شينجياڭ ۇيعۇر اۆتونوميالى رايوندىق باس جۇمىسشى ۇيىمى، اۆتونوميالى رايوندىق ايەلدەر بىرلەستىگى، شينجياڭ ماقتا قوعامى مالىمدەمە جاريالادى
ءارقانداي كۇشتىڭ شينجياڭنىڭ كىرشىكسىز اپپاق ماقتاسىنا داق سالۋىنا جول بەرمەيمىز
شينجياڭ ۇيعۇر اۆتونوميالى رايوندىق باس جۇمىسشى ۇيىمى: شينجياڭنىڭ ماقتاسىنا داق سالۋعا ءبىز، استە، جول بەرمەيمىز
2021.03.31 14:22 كەلۋ قاينارى : شينجياڭ گازەتى
جۋىقتان بەرى امەريكاداعى، باتىس جاقتاعى جۇڭگوعا قارسى كۇشتەر استاسىپ، شينجياڭنىڭ ادامدىق ۇقىق جاعدايىنا بەتالدى كۇيە جاعىپ، ايتىلمىس ”جۇڭگو زورلىقتى تۇردە ەڭبەككۇشتەردى باسقا سالاعا ويىستىرۋ جانە كەدەيلەردى سۇيەمەلدەۋ جوسپارى ارقىلى شينجياڭداعى نەشە 100 مىڭ از ۇلت جۇمىسشىسىن قولمەن ماقتا تەرۋگە ماجبۇرلەدى“ دەگەن سياقتى شىلعي وتىرىكتى ويدان قۇراستىرىپ، وسى ”ءاۋماسىر ەسەرسوقتاردىڭ“ ايتىلمىس شينجياڭ ماسەلەسىن جاساپ، ادامدىق ۇقىقتى جەلەۋ ەتىپ، جۇڭگونىڭ ىشكى ىسىنە كيلىگۋ ارقىلى شينجياڭنىڭ حاۋىپسىزدىگىن، ورنىقتىلىعىن بۇلدىرۋگە ۇرىنعان سۇرقيا نيەتىن ايپاراداي اشىپ تاستادى.
ەلىمىزدىڭ نەگىزگى ماقتا ءوندىرىس رايونى رەتىندە، جۋىق جىلداردان بەرى شينجياڭ ماقتانى ماشينالاندىرىپ، زەردەلىلەندىرىپ، كولەمدەندىرىپ ەگۋدى جۇزەگە اسىردى. نەشە كۇننىڭ الدىندا انار بۇلت كليەنتىنىڭ اۋدان دارەجەلى توعىسپالى اقپارات قۇرالدارى ورتالىعىمەن بىرلەسىپ ۇيىمداستىرعان «4 جەر شينجياڭنىڭ ميلليون مۋلىق ماقتا اتىزىن شوفەرسىز تراكتورمەن ەگۋىن بىرلەسىپ تاراتۋ» تىكە بەرىلىمى عىلىم - تەحنيكانىڭ كۇش ۇستەۋىندە شينجياڭنىڭ ماقتا كاسىبىنىڭ جوعارى ساپالى دامىعان جانە اۋىل - قىستاقتى گۇلدەندىرۋدى جاپپاي ىلگەرىلەتكەن، اۋىل شارۋاشىلىعىن، اۋىل - قىستاقتى وسىزامانداندىرۋدى جەدەلدەتكەن جان سۇيىندىرەتىن كورىنىسىن جان - جاقتىلى جاندى كورسەتتى. قازىر شينجياڭ ماقتاسىن ماشينامەن تەرۋ مولشەرى ％75.5كە جەتىپ، سولتۇستىك شينجياڭدا ％95كە جەتتى. ماقتا تەرەتىن جۇمىسشىلار ماقتا ەگەتىن وتباسىن تۇگەلدەي ءوز قالاۋى بويىنشا تاڭداپ، «شينجياڭ ۇيعۇر اۆتونوميالى رايونىنىڭ كاسىپورىن ەڭبەكاقىسىن كوللەكتيۆ اقىلداسۋ ەرەجەسى»، «شينجياڭ ۇيعۇر اۆتونوميالى رايونىنىڭ جۇمىسشى - قىزمەتكەرلەردىڭ ەڭبەك ۇقىق - مۇددەسىن قامتاماسىزداندىرۋ ەرەجەسى» سياقتى جەرگىلىكتى زاڭ ەرەجەلەر بويىنشا، تەڭ، ءوز ەركىمەن، اقىلداسىپ ءبىر اۋىزدىلىققا كەلۋ نەگىزىندە ەڭبەك توقتامىنا قول قويىسىپ، لايىقتى ەڭبەكاقىسىن الادى، ولار ماقتا تەرەتىن جەردى دە بۇكىلدەي ءوز قالاۋىمەن تاڭدايدى.
ءبىز از ۇلت جۇمىسشى - قىزمەتكەرلەرىنىڭ ءوز ۇلتىنىڭ ءتىل - جازۋىن قولدانۋ ۇقىعىن تولىق قۇرمەتتەيمىز جانە قامتاماسىز ەتەمىز، قىزمەتكەرلەر مەن جۇمىسشىلار قايسى ءتىل - جازۋمەن بارىس - كەلىس جاساۋدى وزدەرى تاڭدايدى. كاسىپورىندارداعى جۇمىسشى ۇيىمى ءار ۇلت جۇمىسشى - قىزمەتكەرلەرىنىڭ عۇرىپ - ادەتىنە تولىق قۇرمەت ەتىپ، جۇمىسشى - قىزمەتكەرلەرگە مۇسىلمانشا اس - سۋ دايىنداپ بەرەدى، سونىمەن بىرگە، جۇمىسشى - قىزمەتكەرلەردىڭ مادەني كوڭىل اشۋ تۇرمىسىن بايىتۋ ءۇشىن، باسكەتبول، تاق - تۇق دوپ، فۋتبول سياقتى مادەنيەت، دەنە تاربيە، كوڭىل اشۋ بۇيىمدارىن ساتىپ اكەلىپ، ادەبيەت - كوركەمونەر ساۋىق كەشى، بىرلەسكەن دوستىق قيمىلى جانە مەرەكەنى قۇتتىقتاۋ قوناقاسى، اڭگىمەلەسۋ سياقتى قيمىلداردى ۇيىمداستىرىپ ورىستەتەدى.
ءبىز ”فىڭچياۋ تاجىريبەسى“ جۇمىسشى - قىزمەتكەرلەرگە زاڭدىق قىزمەت وتەۋ پۋنكتىن كەڭ كولەمدە قۇرىپ، جۇمىسشى - قىزمەتكەرلەردىڭ ۇقىق - مۇددەسىن قورعايتىن ادۆوكاتتار ەرىكتى ۇيىرمەسىن قۇرىپ، ءار ۇلت جۇمىسشى - قىزمەتكەرلەرىن زاڭنان تەگىن كەڭەس بەرىپ كومەكتەسۋ، پسيحيكالىق كەڭەس بەرۋ سياقتى قىزمەت وتەۋمەن قامداپ، جۇمىسشى - قىزمەتكەرلەردىڭ زاڭدى ۇقىق - مۇددەسىن كۇش سالا قورعادىق. ”زاڭعا قۇرمەت ەتۋ، زاڭعا بويسۇنۋ. ارمانعا بىرگە قانات قاعۋ“ شارۋا جۇمىسكەرلەرىنىڭ الەۋمەتتىك يگىلىك زاڭدىق قىزمەت وتەۋ ارەكەتى سياقتى قيمىلداردى بەلسەنە ورىستەتىپ، ءار ۇلت ەڭبەكشىلەرىنە ەڭبەكاقى ۇقىعى، تىنىعۋ - دەمالىس الۋ ۇقىعى، ەڭبەك حاۋىپسىزدىگىن، دەنساۋلىعىن قورعاۋ ۇقىعى، قوعامدىق قامسىزداندىرۋعا، يگىلىككە يە بولۋ ۇقىعى سياقتى جاقتاردان الەۋمەتتىك يگىلىك زاڭدىق قىزمەت وتەۋىمەن قامدادىق.
ەڭبەك − ءومىر ءسۇرۋدىڭ تياناعى، دامۋدىڭ نەگىزى، باقىتتىڭ قاينارى، تاماشا تۇرمىس جاراتۋدىڭ قاجەتتى شارتى. شينجياڭداعى ءار ۇلت بۇقاراسى تۇگەلدەي ”ەڭبەكپەن تاپقان نان ءتاتتى“ ەكەندىگىن، باقىتتىڭ اسپاننان تۇسپەيتىندىگىن، جاقسى تۇرمىستى قوس قولىنا سۇيەنىپ جاراتاتىندىعىن ابدەن بىلەدى، بارلىعى دا ورنىقتى قىزمەت تاۋىپ، ءتىپتى دە كوبىرەك اقشا تابۋدى ءۇمىت ەتەدى. ماسەلەن، قاشقار ايماعىنداعى ەڭبەك جاسىنداعى ەڭبەككۇشتەر ۇيلەرىندە ەگىنشىلىكپەن شۇعىلدانعاندا جان باسىندىق جىلدىق كىرىسى شامامەن 4000 يۋان بولدى، ال كاسىپورىندارعا بارىپ قىزمەت ىستەگەننەن كەيىن جان باسىندىق جىلدىق كىرىسى 20 مىڭ يۋاننان استى؛ ەرلى - زايىپتىلار بىردەي كاسىپورىندا قىزمەت ىستەسە، جىلدىق كىرىستەرى 60 نەشە مىڭ يۋانعا جەتەدى. ولار قاجىرلىلىقپەن قىزمەت ىستەۋ ارقىلى وتباسىنىڭ تۇرمىسىن جاقسارتىپ، تابىس سەزىمى، باقىت سەزىمى كورنەكتى نىعايدى.
جۇرتقا بەلگىلى، امەريكا ناعىز زورلىقپەن ەڭبەككە سالۋ ساقتالىپ وتىرعان مەملەكەت. امەريكا جاريالاعان جىلدىق «ادامدى ساۋدالاۋ - تاسىمالداۋ ماسەلەسى جونىندەگى باياندامادا» امەريكادا زورلىقپەن ەڭبەككە سالۋ، ءتان ساتۋعا زورلاۋ، بەرەشەك ادامدى قۇلدانۋ سياقتى ماسەلەلەر اۋىر ەكەندىگى، ونىڭ ادامدى ساۋدالاۋ - تاسىمالداۋدىڭ شىققان جەرى، اپارىلاتىن مەملەكەتى، وتكەرمەلەيتىن مەملەكەت ەكەندىگى، اۋەلى، امەريكا ءمانساپتىلارىنىڭ دا ادامدى ساۋدالاۋ - تاسىمالداۋعا جانە زورلىقپەن ەڭبەككە سالۋعا قاتىناسقاندىعى مويىندالعان. 2015 - جىلى 6 - ايدىڭ 10 - كۇنى حالىقارالىق جۇمىسشى وداعى ءبىر بايانداما جاريالاپ، امەريكانى جۇمىسشىلاردىڭ ۇقىعىنا سيستەمالى سۇعاناقتىق جاسايتىن مەملەكەتتەردىڭ قاتارىنا جاتقىزعان بولاتىن.
وسەك - اياڭ مىڭ رەت قايتالانسا دا شىندىق بولمايدى. باتىس جاقتىڭ جۇڭگوعا قارسى كۇشتەرى مەيلى قالاي كۇيە جاقسا دا جانە جالا جاپسا دا، ءبارىبىر شينجياڭنىڭ كوركەيىپ دامىعان قادامىنا بوگەت بولا المايدى، شينجياڭداعى ءار ۇلت حالقىنىڭ ىنتىماقتى، تاتۋ - ءتاتتى، ءوزارا كومەكتەسەتىن، بىرگە العا باساتىن اسا تاماشا جاعدايىن وزگەرتە المايدى. جۇڭگونىڭ بازارى توتەنشە ۇلكەن، دۇنيە ءجۇزىنىڭ بازارى توتەنشە كەڭ، شينجياڭ ماقتاسىنىڭ ەگۋ جانە ساتۋ جولى ايتىلمىس ”جازالاۋدىڭ“ ءتۇبىرلى ىقپالىنا ۇشىرامايدى. ءاربىر ءتۇپ ماقتا شينجياڭداعى ءار ۇلت حالقىنىڭ قاجىرلى ەڭبەكپەن بايۋ ۇمىتىنە دەمەۋ بولۋدا، جۇڭگو ۇكىمەتىنىڭ شينجياڭداعى ءار ۇلت بۇقاراسىنىڭ ەڭبەك ۇقىعى مەن دامۋ ۇقىعىن قامتاماسىز ەتكەن اسەرلى اڭگىمەسىن دارالاپ كورسەتۋدە، باتىس جاقتىڭ ساياسي الاياقتارىنىڭ قارا نيەتى شينجياڭنىڭ كىرشىكسىز اپپاق ماقتاسىنا داق تۇسىرە المايدى. ولار وزدەرىن تيا بىلمەسە، ءبىز شينجياڭ جۇمىسشى تابى، استە، جول بەرمەيمىز!
شينجياڭ ۇيعۇر اۆتونوميالى رايوندىق ايەلدەر بىرلەستىگى:
شينجياڭدىق ايەلدەردىڭ، اپەكە - سىڭلىلەردىڭ جارقىن جولىن بوگەۋگە جول بەرمەيمىز
تاياۋدا امەريكاداعى، باتىس جاقتاعى جۇڭگوعا قارسى كۇشتەر ايتىلمىس ”زورلىقپەن ەڭبەككە سالدى“ دەگەن سىلتاۋمەن شىلعي وتىرىكتى ويدان قۇراستىرىپ، شينجياڭ ماقتاسىنا شەكتەۋ قويدى. ولاردىڭ شينجياڭنىڭ تىنىش، جاراسىمدى، ورنىقتى جاعدايىن بۇلدىرۋگە، كۇيە جاعۋعا، كىر كەلتىرۋگە ۇرىنۋى بارىپ تۇرعان ەسەك دامە، قۇر قيال! بۇعان شينجياڭداعى ءار ۇلت ايەلدەرى، اپەكە - سىڭلىلەر قاتتى كەكتەنەدى ءارى باتىل قارسى تۇرادى.
شينجياڭنىڭ ماقتا كاسىبى شينجياڭداعى اپەكە - سىڭلىلەردىڭ كىرىسىن ارتتىرىپ، بايۋىنىڭ ماڭىزدى جولى. شينجياڭدا ماقتا ەگۋگە قاجەتتى ەرەكشە شارت - جاعداي بار، شينجياڭنان شىعاتىن ۇزىن تالشىقتى ماقتانىڭ سورتى جاقسى، ءونىم مولشەرى جوعارى، قاجەتسىنۋدى قامداي الماي كەلەدى. شينجياڭنىڭ ابزال كاسىپ سالاسى رەتىندە، ماقتا كاسىبى شينجياڭ ەكونوميكاسىنىڭ جوعارى ساپالى دامۋىنا تىرەك بولۋدا جانە بۇقارانىڭ تىنىش ءومىر، شات - شادىمان تۇرمىس كەشىرۋىن قامتاماسىز ەتۋدە. سونىمەن قاتار، مەملەكەتتىڭ ماقتا كاسىپ سالاسى ستراتەگيالىق جوباسى مەن ءتۇرلى ساياساتىنىڭ زور كۇشپەن قولداۋىندا، شينجياڭ بۇكىل ەلدىڭ توقىماشىلىق، كيىم - كەشەك كاسىبىندە قارجى قوسۋ ەڭ قىزعىندى، وزىندىك قۇنى ەڭ تومەن، دامۋى ەڭ تەز وڭىرگە اينالدى. ماقتا كاسىبىنىڭ العا باسۋى، دامۋى بۇكىل شينجياڭداعى ءار ۇلت بۇقاراسىنىڭ قاجىرلى ەڭبەگىنىڭ جەمىسى. سونىمەن قاتار، شينجياڭداعى ءار ۇلت بۇقاراسى دا ماقتا كاسىبىنىڭ ەڭ ۇلكەن يگىلىككە كەنەلۋشىسى. قاراپايىم ماقتاشىلار قاجىرلى ەڭبەگى ارقىلى عىلمي ەگىمشىلىككە سۇيەنىپ، قىسقا عانا بىرنەشە جىلدا بايۋ شەبەرىنە اينالعان حيكايالار كوپتەپ كەزدەسەدى. شينجياڭنىڭ اۋىل - قىستاقتارىندا كوپتەگەن اپەكە - سىڭلىلەر قاجىرلى ەڭبەگى ارقىلى ءۇمىت وتىن قاۋلاتىپ، ماقتا اتىزىنان التىنداي جارقىراعان بولاشاق تاپتى. ءار جىلعى التىن كۇزدىڭ 9 - ايىندا اپەكە - سىڭلىلەر ماقتا تەرۋ ەڭبەگىنە ات سالىسىپ، 2 ايدان استام ۋاقىت ماقتا تەرىپ، ارتقان كىرىسىن 10 مىڭ يۋاننان اسىرادى.
شينجياڭنىڭ توقىماشىلىق، كيىم - كەشەك كاسىبى سالاسى وڭتۇستىك شينجياڭنىڭ ارتىق ەڭبەككۇشتەرىن باسقا سالاعا ويىستىرىپ جۇمىستاندىرۋ بارىسىن جەبەپ، كوپتەگەن اۋىل - قىستاق ايەلدەرى شارۋادان كاسىپ سالاسى جۇمىسشىسىنا اينالىپ، توقىماشىلىق ءوندىرىس جەلىسىندە كوركەم تۇرمىستارىن كەستەلەۋدە. قاشقار قالاسى نازارباق قالاشىعى چۇمبۇس قىستاعىنىڭ تۇرعىنى رابيگۇل تۇردى ءۇيىنىڭ ماڭايىنداعى كاسىپ سالاسى باقشاسىندا جۇمىستانعانىنا 3 جىل بولدى. جەتىك تىگىنشىلىك تەحنيكاسىنا سۇيەنگەن ونىڭ ورنىقتى كىرىسى بولدى. قاشقار قالاسى بەسكەرىم اۋىلى بويلا قىستاعىنداعى بايۋعا باستاماشى ايەلدەر قۇرعان 3 كيىم - كەشەك تىگۋ سەلبەستىك كووپەراتيۆى كووپەراتيۆ + شارۋا وتباسى فورماسىمەن 40 نەشە ايەلدىڭ ءۇيىنىڭ قاسىنان جۇمىستانۋ ارمانىن جۇزەگە اسىردى. اقتاۋ اۋدانىنداعى ءبۇۋزورا روزى شينجياڭنىڭ توقىماشىلىق، كيىم - كەشەك كاسىپ سالاسىن دامىتۋ ءتيىمدى ورايىندا جينجىن قول كەستە كاسىپتىك سەلبەستىك كووپەراتيۆىن قۇرىپ، 100دەن ارتىق اپەكە - سىڭلىلەردى باستاپ بايۋ جولىنا بىرگە قادام تاستادى. ماقتا ەگۋدەن ماقتا تەرۋگە، ودان ماقتا ونىمدەرىن ءوندىرۋ، مانەرلەۋگە دەيىنگى ءبىر قىدىرۋ كاسىپ سالاسىن دامىتۋدا ايەلدەر تۇگەلدەي يگىلىككە كەنەلۋشى دەۋگە بولادى.
شينجياڭنىڭ ماقتا كاسىبى شينجياڭ مەن ىشكى وڭىرلەردەگى ايەل جۇرتشىلىعىنىڭ ارالاسۋ، ىشتەسۋ، توعىسۋ تۇعىرىن قالىپتاستىردى. شينجياڭنىڭ ماقتا كاسىپ سالاسىنىڭ جەدەل دامۋى ءار جىلى گانسۋ، شانشي، سىچۋان، چۇڭچيڭ، حىنان، شاندۇڭ، جياڭسۋ سىندى جەرلەردەن ماقتا تەرەتىن جۇمىسشىلاردى شينجياڭعا كەلۋگە باۋرادى، ولار شينجياڭعا كەلىپ ماقتا تەرگەن مەزگىلدە شينجياڭداعى ءار ۇلت ايەلدەرىمەن، اپەكە - سىڭلىلەرمەن تاماقتا، جاتىن ورىندا، ەڭبەكتە بىرگە بولىپ، ەتەنە ارالاسىپ، تەرەڭ قارىم - قاتىناس ورناتتى، ءوزارا ۇيرەنىپ، بىرگە العا باسىپ، تەرەڭ دوستىق ورناتىپ، ۇلتتار ىنتىماعى گۇلى جۇرەك تۇكپىرىندە تەرەڭ تامىر تارتتى. شينجياڭنىڭ ۇلتتىق كيىم - كەشەك، ءزىننات بۇيىمدار كاسىپ سالاسىن دامىتۋدى ىلگەرىلەتۋدە شينجياڭ ىشكى وڭىرلەردەگى قولونەر بۇيىمدارى، كەستەشىلىك كاسىبى سىندى جاقتارداعى ايەل مايتالماندارمەن تەحنيكالىق شەبەرلىك اۋىس - كۇيىسىن جاساپ، شينجياڭنىڭ كيىز باسۋ، قىرعىز كەستەسى سياقتى فاكتورلارى بۇكىل ەلگە بەت الدى، سىچۋان كەستەسى، حۋنان كەستەسى سياقتى فاكتورلار شينجياڭنىڭ كيىم - كەشەكتەرىنە، ءزىننات بۇيىمدارىنا ءسىڭىرىلىپ، شينجياڭنىڭ كيىم - كەشەك، ءزىننات بۇيىمدارىنىڭ، قولونەر بۇيىمدارىنىڭ ءتىپتى دە الۋان ءتۇستى، سان - سالالى بولۋىنا مۇمكىندىك جاسادى. مادەنيەت پەن كوركەمونەردىڭ توعىسۋى شينجياڭ مەن ىشكى وڭىرلەردەگى ايەلدەردىڭ، اپەكە - سىڭلىلەردىڭ ارالاسۋىن، ىشتەسۋىن، توعىسۋىن اناعۇرلىم تەرەڭدەتە ءتۇستى.
شينجياڭداعى ءار ۇلت ايەلدەرىنىڭ ەڭبەكپەن جۇمىستانۋعا قاتىناسۋى بۇكىلدەي ءوز ەرىكتەرىمەن، ءوز قالاۋلارىمەن بولادى. ”باقىت كۇرەستەن كەلەدى“. شينجياڭداعى ءار ۇلت اپەكە - سىڭلىلەر ءومىردى قىزۋ سۇيەدى، كوركەم تۇرمىسقا تالپىنۋ اياق الىسى ەجەلدەن توقتاعان ەمەس، ءبىز جۇڭگو كوممۋنيستىك پارتياسىنىڭ باسشىلىعىندا ەڭبەكشىل قوس قولىمىزعا سۇيەنىپ كوركەم تۇرمىسقا كەنەلە الاتىنىمىزعا كامىل سەنەمىز. جۇمىستانۋ جاعىندا ءار ۇلت اپەكە - سىڭلىلەر بۇكىلدەي ءوز ەركىمەن جۇمىستانادى، زاڭ بويىنشا ەڭبەك توقتامىنا قول قويىپ، ەڭبەك قاتىناسىن بەلگىلەپ، ەڭبەكاقى ۇقىعى، تىنىعۋ - دەمالىس الۋ ۇقىعى قاتارلىلاردان يگىلىكتەنەدى. ايەلدەردىڭ جۇكتىلىك مەزگىلىندەگى، بوسانۋ مەزگىلىندەگى، بالاسى ومىراۋداعى كەزىندەگى زاڭدى ۇقىق - مۇددەسى دە زاڭنىڭ قورعاۋىندا بولادى. ءار ۇلت ايەلدەرى ءوز قالاۋىمەن ەرىكتى تۇردە، كوڭىلدى بەينەدە ءوندىرىس، تۇرمىسقا ارالاسادى، ولاردىڭ جۇزىنەن ەسكەن سەنىم كۇلكىسىنەن - اق ولاردىڭ شۇعىلدانىپ جاتقان كاسىپتەرىن قىزۋ سۇيەتىندىگىن جانە ودان قاجىمايتىندىعىن كورۋگە بولادى.
امەريكاداعى، باتىس جاقتاعى جۇڭگوعا قارسى كۇشتەر ەندىگارى شينجياڭعا جالا، كۇيە جاعا بەرمەڭدەر. ءبىزدىڭ قۇدىرەتتى وتانىمىز بار، جۇدىرىقتاي جۇمىلعان باۋىرلاستارىمىز بار، سەندەردىڭ سۇرقيا ماقساتتارىڭ ماڭگى ىسكە اسپايدى! شينجياڭداعى ءار ۇلت اپەكە - سىڭلىلەردىڭ جارقىن جولى بارعان سايىن داڭعىلدانا بەرەدى!
شينجياڭ ماقتا قوعامى:
شينجياڭ ماقتاسىن باتىل قورعايمىز
تاياۋدا M&H سەرىكتەستىگى جاريالاعان ”شينجياڭ ماقتاسىن پايدالانۋدى توقتاتۋ“ مالىمدەمەسى مەن بىرنەشە شەتەل توقىماشىلىق، كيىم - كەشەك سەرىكتەستىگىنىڭ شينجياڭ ماقتاسىن شەكتەۋ جونىندەگى سوزدەرى جۇڭگو حالقىنىڭ اشۋ - ىزاسىن تۋدىردى. شينجياڭ ماقتا قوعامى ولاردىڭ ەشقانداي ساۋدالىق ءمورالدان جۇرداي، شينجياڭ ماقتاسىنا قيسىنسىز پالە جاپقان سۇرقيا ارەكەتىنە قاتاڭ نارازىلىعىن جانە ايرىقشا كەكتەنەتىنىن ءبىلدىردى. وسىعان بايلانىستى ءبىز مىنانى قاتاڭ مالىمدەيمىز: شينجياڭ ماقتاسىنا داق سالاتىن ءارقانداي قىلىقتارعا باتىل قارسى تۇرامىز، كەيبىر حالىقارالىق ماركالار، قۇرىلىمداردىڭ وسەك - اياڭ مەن جالعان ينفورماتسيانى نەگىز ەتىپ، ءوزىنىڭ قامداۋ تىزبەگى جانە كۇندەلىكتى كاسىپ بارىسىندا شينجياڭ ماقتاسىن جانە ودان وندىرىلگەن ونىمدەردى شەتتەتۋ ارەكەتىنە باتىل قارسى تۇرامىز. ايتىلمىس جۇڭگو شينجياڭ وڭىرىندە ”زورلىقپەن ەڭبەككە سالۋ“ ءومىر ءسۇرىپ وتىر دەگەن بۇكىلدەي ويدان شىعارىلعان، بارىپ تۇرعان وسەك - اياڭ مەن ساياسي ويىن.
شينجياڭدا وزگەشە تابيعي شارت - جاعداي بار، كۇن نۇرى جەتكىلىكتى، ماقتانىڭ ءوسۋ ۋاقىتى ۇزاق، مەملەكەت بويىنشا ەڭ ۇلكەن ساپالى ماقتا ءوندىرۋ بازاسى، سونداي - اق ەلىمىزدەگى بىردەن - ءبىر ۇزىن تالشىقتى ماقتا ءوندىرىس ءوڭىرى ءارى دۇنيە جۇزىندەگى ەڭ ماڭىزدى ساپالى ماقتا ءوندىرىس بازالارىنىڭ ءبىرى، جۇڭگودا، اۋەلى، دۇنيە جۇزىندە ماڭىزدى ورىنعا يە. شينجياڭدا ماقتانىڭ جىلدىق ءونىم مولشەرى 5 ميلليون توننا اينالاسىندا بولىپ، ەل ىشىندەگى ماقتا ءونىم مولشەرىنىڭ ％80تەن استامىن ۇستايدى. شينجياڭدا ماقتا ءوندىرىسىنىڭ قامتيتىن كولەمى كەڭ، ％50تەن استام ەگىنشى ماقتا ەگەدى، ماقتا شينجياڭداعى شارۋالاردىڭ، اسىرەسە، وڭتۇستىك شينجياڭداعى حوتان ايماعى، اقسۋ ايماعى، قاشقار ايماعى، قىزىلسۋ قىرعىز اۆتونوميالى وبلىسىنداعى شارۋالاردىڭ نەگىزگى كىرىس كوزىنە اينالىپ وتىر، ماقتا ەگۋدەن تۇسەتىن كىرىس اۋىل شارۋاشىلىعى جالپى كىرىسىنىڭ ％80تەن استامىن ۇستايدى. شينجياڭ ماقتا ءوندىرىسى مەن دامۋى شينجياڭداعى ماقتا ەگىمشىلىگىمەن شۇعىلداناتىن شارۋالار مەن ماقتا توقىماشىلىق جۇمىسشىلارىنىڭ جانە ولاردىڭ وتباسى مۇشەلەرىنىڭ كۇن كورىسىن قامتاماسىز ەتىپ، ولاردىڭ تۇرمىسىن جاقسارتتى. اسىرەسە، جۋىق جىلداردان بەرى ماشينامەن ماقتا تەرۋدى كەڭەيتۋ مەن جالپىلاستىرۋدىڭ ناتيجەسىندە، شينجياڭ ماقتاسىنىڭ ونىمدىلىگىن جوعارىلاتىپ، ەگىمشىلىك وزىندىك قۇنىن، اسىرەسە، ادام كۇشىنىڭ وزىندىك قۇن شىعىسىن زور مولشەردە تومەندەتتى.
شينجياڭ ماقتا ءوندىرىس قۋاتىنىڭ جوعارىلاۋى شينجياڭ ماقتا توقىماشىلىق ونەركاسىبىنىڭ دامۋىن پارمەندى جەبەدى. قازىر شينجياڭ ماقتا توقىماشىلىعىنىڭ ءوندىرىس قۋاتى 17 ميلليون ۇرشىق اينالاسىنا جەتىپ، جەرگىلىكتى ورىنداعى 600 مىڭعا تاياۋ ادامنىڭ جۇمىستانۋ ماسەلەسىن شەشىپ، كەدەي ەڭبەككۇشتەردىڭ جۇمىستانۋىن جەبەۋدەگى، كەدەيلىكتەن ارىلتۋدان قامال الۋعا دەم بەرۋدەگى ماڭىزدى جولداردىڭ بىرىنە اينالدى. شينجياڭ ماقتا توقىماشىلىق ونەركاسىبى جەرگىلىكتى ورىنداعى توقىماشىلىق، كيىم - كەشەك كاسىپ سالاسىنىڭ ماڭىزدى قۇرامداس بولىگى رەتىندە، جەرگىلىكتى ورىننىڭ كەدەيلىكتى جويۋىنا زور ۇلەس قوستى.
ۇزاق ۋاقىتتان بەرى شينجياڭ ماقتا قوعامى شينجياڭ ماقتا ءوندىرىس كاسىپ سالاسىنىڭ جوعارى ساپالى دامۋىن، باياندى دامۋىن ىلگەرىلەتۋگە كۇش سالىپ، ”ورتاسى بەرەكەلى بولۋدى، ابىرويلى ەڭبەك ىستەۋدى، ساپاسى تاڭداۋلى بولۋدى، جالپى بارىستا تەگىن انىقتاي الۋدى“ ماقتا جانە ودان جاسالعان بۇيىمدار ءوندىرىسىنىڭ ولشەمى ەتىپ، ماقتا جانە ماقتا ونىمدەرى ءوندىرىس - تيجاراتىنىڭ ۇيىمداسۋ، ماماندانۋ دەڭگەيىن ۇزدىكسىز جوعارىلاتىپ، شينجياڭ ماقتاسىنان جاسالعان بۇيىمداردىڭ ساپالى وبرازىن جان - جاقتى تۇلعالادى. ءبىز شينجياڭ ماقتاسىنىڭ جالپى كاسىپ سالاسى تىزبەگىنىڭ زاڭدى ۇقىق - مۇددەسى مەن ءتۇبىرلى مۇددەسىن ۇزدىكسىز تۇردە تاباندىلىقپەن قورعاپ، قوعام مۇشەلەرى مەن كاسىپ سالاسىنا ۇزدىكسىز قىزمەت وتەپ، ۇكىمەت پەن كاسىپورىن، ماقتا اراسىنداعى ”كوپىرلىك“ جانە ”دانەكەرلىك“ رولدى ويداعىداي ساۋلەلەندىرىپ، شينجياڭ ماقتا كاسىپ سالاسىنىڭ اقاۋسىز دامۋىن جەبەيمىز.
شينجياڭ ماقتا قوعامى قاتىستى ماركالاردىڭ، قۇرىلىمداردىڭ وزدەرىنىڭ قامداۋ تىزبەگىندە شينجياڭ ماقتاسىن جانە ودان وندىرىلگەن ونىمدەردى شەتتەتۋ قاتە ارەكەتىن توقتاتۋعا ۇندەيمىز. مۇنداي قاتە ارەكەت شينجياڭ ادامدىق ۇقىق ىستەرىنىڭ دامۋ، العا باسۋ تابىسىن كوزگە ىلمەي، شينجياڭداعى ءار ۇلت ماقتاشىلارى مەن توقىماشىلىق، كيىم - كەشەك كاسىپ سالاسى جۇمىسشىلارىنىڭ قىزمەت ىستەۋ ارقىلى ەڭبەكاقى الۋ، تۇرمىس ورەسىن جوعارىلاتۋ سىندى ورىندى ۇقىق - مۇددەسىنە اۋىر زيان كەلتىردى، بۇل تيپتىك ”عاسىرلىق وسەك - اياڭ“. ولاردىڭ وتىرىك كوڭىل ءبولۋ، شىنايى كيلىگۋ، بۇلدىرۋمەن اينالىسۋ سىندى كولگىر قىلىقتارى ادامدى جيىركەندىرەدى.
شينجياڭ ماقتا قوعامى توقىماشىلىق قامداۋ تىزبەگى جۇيەسىندەگى شەتەل ايگىلى ماركالى بۇيىمدار ساۋداگەرلەرىنىڭ، ەل ارالىق كاسىپورىنداردىڭ شينجياڭعا كەلىپ تەكسەرۋ جۇرگىزىپ، ءبىزدىڭ شينجياڭنىڭ ماقتا كاسىبى سالاسىنىڭ قارىشتاپ دامىعانىن، 10 مىڭ مۋلىق ماقتا اتىزىنىڭ مول ءونىم العان بەينەسىن كورىپ، ءبىزدىڭ شينجياڭ ماقتاسىنىڭ ەگىلۋ، ماقتا توقىماشىلىق كاسىپ سالاسىنىڭ دامۋ جاعدايىن ناق مايداندا ۇعىسىپ، ءبىزدىڭ شينجياڭداعى ءار ۇلت حالقىنىڭ جۇمىستاندىرۋ ارقىلى كەدەيلەردى سۇيەمەلدەۋ جاعدايىن ۇعىسىپ، وبيەكتيۆ شىندىق نەگىزىندە ساۋدالىق شەشىم قابىلداۋ ءىسىن ورىستەتۋىن قارسى الامىز. ءبىز قالىڭ ماقتا توقىماشىلىق كاسىپورىندارىمەن، قۇرىلىمدارىمەن وبيەكتيۆ، دوستىق تۇرعىداعى توقىماشىلىق كاسىپ سالاسى سەلبەستىك قارىم - قاتىناسىن ورناتۋدى كۇتەمىز.
كەلۋ قاينارى: «شينجياڭ گازەتى» - تيانشان تورى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
