باس شۋجي شي جينپيڭ مەن چاۋشيان ەڭبەك پارتياسىنىڭ باس شۋجيى جين جىڭىن ءوزارا اۋىزشا سالەم جولدادى
2021.03.24 16:14 كەلۋ قاينارى : شينجياڭ گازەتى
شينحۋا اگەنتتىگىنىڭ 3 - ايدىڭ 22 - كۇنى بەيجيڭنەن بەرگەن حابارى. باس شۋجي شي جينپيڭ مەن جۇڭگو كوممۋنيستىك پارتياسى ورتالىق كوميتەتىنىڭ جىبەرۋىمەن جۇڭگو كوممۋنيستىك پارتياسى ورتالىق كوميتەتى سىرتپەن بايلانىس جاساۋ ءبولىمىنىڭ باستىعى سۇڭ تاۋ 3 - ايدىڭ 22 - كۇنى بەيجيڭدە شاقىرتۋ بويىنشا چاۋشياننىڭ جۇڭگودا تۇراتىن باس ەلشىسى لي لۇڭنانمەن كەزدەستى.
لي لۇڭنان چاۋشيان ەڭبەك پارتياسىنىڭ باس شۋجيى جين جىڭىننىڭ باس شۋجي شي جينپيڭگە جولداعان اۋىزشا سالەمىن جەتكىزىپ، چاۋشيان ەڭبەك پارتياسىنىڭ 8 - قۇرىلتايىنىڭ جاعدايىن جان - جاقتى حابارلادى، جۇڭگو پارتياسى مەن حالقىنىڭ باس شۋجي شي جينپيڭنىڭ باسشىلىعىندا الەمدىك الەۋمەتتىك دەنساۋلىق ساقتاۋ داعدارىسىنا ءساتتى تۇردە قارسى اتتانعاندىعىن ءارى جاپپاي دوڭگەلەك داۋلەتتى قوعام ورناتۋ، كەدەيلىكتى تۇبەگەيلى جويۋ كۇرەسىندە كۇللى الەمدى جالت قاراتقان تابىسقا قول جەتكىزگەندىگىن جوعارى باعالادى.
جين جىڭىن مىنانى ءبىلدىردى: چاۋشيان - جۇڭگو قارىم - قاتىناسىن كۇشەيتىپ، دامىتىپ، دۇنيە ءجۇزى سۇيىنە قارايتىن قارىم - قاتىناسقا اينالدىرۋ، دوستىق جانە ىنتىماق ارقىلى سوتسياليزم ىستەرىنىڭ العا باسۋىن ىلگەرىلەتۋ − مەنىڭ مىزعىماس تۇرعىم، سونداي - اق جانە چاۋشيان پارتياسى مەن حالقىنىڭ دا مىزعىماس تۇرعىسى. چاۋشيان جاق چاۋشيان - جۇڭگو دوستىق قارىم - قاتىناسىنىڭ ءداۋىر تالابىنا جانە ەكى ەل حالقىنىڭ مۇراتىنا، تىلەگىنە، ءتۇبىرلى مۇددەسىنە ساي دەڭگەيىنىڭ كوتەرىلىپ داميتىندىعىنا كامىل سەنەدى.
سۇڭ تاۋ باس شۋجي شي جينپيڭنىڭ باس شۋجي جين جىڭىنعا جولداعان اۋىزشا سالەمىن جەتكىزدى. شي جينپيڭ چاۋشيان ەڭبەك پارتياسى 8 - قۇرىلتايىنىڭ اشىلعاندىعىن قايتالاي قۇتتىقتادى ءارى مىنانى ءبىلدىردى: جۇڭگو مەن چاۋشياننىڭ ءداستۇرلى دوستىعى ەكى پارتيانىڭ، ەكى ەلدىڭ، ەكى ەل حالىقتارىنىڭ ورتاق باعالى بايلىعى. جاڭا جاعدايدا ءبىز چاۋشياندىق جولداستارمەن قول ۇستاسا قۇلشىنىپ، جۇڭگو - چاۋشيان قارىم - قاتىناسىن ويداعىداي قورعاپ، ويداعىداي بەكەمدەپ، ويداعىداي دامىتىپ، ەكى ەلدىڭ سوتسياليزم ىستەرىنىڭ ۇزدىكسىز جاڭا جەتىستىكتەرگە جەتۋىن ىلگەرىلەتىپ، ەكى ەل حالقىن اناعۇرلىم جاقسى باقىتقا كەنەلتۋدى قالايمىز.
شي جينپيڭ بىلاي دەپ باسا دارىپتەدى: كەزەكتە 100 جىلدىق وزگەرىس پەن عاسىرلىق ىندەت جاعدايىنىڭ قوس قابات اسەرىندە حالىقارالىق جانە وڭىرلىك جاعدايدا تەرەڭ وزگەرىستەر تۋىلۋدا. جۇڭگو جاق چاۋشيان جاقپەن جانە قاتىستى جاقتارمەن بىرگە تۇبەك ماسەلەسىن ساياسي جولمەن شەشۋ بەتالىسىنا تاباندى بولىپ، تۇبەكتىڭ بەيبىتشىلىگىن، ورنىقتىلىعىن قورعاپ، ءوڭىردىڭ بەيبىتشىلىگى، ورنىقتىلىعى جانە دامۋى، گۇلدەنۋى ءۇشىن تىڭ دا بەلسەندى ۇلەستەر قوسۋدى قالايدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
