«ٵن قاناتى» اتتى ٵن - ءبيلى كينو بۇكىل ەلىمىزدە قويىلدى
كوركەم شينجياڭدى كورسەتەدى
2021.04.01 14:30 كەلۋ قاينارى : حالىق تورابى
شينجياڭ ۇيعۇر اۆتونوميالى رايوندىق پارتكوم ۇگىت ءبولىمىنىڭ ۇيىمداستىرىپ جوسپارلاۋىمەن، شينجياڭ ۇيعۇر اۆتونوميالى رايوندىق مادەنيەت جانە ساياحات مەڭگەرمەسىنىڭ قولداۋىمەن تيانشان كينو ستۋدياسى جاساپ تۇسىرگەن جاڭا جۇڭگو قۇرىلعاندىعىنىڭ 70 جىلعىنا ارنالعان جاستىقتىڭ ٵن - جىرىنا تولى كينو «ٵن قاناتى» 3 - ايدىڭ 28 - كۇنى بۇكىل ەل كولەمىندە قويىلدى.
كينودا ۇقساماعان ءۇش ۇلت جاس مۋزيكانتتارىنىڭ، مۋزيكاداعى جەتكەن جەتىستىكتەرىنە قاناعاتتانباي، مۋزيكانىڭ «شىرقاۋ شىڭىنا» قۇلاش ۇرعان كەشىرمەسى باياندالعان. ولار شينجياڭنىڭ جەر - جەرىن ارالاپ ٵر ۇلت حالقىنىڭ باي مازمۇندى ٵن - بيىنەن ءنار جينايدى، سوڭىندا مۇزتاۋدىڭ باۋرايىندا «بايتاق دالا جىرى» ٵنىن جازىپ شىرقاپ، مۋزيكا ارماندارىن ىسكە اسىرادى.
كينونىڭ قارجىگەرى، باس رەجيسسەرى گاۋ حۋاڭگاڭ بىلاي دەپ تانىستىردى: «ٵن قاناتى» تيانشان كينو ستۋدەياسىنىڭ جاقىنعى جىلداردان بەرى قوسقان قارجىسى ەڭ مول، ادام كۇشى بايلىعى ەڭ كوپ، ەڭ وزىق اسپاپتاردى پايدالانعان، 7 ايماق - وبلىستى ارالاپ، كۇن - ءتۇن دەمەي نەشە ون مىڭ شاقىرىم جەردى باسقان، ۇشاقپەن ءتۇسىرۋ ءتاسىلىن كوپ مولشەردە پايدالانعان، لي بايدىڭ «جارىق اي كوتەرىلىپ شۇلەنتاۋدان، ساۋلەسىن شاشتى بۇلت اراسىنان» دەپ كەلەتىن جىر جولدارىنداعى سۋرەتتەلگەن كوركەم كورىنىستى شىن مانىندە ەكرانعا تۇسىرگەن كينوسى.
ٵن - ءبيدى تاقىرىپ ەتكەن «ٵن قاناتى» كينوسى ٵن - ءبي ەلەمەنتتەرىن كوپ مولشەردە پايدالاندى، مۇندا 8 دوڭگەلەك ٶرىس ٵنى، 4 ۇلكەن ٵن - ءبي، 2 بولەك مۋزيكالى تياتردى قامتيدى، ۇلكەن ەكران ارقىلى 8 ۇلتتىڭ ۇلتتىق سالت - ساناسىن بەينەلەدى.
«ٵن قاناتىنىڭ» باس رەجيسسەرى گاۋ حۋاڭگاڭ، رەجيسسەرى ابدىكەرىم ابىلەز، يان گاۋشان دوستىق تۇرعىدان رەجيسسەرلىك ەتكەن ، لي مۋشى، گاۋچي سەنارياسىن جازعان، دۇڭ يىڭدا مۋزيكاسىن جاساعان، شيا ۋاڭ، جاڭ يىڭبيڭ، ءۇمىت، جياڭ ي - حاۋ (ايقىن) قاتارلىلار نەگىزگى رولداردى سومداعان، ليۋ جىبيڭ، لو گاڭ، نيعىمەت، سىچىن گەرلى، لي ي - رۋ، قازىكەن قالي ۇلى قاتارلىلار دوستىق تۇرعىدان رول سومدادى، حۇڭ چيشان، تاسقىن تابسقان ۇلى، اراي ايدارقان ۇلى، سۇي زىگى، جۇي حۇڭچۋان قاتارلى انشىلەر اسەم اندەر شىرقادى.
3 - ايدىڭ 28 - كۇنىنەن باستاپ اتالعان كينو بۇكىل ەلىمىزدە قويىلدى، كورەرمەندەردىڭ ۇلكەن ەكران ارقىلى شينجياڭنىڭ كوز تارتار كوركەم كورىنىستەرى مەن مازمۇنعا تولى ۇلتتىق سالت - ساناسىنان، سونداي - اق كوپتەگەن ۇلتتاردىڭ ٵن - بيىنەن ءلاززاتتانىپ، شينجياڭداعى ٵر ۇلت حالقىنىڭ ىنتىماقتاسا العا ىلگەرىلەگەن، ۇزدىكسىز ٶزىن قۇدىرەتتەندىرگەن جاڭا بەت - بەينەسىن كورە الادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
