تەگىن ەمدەۋ وتباسىلارىنا جەتكىزىلدى، قىزمەت وتەپ جۇرتتى مەيىرگە بولەدى
□ انار بۇلت / شينجياڭ گازەتىنىڭ ءتىلشىسى سۋ لۋپيڭ
2021.04.26 15:51 كەلۋ قاينارى : شينجياڭ گازەتى
”تۇزدى، مايلى ەتتى، قانتتى از تۇتىنىڭىز، جەمىس - جيدەك پەن كوكونىستى كوبىرەك تۇتىنىڭىز، قان قىسىمىن تومەندەتەتىن دارىلەردى ۋاعىندا ءىشىڭىز...“ 4 - ايدىڭ 22 - كۇنى ساعات 8 مولشەرىندە لوپ اۋدانى شارباق اۋىلى جايتوعىراق قىستاعىنىڭ 70 جاستاعى تۇرعىنى مامەت ازەز ءبىر جاعىنان، قان قىسىمىن تۇسىرەتىن ءدارى الىپ، ءبىر جاعىنان، تۇسىندىرمەسىن ەجىتىپ وقي باستادى. 10 كۇننىڭ الدىندا اۆتونوميالى رايوندىق حالىق شيپاحاناسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا ارالاپ ءجۇرىپ ەمدەۋ اترەتى قىستاقتا تەگىن ەمدەۋ جۇرگىزگەندە مامەتتىڭ جوعارى قان قىسىم ەكەندىگى تەكسەرىلىپ انىقتالىپ، تەگىن تاراتىلعان قان قىسىمىن تۇسىرەتىن دارىلەردى ءىشىپ، باسى اۋىراتىن، باسى اينالاتىن اۋرۋ بەلگىسى ەداۋىر باسەڭدەپ قالدى.
تاياۋ جىلداردان بەرى نەگىزگى ەمدەۋدە قامتاماسىزدىق بولۋدى ىلگەرىلەتۋمەن بىرگە، رايونىمىزداعى ءار دارەجەلى دەنساۋلىق ساقتاۋ تاراۋلارى، ەمدەۋ - دەنساۋلىق ساقتاۋ قۇرىلىمدارى ارالاپ ءجۇرىپ ەمدەۋ اترەتىن بەلسەنە ۇيىمداستىرىپ قۇرىپ، شەكارا - شالعاي وڭىرلەرگە، قيىنشىلىعى بار وتباسىلارىنا بارىپ اۋرۋدىڭ الدىن الۋ، باسقارۋ جانە ارالاسۋ جۇمىستارىن ىستەپ، ”اۋرۋ سەبەبىنەن كەدەيلەسۋدىڭ، اۋرۋ سەبەبىنەن قايتالاي كەدەيلەسۋدىڭ“ تۋىلۋىن ءونىمدى تەجەدى جانە ازايتتى.
4 - ايدىڭ 19 - كۇنى ساعات 9دا لوپ اۋدانى سامپۇل قالاشىعى باشارىق قىستاعىنىڭ قىستاق تۇرعىندار كوميتەتى العاشقى توپتا ەمدەلەتىن قىستاق تۇرعىندارىن قارسى الدى. اۆتونوميالى رايوندىق حالىق شيپاحاناسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا ارالاپ ءجۇرىپ ەمدەۋ اترەتىنىڭ مۇشەلەرى ءبىر جاعىنان، قىستاق تۇرعىندارىنىڭ اۋرۋ تاريحىن تىزىمدەپ، داعدىلى تەكسەرۋ ىستەدى، ەندى ءبىر جاعىنان، قىستاق تۇرعىندارىنىڭ سۇراۋىنا تاپتەشتەي جاۋاپ بەرىپ، دەنساۋلىق بىلىمدەرىن ۇگىتتەدى. وسىنىڭ الدىندا، ولار ەكى توپقا ءبولىنىپ، 12 قىستاقتا 1448 ادام - رەت تەگىن ەمدەدى، تۋىت قاتەرى جوعارى جۇكتى ايەلدەن 70ىن ەكشەپ شىقتى. تۇرگە ايىرىپ قۇتقارۋ - ەمدەۋ پرينسيبى بويىنشا، ءبىر رەتتە ەمدەپ جازۋعا بولاتىن سىرقاتتارعا قاراتا مامانداردى ۇيىمداستىرىپ 7 وپەراتسيا جاسادى.
”ۇعىسۋ، تيىمدىلىك جاساۋ، توعىستىرۋ“ ەمدەۋى بويىنشا ارالاپ ءجۇرىپ قىزمەت وتەۋدى ورىستەتۋ − رايونىمىزدىڭ نەگىزگى ساتى ەمدەۋ كۇشىنىڭ ءبىرشاما ءالسىز بولۋىن شەشۋ، ساپالى ەمدەۋ بايلىعىن نەگىزگى ساتىعا ءتۇسىرۋ شاراسى ءارى نەگىزگى ساتىنىڭ الەۋمەتتىك دەنساۋلىق ساقتاۋعا قىزمەت وتەۋ قابىلەتىن اناعۇرلىم جوعارىلاتىپ، ءار ۇلت بۇقاراسىنىڭ دەنە جانە رۋحاني اقاۋسىزدىعىن قامتاماسىز ەتۋدىڭ ءونىمدى جولى. 5 جىلدان بەرى، 11 ارالاپ ءجۇرىپ ەمدەۋ اترەتى جالپى 491 مىڭ ادام - رەت تەگىن ەمدەۋ ورىستەتتى، 3259 رەت ۇگىت لەكسيا ورىستەتتى، 793 مىڭ قىستاق تۇرعىنىنا تيىمدىلىك جەتكىزدى، قۇنى ءبىر ميلليون 200 مىڭ يۋاننان اساتىن ءدارى - دارمەكتى تەگىن تاراتتى.
اۆتونوميالى رايوننىڭ ”ۇعىسۋ، تيىمدىلىك جاساۋ، توعىستىرۋ“ بويىنشا ارالاپ ءجۇرىپ ەمدەۋ اترەتى وڭتۇستىك شينجياڭداعى 4 ايماق - وبلىسقا ءبولىنىپ بارۋمەن بىرگە، شينجياڭعا كومەكتەسەتىن ءارقايسى ەمدەۋ اترەتتەرى دە تەگىن ەمدەۋ قىزمەت وتەۋىن ۇستىرتكە، ءشول جازيرانىڭ جيەگىنە دەيىن كەڭەيتتى.
تاشقورعان تاجىك اۆتونوميالى اۋدانى قوعۇشلۇق اۋىلى قاشقار قالاسىنان 300 نەشە كيلومەتر قاشىقتىقتا، ءار رەتكى تەگىن ەمدەۋدە شينجياڭعا كومەكتەسەتىن شيپاگەرلەر 9 ساعاتتان استام ۋاقىتتا شارشاپ - شالدىعىپ ارەڭ جەتەدى. 4 - ايدىڭ 12 - كۇنى ساعات 9دا شىنجىن ”دەنساۋلىق كەرۋەن اۆتوكولىگى“ قوعۇشلۇق اۋىلدىق شيپاحاناعا 2 - رەت كەلدى. 3 جاستاعى ءانۋار نازارالى كۇتىپ تۇرعانىنا ءبىرتالاي ۋاقىت بولعان ادامدار اراسىنان العا شىعىپ، ءوزىنىڭ كونە دوسىن قۇشاقتادى.
مەرەكە، دەمالىس كۇندەرىندەگى دەمالعان ۋاقىتىنان پايدالانىپ، شالعاي وڭىرلەرگە جانە كەدەي قاۋىمنىڭ ۇيلەرىنە بارىپ، تەگىن ەمدەۋ، تەگىن تەكسەرۋ جۇرگىزدى. تاياۋ جىلداردان بەرى، جىجياڭنىڭ شينجياڭعا كومەكتەسەتىن ”ەمدەۋ ۇلكەن بازارى“، شاڭحايدىڭ ”جاڭا توراڭعى“ ەمدەۋ اترەتى، شىنجىننىڭ ”دەنساۋلىق كەرۋەن اۆتوكولىگى“... تالاي - تالاي تانىمالى ەسىمدەر تيانشاننىڭ وڭتۇستىك باۋرايىنا كەڭىنەن تارالدى.
2020 - جىلى شىنجىن ”دەنساۋلىق كەرۋەن اۆتوكولىگى“ تەگىن ەمدەۋ جۇرگىزگەندە، شينجياڭعا كومەككە كەلگەن شيپاگەر جوۋ جين قىستاق شيپاگەرىنىڭ اۋزىنان ءانۋاردىڭ جەتىلۋى قالىپتى بولعانىمەن، جول جۇرگەندە ەكى تابانىن اۋىر دارەجەدە شالقاق باساتىندىعىنان، وكشەسى جەرگە تيمەيتىندىگىنەن حاباردار بولادى. بالانىڭ ءجۇرىپ - تۇرۋى قولايسىز ەكەندىگىن ويلاسىپ، تەگىن ەمدەۋ اياقتاسىمەن جوۋ جين 4 مامانمەن ءانۋاردىڭ ۇيىنە قاراي اتتانادى.
”تۋما شالقاق اياق“ دەگەن دياگنوزدى ەستىگەن ءانۋاردىڭ شەشەسى توبەسىنە جاي تۇسكەندەي بولادى، كوپ جاقتى سايكەستىرۋ ارقىلى ايگىلى سۇيەك اۋرۋلار ءبولىمى مامانى، جۇڭشان داشۋەسىنە قاراستى 8 - شيپاحانانىڭ شيپاگەرى شىن حۇييۇڭ ۇيىرمە باستاپ تاشقورعانعا كەلىپ، ءانۋارعا تەگىن وپەراتسيا جاسادى.
تەگىن ەمدەۋ قىزمەت وتەۋىنىڭ ۇزدىكسىز تەرەڭدەۋىنە ىلەسە، بۇگىنگى تاڭدا ءتىپتى دە كوپ ەگىنشى - مالشىلار ءوز دەنساۋلىعىنا ءمان بەرىپ، اقاۋسىز تۇرمىس ءتاسىلى مەن تاماقتانۋ ادەتىن سانالى تۇردە قالىپتاستىرا باستادى.
كەلۋ قاينارى: «شينجياڭ گازەتى» - تيانشان تورى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
