مەملەكەتتىك كەڭەس شياڭگاڭ، اۋمىن كەڭسەسىنىڭ مالىمدەمەشىسى:
مەملەكەتتىك حالىق قۇرىلتايىنىڭ قاتىستى قارارىن قارالاۋعا قاتاڭ قارسى تۇرامىز
2021.03.15 16:23 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 14 - كۇنى، بەيجيڭ. مەملەكەتتىك كەڭەس شياڭگاڭ، اۋمىن ىستەرى كەڭسەسىنىڭ مالىمدەمەشىسى 3 - ايدىڭ 14 - كۇنى 7 ەل توبىنىڭ مالىمدەمە جاريالاپ مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ جونىندەگى قارارىن قارالاۋىنا قاراتا ءسوز جاريالاپ، قاتىستى ەلدەردىڭ جۇڭگونىڭ ىشكى ىستەرىنە كيلىگۋىنە قاتاڭ قارسى تۇراتىنىمىزدى ءبىلدىردى.
مالىمدەمەشى مىنانى ءبىلدىردى: مەملەكەتتىك حالىق قۇرىلتايى شياڭگاڭ ەرەكشە اكىمشىلىك رايونىنىڭ سايلاۋ تۇزىمىنە وزگەرىس ەنگىزدى جانە ونى كەمەلدەندىردى، بۇل − مۇلدەم جۇڭگونىڭ ىشكى ءىسى، ءارقانداي شەتەلدىڭ الباتى سويلەۋ تولىمدىلىعى جوق. 7 ەل توبىنىڭ مەملەكەتتىك حالىق قۇرىلتايىنىڭ قاتىستى قارارى جونىندە جاريالاعان مالىمدەمەسى شىندىقتى بۇرمالاپ، بەتالدى باعا بەرىپ، حالىقارالىق زاڭ مەن حالىقارالىق قاتىناستىڭ نەگىزگى ولشەمىنە قايشىلىق جاسادى، بۇل جۇڭگونىڭ ىشكى ىسىنە دورەكىلىكپەن كيلىككەندىك سانالادى.
مالىمدەمەشى بىلاي دەپ اتاپ كورسەتتى: مەملەكەتتىك حالىق قۇرىلتايى بىرنەشە كۇننىڭ الدىندا شياڭگاڭنىڭ سايلاۋ ءتۇزىمىن كەمەلدەندىرۋ قارارىن شىعاردى، مۇنداعى ماقسات − «ءبىر ەل، ەكى ءتۇزىمنىڭ» شياڭگاڭدا نىق قاداممەن ۇزاق ۋاقىت جۇرگىزىلۋىنە تۇزىمدىك نەگىز قالاۋ. بۇل − شياڭگاڭدىق باۋىرلاستاردى قامتىعان بۇكىل جۇڭگو حالقىنىڭ ورتاق تىلەگى، شياڭگاڭنىڭ باياندى تىنىشتىعىنا كەپىلدىك ەتۋدىڭ ءتۇبىرلى شاراسى. اماليات مىنانى دالەلدەدى: «ءبىر ەل، ەكى ءتۇزىم» باعىتىن جاپپاي دۇرىس دايەكتىلەندىرۋ ءۇشىن، ءسوز جوق، «وتانشىلداردىڭ شياڭگاڭدى باسقارۋىن» جۇزەگە اسىرۋ كەرەك؛ شياڭگاڭنىڭ گۇلدەنۋى مەن ورنىقتىلىعىن قورعاۋ ءۇشىن، ءسوز جوق، «وتانشىلداردىڭ شياڭگاڭدى باسقارۋىن» جۇزەگە اسىرۋ كەرەك؛ شياڭگاڭ دەموكراتياسىنىڭ ورنىقتى دامۋىن ىلگەرىلەتۋ ءۇشىن، ءسوز جوق، «وتانشىلداردىڭ شياڭگاڭدى باسقارۋىن» جۇزەگە اسىرۋ كەرەك.
مالىمدەمەشى مىنانى ءبىلدىردى: «شياڭگاڭ تاۋەلسىزدىگى»، «قارا، سۇرقيا كۇشتەر»، «دۇرلىكتىرۋ» سياقتى زاڭعا قايشى ارەكەتتەر شياڭگاڭدا ءبىر مەزەت لاڭ سالدى، بۇل باتىستاعى كەيبىر ەلدەردىڭ اشىق نەمەسە جاسىرىن قولداۋىمەن تىكەلەي قاتىستى. شياڭگاڭ جاعدايى بىلىقپالىقتان جونگە سالۋعا بۇرىلىس جاساپ، كۇن سايىن جاقسارعان بۇگىنگى تاڭدا از ساندى باتىس ەلدەرى ءالى دە «ەركىندىك»، «دەموكراتيا» دەگەندى جەلەۋ ەتىپ، شياڭگاڭ ىستەرىنە بارىنشا كەدەرگىلىك جاسادى، مۇنداعى ساياسي قاسكۇنەمدىكتى جۇرتتىڭ ءبارى بىلەدى. ورتالىق ۇكىمەت «ءبىر ەل، ەكى ءتۇزىم» باعىتىن دايەكتىلەندىرىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن جانە شياڭگاڭنىڭ ۇزاق ۋاقىت گۇلدەنىپ - كوركەيۋىن، ورنىقتىلىعىن قورعاۋ بەكىمىنەن اۋىتقىمايدى، سىرتقى كۇشتەردىڭ شياڭگاڭ ىستەرىنە كيلىگۋىنە جانە جۇڭگونىڭ ىشكى ىسىنە كيلىگۋىنە قارسى تۇرۋ بەكىمىنەن اۋىتقىمايدى، ءارقانداي زورەكەرلىك ارەكەت، ءسوز جوق، جەڭىلىسپەن تىنادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
