شي جينپيڭ اي بارلاۋ ينجەنەرياسى چاڭ - ى − 5 مىندەتىنىڭ زەرتتەۋىنە، سىناق ەتۋىنە قاتىناسقان قىزمەتكەرلەردىڭ ۋاكىلدەرىمەن كەزدەسكەندە ءارى اي شارى ۇلگى زاتتارى مەن اي شارىن بارلاۋ ينجەنەرياسىنىڭ تابىسى كورمەسىن ەكسكۋرسيالاعاندا مىنانى دارىپتەدى
عىلىم - تەحنيكانىڭ بيىك شىڭىنا ەرلىكپەن شىعىپ، مەملەكەتتىڭ دامۋ جالپى جاعدايىنا قىزمەت وتەپ، ادامزاتتىڭ عارىشتان بەيبىت پايدالانۋىنا تىڭ دا اناعۇرلىم زور ۇلەس قوسۋ كەرەك
لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ قيمىلعا قاتىناستى
2021.02.23 14:07 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 22 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 2 - ايدىڭ 22 - كۇنى تۇستەن بۇرىن بەيجيڭدەگى حالىق سارايىندا اي بارلاۋ ينجەنەرياسى چاڭ - ى − 5 مىندەتىنىڭ زەرتتەۋىنە، سىناق ەتۋىنە قاتىناسقان قىزمەتكەرلەردىڭ ۋاكىلدەرىمەن كەزدەستى ءارى اي شارى ۇلگى زاتتارى مەن اي شارىن بارلاۋ ينجەنەرياسىنىڭ تابىسى كورمەسىن ەكسكۋرسيالادى، اي شارىن بارلاۋ ينجەنەرياسىنىڭ، اسىرەسە، چاڭ - ى − 5 مىندەتىنىڭ قول جەتكىزگەن تابىستارىن تولىق تۇراقتاندىردى. ول مىنالاردى دارىپتەدى: ايدى بارلاۋ رۋحىن ساۋلەلەندىرىپ، بۇكىل ەل بولىپ اتسالىسۋ سىندى جاڭاشا ءتۇزىلىستىڭ ابزالدىعىن ساۋلەلەندىرىپ، عىلىم - تەحنيكانىڭ بيىك شىڭىنا باتىلدىقپەن شىعىپ، مەملەكەتتىڭ دامۋ جالپى جاعدايىنا قىزمەت ەتىپ، جۇلدىز ارالىق بارلاۋدىڭ جاڭا جورىعىن نىق قاداممەن اشىپ، جۇڭگونىڭ عارىش ىستەرىنىڭ جاڭالىق اشا دامۋىن ۇزدىكسىز ىلگەرىلەتىپ، ادامزاتتىڭ الەم كەڭىستىگىنەن بەيبىت پايدالانۋىنا تىڭ دا اناعۇرلىم زور ۇلەس قوسۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ قيمىلعا قاتىناستى.
حالىق سارايىنىڭ سولتۇستىك زالى دۋماندى مەرەيگە شومدى. تۇستەن بۇرىن ساعات 10 مولشەرىندە شي جينپيڭ قاتارلى پارتيا مەن مەملەكەتتىڭ باسشى جولداستارى جيىن زالىنا كىرىپ، زەرتتەۋگە، سىناققا قاتىناسۋشىلاردىڭ ۋاكىلدەرىنە قول بۇلعاپ قۇرمەت ءبىلدىردى، بۇكىل زالدان ۇزاققا سوزىلعان شاپالاق ءۇنى كوتەرىلدى. شي جينپيڭ سۇن جيادۇڭ، لۋان ىنجيە قاتارلىلارمەن ىقىلاسپەن اڭگىمەلەستى ءارى كوپشىلىكپەن بىرگە سۋرەتكە ءتۇسىپ ەستەلىك قالدىردى.
وسىدان كەيىن شي جينپيڭ قاتارلىلار حالىق سارايىنىڭ شىعىس زالىنا كەلىپ، اي شارىنىڭ ۇلگى زاتتارى مەن اي شارىن بارلاۋ ينجەنەرياسىنىڭ تابىسى كورمەسىن ەكسكۋرسيالاپ، اي شارىنىڭ ۇلگى زاتتارى، ينجەنەريا قۇرىلىسى، تەحنيكانى وندىرگىش كۇشكە اينالدىرۋ، عىلمي تابىس، حالىقارالىق سەلبەستىك جانە كەيىنگى دامۋ سياقتى جاقتارداعى تانىستىرۋدى تىڭدادى. شي جينپيڭ ءالسىن - ءالى كىدىرىپ، تەكسەرىپ، قاتىستى جاعدايلاردى ەگجەي - تەگجەيلى ۇعىستى.
شي جينپيڭ مىنالاردى دارىپتەدى: چاڭ - ى − 5 مىندەتىنىڭ تولىق تابىستى بولۋى ايدى بارلاۋ ينجەنەرياسىنىڭ «اينالۋ، قونۋ، قايتۋ» سىندى 3 قادامدىق جوباسىنىڭ تابىسپەن اياقتالعانىن كورسەتەدى، بۇل − بۇكىل ەل بولىپ اتسالىسۋ سىندى جاڭاشا ءتۇزىلىستىڭ ابزالدىعىن ساۋلەلەندىرىپ، قيىندىقتاردى جەڭىپ، قامال الۋدا قول جەتكىزگەن تاعى ءبىر كەلەلى تابىس، عارىش ىستەرىندەگى قۇدىرەتتى ەل قۇرۋ جورىعىنداعى ماڭىزدى بەلەس، ەلىمىزدىڭ عارىش ىستەرىنىڭ دامۋىندا توتەنشە ماڭىزدى مانگە يە. 17 جىلدان بەرى اي بارلاۋ ينجەنەرياسىن زەرتتەپ جاساۋ قۇرىلىسىنا قاتىناسقان بارلىق قىزمەتكەر ارمانعا تالپىنۋ، باتىلدىقپەن ىزدەنىس جاساۋ، سەلبەسىپ قامال الۋ، سەلبەسىپ تەڭ يگىلىككە كەنەلۋ سىندى ايدى بارلاۋ رۋحىن بارىنشا ساۋلەلەندىرىپ، جاڭا عىلىم - تەحنيكانىڭ شىڭىنا ۇزدىكسىز شىعىپ، قۋانارلىق، كىسىنى سۇيىندىرەرلىك تابىسقا قول جەتكىزدى. شەتسىز دە شەكسىز الەمدى شارلاۋ − تۇتاس ادامزاتتىڭ ورتاق ارمانى، ايدى بارلاۋ ينجەنەرياسىنىڭ 4 مەزگىلدەگى مىندەتىن ويداعىداي اتقارۋدى ىلگەرىلەتىپ، جۇلدىز ارالىق بارلاۋدىڭ جاڭا ساپارىن نىق قاداممەن باستاۋ كەرەك. بۇكىل ەل بولىپ اتسالىسۋ سىندى جاڭاشا ءتۇزىلىستىڭ ابزالدىعىن ساۋلەلەندىرىپ، دەربەس جاڭالىق اشۋ قىزمەتىنىڭ تەبىنىن ارتتىرىپ، ءبىر تۇتاس جوسپارلاپ، كۇش ۇستىنە كۇش قوسىپ، جۇڭگونىڭ عارىش كەڭىستىگى عىلىمىنىڭ، كەڭىستىك تەحنيكاسىنىڭ، كەڭىستىكتەن پايدالانۋدىڭ جاڭالىق اشا دامۋىن ىلگەرىلەتىپ، حالىقارالىق سەلبەستىكتى بەلسەنە ورىستەتىپ، ادامزاتتىڭ ىرىس - قۇتىن ارتتىرۋعا تىڭ دا اناعۇرلىم زور ۇلەس قوسۋ كەرەك.
ديڭ شۋەشياڭ، ليۋ حى، جاڭ يوۋشيا، چىن شي، حۋاڭ كۇنميڭ، ۋاڭ يۇڭ، شياۋ جيە جوعارىداعى قيمىلدارعا قاتىناستى.
اي بارلاۋ ينجەنەرياسىنا باسشىلىق ەتۋ گرۋپپاسىنىڭ مۇشەلەرى مەن بايلانىسشىلارى، قاتىستى تاراۋلارداعى جاۋاپتى جولداستار، قاتىستى ولكەلەردىڭ، اۆتونوميالى رايونداردىڭ، توتە قاراستى قالالاردىڭ مىندەتتى قامتاماسىزداندىرۋ تاراۋلارىنداعى ۋاكىلدەر كەزدەسۋدە بىرگە بولدى.
اي بارلاۋ ينجەنەرياسىن اتقارۋ − پارتيا ورتالىق كوميتەتىنىڭ ەلىمىزدىڭ ەكونوميكالىق، عىلىم - تەحنيكالىق دامۋىنىڭ جالپى اۋقىمىن يگەرىپ جاساعان كەلەلى ستراتەگيالىق شەشىمى، ينجەنەريا نىسانى بەكىتىلگەننەن بەرى 6 رەتكى بارلاۋ مىندەتى تابىسپەن ورىندالدى. چاڭ - ى − 5 مىندەتى ەلىمىزدىڭ كۇردەلىلىك دارەجەسى ەڭ جوعارى، تەحنيكالىق اتتامالىعى ەڭ ۇلكەن جۇيەلى عارىش ينجەنەرياسى رەتىندە، 2020 – جىلى 12 - ايدىڭ 17 - كۇنى ەلىمىزدىڭ جەر شارى سىرتىنداعى اسپان دەنەلەرىنەن ۇلگى الىپ قايتا ورالۋىن تۇڭعىش رەت جۇزەگە اسىرىپ، بولاشاقتا ەلىمىزدىڭ اي شارى مەن پلانەتالاردى بارلاۋىنا بەرىك نەگىز قالادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
