شي جينپيڭ توڭكەرىستىك مادەني مۇرالار قىزمەتى جونىندە ماڭىزدى نۇسقاۋ بەرىپ، مىنانى دارىپتەدى
توڭكەرىستىك مادەني مۇرالاردى قورعاۋ، باسقارۋ، پايدالانۋدى شىن مانىندە جاقسى ىستەپ، قالىڭ كادرلار مەن بۇقارانىڭ رۋحاني كۇشىن تاسقىنداتۋ كەرەك
2021.03.31 16:22 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 30 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا توڭكەرىستىك مادەني مۇرالار قىزمەتى جونىندە ماڭىزدى نۇسقاۋ بەرىپ، مىنالاردى اتاپ كورسەتتى: توڭكەرىستىك مادەني مۇرالار پارتيا مەن حالىقتىڭ ەرلىكپەن كۇرەس جۇرگىزگەن داڭقتى تاريحىن ارقالاپ، جۇڭگو توڭكەرىسىنىڭ ۇلى بارىسى مەن اسەرلى ىزگى ىستەرىن ەستەلىككە الادى، بۇل − پارتيا مەن مەملەكەتتىڭ باعالى بايلىعى، توڭكەرىستىك ءداستۇر مەن توڭكەرىستىك مادەنيەتتى ساۋلەلەندىرۋدىڭ، سوتسياليستىك رۋحاني وركەنيەت قۇرىلىسىن كۇشەيتۋدىڭ، وتانشىلدىق ىنتانى قوزعاۋدىڭ، ۇلتتىق رۋحتى سەرپىلتۋدىڭ جاندى وقۋلىعى.
شي جينپيڭ بىلاي دەپ دارىپتەدى: توڭكەرىستىك مادەني مۇرالاردى قورعاۋدى، پايدالانۋدى كۇشەيتىپ، توڭكەرىستىك مادەنيەتتى ساۋلەلەندىرىپ، توڭكەرىستىك گەندى جالعاستىرۋ − بۇكىل پارتيانىڭ، بۇكىل قوعامنىڭ ورتاق جاۋاپكەرلىگى. ءار دارەجەلى پارتكومدار مەن ۇكىمەتتەر توڭكەرىستىك مادەني مۇرالاردى قورعاۋ، پايدالانۋ قىزمەتىن ماڭىزدى كۇن تارتىپكە ەنگىزىپ، قىزمەت تەبىنىن ارتتىرىپ، توڭكەرىستىك مادەني مۇرالاردى ويداعىداي قورعاپ، ويداعىداي باسقارىپ، ويداعىداي پايدالانىپ، توڭكەرىستىك مادەني مۇرالاردىڭ پارتيا تاريحىن ۇيرەنۋ تاربيەسى، توڭكەرىستىك ءداستۇر تاربيەسى، وتانشىلدىق تاربيەسى سياقتى جاقتارداعى ماڭىزدى رولىن ويداعىداي ساۋلەلەندىرىپ، قالىڭ كادرلار مەن بۇقارانىڭ رۋحاني كۇشىن تاسقىنداتىپ، سوتسياليستىك وسىزاماندانعان مەملەكەتتى جاپپاي قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا كۇش ۇستىنە كۇش قوسىپ كۇرەس جۇرگىزۋى كەرەك.
مەملەكەتتىك توڭكەرىستىك مادەني مۇرالار قىزمەتى ءماجىلىسى 3 - ايدىڭ 30 - كۇنى بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى سۇن چۇنلان ماجىلىستە شي جينپيڭنىڭ ماڭىزدى نۇسقاۋىن جەتكىزدى.
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق ۇگىت ءبولىمىنىڭ باستىعى حۋاڭ كۇنميڭ ماجىلىستە ءسوز سويلەپ بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى نۇسقاۋى توڭكەرىستىك مادەني مۇرالار قىزمەتىنىڭ كەلەلى ءمانىن، نىسانالىق مىندەتىن جانە نەگىزگى تالابىن تەرەڭ پايىمداپ، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭكەرىستىك مادەني مۇرالار قىزمەتىنە ايرىقشا ءمان بەرەتىنىن ايگىلەدى، بۇل − جاڭا داۋىردەگى توڭكەرىستىك مادەني مۇرالار قىزمەتىن ويداعىداي ىستەۋدىڭ ءتۇبىرلى تياناعى. باس شۋجي شي جينپيڭنىڭ ماڭىزدى نۇسقاۋىن مۇقيات ۇيرەنىپ، دايەكتىلەندىرىپ، توڭكەرىستىك مادەني مۇرالار قىزمەتىنىڭ توڭكەرىس تاريحىنا كۋا بولۋداعى، توڭكەرىس رۋحىن ساۋلەلەندىرۋدەگى ماڭىزدى رولىن جەتە تانىپ، جاڭا ءداۋىر، جاڭا تالاپپەن ۇشتاستىرىپ، قورعاۋ، باسقارۋ، قولدانۋ قىزمەتتەرىن ءبىر تۇتاس ويداعىداي ىستەپ، توڭكەرىستىك مادەني مۇرالار قىزمەتىندە جاڭا جاعداي اشۋدى ىلگەرىلەتۋ كەرەك.
مەملەكەتتىك مادەني مۇرالار مەكەمەسىندەگى، مەملەكەتتىك دامۋ جانە رەفورما كوميتەتىندەگى، قازىنا مينيسترلىگىندەگى جانە جياڭشي، شانشي، حۋنان ولكەلەرىندەگى قاتىستى جاۋاپتى جولداستار ماجىلىستە ءسوز سويلەدى.
ولكە، اۆتونوميالى رايون، توتە قاراستى قالالارداعى جانە شينجياڭ ءوندىرىس - قۇرىلىس بيڭتۋانىنداعى، ورتالىق پەن مەملەكەت ورگاندارىنىڭ قاتىستى تاراۋلارىنداعى، ورتالىق اسكەري ىستەر كوميتەتى ورگانىنىڭ قاتىستى تاراۋلارىنداعى جاۋاپتى جولداستار، توڭكەرىستىك مادەني مۇرالاردى قورعاۋ، پايدالانۋ اۋماعىنىڭ ۋاكىلدەرى، توڭكەرىستىك مادەني مۇرالار ماماندارىنىڭ ۋاكىلدەرى قاتارلىلار ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
