تەكشە ەكونوميكاسىنىڭ جۇيەلى، اقاۋسىز، باياندى دامۋىن ىلگەرىلەتىپ، كومىرتەگى قوس توتىعىنىڭ ىعىستىرىلۋىن ەڭ جوعارى شەكتە تەجەۋ مەن كومىرتەگىن بەيتاراپتاندىرۋدى ەكولوگيالىق وركەنيەت قۇرىلىسىنىڭ جالپى تۇلعالىق ورنالاستىرۋىنا ەنگىزۋ كەرەك

لي كىچياڭ، ۋاڭ حۋنيڭ، حان جىڭ ماجىلىسكە قاتىناستى

2021.03.16 16:06 كەلۋ قاينارى : حالىق تورابى

كوشىرۋ

باسىپ شىعارۋ

لەبىز جازۋ

　　شينحۋا اگەنتتىگى، 3 - ايدىڭ 15 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق قازىنا - ەكونوميكا كوميتەتىنىڭ مەڭگەرۋشىسى شي جينپيڭ 3 - ايدىڭ 15 - كۇنى تۇستەن كەيىن ورتالىق قازىنا - ەكونوميكا كوميتەتىنىڭ 9 - رەتكى ءماجىلىسىن باسقارىپ اشىپ، تەكشە ەكونوميكاسىنىڭ اقاۋسىز دامۋىن جەبەۋ ماسەلەسى مەن كومىرتەگى قوس توتىعىنىڭ ىعىستىرىلۋىن ەڭ جوعارى شەكتە تەجەپ، كومىرتەگىن بەيتاراپتاندىرۋدى جۇزەگە اسىرۋدىڭ نەگىزگى وي جەلىسى مەن باستى شارالارىن اقىلداستى. شي جينپيڭ ماجىلىستە ماڭىزدى ءسوز سويلەپ مىنانى دارىپتەدى: ەلىمىزدىڭ تەكشە ەكونوميكاسىنىڭ دامۋى شەشۋشى كەزەڭدە تۇر. ۇزاق بولاشاقتى كوزدە ۇستاپ، كوز الداعى جاعدايعا تەڭ ءمان بەرىپ، ولقىلىقتاردى تولىقتاپ، ءالسىز بۋىنداردى كۇشەيتىپ، جاڭالىق جاراتۋ ورتاسىن جاراتىپ، كورنەكتى قايشىلىقتار مەن ماسەلەلەردى شەشىپ، تەكشە ەكونوميكاسىنىڭ جۇيەلى، اقاۋسىز، باياندى دامۋىن ىلگەرىلەتۋ كەرەك؛ كومىرتەگى قوس توتىعىنىڭ ىعىستىرىلۋىن ەڭ جوعارى شەكتە تەجەپ، كومىرتەگىن بەيتاراپتاندىرۋدى جۇزەگە اسىرۋ − كەڭ كولەمدى ءارى تەرەڭ ەكونوميكالىق، قوعامدىق جۇيەلىك وزگەرىس. كومىرتەگى قوس توتىعىنىڭ ىعىستىرىلۋىن ەڭ جوعارى شەكتە تەجەۋ مەن كومىرتەگىن بەيتاراپتاندىرۋدى ەكولوگيالىق وركەنيەت قۇرىلىسىنىڭ جالپى تۇلعالىق ورنالاستىرۋىنا ەنگىزىپ، تاستا تابى قالارلىقتاي مىعىم شارالاردى قولدانىپ، 2030 - جىلدان بۇرىن كومىرتەگى قوس توتىعىنىڭ ىعىستىرىلۋىن ەڭ جوعارى شەكتە تەجەۋ، 2060 - جىلدان بۇرىن كومىرتەگىن بەيتاراپتاندىرۋ نىساناسىن ۋاعىندا جۇزەگە اسىرۋ كەرەك.

　　ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى، ورتالىق قازىنا - ەكونوميكا كوميتەتى مەڭگەرۋشىسىنىڭ ورىنباسارى لي كىچياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى، ورتالىق قازىنا - ەكونوميكا كوميتەتىنىڭ مۇشەسى ۋاڭ حۋنيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى، ورتالىق قازىنا - ەكونوميكا كوميتەتىنىڭ مۇشەسى حان جىڭ ماجىلىسكە قاتىناستى.

　　ءماجىلىس مەملەكەتتىك دامۋ - رەفورما كوميتەتىنىڭ، جۇڭگو حالىق بانكەسىنىڭ، مەملەكەتتىك بازار باقىلاۋ - باسقارۋ باس مەكەمەسىنىڭ تەكشە ەكونوميكاسىنىڭ اقاۋسىز دامۋىن جەبەۋ جونىندەگى مالىمەتىن تىڭدادى، مەملەكەتتىك دامۋ - رەفورما كوميتەتىنىڭ، ەكولوگيالىق ورتا مينيسترلىگىنىڭ، جاراتىلىستىق بايلىق مينيسترلىگىنىڭ كومىرتەگى قوس توتىعىنىڭ ىعىستىرىلۋىن ەڭ جوعارى شەكتە تەجەۋدى، كومىرتەگىن بەيتاراپتاندىرۋدى جۇزەگە اسىرۋدىڭ جالپىلىق وي جەلىسى مەن باستى شارالارى جونىندەگى مالىمەتىن تىڭدادى.

　　ءماجىلىس بىلاي دەپ اتاپ كورسەتتى: سوڭعى جىلداردان بەرى ەلىمىزدىڭ تەكشە ەكونوميكاسى جەدەل دامىپ، ەكونوميكالىق، قوعامدىق دامۋدىڭ جالپى جاعدايىنداعى ورنى مەن رولى كۇن سايىن كورنەكتىلەنە ءتۇستى. تەكشە ەكونوميكاسى تۇتاس قوعامنىڭ بايلىقتى ورنالاستىرۋ ونىمدىلىگىن جوعارىلاتۋعا، تەحنيكا مەن كاسىپ وزگەرىسىنىڭ ينفورماتسيالاندىرۋ، سيفرلاندىرۋ، زەردەلىلەندىرۋ بەتالىسىنا قاراي جەدەل ءوتۋىن ىلگەرىلەتۋگە، حالىق شارۋاشىلىعى اينالىمىنىڭ ءارقايسى بۋىنىن تۇتاستىرۋعا ءتيىمدى، سونداي - اق مەملەكەتتى جونگە سالۋدىڭ زەردەلىلەنۋ، جالپى وڭىرلەنۋ، دارالانۋ، اشالانۋ دەڭگەيىن جوعارىلاتۋعا ءتيىمدى. ەلىمىزدىڭ تەكشە شارۋاشىلىعى دامۋىنىڭ جالپى جاعدايى جاقسى، رولى بەلسەندى، سونىمەن بىرگە، كەيبىر كورنەكتى ماسەلەلەر دە ورىن تەۋىپ وتىر، كەيبىر تەكشە كاسىپورىندارىنىڭ دامۋى جۇيەلى ەمەس، حاۋىپ - قاتەر ءومىر سۇرۋدە، تەكشە ەكونوميكاسىنىڭ دامۋى جان - جاقتى بولماۋ، ولقىلىقتار ورىن تەبۋ، باقىلاۋ - باسقارۋ ءتۇزىلىسى ۇيلەسە الماۋ ماسەلەلەرى دە ءبىرشاما كورنەكتى بولۋدا.

　　ءماجىلىس مىنانى دارىپتەدى: دۇرىس ساياسي بەتالىستا تاباندى بولىپ، مەملەكەت باسەكەسىنىڭ جاڭا ابزالدىعىن قالىپتاستىرۋ ستراتەگيالىق تۇرعىسىن شىعار ءتۇيىن ەتىپ، دامۋ مەن ارناعا تۇسىرۋگە تەڭ ءمان بەرۋدە تاباندى بولىپ، تەكشە ەكونوميكاسىنىڭ دامۋ زاڭدىلىعىن يگەرىپ، تەكشە ەكونوميكاسىن جونگە سالۋ جۇيەسىن ورناتىپ جانە كەمەلدەندىرىپ، ەرەجەنى ايقىنداپ، تومەنگى شەكتى ايقىن ايىرىپ، باقىلاۋ - باسقارۋدى كۇشەيتىپ، ءتارتىپتى ارناعا ءتۇسىرىپ، دامۋ مەن حاۋىپسىزدىكتى، ەل ءىشى مەن حالىقارانى اناعۇرلىم ويداعىداي ءبىر تۇتاس جوسپارلاپ، ءادىل باسەكەنى جەبەپ، مونوپوليالاۋعا قارسى تۇرىپ، كاپيتالدىڭ ءتارتىپسىز كەڭەيۋىنەن ساقتانۋ كەرەك. ارناعا ءتۇسىرۋ مەن باقىلاۋ - باسقارۋدى كۇشەيتىپ، الەۋمەتتىك مۇددە مەن قوعام ورنىقتىلىعىن قورعاپ، جونگە سالۋدىڭ بىرىككەن كۇشىن قالىپتاستىرۋ كەرەك. ەسىك اشۋ سەلبەستىگىن كۇشەيتىپ، ومىرشەڭدىك كۇشكە يە، جاڭالىق اشۋ قۋاتىنا يە ءتۇزىم ورتاسىن قالىپتاستىرىپ، حالىقارالىق تەحنيكالىق اۋىس - كۇيىس پەن زەرتتەۋ - اشۋ سەلبەستىگىن كۇشەيتۋ كەرەك. «ەكىدەن استە اۋىتقىماۋدا» تاباندى بولىپ، تەكشە ەكونوميكاسى سالاسىنداعى حالىقتىق كاسىپورىنداردىڭ اقاۋسىز دامۋىن جەبەۋ كەرەك.

　　ءماجىلىس مىنالاردى اتاپ كورسەتتى: ەرەجە - ءتۇزىمدى اقاۋسىزداندىرىپ، كەمەلدەندىرىپ، تەكشە ەكونوميكاسىنىڭ زاڭ - ەرەجەلەرىن كەمەلدەندىرۋدى جەدەلدەتىپ، قاعيداداعى اقتاڭداقتار مەن ساڭلاۋلاردى دەر كەزىندە تولىقتاپ، ساندى مالىمەت مەنشىك ۇقىعى ءتۇزىمى قۇرىلىسىن كۇشەيتىپ، تەكشە كاسىپورىندارىنىڭ ساندى مالىمەت حاۋىپسىزدىگى جاۋاپكەرلىگىن كۇشەيتۋ كەرەك. باقىلاۋ - باسقارۋ قابىلەتى مەن دەڭگەيىن جوعارىلاتىپ، باقىلاۋ - باسقارۋ جۇلگەسىن ساپالىلاندىرىپ، ىستەن بۇرىنعى، ىستەن كەيىنگى جالپى تىزبەكتى باقىلاۋ - باسقارۋدى جۇزەگە اسىرىپ، مونوپوليالاۋعا قارسى باقىلاۋ - باسقارۋ كۇشتەرىن تولىقتاپ، باقىلاۋ - باسقارۋدىڭ بەدەلىن كۇشەيتىپ، فينانس قيمىلدارىن تۇگەلدەي فينانستىق باقىلاۋ - باسقارۋعا ەنگىزۋ كەرەك. تەكشە ەكونوميكاسىنىڭ ساپالى دامۋعا جانە ساپالى تۇرمىسقا قىزمەت وتەۋىن ىلگەرىلەتىپ، ونەركاسىپ ينتەرنەت تەكشەسىنەن پايدالانىپ ءداستۇرلى كاسىپتەردى جاڭالاۋدى، دارەجەسىن جوعارىلاتۋدى، وزىق جاساۋ كاسىبىن دامىتۋدى جەدەلدەتىپ، تۇتىنۋ سالاسىنداعى تەكشە كاسىپورىندارىنىڭ بازار كومەسكى كۇشىن اشۋىن قولداپ، ساپالى ونىمدەرمەن جانە قىزمەت وتەۋمەن قامداۋدى ارتتىرۋ كەرەك. تەكشەدەگى بازار تۇلعالارىنىڭ ۇقىق - مۇددەسىن قورعاۋدى كۇشەيتىپ، تەكشە كاسىپورىندارىن تاۋار ساپاسى، ازىق - تۇلىك حاۋىپسىزدىگىن قامتاماسىز ەتۋ سياقتى جاۋاپكەرلىكتى ۇستىنە الۋعا قۋزاپ، تۇتىنۋشىلاردىڭ ساندى مالىمەت ۇقىق - مۇددەسى مەن جەكە قۇپيالىق ۇقىعىن ويداعىداي قورعاپ، تەكشە كاسىپورىندارىنىڭ ەڭبەككە ساياتىن قورعاۋ جاۋاپكەرلىگىن ايقىنداۋ كەرەك. شەشۋشى، وزەكتى تەحنيكالاردان قامال الۋدى كۇشەيتىپ، تەكشە كاسىپورىندارىنىڭ زەرتتەۋ - اشۋعا قوسىلىمدى ارتتىرۋىنا قولداۋ كورسەتىپ جانە جەتەكشىلىك ەتىپ، نەگىزدىك زەرتتەۋدى كۇشەيتىپ، تومەنگى ساتىداعى تەحنيكالىق نەگىزدى بەكەمدەپ، ورتا، شاعىن عىلىم - تەحنيكا كاسىپورىندارىنىڭ جاڭالىق اشۋىن سۇيەمەلدەۋ كەرەك. ينتەرنەت نەگىزدىك قۇرىلعى قۇرىلىسىن كۇشەيتۋ كەرەك.

　　ءماجىلىس مىنالاردى دارىپتەدى: ەلىمىزدىڭ 2030 - جىلدان بۇرىن كومىرتەگى قوس توتىعىنىڭ ىعىستىرىلۋىن ەڭ جوعارى شەكتە تەجەۋ، 2060 - جىلدان بۇرىن كومىرتەگىن بەيتاراپتاندىرۋ نىساناسىن جۇزەگە اسىرۋعا قۇلشىنۋى − پارتيا ورتالىق كوميتەتىنىڭ تەرەڭ تولعانۋ ارقىلى جاساعان كەلەلى ستراتەگيالىق شەشىمى، ول جۇڭحۋا ۇلتىنىڭ ماڭگى باياندى دامۋىنا جانە ادامزاتتىڭ تاعدىرلاس ورتاق تۇلعاسىن قۇرۋعا سايادى. جاڭا دامۋ ۇستانىمىن بۇلجىتپاي دايەكتىلەندىرىپ، جۇيەلى كوزقاراستا تاباندى بولىپ، دامۋ مەن لاس زاتتاردىڭ شىعارىلۋىن ازايتۋدىڭ، جالپى تۇلعا مەن ءىشىنارالىقتىڭ، قىسقا مەرزىم مەن ورتا، ۇزاق مەرزىمنىڭ قاتىناسىن ويداعىداي ءبىر جاقتى ەتىپ، ەكونوميكالىق، قوعامدىق دامۋدىڭ جاپپاي جاسىل تيپكە بۇرىلىس جاساۋىن جەتەكشى ەتىپ، ەنەرگيانىڭ جاسىل، تومەن كومىرتەكتى دامۋىن تەتىك ەتىپ، بايلىقتى ۇنەمدەيتىن جانە قورشاعان ورتانى قورعايتىن كاسىپ قۇرىلىمىن، ءوندىرىس ءتاسىلىن، تۇرمىس ءتاسىلىن، كەڭىستىك جاعدايىن جەدەل قالىپتاستىرىپ، ەكولوگيانى الدىمەن ەسكەرەتىن، جاسىل، تومەن كومىرتەكتى ساپالى دامۋ جولىمەن بۇلجىماي ءجۇرۋ كەرەك. بۇكىل ەل بويىنشا ءبىر تۇتاس جوسپارلاۋدا تاباندى بولىپ، جوعارى دەڭگەيدە جوبالاۋدى كۇشەيتىپ، ءتۇزىم ابزالدىعىن ساۋلەلەندىرىپ، ءار جاقتىڭ جاۋاپكەرلىگىن ناقتىلاندىرىپ، جەر - جەردىڭ ءىس جۇزىندىك جاعدايىنا قاراي تۇرلەر بويىنشا شارا قولدانۋ كەرەك. ەنەرگيا بايلىعىن ۇنەمدەۋدى ماڭداي الدى ورىنعا قويىپ، جاپپاي ۇنەمدەۋ ستراتەگياسىن اتقارىپ، قاراپايىم، ۇيلەسىمدى، جاسىل، تومەن كومىرتەكتى تۇرمىس ءتاسىلىن دارىپتەۋ كەرەك. ۇكىمەت پەن بازار بىردەي كۇش سالۋدا تاباندى بولىپ، عىلىم - تەحنيكا مەن تۇزىمدە جاڭالىق اشۋدى كۇشەيتىپ، ەنەرگيا جانە قاتىستى سالالارداعى رەفورمانى تەرەڭدەتىپ، شابىتتاندىرۋدىڭ، تەجەۋدىڭ ءونىمدى مەحانيزمىن قالىپتاستىرۋ كەرەك. حالىقارالىق اۋىس - كۇيىس پەن سەلبەستىكتى كۇشەيتىپ، ەل ءىشى مەن حالىقاراداعى ەنەرگيا بايلىعىن ءبىر تۇتاس ۇتىمدى جوسپارلاۋ كەرەك. حاۋىپ - قاتەردى پارىقتاۋدى جانە باسقارۋ - مەڭگەرۋدى كۇشەيتىپ، لاستانۋدى ازايتۋدىڭ، كومىرتەگى قوس توتىعىن ازايتۋدىڭ ەنەرگيا حاۋىپسىزدىگىمەن، كاسىپ تىزبەگىنىڭ، قامداۋ تىزبەگىنىڭ حاۋىپسىزدىگىمەن، استىق حاۋىپسىزدىگىمەن، بۇقارانىڭ قالىپتى تۇرمىسىمەن قاتىناسىن ويداعىداي ءبىر جاقتى ەتۋ كەرەك.

　　ءماجىلىس مىنالاردى اتاپ كورسەتتى: «14 – بەسجىلدىق» جوبا − كومىرتەگى قوس توتىعىنىڭ ىعىستىرىلۋىن ەڭ جوعارى شەكتە تەجەۋدەگى شەشۋشى مەزگىل، تەرەزەلىك مەزگىل، مىنا بىرنەشە قىزمەتتى ءتۇيىندى تۇردە جاقسى ىستەۋ كەرەك. تازا، تومەن كومىرتەكتى، حاۋىپسىز، جوعارى ءونىمدى ەنەرگيا جۇيەسىن ورناتىپ، مۇناي - حيميا ەنەرگياسىنىڭ جالپى مولشەرىن تىزگىندەپ، پايدالانۋ ونىمدىلىگىن كۇش سالا جوعارىلاتىپ، تۋىندامالى ەنەرگيانىڭ ورنىن باسۋ ارەكەتىن اتقارىپ، ەلەكتر ءتۇزىلىسى رەفورماسىن تەرەڭدەتىپ، جاڭا ەنەرگيانى نەگىزگى تۇلعا ەتكەن جاڭاشا ەلەكتر جۇيەسىن قۇرۋ كەرەك. ءتۇيىندى كاسىپ سالالارىندا لاستانۋدى ازايتۋ، كومىرتەگى قوس توتىعىن ازايتۋ ارەكەتىن اتقارىپ، ونەركاسىپ سالاسىندا جاسىل جاساۋدى ىلگەرىلەتىپ، قۇرىلىس سالاسىندا ەنەرگيا ۇنەمدەۋ ولشەمىن جوعارىلاتىپ، قاتىناس سالاسىندا جاسىل، تومەن كومىرتەكتى تاسىمال ءتاسىلىن جەدەل قالىپتاستىرۋ كەرەك. جاسىل، تومەن كومىرتەكتى تەحنيكادا كەلەلى قامال الۋدى ىلگەرىلەتىپ، تومەن كومىرتەكتى وزىق تەحنيكالاردى زەرتتەۋدى جەدەل ورنالاستىرىپ، لاستانۋدى ازايتۋ، كومىرتەگى قوس توتىعىن ازايتۋ تەحنيكاسىن جەدەل جالپىلاستىرىپ، جاسىل، تومەن كومىرتەكتى تەحنيكالاردى باعالاۋ، ساۋدا جۇيەسى جانە عىلىم - تەحنيكادا جاڭالىق اشۋعا قىزمەت كورسەتۋ تەكشەسىن ورناتۋ جانە كەمەلدەندىرۋ كەرەك. جاسىل، تومەن كومىرتەكتى ساياسات پەن بازار جۇيەسىن كەمەلدەندىرىپ، ەنەرگيانى «ەكى جاقتان تىزگىندەۋ» ءتۇزىمىن كەمەلدەندىرىپ، جاسىل، تومەن كومىرتەكتى دامۋعا ءتيىمدى قازىنا - سالىق، باعا، فينانس، جەر، ۇكىمەتتىك ساتىپ الۋ سياقتى ساياساتتاردى كەمەلدەندىرىپ، كومىرتەگى قوس توتىعىن شىعارۋ ۇقىعى ساۋداسىن جەدەل ىلگەرىلەتىپ، جاسىل فينانستى بەلسەنە دامىتۋ كەرەك. جاسىل، تومەن كومىرتەكتى تۇرمىستى دارىپتەپ، استا - توك ىسىراپشىلدىققا قارسى تۇرىپ، جاسىل جول جۇرۋگە دەم بەرىپ، جاسىل، تومەن كومىرتەكتى تۇرمىس جاڭا سالتىن قالىپتاستىرۋ كەرەك. ەكولوگيالىق جۇيەنىڭ كومىرتەگى قوس توتىعىن جيناۋ قۋاتىن جوعارىلاتىپ، مەملەكەت جەر بايلىعى كەڭىستىگىن جوبالاۋ مەن پايدالانۋ جولىن باسقارۋدى كۇشەيتىپ، ورمان، جايىلىم، ساز، تەڭىز - مۇحيت، توپىراق، توڭ توپىراقتىڭ كومىرتەگىن بەكەمدەۋ رولىن ءونىمدى ساۋلەلەندىرىپ، ەكولوگيالىق جۇيەنىڭ كومىرتەگى قوس توتىعىن جيناۋ مولشەرىن جوعارىلاتۋ كەرەك. كليمات وزگەرىسىنە توتەپ بەرۋ جونىندەگى حالىقارالىق سەلبەستىكتى كۇشەيتىپ، حالىقارالىق ەرەجە - ولشەمدەردى جاساۋدى ىلگەرىلەتىپ، جاسىل جىبەك جولىن قۇرۋ كەرەك.

　　ءماجىلىس مىنالاردى دارىپتەدى: كومىرتەگى قوس توتىعىنىڭ ىعىستىرىلۋىن ەڭ جوعارى شەكتە تەجەۋ، كومىرتەگىن بەيتاراپتاندىرۋ نىساناسىن جۇزەگە اسىرۋ − قيان - كەسكى شايقاس، سونداي - اق پارتيامىزدىڭ ەل باسقارۋ قابىلەتى جونىنەن ۇلكەن سىناق. پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن كۇشەيتىپ، باقىلاۋ، تەكسەرۋ مەحانيزمىن كەمەلدەندىرۋ كەرەك. ءار دارەجەلى پارتكومدار مەن ۇكىمەتتەر جاۋاپكەرلىكتى ارقالاپ، نىساناسى، شاراسى، تەكسەرۋى بولۋدى ىسكە اسىرۋ كەرەك. باسشى كادرلار كومىرتەگى قوس توتىعىن ىعىستىرۋعا قاتىستى بىلىمدەردى بەرىلە ۇيرەنىپ، جاسىل، تومەن كومىرتەكتى دامۋدى ويداعىداي يگەرۋ قابىلەتىن كۇشەيتۋى كەرەك.

　　ورتالىق قازىنا - ەكونوميكا كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

وقىرمان نازارىنا

نازار سالا كەتەرسىز

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

مادەنيەت

ىسمەرلىكپەن باقىتتى تۇرمىستى ارلەندىردى

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved