شي جينپيڭ چيڭحايدا قىزمەت تەكسەرگەندە مىنانى دارىپتەدى
حالىقتى وزەك ەتۋدە تاباندى بولىپ، رەفورما جاساپ، ەسىك اشۋدى تەرەڭدەتىپ، چيڭحاي - شيزاڭ ءۇستىرتىنىڭ ەكولوگياسىن قورعاۋ مەن ساپالى دامۋىن ىشكەرىلەي ىلگەرىلەتۋ كەرەك
2021.06.10 16:51 كەلۋ قاينارى : حالىق تورابى
«حالىق گازەتى»، 6 – ايدىڭ 9 – كۇنى، شينيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىردا چيڭحايدا قىزمەت تەكسەرگەندە مىنانى دارىپتەدى: پارتيا ورتالىق كوميتەتىنىڭ شەشىم، ورنالاستىرۋلارىن باتىل دايەكتىلەندىرىپ، جاڭا دامۋ ۇستانىمىن تولىق، دۇرىس، جاپپاي دايەكتىلەندىرىپ، حالىقتى وزەك ەتۋدە تاباندى بولىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى اۋەنىنەن جازباي، رەفورما جاساپ، ەسىك اشۋدى تەرەڭدەتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، قيىنشىلىقتاردى جەڭىپ، ءورىس اشا جاڭالىق جاراتىپ، چيڭحاي - شيزاڭ ءۇستىرتىنىڭ ەكولوگياسىن قورعاۋ مەن ساپالى دامۋىن ىلگەرىلەتۋدە ۇزدىكسىز تىڭ تابىستارعا قول جەتكىزىپ، جاپپاي سوتسياليستىك وسىزاماندانعان مەملەكەت قۇرۋدىڭ چيڭحاي داستانىن قۇلشىنا جازۋ كەرەك.
6 – ايدىڭ 7 – كۇنىنەن 9 – كۇنىنە دەيىن شي جينپيڭ چيڭحاي ولكەلىك پارتكومنىڭ شۋجيى ۋاڭ جيانجۇننىڭ، ولكە باستىعى شين چاڭشيڭنىڭ جولسەرىك بولۋىندا ىلگەرىندى - كەيىندى شينيڭ قالاسى، حايبي زاڭزۋ اۆتونوميالى وبلىسى قاتارلى جەرلەرگە بارىپ، كاسىپورىن، الەۋمەتتىك اۋماق، جاراتىلىستىق قورىق، اۋىل – قىستاق قاتارلىلاردى ىشكەرىلەي ارالاپ تەكسەرۋ - زەرتتەۋ جۇرگىزدى.
6 – ايدىڭ 7 – كۇنى تۇستەن كەيىن شي جينپيڭ شينيڭ قالاسى چىڭجۇڭ رايونىنداعى چيڭحاي شىڭيۋان كىلەم توبى شەكتى سەرىكتەستىگىنە كەلىپ قىزمەت تەكسەرىپ، تەكسەرۋ - زەرتتەۋ جۇرگىزدى. ءوندىرىس سەحىندا شي جينپيڭ شيكىزات - ماتەريالدى، ءوندىرىس بارىسىن، ءونىم كورمەسىن كوزدەن كەشىرىپ، مەملەكەت دارەجەلى بەيزاتتىق مادەني مۇرا − كانادادان زاڭزۋ كىلەمىن توقۋ ونەرىن قورعاۋ، جالعاستىرۋ جاعدايىن ۇعىسىپ، كاسىپورىننىڭ جەرگىلىكتى بۇقارانى جۇمىستانىپ، كىرىستى ارتتىرۋعا جەتەكتەگەنىن تۇراقتاندىردى. كاسىپورىننىڭ تەكسەرۋ، جوبالاۋ تاراۋىندا شي جينپيڭ ءونىمنىڭ ۇيكەلىسكە توزىمدىلىگى سىناعىن، ونىمدەردى جوبالاۋ سۋرەتىن مۇقيات كورىپ، ونىمدەردىڭ ساتىلۋ جولى مەن كاسىپورىننىڭ جاڭالىق اشا دامۋ جاعدايىن ۇعىستى. شي جينپيڭ مىنالاردى دارىپتەدى: ساپالى دامۋدى ىلگەرىلەتۋدە ەرەكشەلىگى ەڭ ايقىن كاسىپ سالاسىن، ومىرشەڭدىك كۇشى ەڭ مىعىم كاسىپورىندى يگەرۋگە شەبەر بولىپ، ەرەكشە كاسىپ سالاسى ارقىلى ساپالى كاسىپورىنداردى جەتىلدىرىپ، كاسىپورىننىڭ دامۋى ارقىلى كاسىپ سالاسىنىڭ جوعارىلاۋىنا جەتەكشىلىك ەتۋ كەرەك. چيڭحايدىڭ ەرەكشە كاسىپ سالاسىن دامىتۋىنىڭ بولاشاعى زور ءارى بۇل جاعىندا ءىرى ىستەردى تىندىرۋعا بولادى، حالىقتىق كاسىپورىنداردىڭ دامۋىنا دەم بەرەتىن، قولداۋ كورسەتەتىن، جەتەكشىلىك ەتەتىن ساياساتتىق ورتانى بەلسەنە قالىپتاستىرۋ كەرەك. كاسىپورىنداردىڭ جاڭالىق اشۋىنا قىزمەت وتەۋ جۇيەسىن جەدەل كەمەلدەندىرىپ، كاسىپورىنداردى عىلىم - تەحنيكادا جاڭالىق اشۋ جاعىنداعى ۇسىنىلىمدى ارتتىرۋعا شابىتتاندىرىپ، ءداستۇرلى تەحنولوگيا مەن وسى زامانعى تەحنيكانىڭ ورگانيكالى ۇشتاسۋىن جەبەپ، كاسىپورىنداردىڭ وزەكتى باسەكەلىك قۋاتىن كۇشەيتۋ كەرەك. كاسىپ سالاسىن جەتىلدىرۋدى، كاسىپورىنداردىڭ دامۋىن بۇقارانىڭ جۇمىستانۋىمەن، اۋىل - قىستاقتى گۇلدەندىرۋمەن، ۇلتتار ىنتىماعىمەن اناعۇرلىم ويداعىداي ءبىر تۇتاس جوسپارلاپ، ءبىرىن - ءبىرى جەبەيتىن، ءبىر - بىرىنە ساي كەلەتىن جاعداي قالىپتاستىرۋ كەرەك.
وسىدان كەيىن شي جينپيڭ شينيڭ قالاسى چىڭشي رايونى ۋىنحۇي جولى ءمالى باسقارماسى ۋىنتيڭ كوشەسى الەۋمەتتىك اۋماعىنا كەلىپ، ولاردىڭ نەگىزگى ساتى پارتيا قۇرىلىسىن كۇشەيتۋ، نەگىزگى ساتىنى جونگە سالۋدى كەمەلدەندىرۋ، ۇلتتار ىنتىماعى، العاباسارلىعى قىزمەتىن ىلگەرىلەتۋ جونىندەگى مالىمەتىن تىڭداپ، جۇمىس باسىنداعى ءىس بىتىرۋگە كەلگەن بۇقارامەن اڭگىمەلەستى. شي جينپيڭ ىلگەرىندى - كەيىندى الەۋمەتتىك اۋماقتىڭ حاتكەرلىك - سۋرەت بولمەسىنە، باقىت اسحاناسىنا، ساۋىقتىرۋ ۇيىنە، ءبي بولمەسىنە، وقۋ بولمەسىنە بارىپ، زەينەتكەرلەردىڭ حاتكەرلىك - سۋرەت جاتتىعۋىن، ءان جاتتىعۋىن كورىپ، الەۋمەتتىك اۋماقتىڭ قارتتارعا اس - سۋ، دەنساۋلىق جاعىنان قىزمەت وتەۋ جاعدايىن، جاستار مەن ورەندەرگە ساباقتان كەيىنگى الەۋمەتتىك يگىلىك سيپاتتى اماناتپەن قىزمەت وتەۋ جۇمىس تاسىلدەرىن ۇعىستى. الەۋمەتتىك اۋماق الاڭىندا شي جينپيڭ قاۋمالاي كەلگەن بۇقارامەن ىقىلاسپەن اڭگىمەلەستى. ول مىنالاردى اتاپ كورسەتتى: الەۋمەتتىك اۋماقتى ۇلتتار ىنتىماعى، العاباسارلىعىندا وزات ورىن قۇرۋدىڭ ماڭىزدى بازاسى ەتىپ، ءار ۇلت حالقى قول ۇستاسۋ، جۇرەكتەس بولۋ تاماشا ءداستۇرىن ساۋلەلەندىرىپ، ۇلتتار ءبىر ءۇيلى جانداي بەرەكەلى تۇرمىس كەشىرەتىن جاراسىمدى مەكەندى بىرگە قۇرۋ كەرەك. الەۋمەتتىك اۋماقتى جونگە سالۋدىڭ جاقسى بولۋ - بولماۋىنىڭ تەتىگى نەگىزگى ساتى پارتيا ۇيىمدارىندا، قالىڭ پارتيا مۇشەلەرىندە، نەگىزگى ساتى پارتيا ۇيىمى سىندى جاۋىنگەر قامالدى اناعۇرلىم كۇشەيتىپ، الەۋمەتتىك اۋماقتاعى پارتيا مۇشەلەرىنىڭ، كادرلاردىڭ اتويشىلىق، ۇلگىلىك رولىن ساۋلەلەندىرىپ، نەگىزگى ساتى پارتيا ۇيىمى باسشىلىعىنداعى نەگىزگى ساتى بۇقاراسىنىڭ ءوزىن - ءوزى باسقارۋ مەحانيزمىن اقاۋسىزداندىرىپ، الەۋمەتتىك اۋماق قىزمەتىن تىڭعىلىقتى ىستەپ، بۇقارا الاڭداپ وتىرعان، بۇقارانى مازالاپ وتىرعان ىستەردى ويداعىداي ىستەۋ بارىسىندا بۇقارانىڭ تابىس، باقىت، حاۋىپسىزدىك سەزىمىن جوعارىلاتۋ كەرەك. پارتيانىڭ اۋەلگى ماقساتى مەن بورىشىن ەستە بەرىك ساقتاپ، حالىقتىڭ ءتىپتى دە باقىتتى تۇرمىس كەشىرۋى ءۇشىن كۇش ۇستىنە كۇش قوسىپ، قاجىماي - تالماي كۇرەس جۇرگىزۋ كەرەك.
شي جينپيڭ 6 – ايدىڭ 8 – كۇنى حايبەي زاڭزۋ اۆتونوميالى وبلىسىنىڭ كونچا اۋدانىنا بارىپ تەكسەرۋ - زەرتتەۋ جۇرگىزدى. ول الدىمەن چيڭحاي كولىنىڭ پەريزات يىنىنە كەلىپ، چيڭحاي ولكەسىنىڭ چيليان تاۋى رايونى مەن چيڭحاي كولىنىڭ ەكولوگيالىق ورتاسىن قورعاۋدى كۇشەيتۋ جاعدايى جونىندەگى تانىستىرۋدى تىڭدادى. وسىدان كەيىن اعاش جولدى بويلاپ ءجۇرىپ كوزدەن كەشىردى. كول ايدىنى كەڭ، سۋى تۇنىق، قۇستار سامعاپ ءجۇر. شي جينپيڭ مىنالاردى دارىپتەدى: چيڭحاي كولىنىڭ ەكولوگياسىن قورعاۋدا جانە قورشاعان ورتانى جونگە سالۋدا قول جەتكەن تابىستار وڭاي - وسپاق قولعا كەلگەن جوق، ونى بارىنشا قاستەرلەپ، ۇزدىكسىز بەكەمدەۋ، كەڭەيتۋ كەرەك. ەكولوگيا − ءبىزدىڭ قاستەرلى بايلىعىمىز جانە قازىنامىز. مەملەكەتتىڭ ەكولوگيا ستراتەگياسىن ويداعىداي تياناقتاندىرىپ، ءۇش وزەن قاينارى سياقتى مەملەكەتتىك باقشا ءتۇزىلىسىن تۇيىندە سىناق ەتۋ تاجىريبەلەرىن قورىتىندىلاپ، مەملەكەتتىك باقشانى نەگىزگى تۇلعا، جاراتىلىستىق قورىقتاردى نەگىز، ءتۇرلى جاراتىلىستىق باقشالاردى تولىقتاما ەتكەن جاراتىلىستىق قورىق جۇيەسىن جەدەل ورناتىپ، جاراتىلىستىق ەكولوگيانى، جاراتىلىستىق بايلىقتى ويداعىداي قورعاپ، ورگانيزمدەردىڭ الۋان تۇرلىلىگىن ويداعىداي قورعاۋ كەرەك.
شاليۋحى قالاشىعى گولوزاڭگۋنما قىستاعى − مالشىلار شوعىرلى ورنالاستىرىلعان جاڭا قىستاق، 2017 - جىلى سيىر، قوي باعىمشىلىعى سياقتى كاسىپتەرگە سۇيەنىپ تۇتاس قىستاق كەدەيلىكتەن ارىلعان. شي جينپيڭ وسى اراعا كەلگەندە، زاڭزۋ مالشى سونانسايراڭ باس شۋجيدى ۇيىنە قوناققا شاقىردى ءارى حادا ۇسىندى. شي جينپيڭ ۇيگە كىرىپ، ءۇيدىڭ ءىشى - سىرتىن تاپتەشتەي كورىپ، وتباسىنداعىلارمەن بىرگە قوناق بولمەسىندە اڭگىمە دۇكەنىن قۇردى. سونانسايراڭ تەبىرەنە بىلاي دەدى: مالشىلاردىڭ تۇرمىسى جاقسى، پارتيانىڭ ساياساتى جاقسى، كوممۋنيستىك پارتياعا شىن جۇرەكتەن العىس ايتامىز، باس شۋجيگە شىن جۇرەكتەن العىس ايتامىز. شي جينپيڭ مىنالاردى اتاپ كورسەتتى: بيىل − جۇڭگو كوممۋنيستىك پارتياسى قۇرىلعانىنىڭ 100 جىلدىعى، پارتيامىزدىڭ دامىپ زورايۋى وڭاي بولعان جوق، بيلىكتى تارتىپ الۋى وڭاي بولعان جوق، جاڭا جۇڭگو قۇرۋ وڭاي بولعان جوق. بۇقارانىڭ جۇڭگو كوممۋنيستىك پارتياسىن شىن جۇرەكتەن قولداۋىنىڭ سەبەبى، جۇڭگو كوممۋنيستىك پارتياسىنىڭ باستان - اياق بۇكىل ىنتا - پەيىلىمەن حالىق ءۇشىن قىزمەت ىستەپ، ءار ۇلتتىڭ باقىتىن كوزدەگەنىنەن بولىپ وتىر.
سونانسايراڭنىڭ ۇيىنەن شىققاندا قىستاق تۇرعىندارى باس شۋجيدىڭ كەلگەنىن كورىپ، جول شەتىنە ىستىق ىقىلاسپەن قورالانىپ، باس شۋجيمەن الاقايلاپ امانداستى. شي جينپيڭ تەبىرەنە بىلاي دەدى: اۋىلداستاردىڭ باقىتتى تۇرمىس كەشىرگەنىن كورىپ قاتتى قۋاندىم. ءبىز ۇزدىكسىز كۇرەس جۇرگىزۋىمىز كەرەك، جاڭا جۇڭگو قۇرىلعانىنىڭ 100 جىلدىعى كەزىندە جۇڭحۋا ۇلتى، ءسوز جوق، دۇنيە جۇزىندەگى ۇلتتار قاتارىندا اناعۇرلىم نىق سەنىممەن ەڭسە كوتەرىپ تۇراتىن بولادى. جاپپاي سوتسياليستىك وسىزاماندانعان مەملەكەت قۇرۋدا بىردە - ءبىر ۇلتتىڭ قاعىس قالۋىنا بولمايدى. جۇڭحۋا ۇلتى ۇلى شاڭىراعىندا كوپشىلىك اناردىڭ دانىندەي تىعىز ۇيىسىپ، اعا - باۋىرداي ەتەنە بولىپ، ءبىر - بىرىنە قارايلاسقاندا عانا ۇلتتىڭ گۇلدەنۋى سىندى ۇلى ارماندى جۇزەگە اسىرۋعا، ۇلتتار ىنتىماعى، العاباسارلىعى گۇلىن ماڭگى قۇلپىرتۋعا بولادى. شي جينپيڭ زاڭزۋ تىلىندە «زاشيدەلە» دەگەن ءسوزدى ايتىپ كوپشىلىككە باقىت تىلەدى.
6 – ايدىڭ 9 – كۇنى تۇستەن بۇرىن شي جينپيڭ چيڭحاي ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداپ، چيڭحايدىڭ ءتۇرلى قىزمەتتە قول جەتكىزگەن تابىستارىن تۇراقتاندىرىپ، چيڭحايداعى ءار ۇلت كادرلارى مەن بۇقاراسىنىڭ ءورىس اشا جاڭالىق جاراتىپ، جاۋاپكەرلىك ارقالاپ، ناقتى ىستەپ، پارتيا قۇرىلعانىنىڭ 100 جىلدىعىن ۇزدىك ناتيجەلەرمەن قۇتتىقتاۋىن ءۇمىت ەتتى.
شي جينپيڭ بىلاي دەپ اتاپ كورسەتتى: جاڭا دامۋ كەزەڭىنە قادام تاستاپ، جاڭا دامۋ ۇستانىمىن دايەكتىلەندىرىپ، جاڭا دامۋ جاعدايىن قالىپتاستىرۋدا چيڭحايدىڭ ەكولوگيالىق حاۋىپسىزدىك ورنى، مەملەكەت تەرريتورياسى حاۋىپسىزدىگى ورنى، بايلىق، ەنەرگيا حاۋىپسىزدىگى ورنى اناعۇرلىم ماڭىزدى بولا ءتۇستى. مەملەكەت جەرى كەڭىستىگىن اشۋ، قورعاۋ جۇيەسىن ساپالىلاندىرىپ، جاسىل، تومەن كومىرتەكتى دامۋدان جازباي، ءىس جۇزىندىك جاعدايمەن ۇشتاستىرىپ، ارتىقشىلىقتى ساۋلەلەندىرىپ، ولقىلىقتى تولىقتاپ، جەرگىلىكتى ەرەكشەلىككە يە ساپالى دامۋ جولىمەن ءجۇرۋ كەرەك. ۇستىرتتەگى ەرەكشە بايلىق ەرەكشەلىگىن تياناق ەتىپ، جاڭادان گۇلدەنگەن كاسىپتەردى بەلسەنە جەتىلدىرىپ، دۇنيە جۇزىلىك تۇزدى كول كاسىپ بازاسىن جەدەل قۇرىپ، مەملەكەتتىڭ تازا ەنەرگيا كاسىبى بيىگىن، حالىقارالىق ەكولوگيالىق ساياحات نىسانالى جەرىن، جاسىل، ورگانيكالىق اۋىل شارۋاشىلىق، مال شارۋاشىلىق ونىمدەرىن شىعاراتىن جاسىل جەردى قالىپتاستىرۋ كەرەك. عىلىم - تەحنيكا ءتۇزىلىس، مەحانيزمى رەفورماسىن جەدەلدەتىپ، عىلىم - تەحنيكادا جاڭالىق اشۋدى قولداۋ جانە جەتىستىكتەردى كادەگە جاراتۋ سەرپىنىن ارتتىرىپ، جاسامپاز دارىندىلاردى باۋلۋدى جەدەلدەتىپ، جاڭالىق اشۋدىڭ ومىرشەڭدىك كۇشىن قاۋلاتۋ كەرەك. پارتيا ورتالىق كوميتەتىنىڭ جاڭا داۋىردە باتىس بولەكتى قاۋىرت اشۋدى ىلگەرىلەتىپ، جاڭا جاعداي قالىپتاستىرۋ، «ءبىر بەلدەۋ، ءبىر جولدى» بىرگە قۇرۋدىڭ ساپالى دامۋىن ىلگەرىلەتۋ جونىندەگى ستراتەگيالىق ورنالاستىرۋىن دايەكتىلەندىرىپ، تياناقتاندىرىپ، چاڭجياڭ ەكونوميكالىق بەلدەۋىنىڭ دامۋى، حۋاڭحى وزەنى الابىنىڭ ەكولوگياسىن قورعاۋ جانە ساپالى دامۋ سياقتى وڭىرلىك كەلەلى ستراتەگيالارمەن ىرىقتى تۇردە ۇشتاستىرىپ، ەكونوميكالىق دامۋدىڭ ىشكى قوزعاۋشى كۇشىن نىعايتۋ كەرەك. ءار دارەجەلى پارتكومدار، اسىرەسە، نەگىزگى جاۋاپتى جولداستار ساياسي جاۋاپكەرلىكتى ارقالاپ، قازىنا، سالىق، قازىنالىق باقىلاۋ سياقتى قىزمەتتەردى ءبىر تۇتاس ويداعىداي يگەرىپ، قازىنا - ەكونوميكا ءتارتىبىن قاتايتىپ، ءار جاقتاعى قارجىنى ويداعىداي باسقارىپ، ويداعىداي پايدالانىپ، فينانس حاۋىپ - قاتەرىنەن شىنايى ساقتانىپ، پارتيا ورتالىق كوميتەتىنىڭ قازىنا - ەكونوميكا قىزمەتى جونىندەگى باعىت - ساياساتى مەن قىزمەت ورنالاستىرۋلارىن قاتاڭ اتقارىپ، ۇنەمشىلدىكپەن تۇرمىس كەشىرۋ تالابىن ناقتى تياناقتاندىرۋى كەرەك.
شي جينپيڭ بىلاي دەپ دارىپتەدى: چيڭحايدىڭ ەكولوگيالىق ورتاسىن ويداعىداي قورعاۋ − «مەملەكەتتىڭ زور ءىسى». تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ، جەر شارىنىڭ 3 - ۇيەگىنىڭ ەكولوگياسىن شىن مانىندە ويداعىداي قورعاۋ كەرەك. ءۇش وزەن قاينارىن قورعاۋدى چيڭحايدىڭ ەكولوگيالىق وركەنيەت قۇرىلىسىنداعى ەڭ ماڭىزدى ءتۇيىن ەتىپ، ەكولوگيالىق حاۋىپسىزدىكتى قورعاۋ، ءۇش وزەن قاينارىن قورعاۋ، «جۇڭحۋا سۋ مۇناراسىن» قورعاۋ سىندى كەلەلى بورىشتى ويداعىداي ارقالاۋ كەرەك. مەملەكەتتىك باقشا قۇرىلىسىن ۇزدىكسىز ىلگەرىلەتىپ، باسقارۋ ءتۇزىلىسىن جونگە سالىپ، اينالىم مەحانيزمىندە جاڭالىق اشىپ، باقىلاۋ - باسقارۋدى كۇشەيتىپ، ساياساتتىق قولداۋدى كۇشەيتىپ، كوشىرۋگە، جالپىلاستىرۋعا بولاتىن اناعۇرلىم كوپ تاجىريبە قاراستىرۋ كەرەك. قارلى تاۋ مۇزدىعى، وزەن قاينارى الابى، كول، ساز، جايىلىم شالعىنى، قۇمدى جەر، ءشول سياقتى ەكولوگيانى جونگە سالۋدى، قالپىنا كەلتىرۋدى كۇشەيتىپ، چيڭحاي - شيزاڭ ءۇستىرتىنىڭ ورگانيزمدەرىنىڭ الۋان تۇرلىلىگىن قورعاۋدى بار كۇشپەن ىلگەرىلەتۋ كەرەك. حۋاڭحى وزەنى الابىنىڭ ەكولوگياسىن قورعاۋدى جانە ساپالى دامۋىن بەلسەنە ىلگەرىلەتىپ، سۋ، توپىراقتىڭ زايا بولۋىن جان - جاقتى جونگە سالىپ، سۋ قاينارىن ساقتاۋ قۋاتىن ورنىقتى جوعارىلاتىپ، سۋ بايلىعىنان ۇنەمدى، شوعىرلى، جوعارى ءونىمدى پايدالانۋدى جەبەۋ كەرەك.
شي جينپيڭ بىلاي دەپ اتاپ كورسەتتى: حالىققا سۇيىسپەنشىلىك باعىشتاۋدان جازباي، حالىققا تىعىز سۇيەنىپ، حالىقتى ۇزدىكسىز باقىتقا كەنەلتىپ، بىرگە اۋقاتتانۋدى تىڭعىلىقتى ىلگەرىلەتۋ كەرەك. ءونىمدى شارالار ارقىلى حالىقتى وزەك ەتكەن دامۋ يدەياسىن تياناقتاندىرىپ، جۇمىستاندىرۋ، كىرىس ءبولىسى، وقۋ - اعارتۋ، قوعامدىق قامتاماسىزداندىرۋ، ەمدەۋ، تۇرعىن ءۇي، زەينەتكەرلىك، اماناتتاپ تاربيەلەۋ، ازىق - تۇلىك حاۋىپسىزدىگى، قوعام اماندىعى سياقتى ماسەلەلەردى ءبىر تۇتاس ويداعىداي شەشىپ، ەكولوگيا مەن حالىق تۇرمىسىنىڭ قاتىناسىن ۇيلەسىمدى ءبىر جاقتى ەتىپ، ەكولوگيانى قورعاۋ مەن حالىق تۇرمىسىن قامتاماسىز ەتۋدىڭ ءوزارا سايكەسۋىن جۇزەگە اسىرۋ كەرەك. كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ىلگەرىلەتىپ، ەگىن، مال شارۋاشىلىق ونىمدەرىنىڭ ولشەمدەنۋىن، جاسىلدانۋىن كۇشەيتىپ، ورگانيكالىق ەرەكشە كاسىپتەردى الۋەتتەندىرىپ، اۋىل - قىستاق قۇرىلىسى ارەكەتىن اتقارىپ، اۋىل - قىستاقتىڭ قونىس ورتاسىن جاقسارتىپ، ەگىنشى - مالشىلاردىڭ ساپاسىن جوعارىلاتىپ، ەگىن، مال شارۋاشىلىق رايوندارىنىڭ مادەنيەتىن گۇلدەندىرۋ كەرەك. شي جينپيڭ چيڭحاي ولكەلىك پارتكوم مەن ولكەلىك ۇكىمەت ارقىلى مادو اۋدانىنداعى جەر سىلكىنىسى اپاتى تۋىلعان رايونداعى ءار ۇلت بۇقاراسىنان شىنايى حال سۇراپ، مىنانى تالاپ ەتتى: اپاتتان كەيىنگى قالپىنا كەلتىرۋدى، قايتا قۇرۋدى شىن مانىندە ويداعىداي يگەرىپ، بۇقارانىڭ قيىنشىلىعىن شەشىپ، بۇقارانىڭ كوڭىلىن ورنىقتىرىپ، بۇقارانىڭ كوڭىلىن جىلىتىپ، باقىتتى، تاماشا تۇرمىستى بىرگە جاراتۋ كەرەك.
شي جينپيڭ بىلاي دەپ دارىپتەدى: چيڭحاي − شەكارا ءوڭىردى ورنىقتىرۋداعى، زاڭزۋلار قونىستانعان رايونداردى بەكەمدەۋدەگى ستراتەگيالىق ماڭىزدى جەر، جاڭا داۋىردەگى پارتيانىڭ زاڭزۋلار قونىستانعان رايونداردى جونگە سالۋ جالپى جوباسىن جاپپاي دايەكتىلەندىرىپ، تۇلعالىق جاۋاپكەرلىكتى ارقالاۋ كەرەك. پارتيانىڭ ۇلت ساياساتىن جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتار ىنتىماعى، العاباسارلىعىنداعى ۇلگىلى ولكە قۇرىلىسىن ىشكەرىلەي جۇرگىزۋ كەرەك. پارتيانىڭ ءدىن قىزمەتى جونىندەگى نەگىزگى باعىتىن جاپپاي دايەكتىلەندىرىپ، ەلىمىزدەگى دىندەردىڭ جۇڭگوشالانۋ بەتالىسىندا تاباندى بولىپ، ءدىندى سوتسياليستىك قوعامعا سايكەسۋگە بەلسەنە جەتەكتەۋ كەرەك. جالپىلىق مەملەكەت حاۋىپسىزدىگى كوزقاراسىندا تاباندى بولىپ، تومەنگى شەكتە ويلاۋدان جازباي، مەملەكەت حاۋىپسىزدىگىن باتىل قورعاۋ كەرەك. ىندەتتەن ساقتانۋ - تىزگىندەۋدى تيتتەي دە بوساڭسىماي مىقتى يگەرىپ، اۋىر، ەرەكشە اۋىر ءوندىرىس شىرعالاڭدارىن ءونىمدى تەجەپ، قارا كۇشتەردى الاستاپ، سۇرقيا كۇشتەردى جويۋدى ۇدايىلاندىرۋدى ىلگەرىلەتىپ، ساياسي - زاڭ قوسىنىن تاربيەلەۋدى، رەتتەۋدى تەرەڭدەتىپ، قوعامدىق جالپى جاعدايدىڭ جاراسىمدىلىعى مەن ورنىقتىلىعىن ساقتاۋ كەرەك.
شي جينپيڭ بىلاي دەپ اتاپ كورسەتتى: پارتيامىز 100 جىلدىق كۇرەس بارىسىندا وزىندىك ەرەكشەلىككە يە ءبىرقىدىرۋ توڭكەرىستىك رۋحتى جەتىلدىرىپ، قالىپتاستىرىپ، پارتيانىڭ بەرىك سەنىمىن، ءتۇبىرلى ماقساتىن، تاڭداۋلى ستيلىن شوعىرلى ايگىلەدى، بۇلار − ءبىزدى قاجىماي - تالماي كۇرەس جۇرگىزۋگە ىنتالاندىراتىن باعالى رۋحاني بايلىق. پارتيا تاريحىن ۇيرەنۋ تاربيەسىندە تاريحتى ۇيرەنۋ ارقىلى ءمورالدى اسقاقتاتۋ ءۇشىن، قالىڭ پارتيا مۇشەلەرىن، كادرلاردى قىزىل گەندى جالعاستىرۋعا جەتەكتەپ، وسكەلەڭ ءمورالدىق قاسيەتتى جەتىلدىرۋ كەرەك. ءبىرىنشى، پارتياعا ادال بولۋ ۇلى ءمورالىن قاستەرلەۋ كەرەك، قالىڭ پارتيا مۇشەلەرى، كادرلار پارتياعا كىرگەن كەزدە جاساعان پارتياعا ادال بولۋ، پارتياعا ماڭگى وپاسىزدىق جاساماۋ سەرتىن ماڭگى ەستەن شىعارماۋى، پارتياعا، پارتيانىڭ ىستەرىنە قاي - قاشان دا ادال بولۋى، پارتياعا نىق سەنىممەن ىلەسۋى، قۇربان بەرۋدەن تايسالماۋى كەرەك. ەكىنشى، حالىقتى باقىتقا كەنەلتەتىن الەۋمەتتىك ءمورالدى قاستەرلەۋ كەرەك، قالىڭ پارتيا مۇشەلەرى، كادرلار حالىقتىق مايداندا بەرىك تۇرىپ، باستان - اياق حالىقپەن جاپا - ماشاقاتتا بىرگە بولىپ، اششى - تۇششىنى بىرگە تاتىپ، جاۋاپكەرلىكتى باتىلدىقپەن ارقالاپ، بەلسەنە ءىس تىندىرىپ، حالىققا باقىت جاراتۋدى شىن مانىندە ەڭ ءتۇبىرلى مىندەت ەتۋى كەرەك. ءۇشىنشى، تارتىپكە قاتاڭ بويسۇناتىن ءمورالدى قاستەرلەۋ كەرەك، قالىڭ پارتيا مۇشەلەرى، كادرلار ۇساق - تۇيەك ىستەردە ساقتانىپ، كىرشىكسىز ادام بولىپ، كىرشىكسىز ءىس ىستەپ، وسكەلەڭ، كىرشىكسىز، ءمورالدى، پاسىقتىقتان اۋلاق، حالىققا پايدالى ادام بولۋعا قۇلشىنۋى كەرەك. ادال، كىرشىكسىز، جاۋاپكەرلىك ارقالايتىن، ساپالى، ماماندانعان كادرلار قوسىنىن قۇرىپ، پارتيا ستيلى، پاكتىك قۇرىلىسىن ۇزدىكسىز كۇشەيتىپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتىپ، پارتيانىڭ تۇلعاسىنىڭ اقاۋسىزدىعىنا كەپىلدىك ەتۋ كەرەك.
ديڭ شۋەشياڭ، ليۋ حى، چىن شي، حى ليفىڭ جانە ورتالىقتىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
