جۇڭگو اۋىل شارۋاشىلىعىن وركەندەتۋ بانكەسى بيىل 30 ميلليارد يۋان قارىز بەرىپ بيڭتۋاننىڭ دامۋىن قولداۋدى جوسپارلاۋدا
2021.04.26 15:16 كەلۋ قاينارى : حالىق تورابى
شينجياڭ گازەتىنىڭ 4 - ايدىڭ 24 - كۇنى ۇرىمجىدەن بەرگەن حابارى. ءتىلشىنىڭ جۇڭگو اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسىنەن ۇعىسۋىنشا: اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسى بيىل شينجياڭ ءوندىرىس - قۇرىلىس بيڭتۋانىنا 30 ميلليارد يۋان قارىز اقشا بەرىپ، بيڭتۋاننىڭ ەرەكشەلىككە يە كاسىپ سالاسىنىڭ دامۋىنا، مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىن رەفورماسى سياقتى ءتۇيىندى سالالارعا قولداۋ كورسەتۋدى جوسپارعا العان. 3 - ايدىڭ سوڭىنا دەيىن اتالعان بانكە بيىل بيڭتۋانعا 3 ميلليارد 663 ميلليون يۋان قارىز اقشا بەرگەن.
اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسى بيڭتۋان كاسىپ باسقارماسىنىڭ باستىعى سۇن شيا بىلاي دەپ تانىستىردى: اتالعان بانكە بيڭتۋاننىڭ ەرەكشەلىككە يە كاسىپ سالاسىنىڭ دامۋىنا بار كۇشپەن قولداۋ كورسەتىپ، ماقتا ءوندىرىسى، مانەرلەۋ جانە ساتۋ سياقتى بۋىندارعا قولداۋ كورسەتۋ سەرپىنىن ارتتىرادى. شينجياڭ ۇيعۇر اۆتونوميالى رايونىنىڭ «14 - بەسجىلدىقتا» ءتۇيىندى دامىتاتىن 10 ءىرى كاسىپ سالاسىن ارقاۋ ەتىپ، اتالعان بانكە بيڭتۋاننىڭ توقىما، كيىم - كەشەك، جەمىس ورمانى، مال شارۋاشىلىعى، ساياحات، اۋىل شارۋاشىلىق قوسىمشا ونىمدەرىن مانەرلەۋ سياقتى ەرەكشەلىككە، باسىمدىققا يە كاسىپ سالالارىن دامىتۋىنا ءتۇيىندى قولداۋ كورسەتەدى. قالا - قالاشىقتارداعى كونە، ەسكى شاعىن اۋماقتاردى جاڭالاۋ، الەۋمەتتىك جالپىعا ءتيىمدى زەينەتكەرلىك، قوعامدىق ىستەر، حالىق تۇرمىسى ىستەرىن بازارلاندىرىپ جۇرگىزۋ سياقتى قالا - قالاشىقتاندىرۋ قۇرىلىسىنىڭ جاڭا سالاسىنا بەلسەنە قولداۋ كورسەتەدى؛ سۋ، ەلەكتر، جول، گاز، جىلۋ، ينتەرنەت جانە دەنساۋلىق ساقتاۋ، عىلىم، وقۋ - اعارتۋ، مادەنيەت، دەنە تاربيە، ساياحات سياقتى نەگىزدىك قۇرىلعىلار قۇرىلىسىنا الدىمەن قولداۋ كورسەتەدى؛ اتموسفەرانىڭ، سۋدىڭ، توپىراقتىڭ لاستانۋىنان ساقتانۋ جانە ونى وڭاۋ، سونداي - اق قۇمايتتانۋدان ساقتانۋ جانە ونى تىزگىندەۋ، مەملەكەت جەرىن جاسىلداندىرۋ، شولەيتتەنۋدى تىزگىندەۋ سياقتى نىساندارعا بەلسەنە قولداۋ كورسەتىپ، ەكولوگيالىق حاۋىپسىزدىك قالتقىسىن بەرىك ورناتادى.
«ءبىز بيڭتۋانعا پارىقتى سەنىمدى امانات - قارىز اقشا ارقىلى قولداۋ ساياساتىن اتقارىپ، قارىز اقشا ءوسىمى، قارىز اقشا مەرزىمى جاعىندا تيىمدىلىك جاسايمىز ءارى قارىز اقشا ءبىتىرۋ جانە جۇمىس جۇرگىزۋگە قىزمەت وتەۋ <جاسىل ارناسىن> اشىپ، بيڭتۋاننىڭ ءتۇرلى شەشىمدەرىمەن، ورنالاستىرۋلارىمەن تىعىز ۇشتاسىپ، وعان جەدەل ءۇن قوسىپ، جەدەل بەكىتۋدى، جەدەل تاراتۋدى، جەدەل ءونىم بەرۋدى ورىندايمىز.» دەدى سۇن شيا.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
