شينجياڭدا قالا – قالاشىقتارداعى سۋمەن، توكپەن، گازبەن، جىلۋمەن قامداۋ سالاسىنداعى ۇيلەسىمسىز اقى تۇرلەرى جونگە سالىندى جانە كۇشىنەن قالدىرىلدى
2021.03.17 14:51 كەلۋ قاينارى : حالىق تورابى
تيانشان تورابىنىڭ ءتىلشىسى شى شين حابارلايدى. جۋىردا شينجياڭ ۇيعۇر اۆتونوميالى رايوندىق دامىتۋ – رەفورمالاۋ كوميتەتى «قالا – قالاشىقتارداعى سۋمەن، توكپەن، گازبەن، جىلۋمەن قامداۋ سالاسىنداعى ۇيلەسىمسىز اقى تۇرلەرىن جونگە سالۋ جانە كۇشىنەن قالدىرۋ جونىندەگى ۇقتىرۋدى» تاراتىپ، ۇيلەسىمسىز اقى الۋ تۇرلەرىن جونگە سالۋدى جانە كۇشىنەن قالدىرۋدى ايقىنداپ، باعا مەن اقىنىڭ قارىم – قاتىناسىن اناعۇرلىم تارتىپكە ءتۇسىردى، باعا مەحانيزمىن كەمەلدەندىردى، قىزمەت وتەۋ ساپاسىن جوعارىلاتتى.
«ۇقتىرۋدا» مىنالار ايقىندالعان: سۋمەن قامداۋعا اقى الۋ جاعىندا، سۋمەن قامدايتىن كاسىپورىندار مەن ولاردىڭ قاراماعىنداعى نەمەسە ولاردىڭ تاپسىرۋىمەن ورناتۋ جۇمىستارىن ىستەيتىن سەرىكتەستىكتەردىڭ سۋدان پايدالانۋ، جوندەۋدى مالىمدەۋ، ينجەنەريانى تەكسەرىپ وتكىزىپ الۋ، جالعاپ بەرۋ قاتارلى تۇيىندەردە پايدالانۋشىلاردان قۇبىر سۋىن جالعاپ بەرۋ اقىسى، سيىمدىلىعىن ارتتىرۋ اقىسى، جوندەۋدى مالىمدەۋ اقىسى تەكتەس اتتارمەن تالون اشاتىن اقى تۇرلەرى، سونىمەن بىرگە، تيەكتى اعىتۋ – بەكىتۋ اقىسى، قۇرىلىستى اياقتاتىپ، تەكسەرۋدەن وتكىزۋ اقىسى، قۇرىلىستى اياقتاتىپ، جەلىنى جەتكىزۋ اقىسى، قۇبىر جەلىسىن ولشەۋ اقىسى، قۇبىر جەلىسىن بارلاۋ اقىسى، ۇشىن جالعاۋ اقىسى، سۋدى بۇرعىلاۋ ينجەنەريالىق اقىسى، اقىلداسۋ اقىسى، چەرتوج شىعارۋ اقىسى تەكتەس اتتارمەن الىناتىن ينجەنەريالىق اقى تۇرلەرى كۇشىنەن قالدىرىلادى.
توكپەن قامداۋعا اقى الۋ جاعىندا، توكپەن قامدايتىن كاسىپورىندار مەن ولاردىڭ قاراماعىنداعى نەمەسە ولاردىڭ تاپسىرۋىمەن ورناتۋ جۇمىستارىن ىستەيتىن سەرىكتەستىكتەردىڭ توكتەن پايدالانۋ، جوندەۋدى مالىمدەۋ، ينجەنەريانى تەكسەرىپ وتكىزىپ الۋ، جالعاپ بەرۋ سياقتى تۇيىندەردە پايدالانۋشىلاردان الاتىن توك ساعاتتى جوتكەۋ اقىسى، مولشەرىن ەسەپتەۋ قۇرىلىسىنىڭ تولەم اقىسى، قورشاعان ورتانى تەكسەرۋ اقىسى، جوعارى كەرنەۋلى كابەل دانەكەرىنىڭ جۇمسالىمىن سىناقتان وتكىزۋ اقىسى، جوعارى كەرنەۋلى كابەلدىڭ تەربەلىس تولقىنىن سىناقتان وتكىزۋ اقىسى، تومەن كەرنەۋلى كابەلدى سىناقتان وتكىزۋ اقىسى، تومەن كەرنەۋلى توكتىڭ مولشەرىن ەسەپتەۋدى تەكسەرۋ اقىسى، اسەرلەستىك اسپابىن سىناقتان وتكىزۋ اقىسى، توردى اۆتوماتتاندىرۋ اقىسى، توك ۇلەستىرۋ بولمەسىن سىناقتان وتكىزۋ اقىسى، اشۋ – جابۋ بەكەتىنە قارجى توپتاۋ اقىسى، قۇرىلعىلاردى تەڭشەۋ اقىسى تەكتەس اقى تۇرلەرى كۇشىنەن قالدىرىلادى.
گازبەن قامداۋعا اقى الۋ جاعىندا، وتىندىق گازبەن قامدايتىن كاسىپورىندار گازدىڭ باعاسى ارقىلى وزىندىك قۇندى قايتارىپ الۋعا جاتاتىن اقى الۋ تۇرلەرىن كۇشىنەن قالدىرۋى كەرەك، مىسالى: قۇرىلىستى اۋماققا ءبولۋ قىزىل سىزىعىنىڭ سىرتىنداعى قالا ىستەرىنە قاتىستى قۇبىر تورىندىق مال – مۇلىككە ساياتىن كەرنەۋ ارتتىرۋ اقىسى، سيىمدىلىعىن ارتتىرۋ اقىسى تەكتەس اقى تۇرلەرى؛ قالا ىستەرىنە قاتىستى قۇبىر تورىنان قۇرىلىس رايونىن اۋماققا ءبولۋ قىزىل سىزىعىنا دەيىن تۇتاستىرۋعا ساياتىن ساڭلاسۋسىز جالعاۋ اقىسى، اشۋ اقىسى، جەلىنى جالعاۋ اقىسى، جەلىنى ءۇزۋ اقىسى، ۇرلەپ تازالاۋ اقىسى، سەيىلتۋ اقىسى قاتارلى قۇرىلىس جۇرگىزۋ جانە وتكىزىپ الۋ، جالعاۋ تۇيىندەرىنە قاتىستى اقى تۇرلەرى؛ قۇرىلىس رايونىن اۋماققا ءبولۋ قىزىل سىزىعى ىشىنەن وتىندىق گاز ساعاتىنا دەيىنگى قۇرىلعىلاردى جوندەۋ – قورعاۋ، ۋاقىتى جەتكەن گاز ساعاتتارىن اۋىستىرۋ قاتارلىلارعا قاتىستى اقى تۇرلەرى. قۇرىلىس رايونىن اۋماققا ءبولۋ قىزىل سىزىعى ىشىندەگى وتىندىق گاز ينجەنەرياسىنا بايلانىستى ورناتۋ ىستەرىمەن قاتىستى جوق نەمەسە ينجەنەرياداعى ورناتۋدىڭ وزىندىك قۇنىنا اقى الۋ نىساندارىنا قامتىلىپ بولعان تۇرلەردى كۇشىنەن قالدىرۋ كەرەك، مىسالى، اۋىز اشۋ اقىسى، ەسەپ اشۋ اقىسى، تۇتاستىرۋ اقىسى، جالعاۋ اقىسى، تورعا جالعاۋ اقىسى، قۇبىردى تازالاۋ اقىسى، گاز جىبەرۋ اقىسى، تامىزىق اقىسى تەكتەس اقى الۋ تۇرلەرى.
جىلۋمەن قامداۋعا اقى الۋ جاعىندا، سولتۇستىكتەگى پاردان پايدالاناتىن قالا – قالاشىقتارداعى جىلۋمەن شوعىرلى تۇردە قامدايتىن كاسىپورىندار پايدالانۋشىلاردان الاتىن تۇتاستىرۋ اقىسى، شوعىرلى قۇبىر تورىن سالۋ اقىسى، جەلىگە تۇتاستىرۋ سايكەستى اقىسى تەكتەس اقىلاردى كۇشىنەن قالدىرادى. قۇرىلىستى اۋماققا ءبولۋ قىزىل سىزىعىنىڭ ىشىندەگى پايدالانۋشىلاردىڭ مال – مۇلكىنە جاتاتىن جىلۋمەن قامداۋ قۇرىلعىلارى تەكسەرىپ وتكىزىپ الۋدا تولىمدى بولىپ، زاڭ- ءتۇزىم بويىنشا جىلۋمەن قامداۋ سەرىكتەستىكتەرىنىڭ باسقارۋىنا وتكىزىلسە، قاتىستى جوندەۋ – قورعاۋ قاتارلى قاراجاتتاردى جىلۋمەن قامداۋ سەرىكتەستىكتەرى مىندەتىنە الىپ، كاسىپورىننىڭ تيجارات وزىندىك قۇنى كولەمىنە ەنگىزۋى كەرەك، پايدالانۋشىلاردان ايىرىم اقى الۋىنا بولمايدى.
سونىمەن بىرگە، «ۇقتىرۋدا» مىنالار ايقىندالعان، نىسانعا قوسىلۋ اقىسىن تەڭ تولەۋدى قاتاڭ اتقارۋ، باسقا اقى الۋ تۇرلەرىن ورنىقتى دا ۇيلەسىمدى ءبىرجاقتى ەتۋ كەرەك.
توكپەن، ەلەكترمەن، گازبەن، جىلۋمەن قامدايتىن كاسىپورىندار قۇرىلعىلاردىڭ مۇلىك ۇقىعى شەگىنەن باستاپ، سۋدان، توكتەن، گازدەن، جىلۋدان پايدالانۋ اسپاپتارىنا جەتكىزۋگە دەيىنگى ارالىقتا، پايدالانۋشىلاردىڭ دارالىق قاجەتىن قاناعاتتاندىرۋ ءۇشىن قامداعان ارتىق قىزمەت وتەۋلەرى قاتارلىلارعا باعىتتاي وتىرىپ، قىزمەت وتەۋ ءتۇرى، قىزمەت وتەۋ مازمۇنى سياقتىلاردى ايقىن بەلگىلەۋى كەرەك، ۇيلەسىمدى مولشەردە اقى الۋعا رۇقسات بەرىلەدى، باعاسىن انىق جازۋى كەرەك.
اتالعان «ۇقتىرۋ» 3 – ايدىڭ 10 – كۇنىنەن باستاپ اتقارىلادى. ءارقايسى ايماقتار (وبلىس، قالا) اۋدانداردىڭ ( قالالاردىڭ) سۋمەن، توكپەن، گازبەن، جىلۋمەن قامداۋ جاعىنداعى ۇيلەسىمسىز اقى تۇرلەرىن جونگە سالۋ، كۇشىنەن قالدىرۋ قىزمەتىنە جەتەكشىلىك ەتۋدى كۇشەيتۋى، تولەم بەرۋ ءتاسىلى، وتپەلى كەزەڭ، باعانى رەتكە سالۋدىڭ قىزمەت وتەۋ تۇرلەرى مەن ۋاقىتى قاتارلى ماڭىزدى تۇيىندەردى مىقتى مەڭگەرۋى ءارى قىزمەت بارىسىن جولداپ وتىرۋ مەحانيزمىن ورناتۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
