زاڭعا قايشى 10 ۇيىمنىڭ تورابى جابىلدى!
2021.03.18 13:23 كەلۋ قاينارى : حالىق تورابى
جۋىردا، حالىق ىستەر مينيسترلىگى توراپ ينفورماتسيا كەڭسەسىنىڭ، پوچتا تەلەگراف سەرىكتەستىگىنىڭ نەگىزگى باسقارۋشى تاراۋلارمەن بىرلەسىپ، 2021 - جىلعى ءبىرىنشى توپتاعى 10 زاڭعا قايشى قوعامدىق ۇيىمنىڭ تورابىن زاڭ بويىنشا جاپتى، قاتىستى توراپ بەتتەرىنىڭ جالعانىم ينفورماتسيالارىن تازالادى.
ۇعىسۋعا قاراعاندا، حالىق ىستەر مينيسترلىگى قاتىستى تاراۋلارمەن بىرگە، «جۇڭحۋا حالىق رەسپۋبليكاسىنىڭ توراپ حاۋىپسىزدىك زاڭى»، «ينتەرنەت ينفورماتسياسىنا قىزمەت وتەۋدى باسقارۋ ءادىسى» سياقتى قاتىستى بەلگىلەمەلەرگە نەگىزدەلە وتىرىپ، الدىڭعى كەزەڭدە ءۇش توپقا ءبولىپ، 55 زاڭسىز قوعامدىق ۇيىمىنىڭ توراپ بەتىنە، سونداي - اق ءۇنحات، بلوگ قاتارلى جاڭا مەديالى نومىرلەرىن جاپتى.
بۇل رەتكى جابۋ ارەكەتىندە، 2021 - جىلعى ءبىرىنشى توپتا جۇڭگو حاۋىپسىزدىك ساقتانۋ تەحنيكاسى ينجەنەريا كاسىپتىك بىرلەستىگى، جۇڭگو ادەبيەت - كوركەمونەر سالاسىنداعى ايگىلى ادامدار بىرلەستىگى، پارتيا قۇرۋ ۇلى ءىسى ادەبيەت - كوركەمونەر سيلىق كوميتەتى قاتارلى 10 ۇيىم زاڭسىز قوعامدىق ۇيىم رەتىندە جابىلدى.
حالىق ىستەر مينيسترلىگى زاڭسىز قوعامدىق ۇيىمدارعا مۇلدە جول بەرمەيدى، كەلەسى قادامدا جوعارى دارەجەلى سوققى بەرۋ جاعدايىن جالعاستى ساقتاپ، توراپقا بولعان باقىلاۋ مەن تەكسەرۋدى كۇشەيتەدى، جەلىدەگى مەن جەلىدەن سىرتقى تەكسەرۋدى بىرگە جۇرگىزىپ، زاڭسىز قوعامدىق ۇيىمداردىڭ ساقتالار كەڭىستىگىن باتىل تازالايدى.
سيپاتى ناشار، تاربيە بەرسە دە تۇزەتپەگەن زاڭسىز قوعامدىق ۇيىمداردىڭ قۇرۋشىلارىن قاتىستى ورىنداردىڭ زاڭ بويىنشا ينتەرنەت بەكەتى (قۇرۋشىسى) قارا تىزىمدىگىنە كىرگىزۋدى ٶتىنىش ەتەدى.
سونىمەن بىرگە، قوعامنىڭ ٵر سالاسىنداعىلاردىڭ جۇڭگو قوعامدىق ۇيىمدارعا اكىمشىلىك قىزمەت وتەۋ تەكشەسىنە شىعىپ (www.chinanpo.gov.cn)، «ارىزدانۋ - اشكەرەلەۋ» باعدارلاماسى ارقىلى زاڭسىز قوعامدىق ۇيىمداردىڭ قيمىل ينفورماتسيالارىمەن، باستى جاۋاپتى ادامدارى مەن تىرەكتى قىزمەتكەرلەرىنىڭ ينفورماتسيالارىمەن قامداۋىن قارسى الادى.
مۇنان سىرت، قاتىستى ورگاندار مەن قوعامداعى جۇرتشىلىققا باسقا ۇيىمدارمەن سەلبەستىك ىستەگەندە نەمەسە قيمىلدارىنا قاتىناسقان كەزدە سالاۋاتىن ءسوزسىز انىقتاپ الۋدى قايتالاي ەسكەرتەدى. بۇكىل ەلىمىزدە 900 مىڭنان استام قوعامدىق ۇيىمنىڭ ينفورماتسياسىن جۇڭگو قوعامدىق ۇيىمدارعا اكىمشىلىك قىزمەت وتەۋ تەكشەسى (www.chinanpo.gov.cn)، جۇڭگو قوعامدىق ۇيىم قيمىلدارىنىڭ اكىمشىلىك قىزمەت ءۇنحاتى (ءۇنحات ءنومىرى: chinanpogov) سياقتى ارنالارمەن انىقتاۋعا بولادى.
قوسىمشا: 2021 - جىلعى 1 - توپتا تورابى جابىلعان 10 زاڭسىز قوعامدىق ۇيىمنىڭ تىزىمدىگى:
1.جۇڭگو حاۋىپسىزدىك ساقتانۋ تەحنيكاسى ينجەنەريا كاسىپتىك بىرلەستىگى
2. جۇڭگو ادەبيەت - كوركەمونەر سالاسىنداعى ايگىلى ادامدار بىرلەستىگى
3. ازيا مادەنيەت - كوركەمونەر سيلىعى كوميتەتى
4.جۇڭگو حالىقارالىق بەيبىتشىلىك مادەنيەت دامىتۋ بىرلەستىگى
5.الەمدىك بەيبىتشىلىك مادەنيەت تاراتۋ سيلىعىن باعالاۋ كوميتەتى
6.جۇڭگو ادەبيەت - كوركەمونەر فيلۇڭ سيلىعىن باعالاۋ كوميتەتى
7.پارتيا قۇرۋ ۇلى ءىسى ادەبيەت - كوركەمونەر سيلىعى كوميتەتى
8.جۇڭگو ءداستۇرلى كوركەمونەر بىرلەستىگى
9.جۇڭگو ءداستۇرلى كوركەمونەر بارىس - كەلىس بىرلەستىگى
10.جۇڭگو كوركەمونەرشىلەر بىرلەستىگىنىڭ حىبەي ولكەلىك حاتشىلار باسقارماسى
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
