قارامايلى قالاسى حۇڭچي مينجۋ الەۋمەتتىك اۋماعى قىزىل ەستەلىك كورمە سارايىنا سۇيەنىپ پارتيا تاريحىن ۇيرەنۋ تاربيەسىن ورىستەتتى −
قىزىل ەستەلىكتى جۇرەككە ماڭگى ۇيالاتايىق
انار بۇلت / شينجياڭ گازەتىنىڭ ءتىلشىسى گى يوۋجۇن، ەرىكتى ءتىلشى حاۋ جيانمەي
2021.03.16 16:38 كەلۋ قاينارى : شينجياڭ گازەتى
”بۇل سۋرەت ءتوراعا ماۋ زىدۇڭ بۇكىل دۇنيە جۇزىنە ’جۇڭحۋا حالىق رەسپۋبليكاسى قۇرىلدى‘ دەپ سالتاناتپەن جاريالاعان كەزدەگى سۋرەت“، ”مىناۋ 1973 - جىلى ءتوراعا ماۋ زىدۇڭ جۇڭگو كوممۋنيستىك پارتياسىنىڭ 10 - قۇرىلتايىنا قاتىناسقان كەزدەگى سۋرەت...“
3 - ايدىڭ 9 - كۇنى قارامايلى قالاسى قارامايلى رايونى جەڭىس جولى ءمالىسى حۇڭچي مينجۋ الەۋمەتتىك اۋماعى پارتيا مۇشەلەرىن ۇيىمداستىرىپ، قىزىل ەستەلىك كورمە سارايىندا نەگىزگى تاقىرىپتىق پارتيا كۇنى قيمىلىن ورىستەتتى، كوپشىلىك كورمە سارايىنىڭ قۇرۋشىسى چىن جياننىڭ تانىستىرۋىندا، سارايداعى قىزىل ساقتاۋلى زاتتاردى كورىپ، جۇڭگو كوممۋنيستىك پارتياسى قۇرىلعان 100 جىلدان بەرگى بوران - شاشىندى كەشىرمەلەردى ەسكە ءتۇسىردى.
قىزىل ەستەلىك كورمە سارايى حۇڭچي مينجۋ الەۋمەتتىك اۋماعىنا ورنالاسقان، يەلەگەن اۋماعى 430 شارشى مەتر، قىزىل ساقتاۋلى زاتتاردى جيناپ ساقتاۋشى اۋەسكەر چىن جيان قۇرعان.
چىن جيان بالا كەزىنەن قىزىل ەستەلىك ءمانى بار زاتتاردى جيناۋعا اۋەس بولدى. وتكەن عاسىردىڭ 90 - جىلدارىندا قارامايلى قالاسىندا ءبىر ساقتاۋلى زاتتاردى ساتاتىن شاعىن بازار بولدى، ءار اپتانىڭ سوڭىندا ول سول اراعا بارىپ ”اسىل بۇيىمداردى“ ىزدەيتىن. ساياحاتتاي سىرتقا شىققاندا دا جەرگىلىكتى ورىندارداعى ساقتاۋلى زاتتار بازارىنا بارىپ ارالاپ قايتاتىن. وسىنداي اۋەستىكپەن چىن جياننىڭ جيناعان قىزىل ساقتاۋلى زاتتارى بارعان سايىن كوبەيىپ، اتاعى دا شىعا باستادى.
سوڭعى جىلداردا كوپتەگەن ادام ونىڭ وسى قىزىل ساقتاۋلى زاتتارىن جوعارى باعامەن ساتىپ الماقشى بولدى، ءبىراق ءبارىن دە چىن جيان تويتارىپ تاستادى. ول بىلاي دەدى: ”قىزىل ساقتاۋلى زاتتاردى ساتۋعا بولمايدى. كەيىن تەگىن كورمە سارايىن اشىپ، پارتيا تاريحىن ۇيرەنۋ تاربيەسىنە كۇش قوسسام دەگەن ارمانىم بار“.
حۇڭچي مينجۋ الەۋمەتتىك اۋماعىنداعى كادرلار مەن قارامايلى قالالىق جاراتىلىستىق بايلىق مەكەمەسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا اتالعان الەۋمەتتىك اۋماقتا تۇراتىن قىزمەت اترەتىنىڭ مۇشەلەرى ارالاپ جاعداي ۇعىسۋ بارىسىندا، ونىڭ بۇل ويىن بىلگەن سوڭ، ارمانىن ورىنداۋىنا كومەكتەسۋگە بەكىنەدى. كوپ جاقتىڭ سايكەستىرۋىندە، 2018 - جىلى 5 - ايدا، الەۋمەتتىك اۋماق تۇرعىندار قيمىل ءۇيىن قازىرگى قىزىل ەستەلىك كورمە سارايىنا وزگەرتىپ جاسادى.
سارايدا كورمەگە قويىلعان زاتتاردان وتكەن عاسىردىڭ 50 - جىلدارىنان بۇگىنگە دەيىنگى توسبەلگى، سۋرەتتى جۋرنال، ءمۇسىن، كىتاپ قاتارلى 8000نان استام زات بار. مەملەكەت قۇرۋشى ارداگەرلەردى تانىستىرۋ، كوسەم كەلبەتى، كوسەم مەن ءار ۇلت حالقى جۇرەكتەس، شۇعىلالى ءومىر، ادەبيەت - كوركەمونەر شىعارماشىلىعىندا بارلىق گۇل شەشەك اتتى قاتارلى 5 كورمە اۋماعى بويىنشا ءتىزىلدى. سارايداعى باسىم كوپ ساندى ساقتاۋلى زاتتاردى چىن جيان اقىسىز بەرگەن، ءبىر ءبولىم ىنتالى ساقا پارتيا مۇشەلەرى، الەۋمەتتىك اۋماقتاعى تۇرعىندار دا وزدەرى ساقتاعان زاتتاردى تارتۋ ەتتى. 2019 - جىلى 5 - ايدا قىزىل ەستەلىك كورمە سارايىنا قارامايلى قالا دارەجەلى ”وتانشىلدىق تاربيە بازاسى“ اتى بەرىلدى.
قىزىل ەستەلىك كورمە سارايى قۇرىلعاننان كەيىن، كوپتەگەن ورىنداردى، جەكەلەردى ەكسكۋرسيالاۋعا باۋرادى. حۇڭچي مينجۋ الەۋمەتتىك اۋماعى پارتكومىنىڭ شۋجيى تە يان مىنالاردى ءبىلدىردى: كورمە سارايى جاڭا جۇڭگونىڭ قالاي بارلىققا كەلگەندىگىن، بۇگىنگى باقىتتى تۇرمىستىڭ قالاي قولعا كەلگەندىگىن باياندايدى. بۇل دا الەۋمەتتىك اۋماقتىڭ كۇش سالا قولداۋ كورسەتىپ وسى سارايدى سالۋىنداعى تۇپكى ويى، اناعۇرلىم كوپ ادامنىڭ پارتيا تاريحىن ۇيرەنۋىن، پارتيا تاريحىن ەستە بەرىك ساقتاۋىن ءۇمىت ەتەمىز.
3 - ايدىڭ 5 - كۇنى قارامايلى قالالىق جاراتىلىستىق بايلىق مەكەمەسى ورگان پارتكومىنان 10 نەشە ادام كەلىپ قىزىل ەستەلىك كورمە سارايىن ەكسكۋرسيالاپ، پارتياعا كىرگەندەگى سەرتىن قايتالاي ەسكە ءتۇسىرۋ قيمىلىن ورىستەتتى. قارامايلى قالالىق جاراتىلىستىق بايلىق مەكەمەسى ورگان پارتكومىنىڭ ورىنباسار شۋجيى زىڭ يان بىلاي دەدى: ”ەكسكۋرسياعا كەلگەن پارتيالى كادرلاردىڭ بارلىعىنىڭ تاريحتى ەستە بەرىك ساقتاپ، قاجىرلىلىقپەن شايقاس جاساۋدىڭ ۇتىلامالى تاياقشاسىن الىپ، قىزمەتتە باتىلدىقپەن جۇكتىڭ اۋىرىن ارقالاپ، قاجىرلىلىقپەن ىستەپ، ناقتى ىستەپ جاڭا ءداۋىردىڭ جاڭا ساپارىندا پارتيانىڭ، وتاننىڭ ءۇمىتىن اقتاعان كۇرەس ىزدەرىن قالدىرۋىن ءۇمىت ەتەمىن“.
قازىرگە دەيىن، قارامايلى قالاسىندا 708 كاسىپورىن، ءىسورىن قىزىل ەستەلىك كورمە سارايىندا نەگىزگى تاقىرىپتىق پارتيا كۇنى قيمىلىن ورىستەتتى، ساراي اشىلعاننان بەرى ەكسكۋرسيالاعان ادام سانى 500 مىڭ ادام - رەتتەن استى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
