«ىزدەنۋ» جۋرنالى باس شۋجي شي جينپيڭنىڭ «دۇنيە ءجۇزىنىڭ باستى عىلىم ورتالىعى جانە جاڭالىق جاراتۋ بەلەسى بولۋعا قۇلشىنايىق» دەگەن ماڭىزدى ماقالاسىن جاريالايدى
2021.03.16 16:15 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 15 - كۇنى، بەيجيڭ. 3 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 6 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «دۇنيە ءجۇزىنىڭ باستى عىلىم ورتالىعى جانە جاڭالىق جاراتۋ بەلەسى بولۋعا قۇلشىنايىق» دەگەم ماڭىزدى ماقالاسى جاريالانادى.
ماقالادا مىنالار دارىپتەلدى: عىلىم - تەحنيكا مەملەكەتتىڭ بولاشاعى مەن تاعدىرىنا بۇگىنگىدەي تەرەڭ ىقپال جاساپ كورگەن ەمەس، حالىقتىڭ تۇرمىسى مەن باقىتىنا بۇگىنگىدەي تەرەڭ ىقپال جاساپ كورگەن ەمەس. جۇڭگونى قۇدىرەتتەندىرۋ، گۇلدەندىرۋ ءۇشىن، ءسوز جوق، عىلىم - تەحنيكانى بار كۇشپەن دامىتىپ، دۇنيە ءجۇزىنىڭ باستى عىلىم ورتالىعى جانە جاڭالىق جاراتۋ بەلەسى بولۋعا قۇلشىنۋ كەرەك. جاعداي، سايىس، بورىش ءبىزدى ماجبۇرلەپ وتىر. ءبىز عىلىم - تەحنيكادا دۇنيە جۇزىندەگى قۇدىرەتتى ەل قۇرۋعا تاريحتاعى ءارقانداي كەزدەگىدەن دە مۇقتاجبىز! ەلىمىزدەگى قالىڭ عىلىم - تەحنيكا قىزمەتكەرلەرى جالپى بەتالىستى يگەرىپ، ۇتىمدى ورايدى قالت جىبەرمەي، ماسەلەگە بەتپە - بەت كەلىپ، قيىندىقتى جەڭە ورگە ۇمتىلىپ، دۇنيە ءجۇزى عىلىم - تەحنيكاسىنىڭ الدىڭعى لەگىن كوزدەپ، عىلىم - تەحنيكانىڭ دامۋ بەتالىسىنا جەتەكشىلىك ەتىپ، تاريح جۇكتەگەن اۋىر مىندەتتى ارقالاپ، باتىلدىقپەن جاڭا داۋىردەگى عىلىم - تەحنيكادا جاڭالىق اشۋدىڭ سەركەسى بولۋى كەرەك.
ماقالادا مىنالار اتاپ كورسەتىلدى: جاڭالىق اشۋدىڭ ءبىرىنشى قوزعاۋشى كۇش ەكەنىن جەتە تانىپ، ساپالى عىلىم - تەحنيكامەن قامداۋ، وسىزاماندانعان ەكونوميكالىق جۇيە قۇرىلىسىنا كۇش سالا تىرەك بولۋ كەرەك. دەربەس جاڭالىق اشۋدى بۇلجىماس مۇرات ەتىپ، جاڭالىق اشۋ سەنىمىن بەكەمدەپ، دەربەس جاڭالىق اشۋ قابىلەتىن كۇش سالا نىعايتۋ كەرەك. دەربەس جاڭالىق جاراتۋ − ءبىزدىڭ دۇنيە جۇزىلىك عىلىم - تەحنيكانىڭ شىڭىنا شىعۋدا، ءسوزسىز، باسىپ وتەتىن جولىمىز. شەشۋشى، وزەكتى تەحنيكالاردى سۇراپ الۋعا، ساتىپ الۋعا، تىلەپ الۋعا بولمايدى. شەشۋشى، وزەكتى تەحنيكالاردى ءوز قولىمىزدا ۇستاعاندا عانا، مەملەكەتتىڭ ەكونوميكالىق حاۋىپسىزدىگىن، قورعانىس حاۋىپسىزدىگىن جانە باسقا دا حاۋىپسىزدىگىن تۇبىرىنەن قامتاماسىزداندىرا الامىز.
ماقالادا مىنالار اتاپ كورسەتىلدى: عىلىم - تەحنيكا ءتۇزىلىسى رەفورماسىن جاپپاي تەرەڭدەتىپ، جاڭالىق اشۋ جۇيەسىنىڭ ونىمدىلىگىن جوعارىلاتىپ، جاڭالىق اشۋ ومىرشەڭدىك كۇشىن كۇش سالا قاۋلاتۋ كەرەك. عىلىم - تەحنيكادا جاڭالىق اشۋعا تۇساۋ بولاتىن بارلىق يدەيالىق كەدەرگىلەر مەن تۇزىمدىك بۇعاۋلاردى الاستاپ، عىلىم - تەحنيكادا جاڭالىق اشۋ مەن تۇزىمدە جاڭالىق اشۋدىڭ «قوس قوزعاۋشى كۇشىندە» تاباندى بولىپ، تەحنيكادا جاڭالىق اشۋ جۇيەسىنىڭ جوعارى دەڭگەيلى جوباسىن ساپالىلاندىرۋ جانە كۇشەيتۋ كەرەك. دۇنيە ءجۇزىنىڭ عىلىم - تەحنيكالىق جونگە سالۋىنا ىشكەرىلەي ات سالىسىپ، جۇڭگونىڭ اقىل - پاراساتىن ارناپ، ادامزاتتىڭ تاعدىرلاس ورتاق تۇلعاسىن قۇرۋدى كۇش سالا ىلگەرىلەتۋ كەرەك.
ماقالادا مىنالار اتاپ كورسەتىلدى: دارىندىلاردىڭ دامۋعا جەتەكشىلىك ەتەتىن ستراتەگيالىق ورنىن بەرىك ورناتىپ، دارىندىلاردى جاپپاي شوعىرلاندىرىپ، جاڭالىق اشا دامۋدىڭ دارىندىلار نەگىزىن كۇش سالا بەكەمدەۋ كەرەك. جاڭالىق اشۋدىڭ جولى ادامعا عانا ءتان. دارىندىلاردى باعالاۋ مەحانيزمىندە جاڭالىق اشىپ، دارىندىلاردىڭ جەتىلۋىنە ءتيىمدى تاربيەلەۋ مەحانيزمىن، پايدالانۋ مەحانيزمىن، شابىتتاندىرۋ مەحانيزمىن، باسەكە مەحانيزمىن جەدەل قالىپتاستىرىپ، دۇنيە جۇزىندەگى تاڭداۋلى دارىندىلار ەل ىشىندە باس قوسىپ، ەمىن - ەركىن باسەكەلەسەتىن جاڭالىق اشۋ جاعدايىن قالىپتاستىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
