بىلەگى ۇزىلگەن بالانىڭ اۋرۋ جاعدايى جاقسارا باستادى، ”ەكى كاۋاپ جەيمىن“ دەپ ءوتىندى
2021.05.07 16:55 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ تىلشىلەرى جاۋ شييا، سۋ لۋپيڭ 5 - ايدىڭ 5 - كۇنى ۇرىمجىدەن حابارلايدى. 5 - ايدىڭ 5 - كۇنى ساعات 10دا جاۋاپتى شيپاگەر لي ليدىڭ ناۋقاستار بولمەسىن ارالاي كەلگەندىگىن كورىپ، شياۋماي (جاناما ەسىمى) ۇزىن كىرپىكتەرىن قاعىپ - قاعىپ جىبەرىپ، لي ليگە ەركەلەي قارادى. جۇرەر الدىندا لي لي ەڭكەيىپ شياۋمايمەن الاقان سوعىستىرىپ قايرات بەرىپ: ”بالاقاي، بۇگىن دە قايراتتانا ءتۇس!“، - دەدى.
4 - ايدىڭ 30 - كۇنى ساعات 20 مولشەرىندە حوتان اۋدانى لايقا اۋىلى قۇمارىق قىستاعىندا تۇراتىن 7 جاستاعى ۇل بالا شياۋماي بايقاۋسىزدا قولىن تراكتوردىڭ تاسپالى دوڭگەلەگىنە سۇعىپ الادى دا، وڭ بىلەگىن وراپ ءۇزىپ كەتەدى. وپەراتسيا 6 دا 8 ساعات ۋاقىت ىشىندە ورىندالۋى كەرەك، جاعداي تىم شۇعىل بولعاندىقتان، ول تەك ۇشۋ كەزەگى كەلىپ تۇرعان كەزەكشى ۇشاققا وتىرىپ ۇرىمجىگە جەتىپ وپەراتسيا جاساتۋعا تۋرا كەلدى. وسىلايشا ۋاقىتپەن جارىسقان ۇتىلامالى قۇتقارۋ - كومەكتەسۋ باستالدى. شينجياڭنىڭ ءار سالاسىنىڭ بار كۇشپەن مەدەت بەرۋىندە، ۇل بالا شينجياڭ مەديتسينا داشۋەسىنە قاراستى جۇڭگوشا شيپاگەرلىك شيپاحاناسىنا شۇعىل جەتكىزىلىپ، بىلەك جالعاۋ وپەراتسياسىن جاساتادى، وپەراتسيا اسا ءساتتى بولادى.
كۇن نۇرى تەرەزەدەن ناۋقاستار بولمەسىنە ءتۇسىپ تۇر، بولمە تازا، جىلى ءارى جارىق. تەرەزە اينەگىنەن ءتىلشى شياۋمايدىڭ ۇيىندەگىلەر مەن سەسترالاردىڭ سەرىك بولۋىندا رۋحاني جاعدايىنىڭ جاقسى ەكەندىگىن، وپەراتسيا جاسالعان وڭ بىلەگىنىڭ تىرەۋىشپەن ورنىقتىرىلعاندىعىن، سول قولىمەن ءالسىن - ءالى توسەكتىڭ باسىنا قويىلعان قىزىل سارى ءتۇستى ويىنشىق ۇشاقتى باسىنا كوتەرىپ ويناپ وتىرعاندىعىن كوردى. ”كەشە ول كاۋاپ جەيتىندىگىن ءوتىنىپ، بىردەمدە ەكى ىستىك كاۋاپ جەپ الدى“. شياۋمايدىڭ ناعاشى اعاسى ابدۇماجيت يمىن بىلاي دەدى: وسى 2 كۇندە بالا تاماق جەيتىن، ۇيىقتايتىن بولدى، دارەتى دە جاقسى ءجۇردى، بالانىڭ كۇن سايىن تاۋىرلەنىپ كەلە جاتقاندىعىن كورىپ وتباسىمىزداعىلار قۋانىپ تا، اسەرلەنىپ تە وتىرمىز. وقيعا تۋىلعان كەزدەگى ۋايىم جەۋدەن، قورقۋدان قاتەردىڭ حاۋىپسىزدىككە اينالعاندىعىن ەسىنە قايتا العان ابدۇماجيت اسەرلەنە قايتا - قايتا: ”ءتۇس كورىپ وتىرعان سياقتىمىن، بالا وتە تالەيلى ەكەن!“، - دەدى.
سول كۇنى شياۋمايعا بىلەك جالعاۋ وپەراتسياسى جاسالعانىنىڭ ءتورتىنشى كۇنى، ساعات 9 مولشەرىندە شينجياڭ مەديتسينا داشۋەسىنە قاراستى جۇڭگوشا شيپاگەرلىك شيپاحاناسىنىڭ سۇيەك اۋرۋلار ءبولىمى، كەسكىنگە الۋ ءبولىمى، قورەكتىك ءبولىمى سياقتى 11 ءبولىمنىڭ ماماندارى شياۋمايدى كەلەسى قامدامداعى ەمدەۋ ادىستەرىنە بىرىگىپ تۇجىرىم جاسادى. ۇعىسۋعا قاراعاندا، شياۋماي شيپاحاناعا كىرىپ وپەراتسيا جاسالعاننان بۇگىنگە دەيىن مۇنداي ۇلكەن - كىشىلى بىرىگىپ تەكسەرۋ 10 نەشە رەتتەن اسىپتى، شيپاحانا تاعى دا ەرەكشە كۇتىمدەۋ ناۋقاستار بولمەسىن شىعارىپ، ازىق - تۇلىك ورنالاستىرۋ، جاتىپ - تۇرۋى سياقتى جاقتارعا ارناۋلى كۇتىمدەۋ توبىن ورنالاستىرىپ، شياۋمايعا قامقورلىق جاساپتى.
”قازىر بالانىڭ اۋرۋ جاعدايى ءبىرشاما تۇراقتى، ءبىراق ءالى دە حاۋىپتى مەزگىلدەن بۇكىلدەي وتە قويعان جوق، ءالى دە ۇزدىكسىز باقىلاۋعا تۋرا كەلەدى“. لي لي بىلاي دەپ تانىستىردى: ”ءارقايسى تەكسەرۋ جانە ناۋقاس بەلگىسىنەن قاراعاندا، قازىر بالانىڭ قول - اياعىنىڭ قان ۇيۋ جاعدايى قالىپتى، تەرىسى قىزىل شىرايلى، تەرى تەمپەراتۋراسى جاقسى، قول - اياعىنىڭ ءىسۋى دە بىرتىندەپ قايتىپ قالدى، ءبىراق 5 - ايدىڭ 4 - كۇنى تۇستەن كەيىن بالادا دەنە تەمپەراتۋراسىنىڭ ءبىر وتپەلى كوتەرىلۋ جاعدايى بايقالىپ، ءبىر جاقتى ەتىلگەننەن كەيىن دەنە تەمپەراتۋراسى تومەندەدى. مۇنان سىرت، بالانىڭ تاماقتانۋ سياقتى ءتۇرلى جاقتاعى جاعدايلارى كورنەكتى جاقسارىپ قالدى. قورەكتىك ءبولىمى ماماندارىنىڭ ۇسىنىسىمەن ۇشتاستىرا وتىرىپ، شياۋمايدىڭ وپەراتسيادان كەيىن تەزىرەك ساۋىعۋى ءۇشىن قازىر تاماقتانۋدى لايىقتى تەجەپ، قورەكتىكتىڭ تەپە - تەڭدىگىنە كەپىلدىك ەتىپ، ەنەرگيا تولىقتاۋدى نەگىز ەتەمىز“.
”بۇل ءبىر ەرەكشە ءارى ماعىنالى ەڭبەكشىلەر مەرەكەسى بولدى، ۇشاق قىزمەتكەرلەرىنەن شيپاگەرلەرگە دەيىن، جولاۋشىلارعا دەيىن مينۋت، سەكۋندپەن جارىسقان سۇيىسەنشىلىكتىڭ ۇتىلاماسىن بىرگە ورىنداۋى بالانى قۇتقارۋ - ەمدەۋدىڭ التىن ۋاقىتىنا قول جەتكىزدى، بالانىڭ ەرتەرەك ساۋىعى ءبىزدىڭ ورتاق ارمانىمىز“، - دەدى لي لي.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
