مەملەكەتتىك كەڭەس «جاسىل، تومەن كومىرتەكتى، اينالمالى ەكونوميكانى دامىتۋ جۇيەسىن جەدەل ورناتۋ جانە كەمەلدەندىرۋ جونىندەگى جەتەكشى پىكىردى» باسىپ تاراتتى
2021.02.23 14:13 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 22 – كۇنى، بەيجيڭ. مەملەكەتتىك كەڭەس تاياۋدا «جاسىل، تومەن كومىرتەكتى، اينالمالى ەكونوميكانى دامىتۋ جۇيەسىن جەدەل ورناتۋ جانە كەمەلدەندىرۋ جونىندەگى جەتەكشى پىكىردى» (تومەندە قىسقاشا «جەتەكشى پىكىر» دەلىنەدى) باسىپ تاراتتى.
«جەتەكشى پىكىردە» مىنالار اتاپ كورسەتىلدى: جاسىل، تومەن كومىرتەكتى، اينالمالى ەكونوميكانى دامىتۋ جۇيەسىن ورناتىپ جانە كەمەلدەندىرىپ، ەكونوميكالىق، قوعامدىق دامۋدىڭ جالپى بەتتىك جاسىل تيپكە وزگەرۋىن جەبەۋ − ەلىمىزدىڭ بايلىق، ورتا، ەكولوگيا ماسەلەسىن شەشۋدەگى نەگىزدىك شاراسى. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، شي جينپيڭ ەكولوگيالىق وركەنيەت يدەياسىن جاپپاي دايەكتىلەندىرىپ، جاڭا دامۋ ۇستانىمىن بۇلجىتپاي دايەكتىلەندىرىپ، جاسىل جوسپاردى، جاسىل جوبانى، جاسىل قارجى قوسۋدى، جاسىل قۇرىلىستى، جاسىل ءوندىرىستى، جاسىل اينالىمدى، جاسىل تۇرمىستى، جاسىل تۇتىنۋدى جان - جاقتى، جالپى بارىس بويىنشا ىلگەرىلەتىپ، دامۋ ىستەرىن بايلىقتان جوعارى ونىمدىلىكپەن پايدالانۋ، ەكولوگيالىق ورتانى قاتاڭ قورعاۋ، جىلىجاي گازىنىڭ شىعارىلۋىن ءونىمدى تىزگىندەۋ نەگىزىندە جۇرگىزىپ، ساپالى دامۋ مەن جوعارى ورەلى قورعاۋدى ءبىر تۇتاس جوسپارلاپ ىلگەرىلەتىپ، كومىرتەگىنىڭ ىعىستىرىلۋىن جوعارى شەككە جەتكىزۋ، كومىرتەگىن بەيتاراپتاندىرۋ نىساناسىن جۇزەگە اسىرۋعا كەپىلدىك ەتىپ، ەلىمىزدىڭ جاسىل دامۋىنىڭ تىڭ ساتىعا كوتەرىلۋىن ىلگەرىلەتۋ كەرەك.
«جەتەكشى پىكىردە» بىلاي دەپ ايقىن بەلگىلەندى: 2025 – جىلعا بارعاندا، كاسىپ قۇرىلىمى، ەنەرگيا قۇرىلىمى، تاسىمال قۇرىلىمى كورنەكتى جاقسارتىلادى، جاسىل كاسىپتىڭ ارا سالماعى كورنەكتى جوعارىلاتىلادى، نەگىزدىك قۇرىلعىلاردى جاسىلداندىرۋ ورەسى ۇزدىكسىز جوعارىلاتىلادى، تازا ءوندىرىس ورەسى ۇزدىكسىز جوعارىلاتىلادى، ءوندىرىس، تۇرمىس ءتاسىلىنىڭ جاسىل تيپكە بۇرىلىس جاساۋ ناتيجەسى كورنەكتى جاقسارتىلادى، ەنەرگيا بايلىعىن ورنالاستىرۋ اناعۇرلىم ۇيلەسىمدى، پايدالانۋ ونىمدىلىگى بارىنشا جوعارى بولادى، نەگىزگى لاس زاتتاردىڭ شىعارىلۋ جالپى مولشەرى ۇزدىكسىز ازايتىلادى، كومىرتەگىن شىعارۋ كۇشەمەلىلىگى كورنەكتى تومەندەتىلەدى، ەكولوگيالىق ورتا ۇزدىكسىز جاقسارتىلادى، بازار جەتەكشىلىگىندەگى جاسىل تەحنيكادا جاڭالىق جاراتۋ جۇيەسى اناعۇرلىم كەمەلدەندىرىلەدى، زاڭ – ەرەجە، ساياسات جۇيەسى ءتىپتى دە ونىمدى بولادى، جاسىل، تومەن كومىرتەكتى، اينالمالى دامۋ سىندى ءوندىرىس جۇيەسى، اينالىم جۇيەسى، تۇتىنۋ جۇيەسى العاشقى ادىمدا قالىپتاسادى. 2035 - جىلعا بارعاندا، جاسىل دامۋدىڭ ىشكى قوزعاۋشى كۇشى كورنەكتى ارتىپ، جاسىل كاسىپ سالاسىنىڭ كولەمى تىڭ ساتىعا كوتەرىلىپ، ءتۇيىندى كاسىپ سالالارىنىڭ، ءتۇيىندى ونىمدەردىڭ ەنەرگيا بايلىعىنان پايدالانۋ ونىمدىلىگى حالىقارالىق وزىق ورەگە جەتىپ، جاسىل ءوندىرىس، تۇرمىس ءتاسىلى كەڭ كولەمدە قالىپتاستىرىلىپ، كومىرتەگىن شىعارۋ جوعارى شەككە جەتكىزىلگەننەن كەيىن ورنىقتىلىق بارىسىندا تومەندەپ، ەكولوگيالىق ورتا تۇبىرىنەن جاقسارىپ، كورىكتى جۇڭگو قۇرىلىسى نىساناسى نەگىزىنەن جۇزەگە اسىرىلادى.
«جەتەكشى پىكىردە» ءتۇيىندى قىزمەت مىندەتتەرى 6 جاقتان ورنالاستىرىلدى. ءبىرىنشى، جاسىل، تومەن كومىرتەكتى اينالمالى دامۋدىڭ ءوندىرىس جۇيەسىن اقاۋسىزداندىرۋ. ونەركاسىپتىڭ جاسىلدىق دارەجەسىن جوعارىلاتۋدى ىلگەرىلەتىپ، اۋىل شارۋاشىلىعىنىڭ جاسىل دامۋىن جەدەلدەتىپ، قىزمەت وتەۋ كاسىبىنىڭ جاسىل دامۋ دەڭگەيىن جوعارىلاتىپ، جاسىل قورشاعان ورتانى قورعاۋ كاسىبىن زورايتىپ، كاسىپ باقشا رايونى مەن كاسىپ شوعىرىنىڭ اينالىم دەڭگەيىن جوعارىلاتىپ، جاسىل قامداۋ تىزبەگىن قۇرۋ. ەكىنشى، جاسىل، تومەن كومىرتەكتى اينالمالى دامۋدىڭ اينالىم جۇيەسىن اقاۋسىزداندىرۋ. تاسىمال قۇرىلىمىن بەلسەنە رەتتەپ، زات اينالىمى تاسىمالىن ۇيىمداستىرۋدى، باسقارۋدى كۇشەيتىپ، جاسىل، تومەن كومىرتەكتى تاسىمال قۇرالدارىن جالپىلاستىرىپ، قايتا تۋىندايتىن بايلىقتى جيناپ الىپ پايدالانۋدى كۇشەيتىپ، جاسىل ساۋدا جۇيەسىن ورناتۋ. ءۇشىنشى، جاسىل، تومەن كومىرتەكتى اينالمالى دامۋدىڭ تۇتىنۋ جۇيەسىن اقاۋسىزداندىرۋ. جاسىل ونىمدەردى تۇتىنۋدى جەبەپ، جاسىل، تومەن كومىرتەكتى تۇرمىس ءتاسىلىن دارىپتەپ، اس - سۋ ىسىراپشىلدىعىنا باتىل تيىم سالىپ، تۇرمىستىق قوقىر - قوقسىقتاردى تۇرگە ايىرۋدى جانە مولشەرىن ازايتۋدى، بايلىققا اينالدىرۋدى جەرگىلىكتى جاعدايعا قاراي ىلگەرىلەتىپ، سۋلياۋمەن لاستانۋدىڭ تۇتاس تىزبەگىن جونگە سالۋدى ىلگەرىلەتۋ. ءتورتىنشى، نەگىزدىك قۇرىلعىلاردىڭ جاسىلدىق دارەجەسىن جوعارىلاتۋدى جەدەلدەتۋ. ەنەرگيا جۇيەسىنىڭ جاسىل، تومەن كومىرتەكتى تيپكە بۇرىلىس جاساۋىن ىلگەرىلەتىپ، ەنەرگيا تۇتىنۋىنىڭ جالپى مولشەرى مەن كۇشەمەلىلىگىن بىردەي تىزگىندەۋ ءتۇزىمىن كەمەلدەندىرىپ، قالا - قالاشىقتاردىڭ قورشاعان ورتا نەگىزدىك قۇرىلعى قۇرىلىسىنىڭ دارەجەسىن جوعارىلاتۋدى ىلگەرىلەتىپ، قاتىناس نەگىزدىك قۇرىلعىلارىنىڭ جاسىل دامۋ دەڭگەيىن جوعارىلاتىپ، قالا مەن اۋىلدىڭ قونىس ورتاسىن جاقسارتۋ. بەسىنشى، بازاردى باعدار ەتكەن جاسىل تەحنيكادا جاڭالىق اشۋ جۇيەسىن ورناتۋ. جاسىل، تومەن كومىرتەكتى تەحنيكانى زەرتتەپ اشۋعا دەم بەرىپ، عىلىم - تەحنيكا تابىسىنىڭ كادەگە جاراۋىن جەدەلدەتۋ. التىنشى، زاڭ - ەرەجە، ساياسات جۇيەسىن كەمەلدەندىرۋ. زاڭ - ەرەجەنىڭ تىرەك بولۋ رولىن كۇشەيتىپ، جاسىل اقى الۋ باعا مەحانيزمىن اقاۋسىزداندىرىپ، قازىنا - سالىق جاعىنان سۇيەمەلدەۋ سەرپىنىن ارتتىرىپ، جاسىل فينانستى بار كۇشپەن دامىتىپ، جاسىل ولشەم، جاسىل كۋالاندىرۋ جۇيەسىن جانە ساناق باقىلاۋ - تەكسەرۋ ءتۇزىمىن كەمەلدەندىرىپ، جاسىل ساۋدا بازارى مەحانيزمىن جەتىلدىرۋ.
«جەتەكشى پىكىردە» مىنالار تالاپ ەتىلدى: جەر - جەر، قاتىستى تاراۋلار يدەيانى، شارانى، ارەكەتتى تياناقتاندىرىپ، قىزمەت جاۋاپكەرلىگىن اناعۇرلىم ناقتىلاندىرىپ، قۋزاۋ - تياناقتاندىرۋدى كۇشەيتىپ، ءتۇرلى مىندەتتەردى ساپاعا، سانعا كەپىلدىك ەتە وتىرىپ ورىنداۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
