مەملەكەتتىك دەنساۋلىق ساقتاۋ – سالاماتتىق كوميتەتىنىڭ ەڭ جاڭا جاۋابى!
2021.04.02 13:30 كەلۋ قاينارى : حالىق تورابى
4 – ايدىڭ 1 –كۇنى مەملەكەتتىك دەنساۋلىق ساقتاۋ – سالاماتتىق كوميتەتىنىڭ رەسمي تورابى «جاڭا تيپتى ايدارشا ۆيرۋسقا قارسى ۆاكسينا ەگۋ جونىندەگى سۇراۋ – جاۋاپتى (2021 – جىلى 3 – ايدىڭ 31 – كۇنى جاڭالانعان)» جاريالاپ، جۇرت نازار اۋدارىپ وتىرعان ماسەلەلەرگە جان – جاقتىلى جاۋاپ بەردى. بۇل قۇجاتتا مىنالار ايقىندالعان:
• قازىرگى كەزەڭدە، ەلىمىزدە جاڭا تيپتى ايدارشا ۆيرۋس ۆاكسيناسى ەگىلەتىن وبيەكتىلەر 18 جاستاعىلار جانە ودان جوعارعى جاستاعىلار.
• قازىر بار ۆاكسينالار 18 جاستان تومەنگى ادامدارعا پايدالانۋعا بولاتىندىعى جونىندەگى كلينيكالىق تاجىريبە دەرەكتەرىنە يە بولعان جوق، وسى توپتاعى ادامدارعا قازىرشە ۆاكسينا ەكپەگەن ءجون.
• 60 جاستاعىلار جانە ودان جوعارعى جاستاعىلار جاڭا تيپتى ايدارشا ۆيرۋسپەن جۇعىمدالعان جاعدايدا ناۋقاس بەلگىلەرى اۋىر بولاتىن، قازا بولۋ حاۋىپ – قاتەرى جوعارى بولاتىن ادامدار قاتارىنا جاتادى، ۆاكسينا 60 جاستاعىلار جانە ودان جوعارعى جاستاعىلارعا بەلگىلى دەڭگەيدە قورعاۋ رولىن اتقارادى، بۇل جاستاعىلاردىڭ ەكتىرگەنى ءجون.
• سوزىلمالى اۋرۋلارى بار ادامدار جاڭا تيپتى ايدارشا ۆيرۋسپەن جۇعىمدالعان جاعدايدا ناۋقاس بەلگىلەرى اۋىر بولاتىن، قازا بولۋ حاۋىپ – قاتەرى جوعارى بولاتىن ادامدار قاتارىنا جاتادى. دەنساۋلىق جاعدايى ورنىقتى، سوزىلمالى ناۋقاسىن دارىمەن ويداعىداي تەجەۋگە بولاتىن ناۋقاستار جاڭا تيپتى ايدارشا ۆيرۋس ۆاكسيناسىن ەكتىرۋگە بولمايتىن ادامداردىڭ قاتارىنا جاتپايدى، ولاردىڭ ۆاكسينا ەكتىرگەنى ءجون.
• يممۋنيتەت يقۋاتى زيانعا ۇشىراعاندار جاڭا تيپتى ايدارشا ۆيرۋسپەن جۇعىمدالعان جاعدايدا ناۋقاس بەلگىلەرى اۋىر بولاتىن، قازا بولۋ حاۋىپ – قاتەرى جوعارى بولاتىن ادامدار قاتارىنا جاتادى، وسىدان بۇرىنعى ۆاكسينالاردىڭ حاۋىپسىزدىك ەرەكشەلىكتەرىنە نەگىزدەلگەندە، جويعىش ۆاكسينا مەن قوسالقى بولىكتەردى قايتا جاساقتاعىش ۆاكسينانى ەكتىرگەنى ءجون؛ بەز ۆيرۋسىن تاسىمالداۋشى ەتكەن ۆاكسينانى ەكتىرەتىن بولسا، ولارعا جاعدايدى تولىق ءتۇسىندىرۋ كەرەك، بۇلاي ىستەۋدىڭ پايداسىنىڭ حاۋىپ – قاتەرىنەن جوعارى ەكەنىنە جەكەلەردىڭ كوزى جەتسە ەكتىرۋىنە بولادى.
• ۆاكسينا ەكتىرگەننەن كەيىن جۇكتى بولعاندارعا نەمەسە جۇكتى بولعانىن بىلمەگەن جاعدايدا ۆاكسينا ەكتىرگەندەرگە، تەك جاڭا تيپتى ايدارشا ۆيرۋس ۆاكسيناسىن ەكتىرگەنىنە بولا ارنايى مەديتسينالىق شارالاردى (مىسالى، جۇكتىلىكتى توقتاتۋ) قولدانباعان ءجون، جۇكتىلىك مەزگىلىندەگى تەكسەرۋ مەن جاعدايىن ۇعىسىپ تۇرۋدى ويداعىداي ىستەۋ قاجەت. جۇكتى بولۋدى جوسپارلاپ جۇرگەن ايەلدەردىڭ تەك جاڭا تيپتى ايدارشا ۆيرۋس ۆاكسيناسىن ەكتىرگەنىنە بولا جۇكتى بولۋ جوسپارىن كەشەۋىلدەتۋىنىڭ قاجەتى جوق.
• ۆاكسينانىڭ حاۋىپسىزدىگىنە بولعان تۇسىنىك نەگىزىندە، جاڭا تيپتى ايدارشا ۆيرۋسپەن جۇعىمدالۋ حاۋىپ – قاتەرى جوعارى بولعان، بالا ەمىزىپ جۇرگەن ايەلدەرگە (مىسالى، ەمدەۋ قىزمەتكەرلەرى قاتارلىلار) ۆاكسينا ەكتىرگەن ءجون. حالىقارادا جاپپاي قولدانىلاتىن تاسىلدەردەن ۇلگى الساق، بالا ەمىزىپ جۇرگەن ايەلدەردىڭ جاڭا تيپتى ايدارشا ۆيرۋس ۆاكسيناسىن ەكتىرگەننەن كەيىن دە بالا ەمىزۋدى جالعاستىرا بەرگەنى ءجون.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
