ىلە وبلىسى پارتيا گازەت - جۋرنالدارىنا جازىلۋ قىزمەتىن ورىنداپ بولدى
2020.12.21 16:52 كەلۋ قاينارى : شينجياڭ گازەتى
ەرىكتى ءتىلشى لي يافىڭ 12 - ايدىڭ 18 - كۇنى قۇلجادان حابارلايدى. 2021 - جىلعى پارتيا گازەت - جۋرنالدارىنا جازىلۋ قىزمەتى ورىستەتىلگەننەن بەرى، ىلە قازاق اۆتونوميالى وبلىسى كوپ جاقتان كۇش شىعارىپ، جۇيەلى، ءتارتىپتى، جوعارى ءونىمدى ىلگەرىلەتتى، قازىر جازىلۋ قىزمەتى ءساتتى اياقتادى.
ىلە وبلىسى ءار مەكەمە - ورىننىڭ ”ءبىرىنشى باسشىسى“ ءوزى يگەرگەن، ۇگىت تاراۋلارى ناقتى اتقارعان، ۇيىمداستىرۋ تاراۋلارى بار كۇشپەن قولداعان، قازىنا، پوچتا سياقتى تاراۋلار تىعىز سايكەسكەن قىزمەت مەحانيزمىن ورناتتى. قاراجاتتى تياناقتاندىرۋدى مىقتاپ يگەرۋ، ناقتى مىندەتتى ايقىنداۋ، ءبىر تۇتاس جوسپارلاپ سايكەستىرۋدى كۇشەيتۋ، جازىلۋ تاسىلىندە جاڭالىق اشۋ ارقىلى جازىلۋ قىزمەتىنىڭ ءساتتى ورىستەتىلۋىنە شىنايى كەپىلدىك ەتتى. سونىمەن بىرگە 2021 - جىلعى پارتيا گازەت - جۋرنالدارىنا جازىلۋ ۇگىتىن بەلسەنە ورىستەتتى؛ پوچتا تاراۋلارىمەن بىرلەسىپ گازەت - جۋرنال تاراتۋ پۋنكتى قىزمەتكەرلەرىنىڭ اڭگىمە ءماجىلىسىن اشىپ، قىزمەتتىڭ ىلگەرىلەۋ جاعدايىن اپتا سايىن حابارلاندىردى؛ پوچتا تيجارات تەرەزەسى، جەتكىزۋ قوسىنى، تۇرعىندار اۋماعىندا، كوشەدە ۇگىت كەرمە تۋىن ءىلۋ سياقتىلاردان پايدالانىپ، بۇقارانى پارتيا گازەت - جۋرنالدارىنا بەلسەندىلىكپەن جازىلۋعا، وقۋعا جەتەكتەپ، پارتيانىڭ ءۇنىنىڭ ”جاي بۇقارانىڭ ۇيىنە جەتۋىنە“ مۇمكىندىك جاسادى.
ىلە وبلىسىنداعى اۋدان - قالالار پارتيا گازەت - جۋرنالدارىن تاراتۋ قىزمەتىن ماڭىزدى ساياسي مىندەت ەتىپ مىقتاپ يگەرىپ، ناقتاپ يگەرىپ، جاقسى ىستەدى، پارتيا، ۇكىمەت تاراۋلارى پارتيا گازەت - جۋرنالدارىنا باستاماشىلدىقپەن جازىلىپ، ەگجەي - تەگجەيلى جازىلۋ جوباسىن جاساپ، دەر كەزىندە ارناۋلى ادام ورنالاستىرىپ، قاداعالاپ، ۇيلەرگە دەيىن بارىپ قىزمەت وتەدى. سونىمەن بىرگە نەگىزگى ساتىداعى پارتيا ۇيىمدارىن، جالپىلىق مەنشىككە جاتپايتىن ەكونوميكالىق ۇيىمداردى، ءار دارەجەلى، ءار ءتۇرلى مەكتەپتەردەگى پارتيا ۇيىمدارىن جانە پارتيا مۇشەلەرىن، سونداي - اق جەكەلەردى پارتيا گازەت - جۋرنالدارىنا جازىلۋعا شابىتتاندىردى؛ پارتيالى كادرلاردى ۇلتتار ىنتىماعى بويىنشا جۇپ قۇراعان تۋىستارىنا گازەت ۇسىنۋعا اتتانىسقا كەلتىردى؛ پارتيا گازەت - جۋرنالدارىنىڭ كىتاپحانا، مادەنيەت سارايى، كورمە سارايى سياقتىلارعا ەنۋىن بار كۇشپەن ىلگەرىلەتىپ، ”پارتيا گازەتىن وقۋدىڭ، پارتيا جۋرنالدارىن ۇيرەنۋدىڭ“ قويۋ رايىن ۇزدىكسىز قالىپتاستىردى.
12 - ايدىڭ 18 - كۇنىنە دەيىن تۇتاس وبلىسقا توتە قاراستى ورىندار بويىنشا «حالىق گازەتىنە» 3121 نۇسقا جازىلىپ، جوسپاردى ％110 ورىندادى؛ «ىزدەنۋ» جۋرنالىنا 2269 نۇسقا جازىلىپ، جوسپاردى ％115 ورىندادى؛ «شينجياڭ گازەتىنە» 14 مىڭ 196 نۇسقا جازىلىپ، جوسپاردى ％100 ورىندادى؛ «بۇگىنگى شينجياڭعا» 14 مىڭ 262 نۇسقا جازىلىپ، جوسپاردى ％103 ورىندادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
