شي جينپيڭ ترينيداد جانە توباگونىڭ زۇڭليى روۋلەيمەن تەلەفوندا سويلەستى
2021.03.17 15:51 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 16 - كۇنى، بەيجيڭ. مەملەكەت ءتوراعاسى شي جينپيڭ 3 - ايدىڭ 16 - كۇنى كەشتە ترينيداد جانە توباگونىڭ زۇڭليى روۋلەيمەن تەلەفوندا سويلەستى.
شي جينپيڭ بىلاي دەپ اتاپ كورسەتتى: ترينيداد جانە توباگو − جۇڭگونىڭ كارايب رايونىنداعى ماڭىزدى سەلبەستىك سەرىگى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن جۇڭگو مەن ترينيداد جانە توباگو ءبىر جاعادان باس، ءبىر جەڭنەن قول شىعارىپ، ءبىر - بىرىنە قارايلاسىپ وتىردى. ترينيداد جانە توباگو − لاتىن امەريكاسى مەن كارايب وڭىرىندەگى جۇڭگونىڭ ىندەتپەن كۇرەسۋىنە زاتتاي جىلۋعا اتاعان تۇڭعىش مەملەكەت، جۇڭگو جاق تا ءتۇرلى ارنالارمەن ترينيداد جانە توباگونىڭ ىندەتپەن كۇرەسۋىنە زاتتاي جانە تەحنيكالىق كومەك بەردى. جۇڭگو جاق ترينيداد جانە توباگومەن ۆاكسينا سەلبەستىگىن كۇشەيتىپ، ترينيداد جانە توباگونىڭ ىندەتپەن كۇرەسۋىنە ۇزدىكسىز قولداۋ كورسەتۋدى قالايدى. ترينيداد جانە توباگو كارايب ەلدەرى ىشىندە «ءبىر بەلدەۋ، ءبىر جولدى» بىرگە قۇرۋعا الدىمەن ات سالىستى. جۇڭگو ترينيداد جانە توباگومەن ءداستۇرلى دوستىقتى تەرەڭدەتىپ، ەنەرگيا، تەلەگراف، نەگىزدىك قۇرىلعى سياقتى ءداستۇرلى سالالارداعى سەلبەستىكتى بەكەمدەپ، جاڭا ەنەرگيا، سيفرلى ەكونوميكا، ۇلاستىرۋ - تۇتاستىرۋ سياقتى جاڭا سالالارداعى سەلبەستىكتى بەلسەنە كەڭەيتىپ، جۇڭگو مەن ترينيداد جانە توباگونىڭ جان - جاقتى سەلبەستىك سەرىكتەستىك قاتىناسىنىڭ تىڭ ساتىعا كوتەرىلۋىن ىلگەرىلەتۋدى قالايدى.
شي جينپيڭ بىلاي دەپ دارىپتەدى: بيىل − جۇڭگونىڭ ب م ۇ - داعى زاڭدى ورنىنىڭ قالپىنا كەلتىرىلگەنىنىڭ 50 جىلدىعى. جۇڭگو جاق ترينيداد جانە توباگو جاقتىڭ قاستەرلى قولداۋىن ۇمىتپايدى، ترينيداد جانە توباگونىڭ شياڭگاڭعا، شينجياڭعا، تايۋانعا ساياتىن ماسەلەلەردە جۇڭگونىڭ ورىندى تۇرعىسىن قولداعانىن القايدى. جۇڭگو ترينيداد جانە توباگومەن حالىقارالىق جانە كوپ جاقتى ىستەردە سەلبەستىكتى كۇشەيتىپ، دامۋ ۇستىندەگى ەلدەردىڭ ورتاق مۇددەسىن قورعاپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى. ترينيداد جانە توباگونىڭ جۇڭگونىڭ كارايب ەلدەرىمەن قاتىناستى دامىتۋىندا، سونداي - اق جۇڭگو مەن لاتىن امەريكاسىنىڭ جالپى تۇلعالىق سەلبەستىگىن جەبەۋدە ۇزدىكسىز بەلسەندى رول اتقارۋىن ءۇمىت ەتەمىن.
روۋلەي جۇڭگو كوممۋنيستىك پارتياسى قۇرىلعانىنىڭ 100 جىلدىعىن قىزۋ قۇتتىقتادى. ول مىنانى ءبلىدىردى: جۇڭگو كوممۋنيستىك پارتياسى جۇڭگو حالقىنا باسشىلىق ەتىپ، ەكونوميكا، عىلىم - تەحنيكا، كەدەيلەردى سۇيەمەلدەۋ سياقتى سالالاردا دۇنيەنى جالت قاراتقان ۇلى تابىستارعا قول جەتكىزدى. ءتوراعا شي جينپيڭنىڭ پارمەندى باسشىلىعىندا جۇڭگو جاڭا تيپتى ايدارشا ۆيرۋس وكپە قابىنۋ ىندەتىنە ەڭ الدىمەن ءساتتى توتەپ بەردى. سونىمەن بىرگە، جۇڭگو دۇنيە جۇزىندەگى باسقا ەلدەردىڭ ەكونوميكالىق، قوعامدىق دامۋىنا قاستەرلى قولداۋ كورسەتىپ جانە كومەك بەرىپ، حالىقارالىق قوعامنىڭ ىندەتپەن كۇرەسۋىندە ماڭىزدى باسشىلىق رول اتقاردى. جۇڭگو كوممۋنيستىك پارتياسى ءوزىن ماقتانىش ەتۋگە ابدەن لايىق. ترينيداد جانە توباگونىڭ جۇڭگومەن قاتىناسى تەڭدىك پەن دوستىقتى نەگىز ەتەدى. ترينيداد جانە توباگو ءبىر جۇڭگو پرينسيبىندە تاباندى بولىپ، جۇڭگومەن ءار سالاداعى سەلبەستىكتى كۇشەيتۋگە كۇش سالادى ءارى وڭىرلىك ىستەر جونىندە تىعىز قاتىناس جاسايدى. ترينيداد جانە توباگو جۇڭگومەن «ءبىر بەلدەۋ، ءبىر جولدى» بىرگە قۇرۋدى بەلسەندىلىكپەن ىلگەرىلەتۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
