جاۋ لىجي ب م ۇ جينالىسىنىڭ شىرىكتەسۋگە قارسى تۇرۋ ماسەلەسى جونىندەگى ەرەكشە ماجىلىسىنە قاتىناستى
2021.06.04 14:37 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 3 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى جاۋ لىجي 6 - ايدىڭ 2 - كۇنى بەيجيڭدە بەينە ەكران تاسىلىمەن «شىرىكتەسۋدەن ساقتانۋدىڭ جانە وعان سوققى بەرۋدىڭ سىن - سايىسى مەن شارالارى، حالىقارالىق سەلبەستىكتى كۇشەيتۋ» اتىنداعى ب م ۇ جينالىسىنىڭ ەرەكشە ماجىلىسىنە قاتىناسىپ، «ادامزاتتىڭ تاعدىرلاس ورتاق تۇلعاسى تانىمىن ۇستانىپ، جەر شارى سىندى مەكەنىمىزدى پاك، كىرشىكسىز ەتىپ قۇرىپ شىعايىق» دەگەن تاقىرىپتا ءسوز سويلەدى.
جاۋ لىجي سوزىندە مىنانى ءبىلدىردى: جۇڭگو ب م ۇ - نىڭ شىرىكتەسۋدەن ساقتانۋ جانە ونى جازالاۋ بارىسىندا جاساعان قۇلشىنىستارى مەن ۇلەستەرىن ايرىقشا القايدى، «ب م ۇ - نىڭ شىرىكتەسۋگە قارسى تۇرۋ شارتىنىڭ» دۇنيە ءجۇزىنىڭ شىرىكتەسۋگە قارسى تۇرۋ جانە ونى جونگە سالۋ بارىسىندا نەگىزگى ارنالىق رولىن ساۋلەلەندىرۋىن باتىل قولدايدى، ەرەكشە ءماجىلىستىڭ ساياسي جارناما ماقۇلداۋىن قارسى الادى، ءارقايسى جاقپەن بىرگە حالىقارالىق شىرىكتەسۋگە قارسى تۇرۋ ىستەرىنىڭ جاڭا ساپارعا قادام تاستاۋىن ىلگەرىلەتۋدى قالايدى.
جاۋ لىجي بىلاي دەپ اتاپ كورسەتتى: جۇڭگو كوممۋنيستىك پارتياسى مەن جۇڭگو ۇكىمەتى تۋدى ايقىن ۇستاي وتىرىپ شىرىكتەسۋگە قارسى تۇرىپ، جۇڭگوشا سوتسياليستىك باقىلاۋ ءتۇزىمىن ۇزدىكسىز كەمەلدەندىرىپ، پارتيانىڭ ۇزاق ۋاقىت بيلىك جۇرگىزۋ شارت - جاعدايىندا ءوزىن - ءوزى كىرشىكسىزدەندىرۋدىڭ ءونىمدى جولىن ىشكەرىلەي قاراستىرىپ، جۇڭگو حالقىنىڭ شىن جۇرەكتەن قولداۋىنا جانە كەڭ كولەمدە قولداۋىنا يە بولىپ، مەملەكەتتىڭ باياندى تىنىشتىعى مەن باياندى دامۋىن پارمەندى كەپىلمەن قامدادى. ءتوراعا شي جينپيڭ شىرىكتەسۋگە قارسى تۇرۋ قىزمەتىنە ايرىقشا ءمان بەردى، ج ك پ ورتالىق كوميتەتى شىرىكتەسۋگە قارسى تۇرۋ قىزمەتىنە ورتالىقتانعان ءبىر تۇتاس باسشىلىق ەتىپ، شىرىكتەسۋگە سوققى بەرۋدىڭ ەڭ پارمەندى ساياسي جەتەكشىسى جانە كەپىلى بولدى. ءىرىپ - شىرۋگە، ءسوز جوق، قارسى تۇرۋدا، قياناتشىلدىقتى، ءسوز جوق، الاستاۋدا تاباندى بولىپ، شەكتەلگەن رايون بولماۋدا، جاپپاي قامتۋدا، استە راقىم ەتپەۋدە تاباندى بولىپ، «جولبارىس سوعۋ»، «شىبىن قاعۋ»، «تۇلكى اۋلاۋ» سياقتى كوپ ءتۇرلى شارانى قاتار قولدانىپ، شىرىكتەسۋگە قارسى تۇرۋ كۇرەسىنىڭ ۇستەم جەڭىسكە جەتۋىن جانە جاپپاي بەكەمدەلۋىن ىلگەرىلەتتى. حالىقتى وزەك ەتۋدە تاباندى بولىپ، بۇقارانىڭ ماڭايىنداعى شىرىكتەسۋ مەن بۇرىس ستيلدەردى باتىل وڭاپ، پارمەندى باقىلاۋ - تەكسەرۋ ارقىلى ىندەتتەن ساقتانۋ - تىزگىندەۋدە كەلەلى ستراتەگيالىق تابىستارعا قول جەتكىزۋدى قامتاماسىز ەتىپ، كەدەيلىكتەن ارىلتۋدان قامال الۋدىڭ جاپپاي جەڭىسكە جەتۋىن قامتاماسىز ەتتى. شىرىكتەسۋگە باتىلى بارماۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇتاس ىلگەرىلەتۋدە تاباندى بولىپ، ورتالىقتانعان ءبىر تۇتاس، جاپپاي قامتىعان، بەدەلدى، جوعارى ءونىمدى باقىلاۋ جۇيەسىن ورناتىپ، زاڭ بويىنشا جازالاۋ، ءتۇزىم ارقىلى تەجەۋ، تاربيەلەۋ، جەتەكتەۋدى ۇشتاستىرىپ، شىرىكتەسۋدى جونگە سالۋدىڭ ونىمدىلىگىن جوعارىلاتتى.
جاۋ لىجي مىنالاردى دارىپتەدى: جۇڭگو − دۇنيە ءجۇزىنىڭ شىرىكتەسۋگە قارسى تۇرۋ جانە ونى جونگە سالۋىنداعى بەلسەنە ات سالىسۋشى جانە ۇلەس قوسۋشى. قازىر 100 جىلدىق وزگەرىس جاعدايى مەن عاسىرلىق ىندەت قاباتتاسىپ، ءار ەلدىڭ مۇددەسى بەينەت پەن زەينەتتى بىرگە وتكەرۋدە، مۇندايدا ادامزاتتىڭ تاعدىرلاس ورتاق تۇلعاسى تانىمىن ۇستانىپ، شىرىكتەسۋگە قول ۇستاسا سوققى بەرۋ ءتىپتى دە قاجەت بولىپ وتىر. سوندىقتان جۇڭگو شىرىكتەسۋگە قارسى تۇرۋداعى حالىقارالىق سەلبەستىك جونىندە مىناداي ءتورت ءتۇرلى قۋاتتامانى العا قويدى: ءبىرىنشى، ادىلدىك پەن ادىلەتتىلىكتە تاباندى بولىپ، سۇرقيالىقتى جازالاپ، ىزگىلىكتى دارىپتەپ، شىرىكتەسۋ ماسەلەسىنە استە جول بەرمەۋ پوزيتسياسىن ۇستانىپ، ساڭلاۋ قالدىرماۋ ءتۇزىمىن ورناتىپ، كەدەرگىسىز سەلبەستىك ورىستەتىپ، ءارقانداي سىلتاۋمەن شىرىكتەسۋشى ەلەمەنتتەرگە جانە شىرىكتەسۋ مال - مۇلكىنە دالدا بولۋعا قارسى تۇرۋ كەرەك. ەكىنشى، پارىقتارعا قۇرمەت ەتۋدە، تەڭ تۇرعىدا ءوزارا ۇلگى الۋدا تاباندى بولىپ، ءار ەلدىڭ يەلىك ۇقىعىنا، ساياسي تۇزىمىنە جانە زاڭ جۇيەسىنە قۇرمەت ەتىپ، ءار ەلدىڭ شىرىكتەسۋگە قارسى تۇرۋ جولىن ءوزى تاڭداۋ ۇقىعىنا قۇرمەت ەتىپ، شىرىكتەسۋگە قارسى تۇرۋدى سىلتاۋ ەتىپ «ۇزاقتان قول سالۋعا»، ءتىپتى باسقا ەلدەردىڭ ىشكى ىسىنە كيلىگۋگە قارسى تۇرۋ كەرەك. ءۇشىنشى، سەلبەسىپ تەڭ يگىلىككە كەنەلۋدە، بىرگە اقىلداسىپ، بىرگە قۇرۋدا تاباندى بولىپ، كوپ جاقتىلىقتى قورعاپ، كەڭەسىپ بىرلىككە كەلۋ نەگىزىندە دۇنيە ءجۇزىنىڭ شىرىكتەسۋگە قارسى تۇرۋ، جونگە سالۋ ەرەجەسى جۇيەسىن كەمەلدەندىرۋ كەرەك. ءتورتىنشى، ۋادەسىندە تۇرۋدا، ارەكەتتى الدىڭعى ورىنعا قويۋدا تاباندى بولىپ، حالىقارالىق بورىشتى جاپپاي اتقارىپ، وتكىزىپ بەرۋ، قىلمىستىق ىستەرگە ءادىليالىق كومەك بەرۋ شارتىن كەڭ كولەمدە جاساسىپ، قاشقىنداردى قۋعىنداپ، ارام ولجانى قايتارىپ الۋداعى ءتۇرلى كەدەرگىلەردى الاستاپ، شىرىكتەسكەندەرگە تاسالاناتىن ورىن قالدىرماۋ كەرەك.
بۇل − ب م ۇ جينالىسىنىڭ شىرىكتەسۋگە قارسى تۇرۋ ماسەلەسى جونىندەگى تۇڭعىش ەرەكشە ءماجىلىسى، ب م ۇ - نىڭ ءتوراعاسى جانە ءار ەلدىڭ جوعارى دارەجەلى ۋاكىلدەرى ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
