شي جينپيڭ ەگيپەتتىڭ زۇڭتۇڭى سيسيمەن تەلەفوندا سويلەستى
2021.02.23 14:12 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 22 - كۇنى، بەيجيڭ. مەملەكەت ءتوراعاسى شي جينپيڭ 2 - ايدىڭ 22 - كۇنى كەشتە ەگيپەتتىڭ زۇڭتۇڭى سيسيمەن تەلەفوندا سويلەستى.
شي جينپيڭ بىلاي دەپ دارىپتەدى: ەگيپەت − جاڭا جۇڭگومەن تۇڭعىش رەت ديپلوماتيالىق قاتىناس ورناتقان اراب مەملەكەتى جانە افريكا مەملەكەتى، جۇڭگو - ەگيپەت قاتىناسى − جۇڭگو مەن اراب ەلدەرىنىڭ، جۇڭگو مەن افريكانىڭ ىنتىماقتاسا سەلبەسۋىنىڭ، ءوزارا پايدا جەتكىزىپ، تەڭ يگىلىككە كەنەلۋىنىڭ ۇلگىسى. جۇڭگو ەگيپەتتى باستان - اياق جۇڭگونىڭ ديپلوماتيالىق جالپى جاعدايىنداعى ماڭىزدى ورىنعا قويىپ كەلەدى، جۇڭگو − ەگيپەتتىڭ سەنىمدى دوسى جانە سەرىگى. جۇڭگو ەگيپەتتىڭ مەملەكەتتىڭ يەلىك ۇقىعىن، تاۋەلسىزدىگىن، تەرريتوريا تۇتاستىعىن قورعاۋ جولىندا جاساعان قۇلشىنىستارىن قولدايدى، ەگيپەت حالقىنىڭ ءوز ەلىنىڭ جاعدايىنا ۇيلەسەتىن دامۋ جولىمەن ءجۇرۋىن قولدايدى. جۇڭگو ەگيپەتپەن ساياسي سەنىمدىلىكتى بەكەمدەپ، ءبىر - ءبىرىن تاباندىلىقپەن قولداپ، حالىقارالىق جانە وڭىرلىك ىستەردەگى سايكەسۋدى، سەلبەسۋدى كۇشەيتىپ، كوپ جاقتىلىقتى جانە حالىقارالىق ادىلدىك پەن تۋراشىلدىقتى بىرگە قورعاۋدى قالايدى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن جۇڭگو مەن ەگيپەت ءبىر - ءبىرىن ىندەتكە شۇعىل توتەپ بەرۋدەگى زاتتارمەن قامداپ، تاۋقىمەتتى كۇندەگى شىنايى سۇيىسپەنشىلىكتى تولىق ايگىلەدى. جۇڭگو ەگيپەتپەن ۆاكسينا سەلبەستىگىن كۇشەيتىپ، حالىقارالىق قوعامنىڭ ىنتىماقتاسا وتىرىپ ىندەتكە قارسى اتتانۋىن قولداپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋدى ىلگەرىلەتۋگە پەيىل.
شي جينپيڭ بىلاي دەپ اتاپ كورسەتتى: جۇڭگو مەن ەگيپەتتىڭ ناقتى سەلبەستىگى ىندەتتىڭ ىقپالىن جەڭىپ، تاماشا دامۋ جاعدايىن ساقتادى، كەلەلى سەلبەستىك نىساندارى تارتىپپەن ىلگەرىلەپ، زاڭ اتقارۋ حاۋىپسىزدىگى، عارىش سياقتى سالالارداعى سەلبەستىكتە بەلسەندى ىلگەرىلەۋشىلىككە قول جەتكىزىلدى. جۇڭگو مەن ەگيپەت دامۋ ستراتەگياسىن ۇشتاستىرۋدى كۇشەيتىپ، «ءبىر بەلدەۋ، ءبىر جولدى» قول ۇستاسا وتىرىپ بىرگە قۇرۋى كەرەك. جۇڭگو اناعۇرلىم كوپ جۇڭگو كاسىپورنىنىڭ ەگيپەتكە بارىپ قارجى قوسۋىن قولدايدى، ەگيپەتپەن نەگىزدىك قۇرىلعى قۇرىلىسى، ءوندىرىس قۋاتى، عىلىم - تەحنيكا سياقتى سالالارداعى سەلبەستىكتى كەڭەيتىپ، جۇڭگو مەن ەگيپەتتىڭ جان - جاقتى ستراتەگيالىق سەرىكتەستىك قاتىناسىنىڭ تىڭ ساتىعا كوتەرىلۋىن ىلگەرىلەتۋگە پەيىل.
سيسي جۇڭگو كوممۋنيستىك پارتياسى قۇرىلعانىنىڭ 100 جىلدىعىن قىزۋ قۇتتىقتادى. سيسي مىنانى ءبىلدىردى: بيىل − ەگيپەت پەن جۇڭگونىڭ ديپلوماتيالىق قاتىناس ورناتقانىنىڭ 65 جىلدىعى. ەگيپەت پەن جۇڭگونىڭ ءداستۇرلى دوستىعى تەرەڭ، ەكى ەل قاتىناسى بەرىك، دوستىق، حالىقارالىق ىستەردەگى سەلبەستىگى تىعىز، بۇل ەكى ەل حالىقتارىنىڭ مۇددەسىن پارمەندى جەبەدى. ەگيپەت جۇڭگونىڭ شياڭگاڭعا، شينجياڭعا، تايۋانعا ساياتىن ماسەلەلەردەگى پرينسيپتىك مايدانىن باتىل قولدايدى، جۇڭگونىڭ مەملەكەتتىڭ يەلىك ۇقىعىن، حاۋىپسىزدىگىن، تۇتاستىعىن قورعاۋىن باتىل قولدايدى، ادامدىق ۇقىقتى سىلتاۋ ەتىپ جۇڭگونىڭ ىشكى ىسىنە كيلىگۋگە باتىل قارسى تۇرادى. ەگيپەت اناعۇرلىم كوپ جۇڭگو كاسىپورنىنىڭ ەگيپەتكە بارىپ قارجى قوسىپ، سەلبەستىك جاساۋىن قارسى الادى، جۇڭگومەن بىرگە قۇلشىنىپ، ەگيپەت پەن جۇڭگونىڭ جالپى بەتتىك ستراتەگيالىق سەرىكتەستىك قاتىناسىن ءتىپتى دە جوعارىلاتۋدى قالايدى. جۇڭگونىڭ افريكا مەن وركەندەپ كەلە جاتقان ەلدەردىڭ جاڭا تيپتى ايدارشا ۆيرۋس وكپە قابىنۋ ىندەتىمەن كۇرەسۋىنە باستان - اياق قاستەرلى قولداۋ كورسەتىپ كەلگەنىنە العىس ايتامىن، جۇڭگومەن ۆاكسينا سەلبەستىگىن ۇزدىكسىز كۇشەيتۋدى ءۇمىت ەتەمىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
