شاعىن سومالى قارىز بەرەتىن سەرىكتەستىكتەردىڭ ستۋدەنتتەرگە ينتەرنەتتىك تۇتىنۋ قارىزىن بەرۋىنە بولمايدى
2021.03.18 14:32 كەلۋ قاينارى : حالىق تورابى
حالىق گازەتىنىڭ تىلشىلەرى چۇي شينميڭ، وۋياڭ جيە 3 – ايدىڭ 17 – كۇنى حابارلايدى. شاعىن سومالى قارىز بەرەتىن ءىشىنارا سەرىكتەستىكتەر مەكتەپ اۋلاسىن نىساناعا الىپ، جالعان ۇگىت جاساۋ ارقىلى ستۋدەنتتەردى ينتەرنەت ارقىلى زات ساتىپ الۋ تەكشەلەرىنەن شەكتەن تىس قارىز الۋعا، تۇتىنۋعا شىرعالاپ، كەيبىر وقۋشىلاردىڭ جوعارى سوماداعى قارىزدىڭ قۇيىنا باتۋىنا سەبەپ بولعان. بانكە – قامسىزداندىرۋ ىستەرىن باقىلاۋ – باسقارۋ كوميتەتىنىڭ كەڭسە مەڭگەرمەسى قاتارلى ورىندار جۋىردا «ستۋدەنتتەردىڭ ينتەرنەتتىك تۇتىنۋ قارىزىن الۋىنا باقىلاۋ – باسقارۋ جۇرگىزۋ قىزمەتىن اناعۇرلىم جۇيەگە ءتۇسىرۋ جونىندەگى ۇقتىرۋدى» بىرگە باسىپ تاراتتى.
ۇقتىرۋدا مىنالار ايقىندالعان: شاعىن سومالى قارىز بەرەتىن سەرىكتەستىكتەردىڭ ستۋدەنتتەرگە ينتەرنەتتىك تۇتىنۋ قارىزىن بەرۋىنە تيىم سالىنادى، باقىلاۋ – باسقارۋ تاراۋلارىنىڭ بەكىتۋىمەن قۇرىلماعان قۇرىلىمداردىڭ ستۋدەنتتەرگە سەنىمدى قارىز بەرۋىنە مۇلدە بولمايدى. قارىز بەرۋ قۇرىلىمدارى مەن ولاردىڭ جۇمىس تاپسىرعان، سەلبەسكەن قۇرىلىمدارىنىڭ قارىز بەرۋ ارەكەتتەرىن جۇيەگە ءتۇسىرىپ، قارىز بەرۋ قۇرىلىمدارىنان ستۋدەنتتەردىڭ سالاۋاتى مەن قارىزدى ناقتى نە جۇمىسقا پايدالاناتىنىن شىنايى تەكسەرۋى، پارىقتاۋى تالاپ ەتىلەدى، ستۋدەنتتەر توبىنا عانا باعىتتاي وتىرىپ، دالمە – ءدال ۇگىت جاساۋعا بولمايدى، جالعان، قاتە تۇسىنىك تۋدىراتىن نەمەسە شىرعالاۋ سيپاتىنا يە ۇگىت جاساۋ قاتارلى ۇيلەسىمسىز تاسىلدەرمەن ستۋدەنتتەردى ءوزىنىڭ ەكونوميكالىق جاعدايىن ويلاستىرماي ورىنسىز تۇتىنۋعا، شەكتەن تىس قارىز الۋعا شىرعالاۋعا مۇلدە بولمايدى. بانكە سالاسى مەن فينانس قۇرىلىمدارى ستۋدەنتتەرگە بەرىلەتىن ينتەرنەتتىك تۇتىنۋ قارىزىنىڭ حاۋىپ – قاتەرىن باسقارۋدى كۇشەيتۋى، ستۋدەنتتەردىڭ ەكىنشى ورىنداعى قارىز قايتارۋ قاينارىن قاتاڭ تياناقتاندىرۋى (كەپىلگە زات قويدىرۋ نەمەسە كەپىل بولاتىن ادام تابۋ — اۋدارۋشىدان)، قارىزدى قۋزاۋ ارەكەتىن جۇيەگە ءتۇسىرۋى، جەكەلەردىڭ ينفورماتسياسىن قورعاۋدى كۇشەيتۋى كەرەك.
وسىعان دەيىن ستۋدەنتتەرگە تاراتىلىپ كەتكەن ينتەرنەتتىك تۇتىنۋ قارىزدارىنا باعىتتاي وتىرىپ، ۇقتىرۋدا شاعىن سومالى قارىز بەرەتىن سەرىكتەستىكتەردەن رەتتەۋ – تۇزەتۋ جوسپارىن جاساۋ تالاپ ەتىلىپ، تاراتىلىپ بولعان قارىزدىڭ قايتارىلاتىن ۋاقىتىن، پرينسيپتىك جاقتان، ۇزارتۋعا بولمايتىنى، قولداعى جۇمىستى بىرتىندەپ قالپىنا ءتۇسىرۋ كەرەك ەكەندىگى، بەلگىلەمەگە قايشى تۇردە جاڭا قىزمەت وتەۋ تۇرلەرىن قوسۋعا قاتاڭ تيىم سالىناتىندىعى ايتىلعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
