شي جينپيڭ بۋرۋنديدىڭ زۇڭتۇڭى ندەيشمەرمەن تەلەفوندا سويلەستى
2021.03.30 16:53 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 29 - كۇنى، بەيجيڭ. مەملەكەت ءتوراعاسى شي جينپيڭ 3 - ايدىڭ 29 - كۇنى كەشتە بۋرۋنديدىڭ زۇڭتۇڭى ندەيشمەرمەن تەلەفوندا سويلەستى.
شي جينپيڭ بىلاي دەپ اتاپ كورسەتتى: تاياۋ جىلداردان بەرى جۇڭگو مەن بۋرۋندي ەكى ەل قاتىناسى جوعارى دەڭگەيدە دامىدى، ەكى جاقتىڭ ساياسي سەنىمدىلىگى بەرىك، ءار سالاداعى سەلبەستىگىنىڭ ناتيجەسى كورنەكتى بولدى، حالىقارالىق ىستەردە تىعىز سەلبەسىپ، سايكەسىپ، دامۋ ۇستىندەگى ەلدەر سەلبەستىگىنىڭ ۇلگىسىنە اينالدى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن ەكى ەل ءبىرىن - ءبىرى قولداپ، ءبىر - بىرىنە كومەكتەسىپ، دوستىقتى تەرەڭدەتتى. جۇڭگو بۋرۋنديدىڭ جۇڭگومەن دوستىق ساياساتتى تاباندىلىقپەن اتقارعانىن القايدى. ەكى جاق ىنتىماقتى، سەلبەستىكتى كۇشەيتىپ، ءبىر - ءبىرىنىڭ وزەكتى مۇددەسىنە ساياتىن ماسەلەلەردە ءبىرىن - ءبىرى ۇزدىكسىز باتىل قولداپ، دەربەس، ءوز - وزىنە قوجا بولۋدا تاباندى بولىپ، سىرتتىڭ كيلىگۋىنە قارسى تۇرىپ، حالىقارالىق ادىلدىك پەن ادىلەتتىلىكتى بىرگە قورعاۋى كەرەك.
شي جينپيڭ بىلاي دەپ دارىپتەدى: جۇڭگو بۋرۋنديمەن ساياسي بارىس - كەلىستى كۇشەيتىپ، پارتيالار ارا اۋىس - كۇيىستى جيىلەتىپ، زاڭ شىعارۋ قۇرىلىمى، جەرگىلىكتى ۇكىمەت، اقىل - پاراسات قويماسى سياقتى بارىس - كەلىس پەن سەلبەستىكتى تەرەڭدەتىپ، ەل باسقارۋداعى تاجىريبە اۋىس - كۇيىسىن جانە دامۋ ستراتەگياسىن ۇشتاستىرۋدى كۇشەيتىپ، اناعۇرلىم جوعارى دەڭگەيدەگى ءوزارا ءتيىمدى سەلبەستىك پەن بىرگە دامۋدى جۇزەگە اسىرىپ، جۇڭگو - بۋرۋندي قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋدى قالايدى. جۇڭگو بۋرۋنديدىڭ ەكونوميكالىق، قوعامدىق دامۋىن قولداپ، نەگىزدىك قۇرىلعى نىساندارى سەلبەستىگىن ىلگەرىلەتىپ، جۇڭگو قۇرعان اۋىل شارۋاشىلىعىنان ۇلگى كورسەتۋ ورتالىعىنان جانە اۋىل شارۋاشىلىعى ماماندار گرۋپپاسىنان ويداعىداي پايدالانىپ، ەكى ەلدىڭ اۋىل شارۋاشىلىعى سەلبەستىگىنىڭ اناعۇرلىم كوپ جەتىستىكتەرگە قول جەتكىزۋىن ىلگەرىلەتىپ، بۋرۋنديدىڭ استىق حاۋىپسىزدىگى مەن اۋىل - قىستاق حالقىنىڭ كەدەيلىكتەن ارىلىپ، اۋقاتتانۋىنا دەم بەرەدى. جۇڭگو بۋرۋنديمەن بىرگە جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋىنىڭ جەتىستىكتەرىن ويداعىداي تياناقتاندىرىپ، جاڭا كەزەكتى تالقى مىنبەرىنىڭ ءساتتى وتكىزىلۋىنە ۇلەس قوسۋدى قالايدى.
ندەيشمەر جۇڭگو كوممۋنيستىك پارتياسى قۇرىلعانىنىڭ 100 جىلدىعىن قىزۋ قۇتتىقتاپ، جۇڭگو كوممۋنيستىك پارتياسىنىڭ كەدەيلىكتەن ارىلتۋدان قامال الۋ جانە جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ سياقتى سالالاردا قول جەتكىزگەن ۇلى تابىستارىن ايرىقشا القادى. ول مىنالاردى ءبىلدىردى: بۋرۋندي جۇڭگونىڭ بۋرۋنديدىڭ مەملەكەتتىڭ يەلىك ۇقىعىن، تەرريتوريا تۇتاستىعىن جانە ۇلتتىڭ تاۋەلسىزدىگىن قورعاۋ جولىندا كورسەتكەن قولداۋىنا العىس ايتادى، بۋرۋندي مەن جۇڭگونىڭ سەلبەستىگى بۋرۋندي حالقىنا ناقتى پايدا جەتكىزدى. بۋرۋندي مەن جۇڭگو ماڭگى جاقسى دوس، جاقسى باۋىرلاس. بۋرۋندي جۇڭگونىڭ تايۋانعا، شينجياڭعا، نانحاي تەڭىزىنە ساياتىن وزەكتى مۇددە ماسەلەسىندەگى تۇرعىسىن باتىل قولدايدى، جۇڭگو مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ جونىندەگى قاراردى قاراپ ماقۇلداۋىن قولدايدى. بۋرۋندي جۇڭگومەن قاتىناستى دامىتۋعا ايرىقشا ءمان بەرەدى، جۇڭگو كوممۋنيستىك پارتياسىنىڭ ەل باسقارۋ تاجىريبەلەرىنەن ۇيرەنىپ، ۇلگى الىپ، ەكى ەلدىڭ اۋىل شارۋاشىلىعى، نەگىزدىك قۇرىلعى، ىندەتكە قارسى اتتانۋ سياقتى سالالارداعى سەلبەستىگىن كۇشەيتىپ، بۋرۋندي - جۇڭگو دوستىق سەلبەستىك قاتىناسىن ىلگەرىلەتۋدى ءۇمىت ەتەدى. بۋرۋندي جۇڭگو - افريكا سەلبەستىك تالقى مىنبەرىنىڭ جاڭا كەزەكتى ءماجىلىسىنىڭ تابىستى بولۋىن ىلگەرىلەتۋگە پەيىل.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
