ەسىك اشىپ نەگىز قالاپ، تولقىن جارا العا ىلگەرىلەدى
2021.06.18 14:57 كەلۋ قاينارى : شينجياڭ گازەتى
پارتيا 18 - قۇرىلتايىنان بەرى رايونىمىز ”ءبىر بەلدەۋ، ءبىر جولدى“ بىرگە قۇرۋ تاريحي ورايىن مىقتاپ يگەرىپ، سىرتقا ەسىك اشۋ كومەسكى كۇشىن ۇزدىكسىز تەرەڭدەي اشىپ، ەرەكشە وڭىرلىك ورىن، بايلىق، ساياسات، گۋمانيتارلىق ەرەكشەلىك سياقتى ابزالدىلىقتاردان پايدالانىپ، ءوزىنىڭ وڭىرلىك ەسىك اشۋ ستراتەگياسىن مەملەكەتتىڭ باتىسقا ەسىك اشۋ جالپى تۇلعالىق ورنالاستىرۋىنا ەنگىزىپ، رايونىمىزدى ىشكى قۇرلىقتا ەسىك اشۋ مەن شەكارا بويىنا ەسىك اشۋدىڭ بيىك بەلەسى ەتىپ تۇلعالادى.
مەحانيزمگە، تۇزىلىسكە جاڭالىق جاسادى
ساياسات جوبا جاعىندا، رايونىمىز جۇڭگو - قازاقستان، جۇڭگو - تاجىكستان سەلبەستىگى، سونداي - اق جۇڭگو - موڭعۇليا - رەسەي ەكونوميكالىق ءدالىزى قۇرىلىسىنا قاتىناسۋدىڭ اتقارۋ جوباسىن زەرتتەپ جاساپ، جۇڭگو - قازاقستان، جۇڭگو - موڭعۇليا سياقتى ەكى جاقتى شەكارا وتكەلى سەلبەستىك مەحانيزمدەرىن ۇزدىكسىز بەكەمدەدى، تەرەڭدەتتى. جيىنى 45 قالامەن حالىقارالىق دوستىق ورناتىپ، ورتا ازيا وڭىرلىك ەكونوميكالىق سەلبەستىك شۋەيۋانىمەن، توڭىرەكتەگى ەلدەردىڭ قاتىستى قۇرىلىمدارىمەن 10 نەشە سەلبەستىك كەلىسىمىنە، ەسكەرتپە حاتقا قول قويىپ، حالىقارالىق اۋىس - كۇيىس، سەلبەستىك كەڭىستىگىن ۇزدىكسىز كەڭەيتتى.
ماڭىزدى ەكونوميكا - ساۋدا سەلبەستىك مەحانيزمى جاعىندا، جۇڭگونىڭ شينجياڭى قىرعىزستان، تاجىكستان، ازەربايجان، ارمەنيا، قازاقستان سىندى 5 ەلمەن ۇكىمەت ارالىق ەكونوميكا - ساۋدا اۋىس - كۇيىسىن، سەلبەستىگىن ۇزدىكسىز كۇشەيتتى. رەسەي فەدەراتسياسىنىڭ چەليابينسكى وبلىسى، ومسكى وبلىسى، تۋا رەسپۋبليكاسى جانە قازاقستاننىڭ شىعىس قازاقستان وبلىسى سياقتى كوپتەگەن ەلدەردىڭ وبلىستارىمەن، رايوندارىمەن جەرگىلىكتى ۇكىمەت ارالىق سەلبەستىك كەلىسىمىنە قول قويدى، موڭعۇليامەن ۇكىمەتتىك سەلبەستىك قىزمەت گرۋپپاسى مەرزىمدى كەزدەسۋ مەحانيزمىن ورناتتى. جۇڭگو - قازاقستان قورعاس حالىقارالىق شەكارالىق سەلبەستىك ورتالىعى ءۇش دارەجە بىرلەسىپ ارەكەتتەنۋ مەحانيزمىن ورناتۋدى ىلگەرىلەتىپ، سەلبەستىك ورتالىعىنىڭ قۇرىلىس باسقارۋ دەڭگەيىن جوعارىلاتتى.
اۆتونوميالى رايوندىق ساۋدا ىستەرى مەڭگەرمەسى شەتەل ساۋداگەرلەرىنىڭ قارجى قوسىپ شارۋاشىلىق - ساۋدا جۇرگىزۋ ورتاسىن ىشكەرىلەي جاقسارتۋ ءۇشىن، 21 تارماقتى سىرتقى قارجىنى ورنىقتىرۋ شاراسىن شىعارىپ، شەتەل ساۋداگەرلەرى قارجى قوسقان كاسىپورىنداردىڭ قۇرىلۋ جانە وزگەرتۋ ىستەرىن تەكسەرىپ بەكىتۋدى، ەستەلىككە الۋدى جاپپاي كۇشىنەن قالدىرىپ، قىزمەت ارنايى كەزەكشىلىگىن قۇرىپ، ءتۇيىندى نىساندارعا ىلەسىپ قىزمەت وتەدى.
اشىق مەحانيزم - ءتۇزىلىس اۆتونوميالى رايون ساتىسىندا عانا بولىپ قالعان جوق.
قاشقار ايماعى پاكيستان، تاجىكستان، قىرعىزستان ساۋدا - ساتتىق بايلانىس قىزمەت پۋنكتىن ۇيىمداستىرىپ، ”ءبىر بەلدەۋ، ءبىر جول“ (قاشقار) تالاس - تارتىستى شەشۋ ورتالىعىن قۇردى. قاشقاردا قۇرىلعان شىنجىن - قاشقار عىلىم - تەحنيكادا جاڭالىق اشۋعا قىزمەت وتەۋ ورتالىعىنا عىلىم - تەحنيكا مينيسترلىگى جاعىنان مەملەكەت دارەجەلى عىلىم - تەحنيكا كاسىپورىندارىن جەتىلدىرگىش، مەملەكەت دارەجەلى عىلىم - تەحنيكا باستاماشى دارىندىلارىنىڭ جاڭالىق اشۋ ارقىلى دەم بەرۋ ورتالىعى دەگەن ات بەرىلىپ، جۇڭگو - ورتا ازيا عىلىم - تەحنيكا سەلبەستىك ورتالىعىنىڭ جالپى تۇلعالىق ورنالاستىرۋىنا ەنگىزىلدى. بۇلار قاشقار ايماعىنىڭ حالىقارالىق سەلبەستىكتى ىشكەرىلەي ورىستەتۋىنە نەگىز قالادى.
پارتيانىڭ 18 - قۇرىلتايىنان بەرى رايونىمىز ءار ءتۇرلى اشىق نەگىزدىك قۇرىلعى، تۇعىر قۇرىلىستارىن جەدەلدەتۋمەن بىرگە، ساياساتتى سايكەستىرۋدى ۇزدىكسىز كۇشەيتىپ، ۇشتاستىرۋ مەحانيزمىن كەمەلدەندىرىپ، ساياساتتىق بايلانىستى ۇزدىكسىز تەرەڭدەتىپ، ەل ءىشى، حالىقارا سەلبەستىكتەرىنىڭ تەرەڭدەي دامۋىن ىلگەرىلەتتى.
ەسىك اشۋ دانەكەرىن مولايتتى
بيىل 5 - ايدا، قاشقار اۆياتسيا شەكارا وتكەلىنىڭ بۇكىل شينجياڭداعى تۇڭعىش جەمىس - جيدەك، ەت، توڭازىتىلعان جاس سۋ ونىمدەرى جانە ازىقتىق سۋ جانۋارلارىن ءبىر تۇلعالاندىرعان شەكارادان ەنگىزۋ جالپىلىق بەلگىلەنگەن باقىلاۋ - باسقارۋ الاڭى بەكىتۋدەن ءوتىپ قۇرىلدى.
بۇل باقىلاۋ - باسقارۋ الاڭى سالىنعاننان كەيىن، شەتەلدىڭ جەمىس - جيدەك، ەت، توڭازىتىلعان جاس سۋ ونىمدەرى قاتارلى زاتتارىنىڭ يمپورتتالىپ كەدەننەن ءوتۋ ۋاقىتى مەن وزىندىك قۇنى زور مولشەردە تومەندەپ، رايونىمىزدىڭ، ءتىپتى، ەل ىشىندەگى باسقا ولكە، رايون، قالالاردىڭ شەتەلدىڭ قاتىستى ونىمدەرىنە دەگەن تۇتىنۋ قاجەتىن ىشكەرىلەي قاناعاتتاندىرا الادى.
قاشقار كەدەنىنىڭ ورىنباسار باستىعى لي شين مىنالاردى ءبىلدىردى: قاشقار ايماعى اۆياتسيا شەكارا وتكەلى، تاس جول شەكارا وتكەلى، جالپىلىق باجىسىز اۋماق سياقتى كوپ ءتۇرلى ەسىك اشۋ دانەكەرىنە يە. وسى رەت شەكارادان ەنگىزۋ جالپىلىق بەلگىلەنگەن باقىلاۋ - باسقارۋ الاڭى سالىنىپ ىسكە قوسىلعاننان كەيىن، قاشقار ايماعىنىڭ ەسىك اشۋ دانەكەرلەرى يقۋاتىن ىشكەرىلەي مولايتىپ، مۇنان كەيىنگى سىرتقا باعىتتالعان ەكونوميكالىق دامۋعا نەگىز قالايدى.
قازىر رايونىمىز ءۇرىمجى حالىقارالىق قۇرلىقتىق پورت رايونىن باستاماشى ەتكەن، قورعاس، قاشقار ەكونوميكالىق اشۋ رايوندارى مەن جالپىلىق باجىسىز اۋماقتارى، شەكارا بويىنداعى شەكارا وتكەلدەرى بىرگە قۇرىلىپ دامىعان ەسىك اشۋ كەڭىستىك ورنالاستىرۋىن قالىپتاستىردى. 2020 - جىلعا دەيىن، بۇكىل شينجياڭ 4 جالپىلىق باجىسىز اۋماعىن، شەكاراداعى حالىقتىڭ 4 جاڭاشا شەكارالىق بازارىن، 12 باجىسىز باقىلاۋ - باسقارۋ الاڭىن، 29 بەلگىلەنگەن باقىلاۋ - باسقارۋ الاڭىن قۇردى.
كوپ جىلدىق قۇرىلىس ارقىلى ءۇرىمجى حالىقارالىق قۇرلىقتىق پورت رايونىنىڭ زات جيناۋ، باقشا قۇرۋ، كاسىپ سالاسىن شوعىرلاندىرۋ دەڭگەيى ۇزدىكسىز جوعارىلاپ، كوپ ۇلگىدەگى بىرلەسىپ تاسۋ ورتالىعى، كەدەن اداقشىلىق ورتالىعى سياقتى ءبىر توپ تىرەكتىك نىساندار سالىنىپ پايدالانىلىپ، تەمىر جول جەدەل جەتكىزۋ ورتالىعى سياقتى ءتۇيىندى نىساندار جەدەل ىلگەرىلەتىلىپ، زەردەلى الاڭ، پۋنكت تۇعىرلارى ينتەرنەت جەلىسىندە اينالىس جاساۋ شارت - جاعدايىن ازىرلەپ، قۇرلىقتىق پورت تۇرىندەگى مەملەكەتتىك زات اينالىم ءتۇيىنى جەدەل قالىپتاسۋدا.
سونىمەن بىرگە، اشۋ رايونى كەزەكتەگى ەل ىشىندەگى ەسىك اشۋ دارەجەسى ءبىرشاما جوعارى باقشا رايون رەتىندە، ەسىك اشۋ گەنىن تابيعي ازىرلەگەن. پارتيانىڭ 18 - قۇرىلتايىنان بەرى رايونىمىزدىڭ باقشا رايون قۇرىلىسى دا ساپانى جوعارىلاتىپ، ونىمدىلىكتى ارتتىرىپ، جوعارى ساپالى دامۋ كەزەڭىنە ءوتتى.
اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنىڭ باستىعى نيجات سىمايىل تىلشىلىكتى قابىلداعان كەزدە مىنالاردى ءبىلدىردى: قازىر شينجياڭنىڭ باقشا رايوندارىنىڭ جيناۋ - شوعىرلاندىرۋ اسەرى بىرتىندەپ كورنەكتىلەنىپ، كاسىپ سالاسى كولەمى جىل سايىن ۇلعايدى. ۇلكەن ساندى مالىمەت، بۇلتتىق ەسەپتەۋ، وزىق جابدىق جاساۋ، جاڭا ەنەرگيا، جاڭا ماتەريال سياقتى ستراتەگيالىق جاڭادان گۇلدەنگەن كاسىپ سالالارى جەدەل ىلگەرىلەپ، باقشا رايوندارىنىڭ ەل ىشىندەگى، حالىقاراداعى كاسىپ سالاسى جۇمىس بولىسىنە قاتىناسۋ بۋىندارى تومەن دەڭگەيدەن وزىق دەڭگەيگە قاراي جوعارىلاۋدا.
”13 - بەسجىلدىقتىڭ“ اياعىندا، بۇكىل رايوندا اۆتونوميالى رايون دارەجەلى، سونداي - اق ونان جوعارى 91 باقشا رايونى سالىندى، مۇنىڭ ىشىندە، مەملەكەت دارەجەلى باقشا رايون 23، اۆتونوميالى رايون دارەجەلى باقشا رايونى 68.
ەكونوميكا - ساۋدا بارىس - كەلىسى كوپ نەگىزدەندى
”ءبىزدىڭ ءبىر توپتاعى 2000 توننا قازاقستان ءبيدايىمىز جولدا كەلە جاتىر“، - دەدى 6 - ايدىڭ 9 - كۇنى شينجياڭ كىميڭ ۇن كاسىبى شەكتى سەرىكتەستىگىنىڭ ۇنەمىلىك ىستەرگە جاۋاپتى ورىنباسار باس ديرەكتورى ۋي يۇيجۇن. يمپورت ءبيدايدى شيكىزات ەتەتىن ازىق - تۇلىك مانەرلەۋ كاسىپورنى رەتىندە، ولار يمپورت ەتكەن شيكىزات قايتا قايتقان جۇڭگو - ەۆروپا كەزەكشى پويەزىمەن تاسىلىپ، جاقىن ماڭدا ءۇرىمجى جالپىلىق باجىسىز اۋماعىنا كىرگىزىلەدى، مانەرلەنىپ وندىرىلگەننەن كەيىن، ءونىم قايتادان رايوننان شىعىپ بۇكىل ەلدەگى بازارلارعا ساتىلادى.
”13 - بەسجىلدىق“ مەزگىلىندە، اۆتونوميالى رايون 170 مەملەكەت جانە رايونىمەن ەكونوميكا - ساۋدا سەلبەستىگىن ورىستەتىپ، يمپورت - ەكسپورت ساۋدا سوماسى 703 ميلليارد 799 ميلليون يۋانعا جەتىپ، جىلدىق ارتۋى ％5.7 بولدى.
سىرتقى ساۋدا ورنىقتى ارتۋدان سىرت، رايونىمىزدىڭ قوس باعىتتى قارجى قوسۋ سەلبەستىگى دە ۇزدىكسىز تەرەڭدەپ، كاسىپورىنداردىڭ سىرتقا شىعۋ اياق الىسى بارعان سايىن تياناقتى بولدى.
گرۋزياداعى شينجياڭ حۋاليڭ ونەركاسىپ - ساۋدا (توبى) شەكتى سەرىكتەستىگى سول جەردەگى ەڭ ايگىلى جانە ۋاكىلدىك سيپاتقا يە جۇڭگو ساۋداگەرلەرى قارجىلاندىرعان كاسىپورىن. رايونىمىزدىڭ ”سىرتقا شىعۋداعى“ تيپتىك كاسىپورنى رەتىندە، بۇل سەرىكتەستىك 10 نەشە جىلدىق ەڭبەكتەنۋ، جەتىلدىرۋ ارقىلى گرۋزيادا ىركەس - تىركەس قارجى قوسىپ اعاش كەسۋ، سونداي - اق اعاش ماتەريالى ونىمدەرىن مانەرلەۋ، تاس ماتەريالدارى كەنىن اشۋ جانە ونى مانەرلەۋ، حۋاليڭ باجىسىز ونەركاسىپ باقشا رايونى نىساندارىن قۇردى، سونىمەن قوسا گرۋزيانىڭ استاناسى تبيليسي قالاسىندا قارجى قوسىپ حۋاليڭ حالىقارالىق ەكونوميكالىق ەرەكشە رايونىن قۇردى، باسيس بانكەسىن ساتىپ الدى، ت . ب.
”13 - بەسجىلدىق“ مەزگىلىندە، بۇكىل رايوننىڭ ءىس جۇزىندىك پايدالانعان شەتەل قارجىسى جيىنى ءبىر ميلليارد 345 ميلليون دوللار بولىپ، شەتەلگە تىكەلەي قوسقان ءىس جۇزىندىك قارجىسى 4 ميلليارد 630 ميلليون دوللار بولىپ، 50دەن استام مەملەكەت پەن رايوندى قامتىدى.
كەڭ كولەمدە دوستاسۋ، دوستار شەڭبەرىن كەڭەيتۋدىڭ ءتاسىلى تەك ەكونوميكا - ساۋدا بارىس - كەلىسى عانا ەمەس، اماليات كورمەنىڭ جۇڭگو مەن شەتەلدىڭ اۋىس - كۇيىسىن، سەلبەستىگىن جەبەۋدەگى، سىرتقا ەسىك اشۋدى كەڭەيتۋدەگى ءونىمدى جول ەكەندىگىن، كاسىپورىندى ”ەنگىزۋ“ مەن ”شىعارۋداعى“، حالىقارا، ەل ءىشى سىندى ەكى بازاردان جانە ەكى ءتۇرلى بايلىقتان تولىق پايدالانۋداعى، دامۋدىڭ ومىرشەڭدىك كۇشىن ارتتىرۋداعى ماڭىزدى ءتاسىل ەكەندىگىن دالەلدەدى.
2011 - جىلدان بەرى، جۇڭگو − ازيا - ەۆروپا كورمەسى 6 كەزەك ءساتتى وتكىزىلىپ، كوپ سالادا قوماقتى جەتىستىكتەرگە قول جەتكىزدى. اۆتونوميالى رايون تاعى شەتەلدە 19 رەت شينجياڭ شەكارا سىرتى تاۋار كورمەسىن وتكىزىپ، شينجياڭ كاسىپورىندارىنىڭ دوستىق شەڭبەرىن ونان ارى كەڭەيتتى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
