا گازەت - جۋرنالدارىن تاراتۋ قىزمەتىندەگى ”ءبىرىنشى جاۋاپتى ادام“ رەتىندە، ايرىقشا جاۋاپكەرشىلىكپەن جانە بورىش سەزىمىمەن پارتيا گازەت - جۋرنالدارىن تاراتۋ قىزمەتىن مۇقيات تىڭعىلىقتى ىستەدى.
سونىمەن بىرگە، ءارقايسى پوچتا سەرىكتەستىكتەرى پارتكوم ۇگىت تاراۋلارىنا بەلسەندىلىكپەن سايكەسىپ، پارتيا گازەت - جۋرنالدارىنا جازىلۋ قارقىنىن دەر كەزىندە مالىمدەپ، مۇمكىندىگىنشە جازىلۋدى ورىندادى؛ جازىلۋ ساندى مالىمەتتەرىن ىسكە قوسۋ جانە وعان تالداۋ جاساۋ ارقىلى تاراتۋداعى ءالسىز تۇيىندەر مەن بوستىقتى تاۋىپ، پارتكوم ۇگىت تاراۋلارىمەن، گازەت - جۋرنال مەكەمەلەرىمەن بىرگە تاراتۋ جوباسىن جاساپ، جازىلۋعا ۇگىت جۇرگىزۋدى باعىتتامالى تۇردە ورىستەتتى؛ پوچتانىڭ ينتەرنەت ابزالدىلىعىن ساۋلەلەندىرىپ، تاراتۋ ۇلگىسىندە جاڭالىق اشىپ، ينتەرنەت جەلىسىندە جازىلۋدى كەڭەيتىپ (جۇڭگو پوچتاسى گازەت - جۋرنالدارعا جازىلۋ سايتى، قول تەلەفون ميكرو پوچتاسى، جۇڭگو پوچتاسى وقۋ سايتى سياقتى جەلىدەگى ارنالار)، قالىڭ ابونتتارعا قولايلى دا جوعارى ءونىمدى گازەت - جۋرنالدارعا جازىلۋ قىزمەتىن وتەدى.
پارتيا گازەت - جۋرنالدارىن تاراتۋدى جاقسى ىستەۋمەن بىرگە، قاشقار ايماقتىق پارتكوم تاعى ”ۇيرەنۋدە قۋاتتى ەل“ تۇعىرى مەن ”انار بۇلتى“ كليەنتىن جالپىلاستىرۋعا، ودان پايدالانۋعا باسا ءمان بەرىپ، مۇمكىندىگىنشە پايدلانۋعا، مۇمكىندىگىنشە ۇيرەنۋگە كۇش سالدى.
شينجياڭداعى پارتيا اقپارات قۇرالدارىنىڭ ءبىرىنشى كليەنتى بولۋ رەتىندە، ”انار بۇلتى“ كليەنتى اۆتونوميالى رايوننىڭ بەلدى ينفورماتسيالارىن الدىمەن جاريالايتىن تۇعىر، اكىمشىلىك ىستەرى قىزمەت وتەۋىنىڭ ماڭىزدى ەسىگى. ”’انار بۇلتى‘ كليەنتى پارتيانىڭ لۋشيان، باعىت - ساياساتىن ۇيرەنۋىمىزدەگى، ساياسي نازاريا ساپامىزدى جوعارىلاتۋداعى ماڭىزدى دانەكەر“. قاشقار ايماقتىق پارتكوم ۇگىت ءبولىمىنىڭ ورىنباسار باستىعى جاڭ لي بىلاي دەدى: قاشقار ايماعى ”انار بۇلتى“ كليەنتىن جالپىلاستىرۋدى جانە ودان پايدالانۋدى بار كۇشىمەن جاقسى ىستەپ، قامتۋ كولەمىن ىلگەرىلەي كەڭەيتەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
