سيفر ورلەۋى كوتەرىلىپ، زەردەلى بولاشاقتى نۇرلاندىردى
2021.06.18 15:03 كەلۋ قاينارى : شينجياڭ گازەتى
پارتيا 18 - قۇرىلتايىنان بەرى شينجياڭنىڭ سيفرلى ەكونوميكاسىنىڭ دامۋى جاڭا تابىستارعا قول جەتكىزىپ، سيفرلاندىرۋ تۇرمىسىمىزدىڭ سان سالاسىنا جەتىپ، ادامداردىڭ ءوندىرىس، تۇرمىس جانە بارىس - كەلىس ءتاسىلى سياقتىلاردىڭ بارىنە وزگەرىس اكەلدى.
سيفرلى ەكونوميكانىڭ ”جۇمساق“ جانە ”قاتتى“ جاعى بىردەي دامىدى
2019 - جىلى قاناس كورىنىس اۋماعىنا 5G ينتەرنەت جەلىسى تارتىلعاندا، VR+5G باياۋ تىكە تاراتۋ كورىنىس اۋماعىن جىلدام جالپى جۇرتقا تانىتىپ، ەل ءىشى - سىرتىنان كەلگەن قىرۋار ساياحاتشىنى كورىنىس اۋماعىنا كەلىپ ساياحاتتاۋعا باۋرادى؛ سول جىلى قاعىلىق اۋدانى شيحىشيۋ اۋىلىنىڭ رەسكام قىستاعى دا كەڭ ارنالى ينتەرنەت جەلىسىن جەتكىزۋدى ورىنداپ، بۇكىل شينجياڭداعى اۋىر كەدەي قىستاقتاردىڭ بارىنە كەڭ ارنالى ينتەرنەت جەلىسى تۇتاستىرىلدى.
سوڭعى جىلدارى رايونىمىز 5G جانە كەلەسى ۇرپاق ينتەرنەت جەلىسىن وزەك ەتكەن ينفورماتسيا، حابارلاسۋ نەگىزدىك قۇرىلعىلارىن جىلدام سالىپ، 5G ينتەرنەت جەلىسى قۇرىلىسىن ءبىر تۇتاس جوسپارلاپ ىلگەرىلەتىپ، 5Gنىڭ قامتۋ اۋماعىن كەڭەيتىپ، بىرتىندەپ ءارقايسى ايماق، وبلىستاردا، ءارقايسى اۋدانداردا (قالا، رايون) ورتالىق قالا رايونى مەن ءتۇيىندى ونەركاسىپ باقشا رايوندارىن 5G ينتەرنەت جەلىسىمەن قامتۋدى جۇزەگە اسىرىپ، حابارلاسۋ نەگىزدىك قۇرىلعىلارىن بىرگە سالىپ، بىرگە يگىلىكتەنۋدى جەبەدى. 2020 - جىلدىڭ سوڭىنا جەتكەندە، جاڭا بازالىق ستانسيالاردىڭ جەتىستىگى مولايىپ، 6508 جەرگە 5G بازالىق ستانسياسى سالىنىپ، 5Gنى پايدالانۋشىلاردىڭ سانى 3 ميلليون 420 مىڭعا جەتتى.
سيفرلى كاسىپ سالاسى دامۋدىڭ جاڭا قوزعاۋشى قۋاتىن جەدەل قالىپتاستىرىپ، ساندى مالىمەت ورتالىقتارىنىڭ شوعىرلى دامۋ اياق الىستارى جەدەلدەدى.
قازىر قارامايلى بۇلتتىق ەسەپتەۋ كاسىپ سالاسى باقشاسى مەملەكەت دارەجەلى بۇلتتىق ەسەپتەۋدى قولدانۋدان ۇلگى كورسەتۋ بازاسىنا جانە شينجياڭ ”تيانشان بۇلتتىق اڭعارى“ وزەكتى بازاسىنا اينالدى. حۋاۋي بۇلتتىق قىزمەت وتەۋ ساندى مالىمەت ورتالىعى، جۇڭگو مۇنايى ساندى مالىمەت ورتالىعى (قارامايلى)، جۇڭگو جىلجىمالى حابارلاسۋى (شينجياڭ) ساندى مالىمەت ورتالىعى باقشا رايونىندا ىلگەرىندى - كەيىندى سالىندى ءارى ىركەس - تىركەس پايدالانۋعا بەرىلدى.
”تيانشان بۇلتتىق اڭعارى“ جوسپارى ىشكەرىلەي ىلگەرىلەتىلدى. قازىر اۆتونوميالى رايوندا 11 ساندى مالىمەت ورتالىعى وندىرىسكە قوسىلىپ، پايدالانۋعا بەرىلدى، مۇنىڭ ىشىندە 3 ەرەكشە ءىرى تيپتى ساندى مالىمەت ورتالىعى بار. ساندى مالىمەت ورتالىعىنىڭ كولەمى جاعىنان باتىس بولىكتە الدىڭعى قاتارعا ءوتىپ، ”ەكى وزەكتى، كوپ جۇلدىزدى“ دامۋ ورنالاسۋى قالىپتاستى.
”شينجياڭدىق كاسىپورىنداردىڭ بۇلتتىق ەسەپتەۋ جۇيەسىنە قوسىلعان“ كاسىپورىندار 20 مىڭنان استى. ايماق، وبلىستاردىڭ سيفرلاندىرۋ قۇرىلىسىندا دا ىركەس - تىركەس جارقىن تۇيىندەر جارىققا شىقتى، قارامايلى قالاسى بۇكىل ەلدەگى العاشقى ”ءۇش تور توعىسقان“ قالا بولىپ قۇرىلدى؛ التاي ايماعىنىڭ ”زەردەلى + قۇرىلىسى“، الەۋمەتتىك اۋماق قىزمەت وتەۋىنەن تاڭبا باسىپ، كۋالىك بىتىرۋگە دەيىن، اكىمشىلىك بەكىتۋدەن الەۋمەتتىك قىزمەت وتەۋگە دەيىن قالانىڭ وسىزاماندانعان جونگە سالۋ ورەسى جوعارىلاتىلدى.
2020 - جىلى 5G، جاساندى زەردە، ۇلكەن ساندى مالىمەت سياقتى جاڭا ءبىر ۇرپاق ينفورماتسيا تەحنيكاسىن ناقتى ەكونوميكامەن توعىسپالى دامىتۋ ساياساتىنىڭ ارقاسىندا، شينجياڭنىڭ سيفرلى ەكونوميكاسىنىڭ ％10.4 ارتۋىن ىلگەرىلەتىپ، بۇكىل شينجياڭنىڭ GDPىنان يەلەيتىن ۇلەسى ％27.3كە جەتتى.
كوپ سالانىڭ ”سيفرلى قاقپاسى“ اشىلدى
6 - ايدىڭ 3 - كۇنى التاي ايماعىنىڭ زەردەلى كەن - تاۋ قۇرىلىسى رەسمي ىسكە قوسىلىپ، كەن - تاۋ سالاسىنىڭ جاسىل، حاۋىپسىز، تازا، جوعارى ءونىمدى دامۋىنىڭ جاڭا ۇلگىسىنە ىزدەنىس باستالدى.
5G تەحنيكاسىنىڭ قولدانىلۋى ونەركاسىپ ينتەرنەتىنىڭ توعىسپالى جاڭالىق اشۋىن جەبەپ، كوپ سالانىڭ ”سيفرلى قاقپاسىن“ اشىپ، ءتۇرلى كاسىپتەر تەرەڭ سيفرلى وزگەرىسكە ءدوپ كەلدى.
شينجياڭ جۇڭتاي (توبى) شەكتى جاۋاپكەرشىلىك سەرىكتەستىگى حۋاۋيدىڭ دۇنيە جۇزىندەگى وزىق ونەركاسىپ ينتەرنەتىن، 5G تەحنيكاسىن ەنگىزىپ، فۋكاڭ ەنەرگياسى، حۋاتاي سەرىكتەستىگى، توقسۇن ەنەرگيا - حيمياسى سياقتى 3 سيفرلاندىرۋ باقشا رايونىن تۇلعالاپ، ”سيفرلى باقشا رايونى“، ”سيفرلى كەن قۇدىعى“ قۇرىلىسىن بەلسەنە ىلگەرىلەتىپ، كاسىپ سالالارىنىڭ سيفرلاندىرۋعا بۇرىلىس جاساۋىن ىلگەرىلەتتى.
تيانچى ەنەرگياسىنىڭ كومىر جەتكىزۋ كاريدور جولى 5G + قۇلتەمىرمەن زەردەلى ارالاپ تەكسەرەدى؛ جۇندۇڭ 1100 كيلوۆولتتىق كەرنەۋ اۋىستىرۋ پۋنكتى 5G + 360گرادۋستىق VR جالپى كورىنىستىك كەسكىنگە الىپ، 4K اسا تۇنىق كورنەكتىلەنگەن زەردەلى ارالاپ تەكسەرەدى؛ بۇكىل شينجياڭدا زەردەلى جاساۋ، دامىتۋ جۇيەسى قۇرىلىمى مەن شەشۋشى فاكتور ەڭ الدىمەن جاسالىپ، 3 زەردەلى سەح (زاۆود) جەتىلدىرىلدى ... سانجى وبلىسى ونەركاسىپ ينتەرنەتىنىڭ ءبىر توپ تيپتىك قولدانىلۋىن جۇزەگە اسىرىپ، 7 ورىن ”اۆتونوميالى رايوندىق 5G + ونەركاسىپ ينتەرنەتى“ سىناق تۇيىنىندە ۇلگى كورسەتۋ زاۆودىنا، باقشا رايونىنا اينالدى.
قازىر رايونىمىزدىڭ ونەركاسىپ ينتەرنەتى جاڭا ەنەرگيا، مۇناي - گاز اشۋ، ەلەكتر قۋاتى، جابدىق جاساۋ سياقتى 20 نەشە ءتۇيىندى سالانى قامتىپ، سيفرلاندىرىپ جوبالاۋ، زەردەلىلەندىرىپ جاساۋ، جەلىلەندىرىپ سايكەسۋ، ۇقىپتى دا ۇتىمدى باسقارۋ سياقتى جاڭا ۇلگى جەدەل جالپىلاستىرىلدى.
2021 - جىلى رايونىمىز كاسىپ سالالارىنىڭ سيفرلانۋى مەن سيفرلى كاسىپ سالالاندىرۋدى جەدەل ىلگەرىلەتىپ، ەنەرگيا - حيميا ونەركاسىبى، توقىماشىلىق جانە كيىم - كەشەك، ماشينا - جابدىق، قازۋ سالاسى سياقتى ءتۇيىندى كاسىپتەردى سيفرلاندىرۋ مەن كاسىپ سالالاندىرۋدىڭ تەرەڭ توعىسۋىن ىلگەرىلەتەدى. ونەركاسىپ جابدىقتارىنىڭ بۇلتتىق جۇيەگە شىعارىلۋى مەن كاسىپورىنداردىڭ بۇلتتىق جۇيەدەن پايدالانۋ اياق الىسىن جەدەلدەتىپ، ونەركاسىپ APP جەتىلدىرۋ ينجەنەرياسىن اتقارادى. ونەركاسىپ باقشا رايونىنىڭ ينفورماتسيا نەگىزدىك قۇرىلعىلارى قۇرىلىسىن كەمەلدەندىرىپ، ”باقشا رايونىنىڭ زەردەلى ۇلكەن ميىن“ تۇلعالايدى.
سيفرلى كاسىپ سالالاندىرۋ ورلەۋى كوتەرىلدى
ءۇرىمجى ەكونوميكالىق، تەحنيكالىق اشۋ رايونىنداعى (توۋتۇنحى رايونى) شينجياڭ جۇمساق بولشەك باقشاسى ينفورماتسيا تەحنيكاسىنداعى جەتەكشى كاسىپورىنداردى ەنگىزۋ ارقىلى عىلىم - تەحنيكا كاسىپورىندارىن جەتىلدىرگىش ورناتىپ، ينفورماتسيا تەحنيكاسى كاسىپورىندارىنىڭ دامۋىن جەبەپ، شينجياڭنىڭ جۇمساق بولشەك جانە ينفورماتسيا كاسىپ سالاسى دامۋىنىڭ جاڭا بيىگىن تۇلعالادى.
2020 - جىلدىڭ سوڭىنا جەتكەندە، شينجياڭ جۇمساق بولشەك باقشاسىنا ونەركاسىپ - ساۋدا بويىنشا تىركەلگەن كاسىپورىن 550دەن اسىپ، باقشا رايونىنا 225 كاسىپورىن كەلىپ جايعاستى. 2021 - جىلى رايونىمىز شينجياڭ جۇمساق بولشەك باقشاسىن ”جۇڭگونىڭ ايتۋلى جۇمساق بولشەك باقشاسى“ ەتىپ قۇرۋدى ىلگەرىلەتىپ، كاسىپ سالالارىن ساياساتتىق جاقتان قامتاماسىزداندىرۋدى كۇشەيتىپ، جۇمساق بولشەك قولدانىلمالى ەكولوگياسىن جەتىلدىرىپ، ونەركاسىپ جۇمساق بولشەكتەرىنىڭ ىشكەرىلەي قولدانىلۋىن ىلگەرىلەتىپ، جۇمساق بولشەك كاسىپ سالاسىنىڭ دامۋ نەگىزىن ۇزدىكسىز بەكەمدەيدى.
رايونىمىزداعى 51 اۋدان (قالا) مەملەكەت دارەجەلى ەلەكتروندى ساۋدانى اۋىل - قىستاقتارعا ەنگىزۋدەن جالپىلاي ۇلگى كورسەتەتىن اۋدان، قالا تىزىمىنە ەندى. 2020 - جىلدىڭ سوڭىنا جەتكەندە ەلەكتروندى ساۋدا بويىنشا تىكە تاراتۋ فەستيۆالى، ءتۇرلى تىكە تاراتۋ ارقىلى تاۋار تانىستىرۋ جانە اۋىل شارۋاشىلىق ەرەكشە ونىمدەرىن تانىستىرۋ قيمىلدارىن 300 نەشە رەت وتكىزىپ، 200 ميلليون يۋاندىق ءونىمنىڭ ساتىلۋىن جەبەدى.
بيىل رايونىمىز ەلەكتروندى ينفورماتسيا جاساۋ سالاسىنىڭ دامىپ زورايۋىن كۇش سالا ىلگەرىلەتەدى. جەتەكشى كاسىپورىنداردىڭ جەتەكتەۋ رولىن ساۋلەلەندىرىپ، زەردەلى قول تەلەفون، زەردەلى تاعۋعا بولاتىن اسپاپتار سياقتى تەرمينال ەلەكتروندى ونىمدەردىڭ جاسامپازدىقپەن دامۋىنا قولداۋ كورسەتىپ، ەل ىشىندە وندىرىلەتىن ميكرو كومپيۋتەر، سەرۆەر، كومپيۋتەر سىرتقى جابدىقتارى سياقتى ونىمدەردى جەرگىلىكتەندىرىپ ءوندىرۋدى جەدەلدەتىپ، ينفورماتسيالىق جاڭالىق اشۋ كاسىپ سالاسى قاتتى بولشەك ەكولوگيالىق جۇيەسىن تۇلعالايدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
