اۋىل – قىستاقتاردا قالىڭمالدى وتە مول الۋدى بەلسەندى جونگە سالۋ كەرەك
حاۋ حايبو
2021.03.17 15:17 كەلۋ قاينارى : حالىق تورابى
جۋىردان بەرى، ءىشىنارا اۋىل – قىستاقتارداعى قالىڭمالدى وتە كوپ الۋ ماسەلەسىن جۇرت كوپ تالقىلادى. بيىلعى ەكى ماجىلىستە مەملەكەتتىك ساياسي كەڭەس مۇشەسى «اۋىل – قىستاقتارداعى قالىڭمالدى وتە مول الۋ سىندى ناشار سالتتى تەجەۋ كەرەك» دەگەن ۇسىنىستى ورتاعا قويدى. مەيلى، ونەگەلى دە وركەنيەتتى اۋىل – قىستاق سالتىن قالىپتاستىرۋ ءۇشىن بولسىن، الدە، اۋىل – قىستاقتى جونگە سالۋدى كەمەلدەندىرۋ ءۇشىن بولسىن، اۋىل – قىستاقتاعى قالىڭمالدى وتە مول الۋ جاعدايىن جونگە سالۋدى بەلسەندى ىلگەرىلەتۋ كەرەك.
ءىشىنارا جەرلەردە قالىڭمال 100 نەشە مىڭ يۋانعا جەتەدى، كەي جەرلەردە ءتىپتى 200 مىڭ يۋاننان اسىپ كەتەدى، ءتۇرلى جەلەۋلەر ۇزدىكسىز جاڭالانۋدا. كەي جەرلەردە ءبىر رەتكى تويعا كەتەتىن قاراجات اۋىل – قىستاقتاعى ءبىر وتباسىنىڭ تالاي ۋاقىتتىق كىرىسىنە بارابار كەلەدى. قالىڭمالدى وتە مول الۋ وتباسىنىڭ اۋىرتپالىعىن كورنەكتى ارتتىرادى.
جۇڭگونىڭ ءداستۇرلى مادەنيەتىندە، قالىڭمالدىڭ قۇدا بولعاندىقتى بىلدىرەتىن رولىمەن بىرگە، ەكى جاقتىڭ ءبىر – بىرىنە بولعان سيلاستىعىن ايگىلەيتىن رولى دا بولعان. ەگەر قالىڭمالدى وتە مول السا، ءوزارا سيلاستىقتى بىلدىرەتىن جۇمىس زاتتىق ايىرباس تۇرىنە وزگەرىپ، تۋىسقاندىق، ماحاببات سياقتىلار باعا تالاساتىن اقشاعا قاتىستى مۇددەگە ورىن بەرەدى. سونىمەن بىرگە، قالىڭمالدىڭ وتە جوعارى بولۋى اۋىل – قىستاقتارداعى ۇيلەنۋ جاسىنا جەتكەن ەر ازاماتتاردىڭ باس قۇراۋىنا بەلگىلى دەڭگەيدە قيىندىق تۋدىرادى، ءتىپتى وسىنىڭ اياعىنان قايشىلىق تۋىلۋى مۇمكىن. جۋىرداعى جىلداردان بەرى، اۋىل – قىستاقتارداعى ۋاقىتى وتكەن سالت – داستۇرلەردى جويىپ، قالىڭمالدى ۇيلەسىمدى مولشەردە تەجەۋ جۇرت تۇگەل وڭ سانايتىن ىسكە اينالىپ كەلەدى.
قالىڭمالدى مول الۋعا يتەرمەلەيتىن سەبەپ كوپ. مادەنيەت جاعىنان الىپ ايتقاندا، «قالىڭمالدى كوپ العان سايىن ابىرويلى بولادى» دەيتىن باسەكەلەستىك قالىڭمالدى كوپ الۋ جايتىن اسقىنداتادى. جونگە سالۋ جاعىنان الىپ قاراعاندا، كەي جەرلەر قالىڭمالدى كوپ الۋدىڭ زالالىن تانىپ جەتكەنىمەن، بۇل ماسەلەگە جەتكىلىكتى ءمان بەرمەدى، بۇل قىزمەتتى ىستەۋ بارىسىندا وي جەلىسى ايقىن بولماۋ، يدەيالىق جاقتا مۇقيات، تىڭعىلىقتى تۇردە جەتەكشىلىك ەتۋ مەن ناقتى، جارامدى جونگە سالۋ شارالارى جەتكىلىكتى بولمادى.
قالىڭمالدى وتە كوپ الۋدى جونگە سالۋدا ءتۇرلى شارالاردى قاتار قولدانىپ، ۇزاق ۋاقىت كۇش سالۋ قاجەت. ءتۇرلى تاسىلدەر ارقىلى جۇرتشىلىقتى ناشار سالتتى تەجەۋگە، ناعىز ماحابباتتى دارىپتەۋگە، ۇيلەنۋدىڭ ءتۇپ مانىنە ءمان بەرۋگە جەتەلەۋ كەرەك. قازىرگى تاڭدا، ۇكىمەتتىڭ جونگە سالۋى مەن جۇرتشىلىقتىڭ وزدىگىنەن جونگە سالۋىن ۇشتاستىرىپ، وركەنيەتتى اۋىل سالتىن بىرگە ىلگەرىلەتۋ قاجەت؛ اۋىل – قىستاقتارداعى نەگىزگى ساتىلارداعى پارتيا ۇيىمدارىنىڭ كۇرەس قامالىندىق رولىن جانە پارتيا مۇشەلەرىنىڭ سەركەلىك، ۇلگىلىك رولىن تولىق ساۋلەلەندىرىپ، ورتالىق كوميتەتتىڭ ادەت – عۇرىپتى وزگەرتۋ، وركەنيەتتى اۋىل – قىستاق قۇرۋ سىندى شەشىمدەرى مەن ورنالاستىرۋلارىن اۋىل – قىستاقتا ءونىمدى تياناقتاندىرۋعا كەپىلدىك ەتۋ كەرەك.
پارتيا ۇيىمدارى باسشىلىق ەتكەن ءوزىن – ءوزى جونگە سالۋدى، زاڭمەن جونگە سالۋدى، مورالمەن جونگە سالۋدى ۇشتاستىرعان اۋىل – قىستاقتى جونگە سالۋ جۇيەسىن كەمەلدەندىرىپ، قىستاق بەلگىلەمەسى مەن ازاماتتىق شارتتاردىڭ، قىستاق تۇرعىندارىنىڭ ءوزىن – ءوزى جونگە سالۋ ەرەجەلەرىنىڭ قالىڭمالدى وتە كوپ الۋدى جونگە سالۋداعى، توي – تومالاقتى شەكتەن تىس كولەمدى وتكىزۋگە قارسى تۇرۋداعى، ىسىراپشىلدىقتى تەجەۋدەگى ماڭىزدى رولىنا ءمان بەرىپ، ءوزىن – ءوزى باسقاراتىن، ءوزىن – ءوزى قاداعالايتىن، ءوزىن – ءوزى تەجەيتىن، ءوزىن – ءوزى پاكتەندىرەتىن تاماشا مەحانيزمدى قالىپتاستىرۋعا قۇلشىنۋ كەرەك. تەك وسىلاي بولعاندا عانا قالىڭمالدى وتە كوپ الۋدى جونگە سالۋدا بىرىككەن كۇش قالىپتاستىرۋعا، ادەت – عۇرىپتى وزگەرتۋدىڭ جۇرت كوڭىلىندە تامىر تارتىپ، بۇرلەۋىنە، ماحاببات پەن ۇيلەنۋدىڭ زاتتىق مۇددەنىڭ شىرماۋىنان قۇتىلۋىنا، وركەنيەتتى اۋىل سالتىنىڭ گۇل – بايشەشەگىنىڭ اۋىل – قىستاقتىڭ كەڭ – بايتاق دالاسىندا قۇلپىرا اشىلۋىنا شارت – جاعداي جاراتۋعا بولادى.
(اۆتوردىڭ قىزمەت ورنى: حالىق ىستەرى مينيسترلىگىنىڭ قوعامدىق ىستەر مەڭگەرمەسى)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
