شينجياڭداعى مەملەكەت مەنشىگىندەگى كاسىپورىنداردىڭ الدىڭعى 2 ايداعى پايداسى سايكەس مەزگىلدەگىدەن ％164.6 ارتتى
2021.03.17 15:25 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى شى شين 3 - ايدىڭ 15 - كۇنى ۇرىمجىدەن حابارلايدى. اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنەن ۇعىسۋعا قاراعاندا، بيىل 1 - ايدان 2 - ايعا دەيىن رايونىمىزداعى مەملەكەت مەنشىگىندەگى كاسىپورىنداردىڭ ورىنداعان تيجارات كىرىسى 43 ميلليارد 820 ميلليون يۋانعا جەتىپ، سايكەس مەزگىلدەگىدەن ％90.5 ارتقان؛ پايدانىڭ جالپى سوماسى 700 ميلليون يۋان بولىپ، سايكەس مەزگىلدە زيان تارتۋدان پايدا تابۋعا ءوتىپ، ％164.6 ارتىپ، تىرەكتىلىك، جەتەكشىلىك رولىن شىنايى ساۋلەلەندىرىپ، ”14 - بەسجىلدىق“ باستالعان جىلى رايونىمىز ەكونوميكاسىنىڭ ورنىقتىلىق بارىسىندا جاقسى بەتالىسقا وتۋدەي دامۋ جاعدايىن ايگىلەگەن.
كوكتەم باسىندا سولتۇستىك شينجياڭدا سۋىقتىڭ ىزعارى ءالى قايتا قويعان جوق. 3 - ايدىڭ 15 - كۇنى شينجياڭ شينيە ەنەرگيا، حيميا ونەركاسىپ شەكتى جاۋاپكەرشىلىك سەرىكتەستىگىنىڭ ءوندىرىس اۋماعىنا بارعاندا، شيكىزات تيەگەن كولىكتەر زات ءتۇسىرۋ كەزەگىن كۇتىپ تۇرىپتى، ونىمدەردى تاسيتىن كولىكتەر ءبىر كيلومەتر ۇزاققا دەيىن كەزەك كۇتىپ تۇر، ءوندىرىس پەن ساتۋ بىردەي جالىنداعان قۋانارلىق كورىنىس مەن مۇندالايدى. بيىل 1 - ايدان 2 - ايعا دەيىن وسى سەرىكتەستىك 71 مىڭ 300 توننا مەتيل سپيريتىن ءوندىرىپ، سايكەس مەزگىلدەگىدەن ％28.08ارتتى؛ سۇيىلتىلعان تابيعي گاز 24 مىڭ توننا بولىپ، سايكەس مەزگىلدەگىدەن ％52.06 ارتتى؛ سىعىلعان تابيعي گاز 4022300Nm3 بولىپ، سايكەس مەزگىلدەگىدەن ％154.64 ارتتى.
شينجياڭ شينيە ەنەرگيا، حيميا ونەركاسىپ سەرىكتەستىگى عانا ەمەس، بيىل 1 - ايدان 2 - ايعا دەيىن شينجياڭ ءتۇستى مەتال ونەركاسىپ (توبى) شەكتى جاۋاپكەرشىلىك سەرىكتەستىگى دە كاسىپورىننىڭ ساپاسىن جوعارىلاتىپ، ونىمدىلىگىن ارتتىرۋدى، ءوندىرىستى ورنىقتىرىپ، ءونىمدى ارتتىرۋدى بەلسەنە ىلگەرىلەتىپ، كاسىپورىننىڭ ىندەتتەن ساقتانۋ - تىزگىندەۋ مەن ءوندىرىس حاۋىپسىزدىگىنىڭ ”ەكەۋىندە يگەرۋگە، ەكەۋىندە اقساتپاۋعا“ شىنايى كەپىلدىك ەتىپ، ءوندىرىس قۇنىن 3 ميلليارد 80 ميلليون يۋانعا جەتكىزىپ، سايكەس مەزگىلدەگىدەن ％83.1 ارتتى.
”ءتۇرلى شەشۋشى قازىنالىق كورسەتكىشتەردە كورسەتىلۋىنشە، رايونىمىزداعى مەملەكەت مەنشىگىندەگى كاسىپورىنداردىڭ ەكونوميكالىق اينالىم جاعدايى ۇزدىكسىز جاقسارعان“. اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنىڭ ورىنباسار مەڭگەرۋشىسى جاڭ جينپيڭ مىنانى ءبىلدىردى: تۇتاس رايونىمىزداعى مەملەكەت مەنشىگىندەگى كاسىپورىندار جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتۋدى نەگىزگى تاقىرىپ، قامداۋ جاعىنداعى قۇرىلىمدىق رەفورمانى تەرەڭدەتۋدى نەگىزگى جەلى، رەفورما جاساۋ، جاڭالىق اشۋدى ءتۇبىرلى قوزعاۋشى كۇش ەتىپ، مەملەكەت مەنشىگىندەگى مال - مۇلىك پەن مەملەكەت مەنشىگىندەگى كاسىپورىنداردى نىعايتۋدى، ساپالىلاندىرۋدى، دامىتۋدى، مەملەكەت مەنشىگىندەگى شارۋاشىلىقتىڭ ستراتەگيالىق تىرەكتىك رولىن ويداعىداي ساۋلەلەندىرۋ ماڭىزدى بورىشىن مىقتاپ يگەرىپ، بازاردى قۇلشىنا اشىپ، باسقارۋدى كۇشەيتىپ، ورنىقتى ارتتىرىپ، ونىمدىلىكتى جوعارىلاتىپ، 1 - ايدان 2 - ايعا دەيىن ءتۇرلى قازىنالىق كورسەتكىشتەر سەرپىندى ارتىپ، ەكونوميكالىق اينالىمنىڭ باستاماسى تاماشا بولدى.
اۆتونوميالى رايون بەلگىلەگەن ەكونوميكالىق، قوعامدىق دامۋ مەجە نىساناسىنا نەگىزدەلىپ، كەلەسى قادامدا رايونىمىزداعى مەملەكەت قارجىلاندىرعان، مەملەكەت مەنشىگىندەگى كاسىپورىندار جاڭا دامۋ ارناسىمەن توعىسىپ، كاسىپ تىزبەگىن، قامداۋ تىزبەگىن كۇشەيتۋدىڭ دەربەس مەڭگەرۋ قابىلەتى تىڭ ساتىعا قادام تاستايدى؛ جاڭا دامۋ ۇستانىمىن دايەكتىلەندىرۋ، مەملەكەت مەنشىگىندەگى شارۋاشىلىقتى ورنالاستىرۋدا، ساپالىلاندىرۋدا تىڭ ونىمدىلىككە جۇزەگە اسىرۋدى تەزدەتەدى؛ رەفورمانىڭ جالپىلىق ونىمدىلىگىن جوعارىلاتۋدا، كاسىپورىنداردىڭ دامۋ ومىرشەڭدىك كۇشىن تۋىنداتۋدا تىڭ جاڭالىققا قول جەتەدى؛ جاڭالىق اشىپ، تۇلعالىق ورنىن نىعايتۋ، جوعارى ساپالى دامۋدىڭ تىڭ قوزعاۋشى قۋاتىن جەتىلدىرۋدە جاڭا ىلگەرىلەۋشىلىككە قول جەتەدى؛ باقىلاۋ - باسقارۋعا قىزمەت وتەۋدى كۇشەيتۋ، مەملەكەت مەنشىگىندەگى مال - مۇلىكتى باقىلاۋ - باسقارۋ ۇلكەن ارناسىن بىرگە قۇرۋ تاعى تىڭ دەڭگەيگە كوتەرىلەدى؛ ءتۇرلى حاۋىپ - قاتەرلەردەن ساقتانۋ، جويۋ، حاۋىپ - قاتەردى ەڭ تومەنگى شەكتەن اسىرماۋدى مىقتى يگەرۋ تىڭنان كۇشەيتىلدى.
كەلۋ قاينارى: «شينجياڭ گازەتى» - تيانشان تورى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
